| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਆਨਨ੍ਦਸੁਤ੍ਤવਣ੍ਣਨਾ
9. Ānandasuttavaṇṇanā
੫੧. ਨવਮੇ ਕਿਤ੍ਤਾવਤਾਤਿ ਕਿਤ੍ਤਕੇਨ। ਅਸ੍ਸੁਤਞ੍ਚੇવਾਤਿ ਅਞ੍ਞਸ੍ਮਿਂ ਕਾਲੇ ਅਸ੍ਸੁਤਪੁਬ੍ਬਂ। ਨ ਸਮ੍ਮੋਸਂ ਗਚ੍ਛਨ੍ਤੀਤਿ વਿਨਾਸਂ ਨ ਗਚ੍ਛਨ੍ਤਿ। ਚੇਤਸੋ ਸਮ੍ਫੁਟ੍ਠਪੁਬ੍ਬਾਤਿ ਚਿਤ੍ਤੇਨ ਫੁਸਿਤਪੁਬ੍ਬਾ। ਸਮੁਦਾਚਰਨ੍ਤੀਤਿ ਮਨੋਦ੍વਾਰੇ ਚਰਨ੍ਤਿ। ਅવਿਞ੍ਞਾਤਞ੍ਚ વਿਜਾਨਾਤੀਤਿ ਅਞ੍ਞਸ੍ਮਿਂ ਕਾਲੇ ਅવਿਞ੍ਞਾਤਕਾਰਣਂ ਜਾਨਾਤਿ। ਪਰਿਯਾਪੁਣਾਤੀਤਿ વਲ਼ਞ੍ਜੇਤਿ ਕਥੇਤਿ। ਦੇਸੇਤੀਤਿ ਪਕਾਸੇਤਿ। ਪਰਂ વਾਚੇਤੀਤਿ ਪਰਂ ਉਗ੍ਗਣ੍ਹਾਪੇਤਿ।
51. Navame kittāvatāti kittakena. Assutañcevāti aññasmiṃ kāle assutapubbaṃ. Na sammosaṃ gacchantīti vināsaṃ na gacchanti. Cetaso samphuṭṭhapubbāti cittena phusitapubbā. Samudācarantīti manodvāre caranti. Aviññātañca vijānātīti aññasmiṃ kāle aviññātakāraṇaṃ jānāti. Pariyāpuṇātīti vaḷañjeti katheti. Desetīti pakāseti. Paraṃ vācetīti paraṃ uggaṇhāpeti.
ਆਗਤਾਗਮਾਤਿ ਦੀਘਾਦੀਸੁ ਯੋ ਕੋਚਿ ਆਗਮੋ ਆਗਤੋ ਏਤੇਸਨ੍ਤਿ ਆਗਤਾਗਮਾ। ਧਮ੍ਮਧਰਾਤਿ ਸੁਤ੍ਤਨ੍ਤਪਿਟਕਧਰਾ। વਿਨਯਧਰਾਤਿ વਿਨਯਪਿਟਕਧਰਾ। ਮਾਤਿਕਾਧਰਾਤਿ ਦ੍વੇਪਾਤਿਮੋਕ੍ਖਧਰਾ। ਪਰਿਪੁਚ੍ਛਤੀਤਿ ਅਨੁਸਨ੍ਧਿਪੁਬ੍ਬਾਪਰਂ ਪੁਚ੍ਛਤਿ। ਪਰਿਪਞ੍ਹਤੀਤਿ ਇਦਞ੍ਚਿਦਞ੍ਚ ਪੁਚ੍ਛਿਸ੍ਸਾਮੀਤਿ ਪਰਿਤੁਲਤਿ ਪਰਿਚ੍ਛਿਨ੍ਦਤਿ। ਇਦਂ, ਭਨ੍ਤੇ, ਕਥਨ੍ਤਿ, ਭਨ੍ਤੇ, ਇਦਂ ਅਨੁਸਨ੍ਧਿਪੁਬ੍ਬਾਪਰਂ ਕਥਂ ਹੋਤੀਤਿ ਪੁਚ੍ਛਤਿ। ਇਮਸ੍ਸ ਕ੍વਤ੍ਥੋਤਿ ਇਮਸ੍ਸ ਭਾਸਿਤਸ੍ਸ ਕੋ ਅਤ੍ਥੋਤਿ ਪੁਚ੍ਛਤਿ। ਅવਿવਟਨ੍ਤਿ ਅવਿવਰਿਤਂ। વਿવਰਨ੍ਤੀਤਿ ਪਾਕਟਂ ਕਰੋਨ੍ਤਿ। ਕਙ੍ਖਾਠਾਨਿਯੇਸੂਤਿ ਕਙ੍ਖਾਯ ਕਾਰਣਭੂਤੇਸੁ। ਤਤ੍ਥ ਯਸ੍ਮਿਂ ਧਮ੍ਮੇ ਕਙ੍ਖਾ ਉਪ੍ਪਜ੍ਜਤਿ, ਸ੍વੇવ ਕਙ੍ਖਾਠਾਨਿਯੋ ਨਾਮਾਤਿ વੇਦਿਤਬ੍ਬੋ।
Āgatāgamāti dīghādīsu yo koci āgamo āgato etesanti āgatāgamā. Dhammadharāti suttantapiṭakadharā. Vinayadharāti vinayapiṭakadharā. Mātikādharāti dvepātimokkhadharā. Paripucchatīti anusandhipubbāparaṃ pucchati. Paripañhatīti idañcidañca pucchissāmīti paritulati paricchindati. Idaṃ, bhante, kathanti, bhante, idaṃ anusandhipubbāparaṃ kathaṃ hotīti pucchati. Imassa kvatthoti imassa bhāsitassa ko atthoti pucchati. Avivaṭanti avivaritaṃ. Vivarantīti pākaṭaṃ karonti. Kaṅkhāṭhāniyesūti kaṅkhāya kāraṇabhūtesu. Tattha yasmiṃ dhamme kaṅkhā uppajjati, sveva kaṅkhāṭhāniyo nāmāti veditabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਆਨਨ੍ਦਸੁਤ੍ਤਂ • 9. Ānandasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. ਆਨਨ੍ਦਸੁਤ੍ਤવਣ੍ਣਨਾ • 9. Ānandasuttavaṇṇanā
