| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਆਨਨ੍ਦਸੁਤ੍ਤવਣ੍ਣਨਾ
6. Ānandasuttavaṇṇanā
੩੭. ਛਟ੍ਠੇ ਸਮ੍ਬਾਧੇਤਿ ਪਞ੍ਚਕਾਮਗੁਣਸਮ੍ਬਾਧੇ। ਓਕਾਸਾਧਿਗਮੋਤਿ ਓਕਾਸਸ੍ਸ ਅਧਿਗਮੋ। ਸਤ੍ਤਾਨਂ વਿਸੁਦ੍ਧਿਯਾਤਿ ਸਤ੍ਤਾਨਂ વਿਸੁਦ੍ਧਿਂ ਪਾਪਨਤ੍ਥਾਯ। ਸਮਤਿਕ੍ਕਮਾਯਾਤਿ ਸਮਤਿਕ੍ਕਮਨਤ੍ਥਾਯ। ਅਤ੍ਥਙ੍ਗਮਾਯਾਤਿ ਅਤ੍ਥਂ ਗਮਨਤ੍ਥਾਯ। ਞਾਯਸ੍ਸ ਅਧਿਗਮਾਯਾਤਿ ਸਹવਿਪਸ੍ਸਨਕਸ੍ਸ ਮਗ੍ਗਸ੍ਸ ਅਧਿਗਮਨਤ੍ਥਾਯ । ਨਿਬ੍ਬਾਨਸ੍ਸ ਸਚ੍ਛਿਕਿਰਿਯਾਯਾਤਿ ਅਪਚ੍ਚਯਨਿਬ੍ਬਾਨਸ੍ਸ ਪਚ੍ਚਕ੍ਖਕਰਣਤ੍ਥਾਯ। ਤਦੇવ ਨਾਮ ਚਕ੍ਖੁਂ ਭવਿਸ੍ਸਤੀਤਿ ਤਞ੍ਞੇવ ਪਸਾਦਚਕ੍ਖੁ ਅਸਮ੍ਭਿਨ੍ਨਂ ਭવਿਸ੍ਸਤਿ। ਤੇ ਰੂਪਾਤਿ ਤਦੇવ ਰੂਪਾਰਮ੍ਮਣਂ ਆਪਾਥਂ ਆਗਮਿਸ੍ਸਤਿ। ਤਞ੍ਚਾਯਤਨਂ ਨੋ ਪਟਿਸਂવੇਦਿਸ੍ਸਤੀਤਿ ਤਞ੍ਚ ਰੂਪਾਯਤਨਂ ਨ ਜਾਨਿਸ੍ਸਤਿ। ਸੇਸੇਸੁਪਿ ਏਸੇવ ਨਯੋ।
37. Chaṭṭhe sambādheti pañcakāmaguṇasambādhe. Okāsādhigamoti okāsassa adhigamo. Sattānaṃ visuddhiyāti sattānaṃ visuddhiṃ pāpanatthāya. Samatikkamāyāti samatikkamanatthāya. Atthaṅgamāyāti atthaṃ gamanatthāya. Ñāyassa adhigamāyāti sahavipassanakassa maggassa adhigamanatthāya . Nibbānassa sacchikiriyāyāti apaccayanibbānassa paccakkhakaraṇatthāya. Tadeva nāma cakkhuṃ bhavissatīti taññeva pasādacakkhu asambhinnaṃ bhavissati. Te rūpāti tadeva rūpārammaṇaṃ āpāthaṃ āgamissati. Tañcāyatanaṃ no paṭisaṃvedissatīti tañca rūpāyatanaṃ na jānissati. Sesesupi eseva nayo.
ਉਦਾਯੀਤਿ ਕਾਲ਼ੁਦਾਯਿਤ੍ਥੇਰੋ। ਸਞ੍ਞੀਮੇવ ਨੁ ਖੋਤਿ ਸਚਿਤ੍ਤਕੋਯੇવ ਨੁ ਖੋ। ਮਕਾਰੋ ਪਦਸਨ੍ਧਿਮਤ੍ਤਂ। ਕਿਂਸਞ੍ਞੀਤਿ ਕਤਰਸਞ੍ਞਾਯ ਸਞ੍ਞੀ ਹੁਤ੍વਾ। ਸਬ੍ਬਸੋ ਰੂਪਸਞ੍ਞਾਨਨ੍ਤਿ ਇਦਂ ਕਸ੍ਮਾ ਗਣ੍ਹਿ, ਕਿਂ ਪਠਮਜ੍ਝਾਨਾਦਿਸਮਙ੍ਗਿਨੋ ਰੂਪਾਦਿਪਟਿਸਂવੇਦਨਾ ਹੋਤੀਤਿ? ਨ ਹੋਤਿ, ਯਾવ ਪਨ ਕਸਿਣਰੂਪਂ ਆਰਮ੍ਮਣਂ ਹੋਤਿ, ਤਾવ ਰੂਪਂ ਸਮਤਿਕ੍ਕਨ੍ਤਂ ਨਾਮ ਨ ਹੋਤਿ। ਅਸਮਤਿਕ੍ਕਨ੍ਤਤ੍ਤਾ ਪਚ੍ਚਯੋ ਭવਿਤੁਂ ਸਕ੍ਖਿਸ੍ਸਤਿ। ਸਮਤਿਕ੍ਕਨ੍ਤਤ੍ਤਾ ਪਨ ਤਂ ਨਤ੍ਥਿ ਨਾਮ ਹੋਤਿ, ਨਤ੍ਥਿਤਾਯ ਪਚ੍ਚਯੋ ਭવਿਤੁਂ ਨ ਸਕ੍ਕੋਤੀਤਿ ਦਸ੍ਸੇਤੁਂ ਇਦਮੇવ ਗਣ੍ਹਿ।
Udāyīti kāḷudāyitthero. Saññīmeva nu khoti sacittakoyeva nu kho. Makāro padasandhimattaṃ. Kiṃsaññīti katarasaññāya saññī hutvā. Sabbasorūpasaññānanti idaṃ kasmā gaṇhi, kiṃ paṭhamajjhānādisamaṅgino rūpādipaṭisaṃvedanā hotīti? Na hoti, yāva pana kasiṇarūpaṃ ārammaṇaṃ hoti, tāva rūpaṃ samatikkantaṃ nāma na hoti. Asamatikkantattā paccayo bhavituṃ sakkhissati. Samatikkantattā pana taṃ natthi nāma hoti, natthitāya paccayo bhavituṃ na sakkotīti dassetuṃ idameva gaṇhi.
ਜਟਿਲવਾਸਿਕਾਤਿ ਜਟਿਲਨਗਰવਾਸਿਨੀ। ਨ ਚਾਭਿਨਤੋਤਿਆਦੀਸੁ ਰਾਗવਸੇਨ ਨ ਅਭਿਨਤੋ, ਦੋਸવਸੇਨ ਨ ਅਪਨਤੋ। ਸਸਙ੍ਖਾਰੇਨ ਸਪ੍ਪਯੋਗੇਨ ਕਿਲੇਸੇ ਨਿਗ੍ਗਣ੍ਹਿਤ੍વਾ વਾਰੇਤ੍વਾ ਠਿਤੋ, ਕਿਲੇਸਾਨਂ ਪਨ ਛਿਨ੍ਨਨ੍ਤੇ ਉਪ੍ਪਨ੍ਨੋਤਿ ਨ ਸਸਙ੍ਖਾਰਨਿਗ੍ਗਯ੍ਹવਾਰਿਤਗਤੋ। વਿਮੁਤ੍ਤਤ੍ਤਾ ਠਿਤੋਤਿ ਕਿਲੇਸੇਹਿ વਿਮੁਤ੍ਤਤ੍ਤਾਯੇવ ਠਿਤੋ। ਠਿਤਤ੍ਤਾ ਸਨ੍ਤੁਸਿਤੋਤਿ ਠਿਤਤ੍ਤਾਯੇવ ਸਨ੍ਤੁਟ੍ਠੋ ਨਾਮ ਜਾਤੋ। ਸਨ੍ਤੁਸਿਤਤ੍ਤਾ ਨੋ ਪਰਿਤਸ੍ਸਤੀਤਿ ਸਨ੍ਤੁਟ੍ਠਤ੍ਤਾਯੇવ ਪਰਿਤਾਸਂ ਨਾਪਜ੍ਜਤਿ। ਅਯਂ, ਭਨ੍ਤੇ ਆਨਨ੍ਦ, ਸਮਾਧਿ ਕਿਂ ਫਲੋਤਿ ਇਮਿਨਾ ਅਯਂ ਥੇਰੀ ਤਾਲਫਲਞ੍ਞੇવ ਗਹੇਤ੍વਾ ‘‘ਇਦਂ ਫਲਂ ਕਿਂ ਫਲਂ ਨਾਮਾ’’ਤਿ ਪੁਚ੍ਛਮਾਨਾ વਿਯ ਅਰਹਤ੍ਤਫਲਸਮਾਧਿਂ ਗਹੇਤ੍વਾ ‘‘ਅਯਂ, ਭਨ੍ਤੇ ਆਨਨ੍ਦ, ਸਮਾਧਿ ਕਿਂ ਫਲੋ વੁਤ੍ਤੋ ਭਗવਤਾ’’ਤਿ ਪੁਚ੍ਛਤਿ। ਅਞ੍ਞਾਫਲੋ વੁਤ੍ਤੋਤਿ ਅਞ੍ਞਾ વੁਚ੍ਚਤਿ ਅਰਹਤ੍ਤਂ, ਅਰਹਤ੍ਤਫਲਸਮਾਧਿ ਨਾਮੇਸੋ વੁਤ੍ਤੋ ਭਗવਤਾਤਿ ਅਤ੍ਥੋ। ਏવਂਸਞ੍ਞੀਪੀਤਿ ਇਮਾਯ ਅਰਹਤ੍ਤਫਲਸਞ੍ਞਾਯ ਸਞ੍ਞੀਪਿ ਤਦਾਯਤਨਂ ਨੋ ਪਟਿਸਂવੇਦੇਤੀਤਿ ਏવਂ ਇਮਸ੍ਮਿਂ ਸੁਤ੍ਤੇ ਅਰਹਤ੍ਤਫਲਸਮਾਧਿ ਕਥਿਤੋਤਿ।
Jaṭilavāsikāti jaṭilanagaravāsinī. Na cābhinatotiādīsu rāgavasena na abhinato, dosavasena na apanato. Sasaṅkhārena sappayogena kilese niggaṇhitvā vāretvā ṭhito, kilesānaṃ pana chinnante uppannoti na sasaṅkhāraniggayhavāritagato. Vimuttattā ṭhitoti kilesehi vimuttattāyeva ṭhito. Ṭhitattā santusitoti ṭhitattāyeva santuṭṭho nāma jāto. Santusitattāno paritassatīti santuṭṭhattāyeva paritāsaṃ nāpajjati. Ayaṃ, bhante ānanda, samādhi kiṃ phaloti iminā ayaṃ therī tālaphalaññeva gahetvā ‘‘idaṃ phalaṃ kiṃ phalaṃ nāmā’’ti pucchamānā viya arahattaphalasamādhiṃ gahetvā ‘‘ayaṃ, bhante ānanda, samādhi kiṃ phalo vutto bhagavatā’’ti pucchati. Aññāphalo vuttoti aññā vuccati arahattaṃ, arahattaphalasamādhi nāmeso vutto bhagavatāti attho. Evaṃsaññīpīti imāya arahattaphalasaññāya saññīpi tadāyatanaṃ no paṭisaṃvedetīti evaṃ imasmiṃ sutte arahattaphalasamādhi kathitoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਆਨਨ੍ਦਸੁਤ੍ਤਂ • 6. Ānandasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਆਨਨ੍ਦਸੁਤ੍ਤવਣ੍ਣਨਾ • 6. Ānandasuttavaṇṇanā
