| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਆਨਨ੍ਦਸੁਤ੍ਤવਣ੍ਣਨਾ
4. Ānandasuttavaṇṇanā
੨੧੨. ਰਾਗੋਤਿ ਏਤ੍ਥ ਆਯਸ੍ਮਤੋ વਙ੍ਗੀਸਸ੍ਸ ਰਾਗਸ੍ਸ ਉਪ੍ਪਤ੍ਤਿਯਾ ਕਾਰਣਂ વਿਭਾવੇਤੁਂ ‘‘ਆਯਸ੍ਮਾ ਆਨਨ੍ਦੋ’’ਤਿਆਦਿ વੁਤ੍ਤਂ। ਤਨ੍ਤਿ ਆਨਨ੍ਦਤ੍ਥੇਰਂ। ਆਰਮ੍ਮਣਂ ਪਰਿਗ੍ਗਹੇਤੁਨ੍ਤਿ ਕਾਯવੇਦਨਾਦਿਭੇਦਂ ਆਰਮ੍ਮਣਂ ਸਤਿਗੋਚਰਂ। ਅਸੁਭਦੁਕ੍ਖਾਦਿਤੋ, ਰੂਪਾਦਿਏਕੇਕਮੇવ વਾ ਛਲ਼ਾਰਮ੍ਮਣਂ ਅਨਿਚ੍ਚਦੁਕ੍ਖਾਦਿਤੋ ਪਰਿਗ੍ਗਣ੍ਹਿਤੁਂ ਪਰਿਚ੍ਛਿਜ੍ਜ ਜਾਨਿਤੁਂ। ਇਤ੍ਥਿਰੂਪਾਰਮ੍ਮਣੇਤਿ ਇਤ੍ਥਿਸਨ੍ਤਾਨੇ ਰੂਪਸਭਾવੇ ਆਰਮ੍ਮਣੇ।
212.Rāgoti ettha āyasmato vaṅgīsassa rāgassa uppattiyā kāraṇaṃ vibhāvetuṃ ‘‘āyasmā ānando’’tiādi vuttaṃ. Tanti ānandattheraṃ. Ārammaṇaṃ pariggahetunti kāyavedanādibhedaṃ ārammaṇaṃ satigocaraṃ. Asubhadukkhādito, rūpādiekekameva vā chaḷārammaṇaṃ aniccadukkhādito pariggaṇhituṃ paricchijja jānituṃ. Itthirūpārammaṇeti itthisantāne rūpasabhāve ārammaṇe.
ਨਿਬ੍ਬਾਪਨਨ੍ਤਿ ਨਿਬ੍ਬਾਪਯਤਿ ਏਤੇਨਾਤਿ ਨਿਬ੍ਬਾਪਨਂ। વਿਪਲ੍ਲਾਸੇਨਾਤਿ ਅਸੁਭੇ ‘‘ਸੁਭ’’ਨ੍ਤਿ વਿਪਲ੍ਲਾਸਭਾવਹੇਤੁ। ਰਾਗਟ੍ਠਾਨਿਯਨ੍ਤਿ ਰਾਗੁਪ੍ਪਤ੍ਤਿਹੇਤੁ। ਇਟ੍ਠਾਰਮ੍ਮਣਨ੍ਤਿ ਸੁਭਾਰਮ੍ਮਣਂ। ਏਤ੍ਥ ਚ ਇਟ੍ਠਾਰਮ੍ਮਣਸੀਸੇਨ ਤਤ੍ਥ ਇਟ੍ਠਾਕਾਰਗ੍ਗਹਣਂ વਦਤਿ। ਤਞ੍ਹਿ વਜ੍ਜਨੀਯਂ। ਪਰਤੋਤਿ ਅવਸવਤ੍ਤਨਤ੍ਥੇਨ ਅਞ੍ਞਤੋ। ਸਙ੍ਖਾਰਾ ਹਿ ‘‘ਮਾ ਭਿਜ੍ਜਨ੍ਤੂ’’ਤਿ ਇਚ੍ਛਿਤਾਪਿ ਭਿਜ੍ਜਨ੍ਤੇવ, ਤਸ੍ਮਾ ਤੇ ਅવਸવਤ੍ਤਿਤ੍ਤਾ ਪਰੋ ਨਾਮ, ਸਾ ਚ ਨੇਸਂ ਪਰਤਾ ਅਨਿਚ੍ਚਦਸ੍ਸਨੇਨ ਪਾਕਟਾ ਹੋਤੀਤਿ વੁਤ੍ਤਂ ‘‘ਪਰਤੋ ਪਸ੍ਸਾਤਿ ਅਨਿਚ੍ਚਤੋ ਪਸ੍ਸਾ’’ਤਿ। ਕਾਮਂ વਿਪਸ੍ਸਨਾ ਸਙ੍ਖਾਰਨਿਮਿਤ੍ਤਂ ਨ ਪਰਿਚ੍ਚਜਤਿ ਸਙ੍ਖਾਰੇ ਆਰਬ੍ਭ વਤ੍ਤਨਤੋ, ਯੇਸਂ ਪਨ ਨਿਮਿਤ੍ਤਾਨਂ ਅਗ੍ਗਹਣੇਨ ਅਨਿਮਿਤ੍ਤਾਤਿ ਗਹਿਤੁਂ ਅਰਹਤਿ, ਤਂ ਦਸ੍ਸੇਤੁਂ ‘‘ਨਿਚ੍ਚਾਦੀਨਂ ਨਿਮਿਤ੍ਤਾਨ’’ਨ੍ਤਿਆਦਿ વੁਤ੍ਤਂ। ਸਲਕ੍ਖਣ-ਸਾਮਞ੍ਞਲਕ੍ਖਣ-ਦਸ੍ਸਨવਸੇਨ ਮਾਨਸ੍ਸ ਦਸ੍ਸਨਾਭਿਸਮਯੋ, વਿਪਸ੍ਸਨਾਯ ਪਹਾਨਾਭਿਸਮਯੋ। ‘‘ਮਗ੍ਗੇਨਾ’’ਤਿ વਦਨ੍ਤਿ, ਮਗ੍ਗੇਨੇવ ਪਨ ਅਸਮ੍ਮੋਹਤੋ ਪਰਿਞ੍ਞਾਪਟਿવੇਧવਸੇਨ ਦਸ੍ਸਨਾਭਿਸਮਯੋ, ਪਹਾਨਪਟਿવੇਧવਸੇਨ ਪਹਾਨਾਭਿਸਮਯੋ। ਰਾਗਾਦਿਸਨ੍ਤਤਾਯਾਤਿ ਰਾਗਾਦੀਨਂ ਸਮੁਚ੍ਛੇਦવਸੇਨ ਪਟਿਪ੍ਪਸ੍ਸਦ੍ਧਿવਸੇਨ વੂਪਸਮੇਤਬ੍ਬਤੋ ਸਨ੍ਤਭਾવੇਨ।
Nibbāpananti nibbāpayati etenāti nibbāpanaṃ. Vipallāsenāti asubhe ‘‘subha’’nti vipallāsabhāvahetu. Rāgaṭṭhāniyanti rāguppattihetu. Iṭṭhārammaṇanti subhārammaṇaṃ. Ettha ca iṭṭhārammaṇasīsena tattha iṭṭhākāraggahaṇaṃ vadati. Tañhi vajjanīyaṃ. Paratoti avasavattanatthena aññato. Saṅkhārā hi ‘‘mā bhijjantū’’ti icchitāpi bhijjanteva, tasmā te avasavattittā paro nāma, sā ca nesaṃ paratā aniccadassanena pākaṭā hotīti vuttaṃ ‘‘parato passāti aniccato passā’’ti. Kāmaṃ vipassanā saṅkhāranimittaṃ na pariccajati saṅkhāre ārabbha vattanato, yesaṃ pana nimittānaṃ aggahaṇena animittāti gahituṃ arahati, taṃ dassetuṃ ‘‘niccādīnaṃ nimittāna’’ntiādi vuttaṃ. Salakkhaṇa-sāmaññalakkhaṇa-dassanavasena mānassa dassanābhisamayo, vipassanāya pahānābhisamayo. ‘‘Maggenā’’ti vadanti, maggeneva pana asammohato pariññāpaṭivedhavasena dassanābhisamayo, pahānapaṭivedhavasena pahānābhisamayo. Rāgādisantatāyāti rāgādīnaṃ samucchedavasena paṭippassaddhivasena vūpasametabbato santabhāvena.
ਆਨਨ੍ਦਸੁਤ੍ਤવਣ੍ਣਨਾ ਨਿਟ੍ਠਿਤਾ।
Ānandasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਆਨਨ੍ਦਸੁਤ੍ਤਂ • 4. Ānandasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਆਨਨ੍ਦਸੁਤ੍ਤવਣ੍ਣਨਾ • 4. Ānandasuttavaṇṇanā
