| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༩. ཨཱནནྡསུཏྟཝཎྞནཱ
9. Ānandasuttavaṇṇanā
༥༡. ནཝམེ ཐེརཱ བྷིཀྑཱུ ཝིཧརནྟི བཧུསྶུཏཱ ཨཱགཏཱགམཱཏིཨཱདིཔཱལི༹པདེསུ ཨིམིནཱཝ ནཡེན ཨཏྠོ དཊྛབྦོ – སཱིལཱདིགུཎཱནཾ ཐིརབྷཱཝཔྤཏྟིཡཱ ཐེརཱ། སུཏྟགེཡྻཱདི བཧུ སུཏཾ ཨེཏེསནྟི བཧུསྶུཏཱ། ཝཱཙུགྒཏདྷཱརཎེན སམྨདེཝ གརཱུནཾ སནྟིཀེ ཨཱགམིཏབྷཱཝེན ཨཱགཏོ པརིཡཏྟིདྷམྨསངྑཱཏོ ཨཱགམོ ཨེཏེསནྟི ཨཱགཏཱགམཱ། སུཏྟཱཏིདྷམྨསངྑཱཏསྶ དྷམྨསྶ དྷཱརཎེན དྷམྨདྷརཱ། ཝིནཡདྷཱརཎེན ཝིནཡདྷརཱ། ཏེསཾཡེཝ དྷམྨཝིནཡཱནཾ མཱཏིཀཱཡ དྷཱརཎེན མཱཏིཀཱདྷརཱ། ཏཏྠ ཏཏྠ དྷམྨཔརིཔུཙྪཱཡ པརིཔུཙྪཏི། ཏཾ ཨཏྠཔརིཔུཙྪཱཡ པརིཔཉྷཏི ཝཱིམཾསཏི ཝིཙཱརེཏི། ཨིདཾ, བྷནྟེ, ཀཐཾ, ཨིམསྶ ཀྭཏྠོཏི པརིཔུཙྪནཔཉྷནཱཀཱརདསྶནཾ། ཨཱཝིཝཊཉྩེཝ པཱལི༹ཡཱ ཨཏྠཾ པདེསནྟརཔཱལི༹དསྶནེན ཨཱགམཏོ ཝིཝརནྟི། ཨནུཏྟཱནཱིཀཏཉྩ ཡུཏྟིཝིབྷཱཝནེན ཨུཏྟཱནཱིཀརོནྟི། ཀངྑཱཊྛཱནིཡེསུ དྷམྨེསུ སཾསཡུཔྤཏྟིཡཱ ཧེཏུཡཱ གཎྛིཊྛཱནབྷཱུཏེསུ པཱལི༹པདེསུ ཡཱཐཱཝཏོ ཝིནིཙྪཡདཱནེན ཀངྑཾ པཊིཝིནོདེནྟི།
51. Navame therā bhikkhū viharanti bahussutā āgatāgamātiādipāḷipadesu imināva nayena attho daṭṭhabbo – sīlādiguṇānaṃ thirabhāvappattiyā therā. Suttageyyādi bahu sutaṃ etesanti bahussutā. Vācuggatadhāraṇena sammadeva garūnaṃ santike āgamitabhāvena āgato pariyattidhammasaṅkhāto āgamo etesanti āgatāgamā. Suttātidhammasaṅkhātassa dhammassa dhāraṇena dhammadharā. Vinayadhāraṇena vinayadharā. Tesaṃyeva dhammavinayānaṃ mātikāya dhāraṇena mātikādharā. Tattha tattha dhammaparipucchāya paripucchati. Taṃ atthaparipucchāya paripañhati vīmaṃsati vicāreti. Idaṃ, bhante, kathaṃ, imassa kvatthoti paripucchanapañhanākāradassanaṃ. Āvivaṭañceva pāḷiyā atthaṃ padesantarapāḷidassanena āgamato vivaranti. Anuttānīkatañca yuttivibhāvanena uttānīkaronti. Kaṅkhāṭṭhāniyesu dhammesu saṃsayuppattiyā hetuyā gaṇṭhiṭṭhānabhūtesu pāḷipadesu yāthāvato vinicchayadānena kaṅkhaṃ paṭivinodenti.
ཨཱནནྡསུཏྟཝཎྞནཱ ནིཊྛིཏཱ།
Ānandasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༩. ཨཱནནྡསུཏྟཾ • 9. Ānandasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༩. ཨཱནནྡསུཏྟཝཎྞནཱ • 9. Ānandasuttavaṇṇanā
