| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੨. ਆਨਨ੍ਦਸੁਤ੍ਤવਣ੍ਣਨਾ
2. Ānandasuttavaṇṇanā
੩੨. ਦੁਤਿਯੇ ਤਥਾਜਾਤਿਕੋਤਿ ਤਥਾਸਭਾવੋ। ਚਿਤ੍ਤੇਕਗ੍ਗਤਾਲਾਭੋਤਿ ਚਿਤ੍ਤੇਕਗ੍ਗਤਾਯ ਅਧਿਗਮੋ। ਰੂਪਮੇવ ਕਿਲੇਸੁਪ੍ਪਤ੍ਤਿਯਾ ਕਾਰਣਭਾવਤੋ ਰੂਪਨਿਮਿਤ੍ਤਂ। ਏਸ ਨਯੋ ਸੇਸੇਸੁਪਿ। ਸਸ੍ਸਤਾਦਿਨਿਮਿਤ੍ਤਨ੍ਤਿ ਸਸ੍ਸਤੁਚ੍ਛੇਦਭਾવਨਿਮਿਤ੍ਤਂ। ਪੁਗ੍ਗਲਨਿਮਿਤ੍ਤਨ੍ਤਿ ਪੁਗ੍ਗਲਾਭਿਨਿવੇਸਨਨਿਮਿਤ੍ਤਂ। ਧਮ੍ਮਨਿਮਿਤ੍ਤਨ੍ਤਿ ਧਮ੍ਮਾਰਮ੍ਮਣਸਙ੍ਖਾਤਂ ਨਿਮਿਤ੍ਤਂ। ‘‘ਸਿਯਾ ਨੁ ਖੋ, ਭਨ੍ਤੇ’’ਤਿ ਥੇਰੇਨ ਪੁਟ੍ਠੋ ਭਗવਾ ‘‘ਸਿਯਾ’’ਤਿ ਅવੋਚ ਲੋਕੁਤ੍ਤਰਸਮਾਧਿਪ੍ਪਟਿਲਾਭਂ ਸਨ੍ਧਾਯ। ਸੋ ਹਿ ਨਿਬ੍ਬਾਨਂ ਸਨ੍ਤਂ ਪਣੀਤਨ੍ਤਿ ਚ ਪਸ੍ਸਤਿ। ਤੇਨਾਹ ‘‘ਇਧਾਨਨ੍ਦਾ’’ਤਿਆਦਿ।
32. Dutiye tathājātikoti tathāsabhāvo. Cittekaggatālābhoti cittekaggatāya adhigamo. Rūpameva kilesuppattiyā kāraṇabhāvato rūpanimittaṃ. Esa nayo sesesupi. Sassatādinimittanti sassatucchedabhāvanimittaṃ. Puggalanimittanti puggalābhinivesananimittaṃ. Dhammanimittanti dhammārammaṇasaṅkhātaṃ nimittaṃ. ‘‘Siyā nu kho, bhante’’ti therena puṭṭho bhagavā ‘‘siyā’’ti avoca lokuttarasamādhippaṭilābhaṃ sandhāya. So hi nibbānaṃ santaṃ paṇītanti ca passati. Tenāha ‘‘idhānandā’’tiādi.
ਨਿਬ੍ਬਾਨਂ ਸਨ੍ਤਨ੍ਤਿ ਸਮਾਪਤ੍ਤਿਂ ਅਪ੍ਪੇਤ੍વਾਤਿ ਨਿਬ੍ਬਾਨਂ ਸਨ੍ਤਨ੍ਤਿ ਆਭੁਜਿਤ੍વਾ ਫਲਸਮਾਪਤ੍ਤਿਂ ਅਪ੍ਪੇਤ੍વਾ । ਦਿવਸਮ੍ਪੀਤਿਆਦਿਨਾ ਅਸਙ੍ਖਤਾਯ ਧਾਤੁਯਾ ਅਚ੍ਚਨ੍ਤਸਨ੍ਤਪਣੀਤਾਦਿਭਾવਂ ਦਸ੍ਸੇਤਿ। ਅਟ੍ਠવਿਧੇਤਿ ‘‘ਸਨ੍ਤਂ ਪਣੀਤਂ ਸਬ੍ਬਸਙ੍ਖਾਰਸਮਥੋ ਸਬ੍ਬੂਪਧਿਪਟਿਨਿਸ੍ਸਗ੍ਗੋ ਤਣ੍ਹਾਕ੍ਖਯੋ વਿਰਾਗੋ ਨਿਰੋਧੋ ਨਿਬ੍ਬਾਨ’’ਨ੍ਤਿ ਏવਂ ਅਟ੍ਠવਿਧੇ ਆਭੋਗਸਞ੍ਞਿਤੇ ਸਮਨ੍ਨਾਹਾਰੇ। ਨਿਦ੍ਧਾਰਣੇ ਚੇਤਂ ਭੁਮ੍ਮਂ। ਇਮਸ੍ਮਿਂ ਠਾਨੇ…ਪੇ॰… ਲਬ੍ਭਨ੍ਤੇવਾਤਿ ‘‘ਇਧਾਨਨ੍ਦ, ਭਿਕ੍ਖੁਨੋ ਏવਂ ਹੋਤੀ’’ਤਿ ਆਗਤੇ ਇਮਸ੍ਮਿਂ ਸੁਤ੍ਤਪ੍ਪਦੇਸੇ ਏਕੋਪਿ ਆਭੋਗਸਮਨ੍ਨਾਹਾਰੋ ਚੇਪਿ ਸਬ੍ਬੇ ਅਟ੍ਠਪਿ ਆਭੋਗਸਮਨ੍ਨਾਹਾਰਾ ਲਬ੍ਭਨ੍ਤੇવ ਸਮਨ੍ਨਾਹਰਤਂ ਅਤ੍ਥਾવਹਤ੍ਤਾ।
Nibbānaṃsantanti samāpattiṃ appetvāti nibbānaṃ santanti ābhujitvā phalasamāpattiṃ appetvā . Divasampītiādinā asaṅkhatāya dhātuyā accantasantapaṇītādibhāvaṃ dasseti. Aṭṭhavidheti ‘‘santaṃ paṇītaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbāna’’nti evaṃ aṭṭhavidhe ābhogasaññite samannāhāre. Niddhāraṇe cetaṃ bhummaṃ. Imasmiṃ ṭhāne…pe… labbhantevāti ‘‘idhānanda, bhikkhuno evaṃ hotī’’ti āgate imasmiṃ suttappadese ekopi ābhogasamannāhāro cepi sabbe aṭṭhapi ābhogasamannāhārā labbhanteva samannāharataṃ atthāvahattā.
ਞਾਣੇਨ ਜਾਨਿਤ੍વਾਤਿ વਿਪਸ੍ਸਨਾਞਾਣਸਹਿਤੇਨ ਮਗ੍ਗਞਾਣੇਨ ਜਾਨਿਤ੍વਾ। ਪਰਾਨਿ ਚ ਓਪਰਾਨਿ ਚ ਚਕ੍ਖਾਦੀਨਿ ਆਯਤਨਾਨਿ। ਸਨ੍ਤਤਾਯਾਤਿ ਪਟਿਪ੍ਪਸ੍ਸਦ੍ਧਿਤਾਯ। ਕਾਯਦੁਚ੍ਚਰਿਤਾਦਿਧੂਮવਿਰਹਿਤੋਤਿ ਕਾਯਦੁਚ੍ਚਰਿਤਾਦਿ ਏવ ਸਨ੍ਤਾਪਨਟ੍ਠੇਨ ਧੂਮੋ, ਤੇਨ વਿਰਹਿਤੋ। ਅਨੀਘੋਤਿ ਅਪਾਪੋ। ਜਾਤਿਜਰਾਗਹਣੇਨੇવ ਬ੍ਯਾਧਿਮਰਣਮ੍ਪਿ ਗਹਿਤਮੇવਾਤਿ ਤਬ੍ਭਾવਭਾવਤੋਤਿ વੁਤ੍ਤਂ।
Ñāṇena jānitvāti vipassanāñāṇasahitena maggañāṇena jānitvā. Parāni ca oparāni ca cakkhādīni āyatanāni. Santatāyāti paṭippassaddhitāya. Kāyaduccaritādidhūmavirahitoti kāyaduccaritādi eva santāpanaṭṭhena dhūmo, tena virahito. Anīghoti apāpo. Jātijarāgahaṇeneva byādhimaraṇampi gahitamevāti tabbhāvabhāvatoti vuttaṃ.
ਆਨਨ੍ਦਸੁਤ੍ਤવਣ੍ਣਨਾ ਨਿਟ੍ਠਿਤਾ।
Ānandasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਆਨਨ੍ਦਸੁਤ੍ਤਂ • 2. Ānandasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. ਆਨਨ੍ਦਸੁਤ੍ਤવਣ੍ਣਨਾ • 2. Ānandasuttavaṇṇanā
