| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. т̇зраваг̇г̇о
9. Theravaggo
1. аананд̣̇асуд̇д̇аван̣н̣анаа
1. Ānandasuttavaṇṇanā
83. бадижжаад̇и ниссаяам̣ гад̇ваа. ‘‘зсохамасмий’’д̇и д̣̇идтиг̇г̇аахо, ‘‘сзяяохамасмий’’д̇и маанаг̇г̇аахо жа д̇ан̣хаавасзнзва хонд̇ийд̇и д̇ан̣хааби д̇ат̇аабавад̇д̇ияаа бажжаяабхууд̇аа д̇ат̇аабавад̇д̇и зваад̇и вуд̇д̇ам̣ ‘‘асмийд̇и звам̣ бавад̇д̇ам̣ д̇ан̣хаамаанад̣̇идтибабан̃жад̇д̇аяам̣ ход̇ий’’д̇и. д̣̇ахарасад̣̇д̣̇о б̣аалад̣̇аарагзби бавад̇д̇ад̇ийд̇и д̇ад̇о висзсанад̇т̇ам̣ ‘‘яуваа’’д̇и вуд̇д̇ам̣. яувааби зго аман̣д̣анасийлод̇и д̇ад̇о висзсанад̇т̇ам̣ ‘‘ман̣д̣анагаж̇аад̇иго’’д̇и вуд̇д̇ам̣. д̇зна муканимид̇д̇абажжавзгкан̣асса саб̣бхаавам̣ д̣̇ассзд̇и. д̇анд̇и аад̣̇аасаман̣д̣алам̣ ологаяад̇о. бараммукам̣ худ̇ваа бан̃н̃ааязяяаад̇и яад̣̇и бурад̇т̇имад̣̇исаабхимукам̣ худ̇ваа тид̇ам̣, муканимид̇д̇амби бурад̇т̇имад̣̇исаабхимукамзва худ̇ваа бан̃н̃ааязяяаад̇и ад̇т̇о. яад̣̇иби барасса сад̣̇исасса мукам̣ бхавзяяа, д̇ат̇ааби гаажи асад̣̇исад̇аа бхавзяяаад̇и вуд̇д̇ам̣ ‘‘ван̣н̣аад̣̇ийхи асад̣̇исам̣ худ̇ваа бан̃н̃ааязяяаа’’д̇и. нибхаасаруубанд̇и бадибхаасаруубам̣. нибхаасаруубам̣ д̇аава гам̣саад̣̇имаяз бабхассарз ман̣д̣алз бан̃н̃ааяад̇у, уд̣̇агз бана гат̇анд̇и ‘‘гзна гааран̣знаа’’д̇и бужчад̇и. ид̇аро ‘‘махаабхууд̇аанам̣ висуд̣̇д̇хад̇ааяаа’’д̇и вад̣̇анд̇о д̇ад̇т̇ааби яат̇аалад̣̇д̇хабабхассарабхаавзнзваад̇и д̣̇ассзд̇и. зд̇т̇а жа ман̣д̣анаж̇аад̇иго бурисо вияа бут̇уж̇ж̇ано, аад̣̇аасад̇алаад̣̇аяо вияа бан̃жагканд̇хаа, муканимид̇д̇ам̣ вияа ‘‘асмий’’д̇и г̇ахан̣ам̣, муканимид̇д̇ам̣ убаад̣̇ааяа д̣̇иссамаанаруубаад̣̇и вияа ‘‘асмий’’д̇и сад̇и ‘‘ахамасмий’’д̇и ‘‘баросмий’’д̇иаад̣̇аяо г̇аахависзсаа. абхисамзд̇од̇и абхисамид̇о, аяамзва ваа баато.
83.Paṭiccāti nissayaṃ katvā. ‘‘Esohamasmī’’ti diṭṭhiggāho, ‘‘seyyohamasmī’’ti mānaggāho ca taṇhāvaseneva hontīti taṇhāpi tathāpavattiyā paccayabhūtā tathāpavatti evāti vuttaṃ ‘‘asmīti evaṃ pavattaṃ taṇhāmānadiṭṭhipapañcattayaṃ hotī’’ti. Daharasaddo bāladārakepi pavattatīti tato visesanatthaṃ ‘‘yuvā’’ti vuttaṃ. Yuvāpi eko amaṇḍanasīloti tato visesanatthaṃ ‘‘maṇḍanakajātiko’’ti vuttaṃ. Tena mukhanimittapaccavekkhaṇassa sabbhāvaṃ dasseti. Tanti ādāsamaṇḍalaṃ olokayato. Parammukhaṃ hutvā paññāyeyyāti yadi puratthimadisābhimukhaṃ hutvā ṭhitaṃ, mukhanimittampi puratthimadisābhimukhameva hutvā paññāyeyyāti attho. Yadipi parassa sadisassa mukhaṃ bhaveyya, tathāpi kāci asadisatā bhaveyyāti vuttaṃ ‘‘vaṇṇādīhi asadisaṃ hutvā paññāyeyyā’’ti. Nibhāsarūpanti paṭibhāsarūpaṃ. Nibhāsarūpaṃ tāva kaṃsādimaye pabhassare maṇḍale paññāyatu, udake pana kathanti ‘‘kena kāraṇenā’’ti pucchati. Itaro ‘‘mahābhūtānaṃ visuddhatāyā’’ti vadanto tatthāpi yathāladdhapabhassarabhāvenevāti dasseti. Ettha ca maṇḍanajātiko puriso viya puthujjano, ādāsatalādayo viya pañcakkhandhā, mukhanimittaṃ viya ‘‘asmī’’ti gahaṇaṃ, mukhanimittaṃ upādāya dissamānarūpādi viya ‘‘asmī’’ti sati ‘‘ahamasmī’’ti ‘‘parosmī’’tiādayo gāhavisesā. Abhisametoti abhisamito, ayameva vā pāṭho.
аананд̣̇асуд̇д̇аван̣н̣анаа нидтид̇аа.
Ānandasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. аананд̣̇асуд̇д̇ам̣ • 1. Ānandasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. аананд̣̇асуд̇д̇аван̣н̣анаа • 1. Ānandasuttavaṇṇanā
