| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. ਥੇਰવਗ੍ਗੋ
9. Theravaggo
੧. ਆਨਨ੍ਦਸੁਤ੍ਤવਣ੍ਣਨਾ
1. Ānandasuttavaṇṇanā
੮੩. ਥੇਰવਗ੍ਗਸ੍ਸ ਪਠਮੇ ਮਨ੍ਤਾਣਿਪੁਤ੍ਤੋਤਿ, ਮਨ੍ਤਾਣਿਯਾ ਨਾਮ ਬ੍ਰਾਹ੍ਮਣਿਯਾ ਪੁਤ੍ਤੋ। ਉਪਾਦਾਯਾਤਿ ਆਗਮ੍ਮ ਆਰਬ੍ਭ ਸਨ੍ਧਾਯ ਪਟਿਚ੍ਚ। ਅਸ੍ਮੀਤਿ ਹੋਤੀਤਿ ਅਸ੍ਮੀਤਿ ਏવਂ ਪવਤ੍ਤਂ ਤਣ੍ਹਾਮਾਨਦਿਟ੍ਠਿਪਪਞ੍ਚਤ੍ਤਯਂ ਹੋਤਿ। ਦਹਰੋਤਿ ਤਰੁਣੋ। ਯੁવਾਤਿ ਯੋਬ੍ਬਨੇਨ ਸਮਨ੍ਨਾਗਤੋ। ਮਣ੍ਡਨਕਜਾਤਿਕੋਤਿ ਮਣ੍ਡਨਕਸਭਾવੋ ਮਣ੍ਡਨਕਸੀਲੋ। ਮੁਖਨਿਮਿਤ੍ਤਨ੍ਤਿ ਮੁਖਪਟਿਬਿਮ੍ਬਂ। ਤਞ੍ਹਿ ਪਰਿਸੁਦ੍ਧਂ ਆਦਾਸਮਣ੍ਡਲਂ ਪਟਿਚ੍ਚ ਪਞ੍ਞਾਯਤਿ। ਕਿਂ ਪਨ ਤਂ ਓਲੋਕਯਤੋ ਸਕਮੁਖਂ ਪਞ੍ਞਾਯਤਿ, ਪਰਮੁਖਨ੍ਤਿ? ਯਦਿ ਸਕਂ ਭવੇਯ੍ਯ, ਪਰਮ੍ਮੁਖਂ ਹੁਤ੍વਾ ਪਞ੍ਞਾਯੇਯ੍ਯ, ਅਥ ਪਰਸ੍ਸ ਭવੇਯ੍ਯ, વਣ੍ਣਾਦੀਹਿ ਅਸਦਿਸਂ ਹੁਤ੍વਾ ਪਞ੍ਞਾਯੇਯ੍ਯ। ਤਸ੍ਮਾ ਨ ਤਂ ਅਤ੍ਤਨੋ, ਨ ਪਰਸ੍ਸ, ਆਦਾਸਂ ਪਨ ਨਿਸ੍ਸਾਯ ਨਿਭਾਸਰੂਪਂ ਨਾਮ ਤਂ ਪਞ੍ਞਾਯਤੀਤਿ વਦਨ੍ਤਿ। ਅਥ ਯਂ ਉਦਕੇ ਪਞ੍ਞਾਯਤਿ, ਤਂ ਕੇਨ ਕਾਰਣੇਨਾਤਿ ? ਮਹਾਭੂਤਾਨਂ વਿਸੁਦ੍ਧਤਾਯ। ਧਮ੍ਮੋ ਮੇ ਅਭਿਸਮਿਤੋਤਿ ਮਯਾ ਞਾਣੇਨ ਚਤੁਸਚ੍ਚਧਮ੍ਮੋ ਅਭਿਸਮਾਗਤੋ, ਸੋਤਾਪਨ੍ਨੋਸ੍ਮਿ ਜਾਤੋਤਿ ਕਥੇਸਿ। ਪਠਮਂ।
83. Theravaggassa paṭhame mantāṇiputtoti, mantāṇiyā nāma brāhmaṇiyā putto. Upādāyāti āgamma ārabbha sandhāya paṭicca. Asmīti hotīti asmīti evaṃ pavattaṃ taṇhāmānadiṭṭhipapañcattayaṃ hoti. Daharoti taruṇo. Yuvāti yobbanena samannāgato. Maṇḍanakajātikoti maṇḍanakasabhāvo maṇḍanakasīlo. Mukhanimittanti mukhapaṭibimbaṃ. Tañhi parisuddhaṃ ādāsamaṇḍalaṃ paṭicca paññāyati. Kiṃ pana taṃ olokayato sakamukhaṃ paññāyati, paramukhanti? Yadi sakaṃ bhaveyya, parammukhaṃ hutvā paññāyeyya, atha parassa bhaveyya, vaṇṇādīhi asadisaṃ hutvā paññāyeyya. Tasmā na taṃ attano, na parassa, ādāsaṃ pana nissāya nibhāsarūpaṃ nāma taṃ paññāyatīti vadanti. Atha yaṃ udake paññāyati, taṃ kena kāraṇenāti ? Mahābhūtānaṃ visuddhatāya. Dhammo me abhisamitoti mayā ñāṇena catusaccadhammo abhisamāgato, sotāpannosmi jātoti kathesi. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਆਨਨ੍ਦਸੁਤ੍ਤਂ • 1. Ānandasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਆਨਨ੍ਦਸੁਤ੍ਤવਣ੍ਣਨਾ • 1. Ānandasuttavaṇṇanā
