| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๑๐. อานนฺทสุตฺตวณฺณนา
10. Ānandasuttavaṇṇanā
๑๕๙. ทสเม อุปสงฺกมีติ อเญฺญ ภิกฺขู ปญฺจกฺขนฺธกมฺมฎฺฐานํ กถาเปตฺวา ยุญฺชิตฺวา ฆเฎตฺวา อรหตฺตํ ปตฺวา สตฺถุ สนฺติเก อญฺญํ พฺยากโรเนฺต ทิสฺวา ‘‘อหมฺปิ ปญฺจกฺขนฺธกมฺมฎฺฐานํ กถาเปตฺวา ยุญฺชโนฺต ฆเฎโนฺต, อรหตฺตํ ปตฺวา อญฺญํ พฺยากริสฺสามี’’ติ จิเนฺตตฺวา อุปสงฺกมิฯ สตฺถา ปน อตฺตโน ธรมานกาเล เถรสฺส อุปริมคฺคตฺตยวชฺฌานํ กิเลสานํ ปหานํ อปสฺสโนฺตปิ ‘‘อิมสฺส จิตฺตํ คณฺหิสฺสามี’’ติ กเถสิฯ ตสฺสาปิ เอกํ เทฺว วาเร มนสิ กตฺวาว พุทฺธุปฎฺฐานเวลา ชาตาติ คนฺตพฺพํ โหติฯ อิติสฺส จิตฺตํ สมฺปหํสมาโน วิมุตฺติปริปาจนียธโมฺมว โส กมฺมฎฺฐานานุโยโค ชาโตติฯ ทสมํฯ
159. Dasame upasaṅkamīti aññe bhikkhū pañcakkhandhakammaṭṭhānaṃ kathāpetvā yuñjitvā ghaṭetvā arahattaṃ patvā satthu santike aññaṃ byākaronte disvā ‘‘ahampi pañcakkhandhakammaṭṭhānaṃ kathāpetvā yuñjanto ghaṭento, arahattaṃ patvā aññaṃ byākarissāmī’’ti cintetvā upasaṅkami. Satthā pana attano dharamānakāle therassa uparimaggattayavajjhānaṃ kilesānaṃ pahānaṃ apassantopi ‘‘imassa cittaṃ gaṇhissāmī’’ti kathesi. Tassāpi ekaṃ dve vāre manasi katvāva buddhupaṭṭhānavelā jātāti gantabbaṃ hoti. Itissa cittaṃ sampahaṃsamāno vimuttiparipācanīyadhammova so kammaṭṭhānānuyogo jātoti. Dasamaṃ.
ทิฎฺฐิวโคฺค ปนฺนรสโมฯ
Diṭṭhivaggo pannarasamo.
อุปริปณฺณาสโก สมโตฺตฯ
Uparipaṇṇāsako samatto.
ขนฺธสํยุตฺตวณฺณนา นิฎฺฐิตาฯ
Khandhasaṃyuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๐. อานนฺทสุตฺตํ • 10. Ānandasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๐.อานนฺทสุตฺตวณฺณนา • 10.Ānandasuttavaṇṇanā
