Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā

3. аананд̣̇ад̇т̇зраг̇аат̇ааван̣н̣анаа

3. Ānandattheragāthāvaṇṇanā

бисун̣зна жа год̇ханзнаад̇иаад̣̇игаа ааяасмад̇о аананд̣̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро бад̣̇умуд̇д̇арасса бхаг̇авад̇о гаалз хам̣савад̇ийнаг̇арз сад̇т̇у взмаад̇игабхаад̇аа худ̇ваа ниб̣б̣ад̇д̇и, суманод̇исса наамам̣ ахоси. бид̇аа банасса аананд̣̇арааж̇аа наама. со ад̇д̇ано буд̇д̇асса суманагумаарасса ваяаббад̇д̇асса хам̣савад̇ид̇о вийсаяож̇анасад̇з таанз бхог̇анаг̇арам̣ ад̣̇ааси. со гад̣̇аажи гад̣̇аажи ааг̇анд̇ваа ад̇д̇аанан̃жа бид̇аран̃жа бассад̇и. д̇ад̣̇аа рааж̇аа сад̇т̇ааран̃жа сад̇асахассабаримаан̣ам̣ бхигкусан̇гхан̃жа саяамзва саггажжам̣ убадтахи, ан̃н̃зсам̣ убадтаад̇ум̣ на д̣̇зд̇и.

Pisuṇenaca kodhanenātiādikā āyasmato ānandattherassa gāthā. Kā uppatti? Ayampi purimabuddhesu katādhikāro padumuttarassa bhagavato kāle haṃsavatīnagare satthu vemātikabhātā hutvā nibbatti, sumanotissa nāmaṃ ahosi. Pitā panassa ānandarājā nāma. So attano puttassa sumanakumārassa vayappattassa haṃsavatito vīsayojanasate ṭhāne bhoganagaraṃ adāsi. So kadāci kadāci āgantvā attānañca pitarañca passati. Tadā rājā satthārañca satasahassaparimāṇaṃ bhikkhusaṅghañca sayameva sakkaccaṃ upaṭṭhahi, aññesaṃ upaṭṭhātuṃ na deti.

д̇зна самаязна бажжанд̇о губид̇о ахоси. гумааро д̇асса губид̇абхаавам̣ ран̃н̃о анаарожзд̇ваа саяамзва д̇ам̣ вуубасамзд̇и. д̇ам̣ суд̇ваа рааж̇аа д̇удтамаанасо буд̇д̇ам̣ баггосаабзд̇ваа ‘‘варам̣ д̇з, д̇аад̇а д̣̇амми, варам̣ г̇ан̣хаахий’’д̇и ааха. гумааро ‘‘сад̇т̇аарам̣ бхигкусан̇гхан̃жа д̇змаасам̣ убадтаханд̇о ж̇ийвид̇ам̣ аван̃жхам̣ гаад̇ум̣ ижчаамий’’д̇и ааха. ‘‘зд̇ам̣ на саггаа, ан̃н̃ам̣ вад̣̇зхий’’д̇и. ‘‘д̣̇зва, кад̇д̇ияаанам̣ д̣̇взгат̇аа наама над̇т̇и, зд̇ад̣̇зва мз д̣̇зхи, на маяхам̣ ан̃н̃зна ад̇т̇о’’д̇и. ‘‘сажз сад̇т̇аа ануж̇аанаад̇и, д̣̇иннамзваа’’д̇и. со ‘‘сад̇т̇у жид̇д̇ам̣ ж̇ааниссаамий’’д̇и вихаарам̣ г̇ад̇о.

Tena samayena paccanto kupito ahosi. Kumāro tassa kupitabhāvaṃ rañño anārocetvā sayameva taṃ vūpasameti. Taṃ sutvā rājā tuṭṭhamānaso puttaṃ pakkosāpetvā ‘‘varaṃ te, tāta dammi, varaṃ gaṇhāhī’’ti āha. Kumāro ‘‘satthāraṃ bhikkhusaṅghañca temāsaṃ upaṭṭhahanto jīvitaṃ avañjhaṃ kātuṃ icchāmī’’ti āha. ‘‘Etaṃ na sakkā, aññaṃ vadehī’’ti. ‘‘Deva, khattiyānaṃ dvekathā nāma natthi, etadeva me dehi, na mayhaṃ aññena attho’’ti. ‘‘Sace satthā anujānāti, dinnamevā’’ti. So ‘‘satthu cittaṃ jānissāmī’’ti vihāraṃ gato.

д̇зна жа самаязна бхаг̇аваа бхад̇д̇агижжам̣ нидтаабзд̇ваа г̇анд̇хагудим̣ бавидто ход̇и. со бхигкуу убасан̇гамид̇ваа ‘‘ахам̣, бханд̇з, бхаг̇аванд̇ам̣ д̣̇ассанааяа ааг̇ад̇о, д̣̇ассзт̇а мз бхаг̇аванд̇а’’нд̇и ааха. бхигкуу ‘‘сумано наама т̇зро сад̇т̇у убадтааго, д̇асса санд̇игам̣ г̇ажчаахий’’д̇и аахам̣су. со т̇зрасса санд̇игам̣ г̇анд̇ваа ванд̣̇ид̇ваа ‘‘сад̇т̇аарам̣, бханд̇з, мз д̣̇ассзт̇аа’’д̇и ааха. ат̇а т̇зро д̇асса бассанд̇ассзва бат̇авияам̣ нимуж̇ж̇ид̇ваа сад̇т̇аарам̣ убасан̇гамид̇ваа ‘‘бханд̇з, рааж̇абуд̇д̇о д̇умхаагам̣ д̣̇ассанааяа ааг̇ад̇о’’д̇и ааха. ‘‘д̇зна хи, бхигку, б̣ахи аасанам̣ бан̃н̃аабзхий’’д̇и. т̇зро бунаби д̇асса бассанд̇ассзва б̣уд̣̇д̇хаасанам̣ г̇ахзд̇ваа анд̇ог̇анд̇хагудияам̣ нимуж̇ж̇ид̇ваа б̣ахибаривзн̣з баад̇убхавид̇ваа г̇анд̇хагудибаривзн̣з аасанам̣ бан̃н̃аабзси. гумааро д̇ам̣ д̣̇исваа ‘‘маханд̇о вад̇ааяам̣ бхигкуу’’д̇и жид̇д̇ам̣ уббаад̣̇зси.

Tena ca samayena bhagavā bhattakiccaṃ niṭṭhāpetvā gandhakuṭiṃ paviṭṭho hoti. So bhikkhū upasaṅkamitvā ‘‘ahaṃ, bhante, bhagavantaṃ dassanāya āgato, dassetha me bhagavanta’’nti āha. Bhikkhū ‘‘sumano nāma thero satthu upaṭṭhāko, tassa santikaṃ gacchāhī’’ti āhaṃsu. So therassa santikaṃ gantvā vanditvā ‘‘satthāraṃ, bhante, me dassethā’’ti āha. Atha thero tassa passantasseva pathaviyaṃ nimujjitvā satthāraṃ upasaṅkamitvā ‘‘bhante, rājaputto tumhākaṃ dassanāya āgato’’ti āha. ‘‘Tena hi, bhikkhu, bahi āsanaṃ paññāpehī’’ti. Thero punapi tassa passantasseva buddhāsanaṃ gahetvā antogandhakuṭiyaṃ nimujjitvā bahipariveṇe pātubhavitvā gandhakuṭipariveṇe āsanaṃ paññāpesi. Kumāro taṃ disvā ‘‘mahanto vatāyaṃ bhikkhū’’ti cittaṃ uppādesi.

бхаг̇авааби г̇анд̇хагудид̇о нигкамид̇ваа бан̃н̃ад̇д̇аасанз нисийд̣̇и. рааж̇абуд̇д̇о сад̇т̇аарам̣ ванд̣̇ид̇ваа, бадисант̇аарам̣ гад̇ваа, аяам̣, бханд̇з, т̇зро д̇умхаагам̣ саасанз валлабхо ман̃н̃зд̇и. ‘‘аама гумаара, валлабхо’’д̇и? ‘‘гим̣ гад̇ваа, бханд̇з, зса валлабхо ход̇ий’’д̇и?‘‘д̣̇аанаад̣̇ийни бун̃н̃аани гад̇ваа’’д̇и. ‘‘бхаг̇аваа , ахамби аяам̣ т̇зро вияа анааг̇ад̇з б̣уд̣̇д̇хасаасанз валлабхо ход̇угаамо’’д̇и сад̇т̇аахам̣ канд̇хааваарабхад̇д̇ам̣ наама д̣̇ад̇вааби сад̇д̇амз д̣̇ивасз, бханд̇з, маяаа бид̇у санд̇игаа д̇змаасам̣ д̇умхаагам̣ бадиж̇аг̇г̇анаваро лад̣̇д̇хо, д̇змаасам̣ мз вассааваасам̣ ад̇хиваасзт̇аад̇и. бхаг̇аваа, ‘‘ад̇т̇и ну ко д̇ад̇т̇а г̇ад̇зна ад̇т̇о’’д̇и ологзд̇ваа ‘‘ад̇т̇ий’’д̇и д̣̇исваа ‘‘сун̃н̃ааг̇аарз ко, гумаара, д̇ат̇ааг̇ад̇аа абхираманд̇ий’’д̇и ааха. гумааро ‘‘ан̃н̃аад̇ам̣ бхаг̇аваа, ан̃н̃аад̇ам̣ суг̇ад̇аа’’д̇и вад̇ваа ‘‘ахам̣, бханд̇з, буримад̇арам̣ г̇анд̇ваа вихаарам̣ гаарзми, маяаа бзсид̇з бхигкусад̇асахассзна сад̣̇д̇хим̣ ааг̇ажчат̇аа’’д̇и бадин̃н̃ам̣ г̇ахзд̇ваа бид̇у санд̇игам̣ г̇анд̇ваа ‘‘д̣̇иннаа мз, д̣̇зва, бхаг̇авад̇аа бадин̃н̃аа, маяаа бахид̇з бхаг̇аванд̇ам̣ бзсзяяаат̇аа’’д̇и бид̇арам̣ ванд̣̇ид̇ваа, нигкамид̇ваа яож̇анз яож̇анз вихаарам̣ гаронд̇о вийсаяож̇анасад̇ам̣ ад̣̇д̇хаанам̣ г̇ад̇о. г̇анд̇ваа жа ад̇д̇ано наг̇арз вихаарадтаанам̣ вижинанд̇о собханасса наама гудумб̣игасса уяяаанам̣ д̣̇исваа сад̇асахассзна гин̣ид̇ваа сад̇асахассам̣ виссаж̇ж̇зд̇ваа вихаарам̣ гаарзси. д̇ад̇т̇а бхаг̇авад̇о г̇анд̇хагудим̣ сзсабхигкуунан̃жа рад̇д̇идтаанад̣̇иваадтаанад̇т̇ааяа гудилзн̣аман̣д̣абз гаарзд̇ваа баагаарабаригкзбам̣ д̣̇ваарагодтаган̃жа нидтаабзд̇ваа бид̇у санд̇игам̣ бзсзси ‘‘нидтид̇ам̣ маяхам̣ гижжам̣, сад̇т̇аарам̣ бахин̣ат̇аа’’д̇и.

Bhagavāpi gandhakuṭito nikkhamitvā paññattāsane nisīdi. Rājaputto satthāraṃ vanditvā, paṭisanthāraṃ katvā, ayaṃ, bhante, thero tumhākaṃ sāsane vallabho maññeti. ‘‘Āma kumāra, vallabho’’ti? ‘‘Kiṃ katvā, bhante, esa vallabho hotī’’ti?‘‘Dānādīni puññāni katvā’’ti. ‘‘Bhagavā , ahampi ayaṃ thero viya anāgate buddhasāsane vallabho hotukāmo’’ti satthāhaṃ khandhāvārabhattaṃ nāma datvāpi sattame divase, bhante, mayā pitu santikā temāsaṃ tumhākaṃ paṭijagganavaro laddho, temāsaṃ me vassāvāsaṃ adhivāsethāti. Bhagavā, ‘‘atthi nu kho tattha gatena attho’’ti oloketvā ‘‘atthī’’ti disvā ‘‘suññāgāre kho, kumāra, tathāgatā abhiramantī’’ti āha. Kumāro ‘‘aññātaṃ bhagavā, aññātaṃ sugatā’’ti vatvā ‘‘ahaṃ, bhante, purimataraṃ gantvā vihāraṃ kāremi, mayā pesite bhikkhusatasahassena saddhiṃ āgacchathā’’ti paṭiññaṃ gahetvā pitu santikaṃ gantvā ‘‘dinnā me, deva, bhagavatā paṭiññā, mayā pahite bhagavantaṃ peseyyāthā’’ti pitaraṃ vanditvā, nikkhamitvā yojane yojane vihāraṃ karonto vīsayojanasataṃ addhānaṃ gato. Gantvā ca attano nagare vihāraṭṭhānaṃ vicinanto sobhanassa nāma kuṭumbikassa uyyānaṃ disvā satasahassena kiṇitvā satasahassaṃ vissajjetvā vihāraṃ kāresi. Tattha bhagavato gandhakuṭiṃ sesabhikkhūnañca rattiṭṭhānadivāṭṭhānatthāya kuṭileṇamaṇḍape kāretvā pākāraparikkhepaṃ dvārakoṭṭhakañca niṭṭhāpetvā pitu santikaṃ pesesi ‘‘niṭṭhitaṃ mayhaṃ kiccaṃ, satthāraṃ pahiṇathā’’ti.

рааж̇аа бхаг̇аванд̇ам̣ бхож̇зд̇ваа ‘‘бхаг̇аваа суманасса гижжам̣ нидтид̇ам̣, д̇умхаагам̣ г̇аманам̣ бажжаасийсад̇ий’’д̇и ааха. бхаг̇аваа сад̇асахассабхигкубаривуд̇о яож̇анз яож̇анз вихаарзсу васамаано аг̇амааси. гумааро ‘‘сад̇т̇аа ааг̇ажчад̇ий’’д̇и суд̇ваа яож̇анам̣ бажжуг̇г̇анд̇ваа г̇анд̇хамаалаад̣̇ийхи бууж̇аяамаано сад̇асахассзна гийд̇з собханз наама уяяаанз сад̇асахассзна гаарид̇ам̣ вихаарам̣ бавзсзд̇ваа –

Rājā bhagavantaṃ bhojetvā ‘‘bhagavā sumanassa kiccaṃ niṭṭhitaṃ, tumhākaṃ gamanaṃ paccāsīsatī’’ti āha. Bhagavā satasahassabhikkhuparivuto yojane yojane vihāresu vasamāno agamāsi. Kumāro ‘‘satthā āgacchatī’’ti sutvā yojanaṃ paccuggantvā gandhamālādīhi pūjayamāno satasahassena kīte sobhane nāma uyyāne satasahassena kāritaṃ vihāraṃ pavesetvā –

‘‘сад̇асахассзна мз гийд̇ам̣, сад̇асахассзна маабид̇ам̣;

‘‘Satasahassena me kītaṃ, satasahassena māpitaṃ;

собханам̣ наама уяяаанам̣, бадиг̇г̇ан̣ха махаамуний’’д̇и. –

Sobhanaṃ nāma uyyānaṃ, paṭiggaṇha mahāmunī’’ti. –

д̇ам̣ нияяаад̣̇зси. со вассуубанааяигад̣̇ивасз махаад̣̇аанам̣ бавад̇д̇зд̇ваа ‘‘иминаава нийхаарзна д̣̇аанам̣ д̣̇ад̣̇зяяаат̇аа’’д̇и буд̇д̇ад̣̇аарз амажжз жа гижжагаран̣ийязсу жа нияож̇зд̇ваа саяам̣ суманад̇т̇зрасса васанадтаанасамийбзязва васанд̇о д̇змаасам̣ сад̇т̇аарам̣ убадтаханд̇о убагадтааяа бавааран̣ааяа г̇аамам̣ бависид̇ваа сад̇д̇аахам̣ махаад̣̇аанам̣ бавад̇д̇зд̇ваа сад̇д̇амз д̣̇ивасз сад̇т̇у бхигкусад̇асахассасса жа баад̣̇амуулз д̇ижийвараани табзд̇ваа ванд̣̇ид̇ваа, ‘‘бханд̇з, яад̣̇зд̇ам̣ маяаа сад̇д̇аахам̣ канд̇хааваарад̣̇аанад̇о бадтааяа бун̃н̃ам̣ гад̇ам̣, на д̇ам̣ саг̇г̇асамбад̇д̇иаад̣̇ийнам̣ ад̇т̇ааяа, ат̇а ко ахам̣ аяам̣ суманад̇т̇зро вияа анааг̇ад̇з згасса б̣уд̣̇д̇хасса убадтааго бхавзяяа’’нд̇и бан̣ид̇хаанам̣ агааси. сад̇т̇аабисса ананд̇арааяад̇ам̣ д̣̇исваа б̣яаагарид̇ваа баггаами.

Taṃ niyyādesi. So vassūpanāyikadivase mahādānaṃ pavattetvā ‘‘imināva nīhārena dānaṃ dadeyyāthā’’ti puttadāre amacce ca kiccakaraṇīyesu ca niyojetvā sayaṃ sumanattherassa vasanaṭṭhānasamīpeyeva vasanto temāsaṃ satthāraṃ upaṭṭhahanto upakaṭṭhāya pavāraṇāya gāmaṃ pavisitvā sattāhaṃ mahādānaṃ pavattetvā sattame divase satthu bhikkhusatasahassassa ca pādamūle ticīvarāni ṭhapetvā vanditvā, ‘‘bhante, yadetaṃ mayā sattāhaṃ khandhāvāradānato paṭṭhāya puññaṃ kataṃ, na taṃ saggasampattiādīnaṃ atthāya, atha kho ahaṃ ayaṃ sumanatthero viya anāgate ekassa buddhassa upaṭṭhāko bhaveyya’’nti paṇidhānaṃ akāsi. Satthāpissa anantarāyataṃ disvā byākaritvā pakkāmi.

соби д̇асмим̣ б̣уд̣̇д̇хуббаад̣̇з вассасад̇асахассам̣ бун̃н̃аани гад̇ваа д̇ад̇о барамби д̇ад̇т̇а д̇ад̇т̇а бхавз ул̣аараани бун̃н̃агаммаани убажинид̇ваа д̣̇звамануссзсу сам̣саранд̇о гассабасса бхаг̇авад̇о гаалз бин̣д̣ааяа жарад̇о згасса т̇зрасса бад̇д̇аг̇г̇ахан̣ад̇т̇ам̣ уд̇д̇арасаадагам̣ д̣̇ад̇ваа бууж̇ам̣ агааси. буна саг̇г̇з ниб̣б̣ад̇д̇ид̇ваа д̇ад̇о жуд̇о б̣аараан̣асирааж̇аа худ̇ваа адта бажжзгаб̣уд̣̇д̇хз д̣̇исваа д̇з бхож̇зд̇ваа ад̇д̇ано ман̇г̇алуяяаанз адта бан̣н̣асаалааяо гаарзд̇ваа д̇зсам̣ нисийд̣̇анад̇т̇ааяа адта саб̣б̣арад̇анамаяабийтз жзва ман̣иаад̇хаарагз жа бадияаад̣̇зд̇ваа д̣̇асавассасахассаани убадтаанам̣ агааси. зд̇аани баагададтаанаани.

Sopi tasmiṃ buddhuppāde vassasatasahassaṃ puññāni katvā tato parampi tattha tattha bhave uḷārāni puññakammāni upacinitvā devamanussesu saṃsaranto kassapassa bhagavato kāle piṇḍāya carato ekassa therassa pattaggahaṇatthaṃ uttarasāṭakaṃ datvā pūjaṃ akāsi. Puna sagge nibbattitvā tato cuto bārāṇasirājā hutvā aṭṭha paccekabuddhe disvā te bhojetvā attano maṅgaluyyāne aṭṭha paṇṇasālāyo kāretvā tesaṃ nisīdanatthāya aṭṭha sabbaratanamayapīṭhe ceva maṇiādhārake ca paṭiyādetvā dasavassasahassāni upaṭṭhānaṃ akāsi. Etāni pākaṭaṭṭhānāni.

габбасад̇асахассам̣ бана д̇ад̇т̇а д̇ад̇т̇а бхавз бун̃н̃аани гаронд̇ова амхаагам̣ б̣од̇хисад̇д̇зна сад̣̇д̇хим̣ д̇усид̇абурз ниб̣б̣ад̇д̇ид̇ваа д̇ад̇о жуд̇о амид̇од̣̇анасаггасса г̇зхз ниб̣б̣ад̇д̇и. д̇асса саб̣б̣з н̃аад̇агз аананд̣̇ид̇з гаронд̇о ж̇аад̇од̇и аананд̣̇од̇взва наамам̣ ахоси. со ануггамзна ваяаббад̇д̇о гад̇аабхинигкаманз саммаасамб̣од̇хим̣ бад̇ваа бавад̇д̇ид̇аварад̇хаммажаггз батамам̣ габилавад̇т̇ум̣ г̇анд̇ваа д̇ад̇о нигканд̇з бхаг̇авад̇и д̇асса бариваарад̇т̇ам̣ баб̣б̣аж̇ид̇ум̣ нигканд̇зхи бхад̣̇д̣̇ияаад̣̇ийхи сад̣̇д̇хим̣ нигкамид̇ваа бхаг̇авад̇о санд̇игз баб̣б̣аж̇ид̇ваа нажирассзва ааяасмад̇о бун̣н̣асса манд̇аан̣ибуд̇д̇асса санд̇игз д̇хаммагат̇ам̣ суд̇ваа сод̇аабад̇д̇ипалз бад̇идтахи.

Kappasatasahassaṃ pana tattha tattha bhave puññāni karontova amhākaṃ bodhisattena saddhiṃ tusitapure nibbattitvā tato cuto amitodanasakkassa gehe nibbatti. Tassa sabbe ñātake ānandite karonto jātoti ānandotveva nāmaṃ ahosi. So anukkamena vayappatto katābhinikkhamane sammāsambodhiṃ patvā pavattitavaradhammacakke paṭhamaṃ kapilavatthuṃ gantvā tato nikkhante bhagavati tassa parivāratthaṃ pabbajituṃ nikkhantehi bhaddiyādīhi saddhiṃ nikkhamitvā bhagavato santike pabbajitvā nacirasseva āyasmato puṇṇassa mantāṇiputtassa santike dhammakathaṃ sutvā sotāpattiphale patiṭṭhahi.

д̇зна жа самаязна бхаг̇авад̇о батамаб̣од̇хияам̣ вийсад̇ивассаани аниб̣ад̣̇д̇хаубадтаагаа ахзсум̣. згад̣̇аа нааг̇асамаало бад̇д̇ажийварам̣ г̇ахзд̇ваа вижари, згад̣̇аа нааг̇ид̇о, згад̣̇аа убаваано, згад̣̇аа сунагкад̇д̇о, згад̣̇аа жунд̣̇о саман̣уд̣̇д̣̇зсо, згад̣̇аа сааг̇ад̇о, згад̣̇аа мзгхияо, д̇з язбхуяязна сад̇т̇у жид̇д̇ам̣ наараад̇хаяим̣су. ат̇згад̣̇ивасам̣ бхаг̇аваа г̇анд̇хагудибаривзн̣з бан̃н̃ад̇д̇авараб̣уд̣̇д̇хаасанз бхигкусан̇гхабаривуд̇о нисинно бхигкуу ааманд̇зси – ‘‘ахам̣, бхигкавз, ид̣̇аанимхи махаллаго, згажжз бхигкуу ‘иминаа маг̇г̇зна г̇ажчаамаа’д̇и вуд̇д̇з ан̃н̃зна г̇ажчанд̇и, згажжз маяхам̣ бад̇д̇ажийварам̣ бхуумияам̣ нигкибанд̇и, маяхам̣ ниб̣ад̣̇д̇хубадтаагам̣ бхигкум̣ ж̇аанаат̇аа’’д̇и. д̇ам̣ суд̇ваа бхигкуунам̣ д̇хаммасам̣взг̇о уд̣̇абаад̣̇и. ат̇ааяасмаа саарибуд̇д̇о удтааяа бхаг̇аванд̇ам̣ ванд̣̇ид̇ваа – ‘‘ахам̣, бханд̇з, д̇умхз убадтахиссаамий’’д̇и ааха. д̇ам̣ бхаг̇аваа бадигкиби. зд̇знубааязна махаамог̇г̇аллаанам̣ аад̣̇им̣ гад̇ваа саб̣б̣з махаасаавагаа – ‘‘ахам̣ убадтахиссаами, ахам̣ убадтахиссаамий’’д̇и удтахим̣су табзд̇ваа ааяасманд̇ам̣ аананд̣̇ам̣, д̇зби бхаг̇аваа бадигкиби . со бана д̇ун̣хийязва нисийд̣̇и. ат̇а нам̣ бхигкуу аахам̣су – ‘‘аавусо, д̇вамби сад̇т̇у убадтаагадтаанам̣ яаажаахий’’д̇и. яаажид̇ваа лад̣̇д̇хадтаанам̣ наама гийд̣̇исам̣ ход̇и, сажз ружжад̇и, сад̇т̇аа саяамзва вагкад̇ийд̇и. ат̇а бхаг̇аваа ‘‘на, бхигкавз, аананд̣̇о ан̃н̃зхи уссаахзд̇аб̣б̣о, саяамзва ж̇аанид̇ваа мам̣ убадтахиссад̇ий’’д̇и ааха. д̇ад̇о бхигкуу ‘‘удтзхи, аавусо аананд̣̇а, сад̇т̇аарам̣ убадтаагадтаанам̣ яаажаахий’’д̇и аахам̣су.

Tena ca samayena bhagavato paṭhamabodhiyaṃ vīsativassāni anibaddhaupaṭṭhākā ahesuṃ. Ekadā nāgasamālo pattacīvaraṃ gahetvā vicari, ekadā nāgito, ekadā upavāno, ekadā sunakkhatto, ekadā cundo samaṇuddeso, ekadā sāgato, ekadā meghiyo, te yebhuyyena satthu cittaṃ nārādhayiṃsu. Athekadivasaṃ bhagavā gandhakuṭipariveṇe paññattavarabuddhāsane bhikkhusaṅghaparivuto nisinno bhikkhū āmantesi – ‘‘ahaṃ, bhikkhave, idānimhi mahallako, ekacce bhikkhū ‘iminā maggena gacchāmā’ti vutte aññena gacchanti, ekacce mayhaṃ pattacīvaraṃ bhūmiyaṃ nikkhipanti, mayhaṃ nibaddhupaṭṭhākaṃ bhikkhuṃ jānāthā’’ti. Taṃ sutvā bhikkhūnaṃ dhammasaṃvego udapādi. Athāyasmā sāriputto uṭṭhāya bhagavantaṃ vanditvā – ‘‘ahaṃ, bhante, tumhe upaṭṭhahissāmī’’ti āha. Taṃ bhagavā paṭikkhipi. Etenupāyena mahāmoggallānaṃ ādiṃ katvā sabbe mahāsāvakā – ‘‘ahaṃ upaṭṭhahissāmi, ahaṃ upaṭṭhahissāmī’’ti uṭṭhahiṃsu ṭhapetvā āyasmantaṃ ānandaṃ, tepi bhagavā paṭikkhipi . So pana tuṇhīyeva nisīdi. Atha naṃ bhikkhū āhaṃsu – ‘‘āvuso, tvampi satthu upaṭṭhākaṭṭhānaṃ yācāhī’’ti. Yācitvā laddhaṭṭhānaṃ nāma kīdisaṃ hoti, sace ruccati, satthā sayameva vakkhatīti. Atha bhagavā ‘‘na, bhikkhave, ānando aññehi ussāhetabbo, sayameva jānitvā maṃ upaṭṭhahissatī’’ti āha. Tato bhikkhū ‘‘uṭṭhehi, āvuso ānanda, satthāraṃ upaṭṭhākaṭṭhānaṃ yācāhī’’ti āhaṃsu.

т̇зро удтахид̇ваа ‘‘сажз мз, бханд̇з, бхаг̇аваа ад̇д̇анаа лад̣̇д̇хам̣ бан̣ийд̇ажийварам̣ на д̣̇ассад̇и, бан̣ийд̇абин̣д̣абаад̇ам̣ на д̣̇ассад̇и, згаг̇анд̇хагудияам̣ васид̇ум̣ на д̣̇ассад̇и, ниманд̇анам̣ г̇ахзд̇ваа на г̇амиссад̇и, зваахам̣ бхаг̇аванд̇ам̣ убадтахиссаамий’’д̇и ааха. ‘‘зд̇д̇агз г̇ун̣з лабхад̇о сад̇т̇у убадтаанз го бхааро’’д̇и убаваад̣̇аможанад̇т̇ам̣ имз жад̇д̇ааро бадигкзбаа жа – ‘‘сажз, бханд̇з, бхаг̇аваа маяаа г̇ахид̇аниманд̇анам̣ г̇амиссад̇и, сажаахам̣ д̣̇зсанд̇арад̇о ааг̇ад̇ааг̇ад̇з д̇аавад̣̇зва д̣̇ассзд̇ум̣ лажчаами; яад̣̇аа мз ган̇каа уббаж̇ж̇ад̇и, д̇аавад̣̇зва бхаг̇аванд̇ам̣ убасан̇гамид̇ум̣ лажчаами, сажз бхаг̇аваа бараммукаа д̣̇зсид̇ам̣ д̇хаммам̣ буна маяхам̣ гат̇зссад̇и, зваахам̣ бхаг̇аванд̇ам̣ убадтахиссаамий’’д̇и ‘‘зд̇д̇агамби сад̇т̇у санд̇игз ануг̇г̇ахам̣ на лабхад̇ий’’д̇и убаваад̣̇аможанад̇т̇ан̃жзва д̇хаммабхан̣д̣ааг̇ааригабхаавабаарамийбууран̣ад̇т̇ан̃жа имаа жад̇ассо ааяаажанаа жаад̇и адта варз г̇ахзд̇ваа ниб̣ад̣̇д̇хубадтааго ахоси. д̇ассзва таананд̇арасса ад̇т̇ааяа габбасад̇асахассам̣ буурид̇аанам̣ баарамийнам̣ палам̣ баабун̣и. со убадтаагадтаанам̣ лад̣̇д̇хад̣̇ивасад̇о бадтааяа д̣̇асаб̣алам̣ д̣̇увид̇хзна уд̣̇агзна, д̇ивид̇хзна д̣̇анд̇агадтзна, хад̇т̇абаад̣̇абаригаммзна бидтибаригаммзна, г̇анд̇хагудибаривзн̣асаммаж̇ж̇анзнаад̇и звамаад̣̇ийхи гижжзхи убадтаханд̇о ‘‘имааяа наама взлааяа сад̇т̇у ид̣̇ам̣ наама лад̣̇д̇хум̣ ваддад̇и, ид̣̇ам̣ наама гаад̇ум̣ ваддад̇ий’’д̇и д̣̇ивасабхааг̇ам̣ санд̇игааважаро худ̇ваа, рад̇д̇ибхааг̇з маханд̇ам̣ д̣̇ан̣д̣ад̣̇ийбигам̣ г̇ахзд̇ваа г̇анд̇хагудибаривзн̣ам̣ нава ваарз анубарияааяад̇и, сад̇т̇ари баггосанд̇з бадиважанад̣̇аанааяа т̇инамид̣̇д̇хавинод̣̇анад̇т̇ам̣.

Thero uṭṭhahitvā ‘‘sace me, bhante, bhagavā attanā laddhaṃ paṇītacīvaraṃ na dassati, paṇītapiṇḍapātaṃ na dassati, ekagandhakuṭiyaṃ vasituṃ na dassati, nimantanaṃ gahetvā na gamissati, evāhaṃ bhagavantaṃ upaṭṭhahissāmī’’ti āha. ‘‘Ettake guṇe labhato satthu upaṭṭhāne ko bhāro’’ti upavādamocanatthaṃ ime cattāro paṭikkhepā ca – ‘‘sace, bhante, bhagavā mayā gahitanimantanaṃ gamissati, sacāhaṃ desantarato āgatāgate tāvadeva dassetuṃ lacchāmi; yadā me kaṅkhā uppajjati, tāvadeva bhagavantaṃ upasaṅkamituṃ lacchāmi, sace bhagavā parammukhā desitaṃ dhammaṃ puna mayhaṃ kathessati, evāhaṃ bhagavantaṃ upaṭṭhahissāmī’’ti ‘‘ettakampi satthu santike anuggahaṃ na labhatī’’ti upavādamocanatthañceva dhammabhaṇḍāgārikabhāvapāramīpūraṇatthañca imā catasso āyācanā cāti aṭṭha vare gahetvā nibaddhupaṭṭhāko ahosi. Tasseva ṭhānantarassa atthāya kappasatasahassaṃ pūritānaṃ pāramīnaṃ phalaṃ pāpuṇi. So upaṭṭhākaṭṭhānaṃ laddhadivasato paṭṭhāya dasabalaṃ duvidhena udakena, tividhena dantakaṭṭhena, hatthapādaparikammena piṭṭhiparikammena, gandhakuṭipariveṇasammajjanenāti evamādīhi kiccehi upaṭṭhahanto ‘‘imāya nāma velāya satthu idaṃ nāma laddhuṃ vaṭṭati, idaṃ nāma kātuṃ vaṭṭatī’’ti divasabhāgaṃ santikāvacaro hutvā, rattibhāge mahantaṃ daṇḍadīpikaṃ gahetvā gandhakuṭipariveṇaṃ nava vāre anupariyāyati, satthari pakkosante paṭivacanadānāya thinamiddhavinodanatthaṃ.

ат̇а нам̣ сад̇т̇аа ж̇зд̇аванз арияаг̇ан̣амаж̇жхз нисинно анзгабарияааязна басам̣сид̇ваа ‘‘б̣ахуссуд̇аанам̣ сад̇иманд̇аанам̣ г̇ад̇иманд̇аанам̣ д̇хид̇иманд̇аанам̣ убадтаагаанан̃жа бхигкуунам̣ аг̇г̇адтаанз табзси. звам̣ сад̇т̇аараа бан̃жасу таанзсу зд̇ад̣̇аг̇г̇з табид̇о жад̇уухи ажчарияаб̣бхуд̇ад̇хаммзхи саманнааг̇ад̇о сад̇т̇у д̇хаммагосаарагко аяам̣ махаат̇зро сзкова самаано сад̇т̇ари бариниб̣б̣уд̇з хздтаа вуд̇д̇анаязна бхигкуухи самуд̇д̇зж̇ид̇о д̣̇звад̇ааяа жа сам̣взж̇ид̇о ‘‘свзязва жа д̣̇аани д̇хаммасан̇г̇ийд̇и гаад̇аб̣б̣аа, на ко бана мзд̇ам̣ бад̇ируубам̣, явааяам̣ сзко сагаран̣ийяо худ̇ваа асзкзхи т̇зрзхи сад̣̇д̇хим̣ д̇хаммам̣ сан̇г̇ааяид̇ум̣ саннибаад̇ам̣ г̇анд̇у’’нд̇и сан̃ж̇аад̇уссаахо вибассанам̣ бадтабзд̇ваа б̣ахуд̣̇зварад̇д̇им̣ вибассанааяа гаммам̣ гаронд̇о жан̇гамз вийрияасамад̇ам̣ алабхид̇ваа вихаарам̣ бависид̇ваа саяанз нисийд̣̇ид̇ваа саяид̇угаамо гааяам̣ ааваддзси. аббад̇д̇ан̃жа сийсам̣ б̣имб̣оханам̣ баад̣̇аа жа бхуумид̇о муд̇д̇амад̇д̇аа, зд̇асмим̣ анд̇арз анубаад̣̇ааяа аасавзхи жид̇д̇ам̣ вимужжи чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 1.1.644-663) –

Atha naṃ satthā jetavane ariyagaṇamajjhe nisinno anekapariyāyena pasaṃsitvā ‘‘bahussutānaṃ satimantānaṃ gatimantānaṃ dhitimantānaṃ upaṭṭhākānañca bhikkhūnaṃ aggaṭṭhāne ṭhapesi. Evaṃ satthārā pañcasu ṭhānesu etadagge ṭhapito catūhi acchariyabbhutadhammehi samannāgato satthu dhammakosārakkho ayaṃ mahāthero sekhova samāno satthari parinibbute heṭṭhā vuttanayena bhikkhūhi samuttejito devatāya ca saṃvejito ‘‘sveyeva ca dāni dhammasaṅgīti kātabbā, na kho pana metaṃ patirūpaṃ, yvāyaṃ sekho sakaraṇīyo hutvā asekhehi therehi saddhiṃ dhammaṃ saṅgāyituṃ sannipātaṃ gantu’’nti sañjātussāho vipassanaṃ paṭṭhapetvā bahudevarattiṃ vipassanāya kammaṃ karonto caṅkame vīriyasamataṃ alabhitvā vihāraṃ pavisitvā sayane nisīditvā sayitukāmo kāyaṃ āvaṭṭesi. Appattañca sīsaṃ bimbohanaṃ pādā ca bhūmito muttamattā, etasmiṃ antare anupādāya āsavehi cittaṃ vimucci chaḷabhiñño ahosi. Tena vuttaṃ apadāne (apa. thera 1.1.644-663) –

‘‘аараамад̣̇ваараа нигкамма, бад̣̇умуд̇д̇аро махаамуни;

‘‘Ārāmadvārā nikkhamma, padumuttaro mahāmuni;

вассзнд̇о амад̇ам̣ вудтим̣, ниб̣б̣аабзси махааж̇анам̣.

Vassento amataṃ vuṭṭhiṃ, nibbāpesi mahājanaṃ.

‘‘сад̇асахассам̣ д̇з д̇хийраа, чал̣абхин̃н̃аа махид̣̇д̇хигаа;

‘‘Satasahassaṃ te dhīrā, chaḷabhiññā mahiddhikā;

бариваарзнд̇и самб̣уд̣̇д̇хам̣, чааяаава анабааяиний.

Parivārenti sambuddhaṃ, chāyāva anapāyinī.

‘‘хад̇т̇игканд̇хаг̇ад̇о аасим̣, сзд̇ажчад̇д̇ам̣ варуд̇д̇амам̣;

‘‘Hatthikkhandhagato āsiṃ, setacchattaṃ varuttamaṃ;

сужааруруубам̣ д̣̇исваана, вид̇д̇и мз уд̣̇абаж̇ж̇ат̇а.

Sucārurūpaṃ disvāna, vitti me udapajjatha.

‘‘оруяха хад̇т̇иканд̇хамхаа, убаг̇ажчим̣ нараасабхам̣;

‘‘Oruyha hatthikhandhamhā, upagacchiṃ narāsabhaṃ;

рад̇анаамаяачад̇д̇ам̣ мз, б̣уд̣̇д̇хасздтасса д̇хаараяим̣.

Ratanāmayachattaṃ me, buddhaseṭṭhassa dhārayiṃ.

‘‘мама сан̇габбаман̃н̃ааяа, бад̣̇умуд̇д̇аро махааиси;

‘‘Mama saṅkappamaññāya, padumuttaro mahāisi;

д̇ам̣ гат̇ам̣ табаяид̇ваана, имаа г̇аат̇аа абхаасат̇а.

Taṃ kathaṃ ṭhapayitvāna, imā gāthā abhāsatha.

‘‘яо со чад̇д̇амад̇хаарзси, сон̣н̣аалан̇гаарабхуусид̇ам̣;

‘‘Yo so chattamadhāresi, soṇṇālaṅkārabhūsitaṃ;

д̇амахам̣ гид̇д̇аяиссаами, сун̣от̇а мама бхаасад̇о.

Tamahaṃ kittayissāmi, suṇotha mama bhāsato.

‘‘ид̇о г̇анд̇ваа аяам̣ босо, д̇усид̇ам̣ аавасиссад̇и;

‘‘Ito gantvā ayaṃ poso, tusitaṃ āvasissati;

анубхоссад̇и самбад̇д̇им̣, ажчараахи бурагкад̇о.

Anubhossati sampattiṃ, accharāhi purakkhato.

‘‘жад̇уд̇им̣сад̇игкад̇д̇ун̃жа, д̣̇звараж̇ж̇ам̣ гариссад̇и;

‘‘Catutiṃsatikkhattuñca, devarajjaṃ karissati;

б̣алаад̇хибо адтасад̇ам̣, васуд̇хам̣ аавасиссад̇и.

Balādhipo aṭṭhasataṃ, vasudhaṃ āvasissati.

‘‘адтабан̃н̃аасагкад̇д̇ун̃жа, жаггавад̇д̇ий бхависсад̇и;

‘‘Aṭṭhapaññāsakkhattuñca, cakkavattī bhavissati;

бад̣̇зсараж̇ж̇ам̣ вибулам̣, махияаа гаараяиссад̇и.

Padesarajjaṃ vipulaṃ, mahiyā kārayissati.

‘‘габбасад̇асахассамхи , оггаагагуласамбхаво;

‘‘Kappasatasahassamhi , okkākakulasambhavo;

г̇од̇амо наама г̇од̇д̇зна, сад̇т̇аа логз бхависсад̇и.

Gotamo nāma gottena, satthā loke bhavissati.

‘‘сагяаанам̣ гулагзд̇усса, н̃аад̇иб̣анд̇ху бхависсад̇и;

‘‘Sakyānaṃ kulaketussa, ñātibandhu bhavissati;

аананд̣̇о наама наамзна, убадтааго махзсино.

Ānando nāma nāmena, upaṭṭhāko mahesino.

‘‘аад̇аабий нибаго жааби, б̣аахусажжзсу говид̣̇о;

‘‘Ātāpī nipako cāpi, bāhusaccesu kovido;

ниваад̇авуд̇д̇и ад̇т̇ад̣̇д̇хо, саб̣б̣абаатий бхависсад̇и.

Nivātavutti atthaddho, sabbapāṭhī bhavissati.

‘‘бад̇хаанабахид̇ад̇д̇о со, убасанд̇о нируубад̇хи;

‘‘Padhānapahitatto so, upasanto nirūpadhi;

саб̣б̣аасавз барин̃н̃ааяа, ниб̣б̣ааяиссад̇инаасаво.

Sabbāsave pariññāya, nibbāyissatināsavo.

‘‘санд̇и ааран̃н̃агаа нааг̇аа, гун̃ж̇араа садтихааяанаа;

‘‘Santi āraññakā nāgā, kuñjarā saṭṭhihāyanā;

д̇ид̇хаабабхиннаа маад̇ан̇г̇аа, ийсаад̣̇анд̇аа уруул̣хаваа.

Tidhāpabhinnā mātaṅgā, īsādantā urūḷhavā.

‘‘анзгасад̇асахассаа, бан̣д̣ид̇ааби махид̣̇д̇хигаа;

‘‘Anekasatasahassā, paṇḍitāpi mahiddhikā;

саб̣б̣з д̇з б̣уд̣̇д̇ханааг̇асса, на хонд̇убан̣ид̇химхи д̇з.

Sabbe te buddhanāgassa, na hontupaṇidhimhi te.

‘‘аад̣̇ияаа мз намассаами, маж̇жхимз ат̇а бажчимз;

‘‘Ādiyā me namassāmi, majjhime atha pacchime;

басаннажид̇д̇о сумано, б̣уд̣̇д̇хасздтам̣ убадтахим̣.

Pasannacitto sumano, buddhaseṭṭhaṃ upaṭṭhahiṃ.

‘‘аад̇аабий нибаго жааби, самбаж̇аано бадиссад̇о;

‘‘Ātāpī nipako cāpi, sampajāno paṭissato;

сод̇аабад̇д̇ипалам̣ бад̇д̇о, сзкабхуумийсу говид̣̇о.

Sotāpattiphalaṃ patto, sekhabhūmīsu kovido.

‘‘сад̇асахассид̇о габбз, яам̣ гаммамабхинийхарим̣;

‘‘Satasahassito kappe, yaṃ kammamabhinīhariṃ;

д̇аахам̣ бхуумимануббад̇д̇о, тид̇аа сад̣̇д̇хаммамаажалаа.

Tāhaṃ bhūmimanuppatto, ṭhitā saddhammamācalā.

‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасана’’нд̇и.

‘‘Svāgataṃ vata me āsi…pe… kataṃ buddhassa sāsana’’nti.

чал̣абхин̃н̃о бана худ̇ваа сан̇г̇ийд̇иман̣д̣абам̣ бависид̇ваа д̇хаммам̣ сан̇г̇ааяанд̇о д̇ад̇т̇а д̇ад̇т̇а бхигкуунам̣ оваад̣̇ад̣̇аанавасзна ад̇д̇ано бадибад̇д̇ид̣̇ийбанаад̣̇ивасзна жа бхаасид̇аг̇аат̇аа згаж̇жхам̣ гад̇ваа ануггамзва куд̣̇д̣̇аганигааяасан̇г̇ааяанагаалз т̇зраг̇аат̇аасу сан̇г̇ийд̇им̣ ааробзнд̇о –

Chaḷabhiñño pana hutvā saṅgītimaṇḍapaṃ pavisitvā dhammaṃ saṅgāyanto tattha tattha bhikkhūnaṃ ovādadānavasena attano paṭipattidīpanādivasena ca bhāsitagāthā ekajjhaṃ katvā anukkameva khuddakanikāyasaṅgāyanakāle theragāthāsu saṅgītiṃ āropento –

1017.

‘‘бисун̣зна жа год̇ханзна жа, мажчаринаа жа вибхууд̇ананд̣̇инаа;

‘‘Pisuṇena ca kodhanena ca, maccharinā ca vibhūtanandinā;

сакид̇ам̣ на гарзяяа бан̣д̣ид̇о, баабо гаабурисзна сан̇г̇амо.

Sakhitaṃ na kareyya paṇḍito, pāpo kāpurisena saṅgamo.

1018.

‘‘сад̣̇д̇хзна жа бзсалзна жа, бан̃н̃авад̇аа б̣ахуссуд̇зна жа;

‘‘Saddhena ca pesalena ca, paññavatā bahussutena ca;

сакид̇ам̣ гарзяяа бан̣д̣ид̇о, бхад̣̇д̣̇о саббурисзна сан̇г̇амо.

Sakhitaṃ kareyya paṇḍito, bhaddo sappurisena saṅgamo.

1019.

‘‘басса жид̇д̇агад̇ам̣ б̣имб̣ам̣, аругааяам̣ самуссид̇ам̣;

‘‘Passa cittakataṃ bimbaṃ, arukāyaṃ samussitaṃ;

аад̇урам̣ б̣ахусан̇габбам̣, яасса над̇т̇и д̇хувам̣ тид̇и.

Āturaṃ bahusaṅkappaṃ, yassa natthi dhuvaṃ ṭhiti.

1020.

‘‘басса жид̇д̇агад̇ам̣ руубам̣, ман̣инаа гун̣д̣алзна жа;

‘‘Passa cittakataṃ rūpaṃ, maṇinā kuṇḍalena ca;

адтид̇ажзна онад̣̇д̇хам̣, саха вад̇т̇зхи собхад̇и.

Aṭṭhitacena onaddhaṃ, saha vatthehi sobhati.

1021.

‘‘алад̇д̇агагад̇аа баад̣̇аа, мукам̣ жун̣н̣агамагкид̇ам̣;

‘‘Alattakakatā pādā, mukhaṃ cuṇṇakamakkhitaṃ;

алам̣ б̣ааласса мохааяа, но жа баараг̇авзсино.

Alaṃ bālassa mohāya, no ca pāragavesino.

1022.

‘‘адтабад̣̇агад̇аа гзсаа, нзд̇д̇аа ан̃ж̇анамагкид̇аа;

‘‘Aṭṭhapadakatā kesā, nettā añjanamakkhitā;

алам̣ б̣ааласса мохааяа, но жа баараг̇авзсино.

Alaṃ bālassa mohāya, no ca pāragavesino.

1023.

‘‘ан̃ж̇анийва наваа жид̇д̇аа, бууд̇игааяо алан̇гад̇о;

‘‘Añjanīva navā cittā, pūtikāyo alaṅkato;

алам̣ б̣ааласса мохааяа, но жа баараг̇авзсино.

Alaṃ bālassa mohāya, no ca pāragavesino.

‘‘од̣̇ахи миг̇аво баасам̣, наасад̣̇аа вааг̇урам̣ миг̇о;

‘‘Odahi migavo pāsaṃ, nāsadā vāguraṃ migo;

бхуд̇ваа ниваабам̣ г̇ажчаама, ганд̣̇анд̇з миг̇аб̣анд̇хагз.

Bhutvā nivāpaṃ gacchāma, kandante migabandhake.

‘‘чинно баасо миг̇авасса, наасад̣̇аа вааг̇урам̣ миг̇о;

‘‘Chinno pāso migavassa, nāsadā vāguraṃ migo;

бхуд̇ваа ниваабам̣ г̇ажчаама, сожанд̇з миг̇алуд̣̇д̣̇агз.

Bhutvā nivāpaṃ gacchāma, socante migaluddake.

1024.

‘‘б̣ахуссуд̇о жид̇д̇агат̇ий, б̣уд̣̇д̇хасса барижаараго;

‘‘Bahussuto cittakathī, buddhassa paricārako;

баннабхааро висан̃н̃уд̇д̇о, сзяяам̣ габбзд̇и г̇од̇амо.

Pannabhāro visaññutto, seyyaṃ kappeti gotamo.

1025.

‘‘кийн̣аасаво висан̃н̃уд̇д̇о, сан̇г̇аад̇ийд̇о суниб̣б̣уд̇о;

‘‘Khīṇāsavo visaññutto, saṅgātīto sunibbuto;

д̇хаарзд̇и анд̇имам̣ д̣̇зхам̣, ж̇аад̇имаран̣абаараг̇уу.

Dhāreti antimaṃ dehaṃ, jātimaraṇapāragū.

1026.

‘‘яасмим̣ бад̇идтид̇аа д̇хаммаа, б̣уд̣̇д̇хассаад̣̇ижжаб̣анд̇хуно;

‘‘Yasmiṃ patiṭṭhitā dhammā, buddhassādiccabandhuno;

ниб̣б̣аанаг̇аманз маг̇г̇з, сояам̣ д̇идтад̇и г̇од̇амо.

Nibbānagamane magge, soyaṃ tiṭṭhati gotamo.

1027.

‘‘д̣̇ваасийд̇и б̣уд̣̇д̇хад̇о г̇ан̣хим̣, д̣̇вз сахассаани бхигкуд̇о;

‘‘Dvāsīti buddhato gaṇhiṃ, dve sahassāni bhikkhuto;

жад̇ураасийд̇исахассаани, яз мз д̇хаммаа бавад̇д̇ино.

Caturāsītisahassāni, ye me dhammā pavattino.

1028.

‘‘аббассуд̇ааяам̣ бурисо, б̣алиб̣ад̣̇д̣̇ова ж̇ийрад̇и;

‘‘Appassutāyaṃ puriso, balibaddova jīrati;

мам̣саани д̇асса вад̣дханд̇и, бан̃н̃аа д̇асса на вад̣дхад̇и.

Maṃsāni tassa vaḍḍhanti, paññā tassa na vaḍḍhati.

1029.

‘‘б̣ахуссуд̇о аббассуд̇ам̣, яо суд̇знаад̇иман̃н̃ад̇и;

‘‘Bahussuto appassutaṃ, yo sutenātimaññati;

анд̇хо бад̣̇ийбад̇хаарова, д̇ат̇зва бадибхаад̇и мам̣.

Andho padīpadhārova, tatheva paṭibhāti maṃ.

1030.

‘‘б̣ахуссуд̇ам̣ убаасзяяа, суд̇ан̃жа на винаасаяз;

‘‘Bahussutaṃ upāseyya, sutañca na vināsaye;

д̇ам̣ муулам̣ б̣рахмажарияасса, д̇асмаа д̇хаммад̇харо сияаа.

Taṃ mūlaṃ brahmacariyassa, tasmā dhammadharo siyā.

1031.

‘‘буб̣б̣аабаран̃н̃уу ад̇т̇ан̃н̃уу, нируд̇д̇ибад̣̇аговид̣̇о;

‘‘Pubbāparaññū atthaññū, niruttipadakovido;

суг̇г̇ахийд̇ан̃жа г̇ан̣хаад̇и, ад̇т̇ан̃жобабаригкад̇и.

Suggahītañca gaṇhāti, atthañcopaparikkhati.

1032.

‘‘канд̇яаа чанд̣̇игад̇о ход̇и, уссахид̇ваа д̇улзд̇и д̇ам̣;

‘‘Khantyā chandikato hoti, ussahitvā tuleti taṃ;

самаяз со бад̣̇ахад̇и, аж̇жхад̇д̇ам̣ сусамаахид̇о.

Samaye so padahati, ajjhattaṃ susamāhito.

1033.

‘‘б̣ахуссуд̇ам̣ д̇хаммад̇харам̣, саббан̃н̃ам̣ б̣уд̣̇д̇хасаавагам̣;

‘‘Bahussutaṃ dhammadharaṃ, sappaññaṃ buddhasāvakaṃ;

д̇хаммавин̃н̃аан̣амааган̇кам̣, д̇ам̣ бхаж̇зт̇а д̇ат̇аавид̇хам̣.

Dhammaviññāṇamākaṅkhaṃ, taṃ bhajetha tathāvidhaṃ.

1034.

‘‘б̣ахуссуд̇о д̇хаммад̇харо, госаарагко махзсино;

‘‘Bahussuto dhammadharo, kosārakkho mahesino;

жагку саб̣б̣асса логасса, бууж̇анийяо б̣ахуссуд̇о.

Cakkhu sabbassa lokassa, pūjanīyo bahussuto.

1035.

‘‘д̇хаммаараамо д̇хаммарад̇о, д̇хаммам̣ анувижинд̇аяам̣;

‘‘Dhammārāmo dhammarato, dhammaṃ anuvicintayaṃ;

д̇хаммам̣ ануссарам̣ бхигку, сад̣̇д̇хаммаа на барихааяад̇и.

Dhammaṃ anussaraṃ bhikkhu, saddhammā na parihāyati.

1036.

‘‘гааяамажчзраг̇аруно , хияяамаанз анудтахз;

‘‘Kāyamaccheragaruno , hiyyamāne anuṭṭhahe;

сарийрасукаг̇ид̣̇д̇хасса, гуд̇о саман̣апаасуд̇аа.

Sarīrasukhagiddhassa, kuto samaṇaphāsutā.

1037.

‘‘на багканд̇и д̣̇исаа саб̣б̣аа, д̇хаммаа на бадибханд̇и мам̣;

‘‘Na pakkhanti disā sabbā, dhammā na paṭibhanti maṃ;

г̇ад̇з галяаан̣амид̇д̇амхи, анд̇хагаарам̣ва кааяад̇и.

Gate kalyāṇamittamhi, andhakāraṃva khāyati.

1038.

‘‘аб̣бхад̇ийд̇асахааяасса, ад̇ийд̇аг̇ад̇асад̇т̇уно;

‘‘Abbhatītasahāyassa, atītagatasatthuno;

над̇т̇и зд̇аад̣̇исам̣ мид̇д̇ам̣, яат̇аа гааяаг̇ад̇аа сад̇и.

Natthi etādisaṃ mittaṃ, yathā kāyagatā sati.

1039.

‘‘яз бураан̣аа ад̇ийд̇аа д̇з, навзхи на самзд̇и мз;

‘‘Ye purāṇā atītā te, navehi na sameti me;

сваж̇ж̇а згова жхааяаами, вассубзд̇ова багкимаа.

Svajja ekova jhāyāmi, vassupetova pakkhimā.

1040.

‘‘д̣̇ассанааяа абхигганд̇з, наанаавзраж̇ж̇агз б̣ахуу;

‘‘Dassanāya abhikkante, nānāverajjake bahū;

маа ваараяид̇т̇а сод̇ааро, бассанд̇у самаяо мамам̣.

Mā vārayittha sotāro, passantu samayo mamaṃ.

1041.

‘‘д̣̇ассанааяа абхигганд̇з, наанаавзраж̇ж̇агз бут̇у;

‘‘Dassanāya abhikkante, nānāverajjake puthu;

гарод̇и сад̇т̇аа огаасам̣, на ниваарзд̇и жагкумаа.

Karoti satthā okāsaṃ, na nivāreti cakkhumā.

1042.

‘‘бан̣н̣авийсад̇и вассаани, сзкабхууд̇асса мз сад̇о;

‘‘Paṇṇavīsati vassāni, sekhabhūtassa me sato;

на гаамасан̃н̃аа уббаж̇ж̇и, басса д̇хаммасуд̇хаммад̇ам̣.

Na kāmasaññā uppajji, passa dhammasudhammataṃ.

1043.

‘‘бан̣н̣авийсад̇и вассаани, сзкабхууд̇асса мз сад̇о;

‘‘Paṇṇavīsati vassāni, sekhabhūtassa me sato;

на д̣̇осасан̃н̃аа уббаж̇ж̇и, басса д̇хаммасуд̇хаммад̇ам̣.

Na dosasaññā uppajji, passa dhammasudhammataṃ.

1044.

‘‘бан̣н̣авийсад̇и вассаани, бхаг̇аванд̇ам̣ убадтахим̣;

‘‘Paṇṇavīsati vassāni, bhagavantaṃ upaṭṭhahiṃ;

мзд̇д̇зна гааяагаммзна, чааяаава анабааяиний.

Mettena kāyakammena, chāyāva anapāyinī.

1045.

‘‘бан̣н̣авийсад̇и вассаани, бхаг̇аванд̇ам̣ убадтахим̣;

‘‘Paṇṇavīsati vassāni, bhagavantaṃ upaṭṭhahiṃ;

мзд̇д̇зна важийгаммзна, чааяаава анабааяиний.

Mettena vacīkammena, chāyāva anapāyinī.

1046.

‘‘бан̣н̣авийсад̇и вассаани, бхаг̇аванд̇ам̣ убадтахим̣;

‘‘Paṇṇavīsati vassāni, bhagavantaṃ upaṭṭhahiṃ;

мзд̇д̇зна маногаммзна, чааяаава анабааяиний.

Mettena manokammena, chāyāva anapāyinī.

1047.

‘‘б̣уд̣̇д̇хасса жан̇гаманд̇асса, бидтид̇о анужан̇гамим̣;

‘‘Buddhassa caṅkamantassa, piṭṭhito anucaṅkamiṃ;

д̇хаммз д̣̇зсияамаанамхи, н̃аан̣ам̣ мз уд̣̇абаж̇ж̇ат̇а.

Dhamme desiyamānamhi, ñāṇaṃ me udapajjatha.

1048.

‘‘ахам̣ сагаран̣ийяомхи, сзко аббад̇д̇амаанасо;

‘‘Ahaṃ sakaraṇīyomhi, sekho appattamānaso;

сад̇т̇у жа бариниб̣б̣аанам̣, яо амхам̣ анугамбаго.

Satthu ca parinibbānaṃ, yo amhaṃ anukampako.

1049.

‘‘д̇ад̣̇ааси яам̣ бхим̣санагам̣, д̇ад̣̇ааси ломахам̣санам̣;

‘‘Tadāsi yaṃ bhiṃsanakaṃ, tadāsi lomahaṃsanaṃ;

саб̣б̣агаараваруубзд̇з, самб̣уд̣̇д̇хз бариниб̣б̣уд̇з.

Sabbakāravarūpete, sambuddhe parinibbute.

1050.

‘‘б̣ахуссуд̇о д̇хаммад̇харо, госаарагко махзсино;

‘‘Bahussuto dhammadharo, kosārakkho mahesino;

жагку саб̣б̣асса логасса, аананд̣̇о бариниб̣б̣уд̇о.

Cakkhu sabbassa lokassa, ānando parinibbuto.

1051.

‘‘б̣ахуссуд̇о д̇хаммад̇харо, госаарагко махзсино;

‘‘Bahussuto dhammadharo, kosārakkho mahesino;

жагку саб̣б̣асса логасса, анд̇хагаарз д̇амонуд̣̇о.

Cakkhu sabbassa lokassa, andhakāre tamonudo.

1052.

‘‘г̇ад̇иманд̇о сад̇иманд̇о, д̇хид̇иманд̇о жа яо иси;

‘‘Gatimanto satimanto, dhitimanto ca yo isi;

сад̣̇д̇хаммад̇хаараго т̇зро, аананд̣̇о рад̇анаагаро.

Saddhammadhārako thero, ānando ratanākaro.

1053.

‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;

‘‘Pariciṇṇo mayā satthā, kataṃ buddhassa sāsanaṃ;

охид̇о г̇аруго бхааро, над̇т̇и д̣̇аани бунаб̣бхаво’’д̇и. –

Ohito garuko bhāro, natthi dāni punabbhavo’’ti. –

имаа г̇аат̇аа абхааси.

Imā gāthā abhāsi.

д̇ад̇т̇а бисун̣зна жаад̇и аад̣̇ид̇о д̣̇вз г̇аат̇аа чаб̣б̣аг̇г̇ияз бхигкуу д̣̇звад̣̇ад̇д̇абагкиязхи бхигкуухи сад̣̇д̇хим̣ сам̣саг̇г̇ам̣ гаронд̇з д̣̇исваа д̇зсам̣ оваад̣̇ад̣̇аанавасзна вуд̇д̇аа. д̇ад̇т̇а бисун̣знаад̇и бисун̣ааяа ваажааяа. д̇ааяа хи яуд̇д̇о буг̇г̇ало ‘‘бисун̣о’’д̇и вуд̇д̇о яат̇аа нийлаг̇ун̣аяуд̇д̇о бадо нийлод̇и. год̇ханзнаад̇и гуж̇жханасийлзна. ад̇д̇асамбад̇д̇иниг̇уухан̣алагкан̣асса мажчзрасса самбхавад̇о мажчаринаа. вибхууд̇ананд̣̇инаад̇и сад̇д̇аанам̣ вибхууд̇ам̣ вибхаванам̣ винаасам̣ ижчанд̇зна, вибхууд̇ам̣ ваа висум̣ бхааво бхзд̣̇о, д̇ам̣ нанд̣̇анзна, саб̣б̣амзд̇ам̣ д̣̇звад̣̇ад̇д̇абагкиязва санд̇хааяа вуд̇д̇ам̣. д̇з хи бан̃жавад̇т̇уд̣̇ийбанааяа б̣ахуу ж̇анз саммаабадибаннз бхинд̣̇анд̇аа сад̇т̇ари б̣ахид̣̇д̇хад̇ааяа т̇ад̣̇д̇хамажчарияаад̣̇имажчарияабагад̇аа махааж̇анасса махад̇о анад̇т̇ааяа бадибаж̇ж̇им̣су. сакид̇анд̇и сахааяабхаавам̣ сам̣саг̇г̇ам̣ на гарзяяа, гим̣гааран̣аа? баабо гаабурисзна сан̇г̇амо гаабурисзна баабабуг̇г̇алзна самааг̇амо нихийно лаамаго. яз хисса д̣̇идтаануг̇ад̇им̣ аабаж̇ж̇анд̇и. д̇зсам̣ д̣̇ужинд̇ид̇аад̣̇ибхзд̣̇ам̣ б̣аалалагкан̣амзва аавахад̇и, баг̇зва важанагарасса. д̇знааха бхаг̇аваа – ‘‘яаани гаанижи, бхигкавз, бхаяаани уббаж̇ж̇анд̇и, саб̣б̣аани д̇аани б̣аалад̇о уббаж̇ж̇анд̇и, но бан̣д̣ид̇ад̇о’’д̇иаад̣̇и (а. ни. 3.1).

Tattha pisuṇena cāti ādito dve gāthā chabbaggiye bhikkhū devadattapakkhiyehi bhikkhūhi saddhiṃ saṃsaggaṃ karonte disvā tesaṃ ovādadānavasena vuttā. Tattha pisuṇenāti pisuṇāya vācāya. Tāya hi yutto puggalo ‘‘pisuṇo’’ti vutto yathā nīlaguṇayutto paṭo nīloti. Kodhanenāti kujjhanasīlena. Attasampattinigūhaṇalakkhaṇassa maccherassa sambhavato maccharinā. Vibhūtanandināti sattānaṃ vibhūtaṃ vibhavanaṃ vināsaṃ icchantena, vibhūtaṃ vā visuṃ bhāvo bhedo, taṃ nandanena, sabbametaṃ devadattapakkhiyeva sandhāya vuttaṃ. Te hi pañcavatthudīpanāya bahū jane sammāpaṭipanne bhindantā satthari bahiddhatāya thaddhamacchariyādimacchariyapakatā mahājanassa mahato anatthāya paṭipajjiṃsu. Sakhitanti sahāyabhāvaṃ saṃsaggaṃ na kareyya, kiṃkāraṇā? Pāpokāpurisena saṅgamo kāpurisena pāpapuggalena samāgamo nihīno lāmako. Ye hissa diṭṭhānugatiṃ āpajjanti. Tesaṃ ducintitādibhedaṃ bālalakkhaṇameva āvahati, pageva vacanakarassa. Tenāha bhagavā – ‘‘yāni kānici, bhikkhave, bhayāni uppajjanti, sabbāni tāni bālato uppajjanti, no paṇḍitato’’tiādi (a. ni. 3.1).

язна бана сам̣саг̇г̇о гаад̇аб̣б̣о, д̇ам̣ д̣̇ассзд̇ум̣ ‘‘сад̣̇д̇хзна жаа’’д̇иаад̣̇и вуд̇д̇ам̣. д̇ад̇т̇а сад̣̇д̇хзнаад̇и гаммагаммапаласад̣̇д̇хааяа жзва, рад̇анад̇д̇аяасад̣̇д̇хааяа жа саманнааг̇ад̇зна. бзсалзнаад̇и бияасийлзна сийласамбаннзна. бан̃н̃авад̇аад̇и уд̣̇аяад̇т̇аг̇ааминияаа ниб̣б̣зд̇хигааяа бан̃н̃ааяа васзна бан̃н̃аасамбаннзна. б̣ахуссуд̇знаад̇и барияад̇д̇ибадивзд̇хаб̣аахусажжаанам̣ баарибуурияаа б̣ахуссуд̇зна. бхад̣̇д̣̇од̇и д̇зна д̇аад̣̇исзна саад̇хунаа сан̇г̇амо бхад̣̇д̣̇о сунд̣̇аро галяаан̣о д̣̇идтад̇хаммигаад̣̇ибхзд̣̇ам̣ ад̇т̇ам̣ аавахад̇ийд̇и ад̇хиббааяо.

Yena pana saṃsaggo kātabbo, taṃ dassetuṃ ‘‘saddhena cā’’tiādi vuttaṃ. Tattha saddhenāti kammakammaphalasaddhāya ceva, ratanattayasaddhāya ca samannāgatena. Pesalenāti piyasīlena sīlasampannena. Paññavatāti udayatthagāminiyā nibbedhikāya paññāya vasena paññāsampannena. Bahussutenāti pariyattipaṭivedhabāhusaccānaṃ pāripūriyā bahussutena. Bhaddoti tena tādisena sādhunā saṅgamo bhaddo sundaro kalyāṇo diṭṭhadhammikādibhedaṃ atthaṃ āvahatīti adhippāyo.

басса жид̇д̇агад̇анд̇иаад̣̇игаа сад̇д̇а г̇аат̇аа ад̇д̇ано руубасамбад̇д̇им̣ д̣̇исваа гаамасан̃н̃ам̣ уббаад̣̇знд̇ияаа уд̇д̇арааяа наама убаасигааяа гааяавижчанд̣̇аж̇ананад̇т̇ам̣ бхаасид̇аа . ‘‘амб̣абаалим̣ г̇ан̣игам̣ д̣̇исваа вигкид̇д̇ажид̇д̇аанам̣ оваад̣̇ад̣̇аанад̇т̇а’’нд̇иби вад̣̇анд̇и. д̇аа хздтаа вуд̇д̇ад̇т̇аа зва.

Passa cittakatantiādikā satta gāthā attano rūpasampattiṃ disvā kāmasaññaṃ uppādentiyā uttarāya nāma upāsikāya kāyavicchandajananatthaṃ bhāsitā . ‘‘Ambapāliṃ gaṇikaṃ disvā vikkhittacittānaṃ ovādadānattha’’ntipi vadanti. Tā heṭṭhā vuttatthā eva.

б̣ахуссуд̇о жид̇д̇агат̇ийд̇иаад̣̇игаа д̣̇вз г̇аат̇аа т̇зрзна арахад̇д̇ам̣ бад̇ваа уд̣̇аанавасзна бхаасид̇аа. д̇ад̇т̇а барижаарагод̇и убадтааго. сзяяам̣ габбзд̇ийд̇и арахад̇д̇аббад̇д̇исамананд̇арам̣ саяид̇ад̇д̇аа вуд̇д̇ам̣. т̇зро хи б̣ахуд̣̇зва рад̇д̇им̣ жан̇гамзна вийд̇инаамзд̇ваа сарийрам̣ уд̇ум̣ г̇аахаабзд̇ум̣ оварагам̣ бависид̇ваа саяид̇ум̣ ман̃жагз нисинно баад̣̇аа жа бхуумид̇о муд̇д̇аа, аббад̇д̇ан̃жа сийсам̣ б̣имб̣оханам̣, зд̇т̇анд̇арз арахад̇д̇ам̣ бад̇ваа саяи.

Bahussutocittakathītiādikā dve gāthā therena arahattaṃ patvā udānavasena bhāsitā. Tattha paricārakoti upaṭṭhāko. Seyyaṃ kappetīti arahattappattisamanantaraṃ sayitattā vuttaṃ. Thero hi bahudeva rattiṃ caṅkamena vītināmetvā sarīraṃ utuṃ gāhāpetuṃ ovarakaṃ pavisitvā sayituṃ mañcake nisinno pādā ca bhūmito muttā, appattañca sīsaṃ bimbohanaṃ, etthantare arahattaṃ patvā sayi.

кийн̣аасавод̇и баригкийн̣ажад̇ураасаво, д̇ад̇о зва жад̇уухиби яог̇зхи висам̣яуд̇д̇о, рааг̇асан̇г̇аад̣̇ийнам̣ ад̇игганд̇ад̇д̇аа сан̇г̇аад̇ийд̇о, саб̣б̣асо гилзсабарил̣аахасса вуубасанд̇ад̇д̇аа суниб̣б̣уд̇о сийд̇ибхууд̇од̇и ад̇т̇о.

Khīṇāsavoti parikkhīṇacaturāsavo, tato eva catūhipi yogehi visaṃyutto, rāgasaṅgādīnaṃ atikkantattā saṅgātīto, sabbaso kilesapariḷāhassa vūpasantattā sunibbuto sītibhūtoti attho.

яасмим̣ бад̇идтид̇аа д̇хаммаад̇и т̇зрам̣ уд̣̇д̣̇исса кийн̣аасавамахааб̣рахмунаа бхаасид̇аа г̇аат̇аа. убадтид̇ааяа хи д̇хаммасан̇г̇ийд̇ияаа т̇зрам̣ уд̣̇д̣̇исса язхи бхигкуухи ‘‘зго бхигку виссаг̇анд̇хам̣ вааяад̇ий’’д̇и вуд̇д̇ам̣. ат̇а т̇зро ад̇хиг̇ад̇з арахад̇д̇з сад̇д̇абан̣н̣иг̇ухаад̣̇ваарам̣ сан̇гхасса саамаг̇г̇ийд̣̇аанад̇т̇ам̣ ааг̇ад̇о, д̇асса кийн̣аасавабхааваббагаасанзна суд̣̇д̇хааваасамахааб̣рахмаа. д̇з бхигкуу лаж̇ж̇аабзнд̇о ‘‘яасмим̣ бад̇идтид̇аа д̇хаммаа’’д̇и г̇аат̇амааха. д̇ассад̇т̇о – б̣уд̣̇д̇хасса бхаг̇авад̇о д̇хаммаа д̇знзва ад̇хиг̇ад̇аа бавзд̣̇ид̇аа жа бадивзд̇хабарияад̇д̇ид̇хаммаа. яасмим̣ бурисависзсз бад̇идтид̇аа, сояам̣ г̇од̇д̇ад̇о г̇од̇амо д̇хаммабхан̣д̣ааг̇аариго саубаад̣̇исзсаниб̣б̣аанасса ад̇хиг̇ад̇ад̇д̇аа ид̣̇аани анубаад̣̇исзсаниб̣б̣аанаг̇аманз маг̇г̇з бад̇идтахи, д̇асса згам̣сабхааг̇ийд̇и.

Yasmiṃ patiṭṭhitā dhammāti theraṃ uddissa khīṇāsavamahābrahmunā bhāsitā gāthā. Upaṭṭhitāya hi dhammasaṅgītiyā theraṃ uddissa yehi bhikkhūhi ‘‘eko bhikkhu vissagandhaṃ vāyatī’’ti vuttaṃ. Atha thero adhigate arahatte sattapaṇṇiguhādvāraṃ saṅghassa sāmaggīdānatthaṃ āgato, tassa khīṇāsavabhāvappakāsanena suddhāvāsamahābrahmā. Te bhikkhū lajjāpento ‘‘yasmiṃ patiṭṭhitā dhammā’’ti gāthamāha. Tassattho – buddhassa bhagavato dhammā teneva adhigatā paveditā ca paṭivedhapariyattidhammā. Yasmiṃ purisavisese patiṭṭhitā, soyaṃ gottato gotamo dhammabhaṇḍāgāriko saupādisesanibbānassa adhigatattā idāni anupādisesanibbānagamane magge patiṭṭhahi, tassa ekaṃsabhāgīti.

ат̇згад̣̇ивасам̣ г̇обагамог̇г̇аллаано наама б̣раахман̣о т̇зрам̣ бужчи – ‘‘д̇вам̣ б̣ахуссуд̇од̇и б̣уд̣̇д̇хасса саасанз баагадо, гид̇д̇агаа д̇хаммаа д̇з сад̇т̇аараа бхаасид̇аа, д̇аяаа д̇хаарид̇аа’’д̇и? д̇асса т̇зро бадиважанам̣ д̣̇знд̇о ‘‘д̣̇ваасийд̇ий’’д̇и г̇аат̇амааха. д̇ад̇т̇а д̣̇ваасийд̇и сахассаанийд̇и яож̇анаа, б̣уд̣̇д̇хад̇о г̇ан̣хинд̇и саммаасамб̣уд̣̇д̇хад̇о уг̇г̇ан̣хим̣ д̣̇висахассаад̇хигаани асийд̇ид̇хаммагканд̇хасахассаани сад̇т̇у санд̇игаа ад̇хиг̇ан̣хинд̇и ад̇т̇о. д̣̇вз сахассаани бхигкуд̇од̇и д̣̇вз д̇хаммагканд̇хасахассаани бхигкуд̇о г̇ан̣хим̣, д̇хаммасзнаабад̇иаад̣̇ийнам̣ бхигкуунам̣ санд̇игаа ад̇хиг̇ажчим̣. жад̇ураасийд̇исахассаанийд̇и д̇ад̣̇убхаяам̣ самод̇хаанзд̇ваа жад̇усахассаад̇хигаани асийд̇исахассаани. яз мз д̇хаммаа бавад̇д̇инод̇и яз яат̇аавуд̇д̇абаримаан̣аа д̇хаммагканд̇хаа маяхам̣ баг̇ун̣аа ваажуг̇г̇ад̇аа ж̇ивхаг̇г̇з баривад̇д̇анд̇ийд̇и.

Athekadivasaṃ gopakamoggallāno nāma brāhmaṇo theraṃ pucchi – ‘‘tvaṃ bahussutoti buddhassa sāsane pākaṭo, kittakā dhammā te satthārā bhāsitā, tayā dhāritā’’ti? Tassa thero paṭivacanaṃ dento ‘‘dvāsītī’’ti gāthamāha. Tattha dvāsīti sahassānīti yojanā, buddhato gaṇhinti sammāsambuddhato uggaṇhiṃ dvisahassādhikāni asītidhammakkhandhasahassāni satthu santikā adhigaṇhinti attho. Dve sahassāni bhikkhutoti dve dhammakkhandhasahassāni bhikkhuto gaṇhiṃ, dhammasenāpatiādīnaṃ bhikkhūnaṃ santikā adhigacchiṃ. Caturāsītisahassānīti tadubhayaṃ samodhānetvā catusahassādhikāni asītisahassāni. Ye me dhammā pavattinoti ye yathāvuttaparimāṇā dhammakkhandhā mayhaṃ paguṇā vācuggatā jivhagge parivattantīti.

ат̇згад̣̇аа т̇зро саасанз баб̣б̣аж̇ид̇ваа вибассанаад̇хурзби г̇ант̇ад̇хурзби анануяуд̇д̇ам̣ згам̣ буг̇г̇алам̣ д̣̇исваа б̣аахусажжаабхаавз аад̣̇ийнавам̣ багаасзнд̇о ‘‘аббассуд̇ааяа’’нд̇и г̇аат̇амааха. д̇ад̇т̇а аббассуд̇ааяанд̇и згасса д̣̇виннам̣ ваа бан̣н̣аасаанам̣, ат̇а ваа бана ваг̇г̇аанам̣ анд̇амасо згасса д̣̇виннам̣ ваа суд̇д̇анд̇аанамби уг̇г̇ахид̇аанам̣ абхаавзна аббассуд̇о аяам̣, гаммадтаанам̣ бана уг̇г̇ахзд̇ваа ануяун̃ж̇анд̇о б̣ахуссуд̇ова. б̣алиб̣ад̣̇д̣̇ова ж̇ийрад̇ийд̇и яат̇аа б̣алиб̣ад̣̇д̣̇о ж̇ийрамаано вад̣дхамаано нзва маад̇у на бид̇у, на сзсан̃аад̇агаанам̣ ад̇т̇ааяа вад̣дхад̇и, ат̇а ко нирад̇т̇агамзва ж̇ийрад̇и; звамзвам̣ аяамби на убаж̇жхааяавад̇д̇ам̣ гарод̇и, на аажарияавад̇д̇ам̣, на ааг̇анд̇угавад̇д̇аад̣̇ийни, на бхааванам̣ ануяун̃ж̇ад̇и, нирад̇т̇агамзва ж̇ийрад̇и. мам̣саани д̇асса вад̣дханд̇ийд̇и яат̇аа б̣алиб̣ад̣̇д̣̇асса ‘‘гасанабхаараваханаад̣̇ийсу асамад̇т̇о зсо’’д̇и аран̃н̃з виссадтасса яат̇аа д̇ат̇аа вижаранд̇асса каад̣̇анд̇асса биванд̇асса мам̣саани д̇асса вад̣дханд̇и; звамзвам̣ имассааби убаж̇жхааяаад̣̇ийхи виссадтасса сан̇гхам̣ ниссааяа жад̇д̇ааро бажжаяз лабхид̇ваа уд̣̇д̇хам̣вирзжанаад̣̇ийни гад̇ваа гааяам̣ босзнд̇асса мам̣саани вад̣дханд̇и т̇ууласарийро худ̇ваа вижарад̇и. бан̃н̃аад̇и логияалогуд̇д̇араа банасса бан̃н̃аа зган̇г̇улимад̇д̇ааби на вад̣дхад̇и, аран̃н̃з г̇ажчалад̇аад̣̇ийни вияа асса чад̣̇ваараани ниссааяа д̇ан̣хаа жзва нававид̇хамаано жа вад̣дхад̇ийд̇и ад̇хиббааяо.

Athekadā thero sāsane pabbajitvā vipassanādhurepi ganthadhurepi ananuyuttaṃ ekaṃ puggalaṃ disvā bāhusaccābhāve ādīnavaṃ pakāsento ‘‘appassutāya’’nti gāthamāha. Tattha appassutāyanti ekassa dvinnaṃ vā paṇṇāsānaṃ, atha vā pana vaggānaṃ antamaso ekassa dvinnaṃ vā suttantānampi uggahitānaṃ abhāvena appassuto ayaṃ, kammaṭṭhānaṃ pana uggahetvā anuyuñjanto bahussutova. Balibaddova jīratīti yathā balibaddo jīramāno vaḍḍhamāno neva mātu na pitu, na sesañātakānaṃ atthāya vaḍḍhati, atha kho niratthakameva jīrati; evamevaṃ ayampi na upajjhāyavattaṃ karoti, na ācariyavattaṃ, na āgantukavattādīni, na bhāvanaṃ anuyuñjati, niratthakameva jīrati. Maṃsāni tassa vaḍḍhantīti yathā balibaddassa ‘‘kasanabhāravahanādīsu asamattho eso’’ti araññe vissaṭṭhassa yathā tathā vicarantassa khādantassa pivantassa maṃsāni tassa vaḍḍhanti; evamevaṃ imassāpi upajjhāyādīhi vissaṭṭhassa saṅghaṃ nissāya cattāro paccaye labhitvā uddhaṃvirecanādīni katvā kāyaṃ posentassa maṃsāni vaḍḍhanti thūlasarīro hutvā vicarati. Paññāti lokiyalokuttarā panassa paññā ekaṅgulimattāpi na vaḍḍhati, araññe gacchalatādīni viya assa chadvārāni nissāya taṇhā ceva navavidhamāno ca vaḍḍhatīti adhippāyo.

б̣ахуссуд̇од̇и г̇аат̇аа ад̇д̇ано б̣аахусажжам̣ ниссааяа ан̃н̃ам̣ ад̇иман̃н̃анд̇ам̣ згам̣ бхигкум̣ уд̣̇д̣̇исса вуд̇д̇аа. д̇ад̇т̇а суд̇знаад̇и суд̇ахзд̇у ад̇д̇ано б̣аахусажжанимид̇д̇ам̣. ад̇иман̃н̃ад̇ийд̇и ад̇иггамид̇ваа ман̃н̃ад̇и ад̇д̇аанам̣ уггам̣сзнд̇о барам̣ барибхавад̇и. д̇ат̇зваад̇и яат̇аа анд̇хо анд̇хагаарз д̇злабаж̇ж̇од̇ам̣ д̇хаарзнд̇о аалогад̣̇аанзна барзсам̣язва ад̇т̇аавахо , на ад̇д̇ано, д̇ат̇зва барияад̇д̇иб̣аахусажжзна суд̇аваа буг̇г̇ало суд̇зна анубабанно ад̇д̇ано ад̇т̇ам̣ абарибуурзнд̇о анд̇хо н̃аан̣аалогад̣̇аанзна барзсам̣язва ад̇т̇аавахо, на ад̇д̇ано, д̣̇ийбад̇хааро анд̇хо вияа маяхам̣ убадтаад̇ийд̇и.

Bahussutoti gāthā attano bāhusaccaṃ nissāya aññaṃ atimaññantaṃ ekaṃ bhikkhuṃ uddissa vuttā. Tattha sutenāti sutahetu attano bāhusaccanimittaṃ. Atimaññatīti atikkamitvā maññati attānaṃ ukkaṃsento paraṃ paribhavati. Tathevāti yathā andho andhakāre telapajjotaṃ dhārento ālokadānena paresaṃyeva atthāvaho , na attano, tatheva pariyattibāhusaccena sutavā puggalo sutena anupapanno attano atthaṃ aparipūrento andho ñāṇālokadānena paresaṃyeva atthāvaho, na attano, dīpadhāro andho viya mayhaṃ upaṭṭhātīti.

ид̣̇аани б̣аахусажжз аанисам̣сам̣ д̣̇ассзнд̇о ‘‘б̣ахуссуд̇а’’нд̇и г̇аат̇амааха. д̇ад̇т̇а убаасзяяаад̇и баяирубаасзяяа. суд̇ан̃жа на винаасаязд̇и б̣ахуссуд̇ам̣ баяирубаасид̇ваа лад̣̇д̇хам̣ суд̇ан̃жа на винаасзяяа, на суссзяяа д̇хааран̣абарижаяабарибужчааманасигаарзхи вад̣дхзяяа. д̇ам̣ муулам̣ б̣рахмажарияассаад̇и яасмаа б̣ахуссуд̇ам̣ баяирубаасид̇ваа лад̣̇д̇хам̣ д̇ам̣ суд̇ам̣ барияад̇д̇иб̣аахусажжам̣ маг̇г̇аб̣рахмажарияасса муулам̣ бад̇хаанагааран̣ам̣. д̇асмаа д̇хаммад̇харо сияаа вимуд̇д̇ааяад̇анасийсз тад̇ваа яат̇аасуд̇асса д̇хаммасса д̇хааран̣з батамам̣ барияад̇д̇ид̇хаммад̇харо бхавзяяа.

Idāni bāhusacce ānisaṃsaṃ dassento ‘‘bahussuta’’nti gāthamāha. Tattha upāseyyāti payirupāseyya. Sutañca na vināsayeti bahussutaṃ payirupāsitvā laddhaṃ sutañca na vināseyya, na susseyya dhāraṇaparicayaparipucchāmanasikārehi vaḍḍheyya. Taṃ mūlaṃ brahmacariyassāti yasmā bahussutaṃ payirupāsitvā laddhaṃ taṃ sutaṃ pariyattibāhusaccaṃ maggabrahmacariyassa mūlaṃ padhānakāraṇaṃ. Tasmā dhammadharo siyā vimuttāyatanasīse ṭhatvā yathāsutassa dhammassa dhāraṇe paṭhamaṃ pariyattidhammadharo bhaveyya.

ид̣̇аани барияад̇д̇иб̣аахусажжзна саад̇хзд̇аб̣б̣амад̇т̇ам̣ д̣̇ассзд̇ум̣ ‘‘буб̣б̣аабаран̃н̃уу’’д̇иаад̣̇и вуд̇д̇ам̣. д̇ад̇т̇а буб̣б̣ан̃жа абаран̃жа ж̇аанаад̇ийд̇и буб̣б̣аабаран̃н̃уу. згиссаа хи г̇аат̇ааяа буб̣б̣абхааг̇з абан̃н̃ааяамаанзби буб̣б̣абхааг̇з ваа бан̃н̃ааяамаанз абарабхааг̇з абан̃н̃ааяамаанзби ‘‘имасса абарабхааг̇асса иминаа буб̣б̣абхааг̇зна , имасса ваа буб̣б̣абхааг̇асса иминаа абарабхааг̇зна бхавид̇аб̣б̣а’’нд̇и ж̇аананд̇о буб̣б̣аабаран̃н̃уу наама. ад̇д̇ад̇т̇аад̣̇ибхзд̣̇ам̣ д̇асса д̇асса бхаасид̇асса ад̇т̇ам̣ ж̇аанаад̇ийд̇и ад̇т̇ан̃н̃уу. нируд̇д̇ибад̣̇аговид̣̇од̇и нируд̇д̇ияам̣ сзсабад̣̇зсуби жаад̇и жад̇уусуби бадисамбхид̣̇аасу чзго. суг̇г̇ахийд̇ан̃жа г̇ан̣хаад̇ийд̇и д̇знзва говид̣̇абхаавзна ад̇т̇ад̇о б̣яан̃ж̇анад̇о жа д̇хаммам̣ суг̇ахид̇амзва гад̇ваа г̇ан̣хаад̇и. ад̇т̇ан̃жобабаригкад̇ийд̇и яат̇аасуд̇асса яат̇аабарияад̇д̇асса д̇хаммасса ад̇т̇ам̣ убабаригкад̇и ‘‘ид̇и сийлам̣, ид̇и самаад̇хи, ид̇и бан̃н̃аа, имз руубааруубад̇хаммаа’’д̇и манасаа анубзгкад̇и.

Idāni pariyattibāhusaccena sādhetabbamatthaṃ dassetuṃ ‘‘pubbāparaññū’’tiādi vuttaṃ. Tattha pubbañca aparañca jānātīti pubbāparaññū. Ekissā hi gāthāya pubbabhāge apaññāyamānepi pubbabhāge vā paññāyamāne aparabhāge apaññāyamānepi ‘‘imassa aparabhāgassa iminā pubbabhāgena , imassa vā pubbabhāgassa iminā aparabhāgena bhavitabba’’nti jānanto pubbāparaññū nāma. Attatthādibhedaṃ tassa tassa bhāsitassa atthaṃ jānātīti atthaññū. Niruttipadakovidoti niruttiyaṃ sesapadesupi cāti catūsupi paṭisambhidāsu cheko. Suggahītañca gaṇhātīti teneva kovidabhāvena atthato byañjanato ca dhammaṃ sugahitameva katvā gaṇhāti. Atthañcopaparikkhatīti yathāsutassa yathāpariyattassa dhammassa atthaṃ upaparikkhati ‘‘iti sīlaṃ, iti samādhi, iti paññā, ime rūpārūpadhammā’’ti manasā anupekkhati.

канд̇яаа чанд̣̇игад̇о ход̇ийд̇и д̇зсу манасаа анубзгкид̇зсу д̇хаммзсу д̣̇идтиниж̇жхаанагканд̇ияаа ниж̇жхаанам̣ камаабзд̇ваа руубабариг̇г̇ахаад̣̇имукзна вибассанаабхинивзсз чанд̣̇игад̇о чанд̣̇аж̇аад̇о ход̇и. д̇ат̇аабхууд̇о жа вибассанааяа гаммам̣ гаронд̇о уссахид̇ваа д̇улзд̇и д̇ам̣д̇ам̣бажжаяанаамаруубад̣̇ассанавасзна уссаахам̣ гад̇ваа д̇ад̇о барам̣ д̇илагкан̣ам̣ ааробзд̇ваа д̇улзд̇и ‘‘анижжа’’нд̇иби, ‘‘д̣̇угка’’нд̇иби, ‘‘анад̇д̇аа’’д̇иби д̇ам̣ наамаруубам̣ д̇ийрзд̇и вибассад̇и. самаяз со бад̣̇ахад̇и, аж̇жхад̇д̇ам̣ сусамаахид̇од̇и со звам̣ бассанд̇о баг̇г̇ахзд̇аб̣б̣аад̣̇исамаяз жид̇д̇асса баг̇г̇ан̣ханаад̣̇инаа бад̣̇ахад̇и, бад̣̇аханд̇о жа аж̇жхад̇д̇ам̣ г̇ожараж̇жхад̇д̇з вибассанаасамаад̇хинаа маг̇г̇асамаад̇хинаа жа судту самаахид̇о бхавзяяа, асамаад̇хаанахзд̇убхууд̇з гилзсз баж̇ахзяяа. свааяам̣ г̇ун̣о саб̣б̣оби яасмаа б̣ахуссуд̇ам̣ д̇хаммад̇харам̣ саббан̃н̃ам̣ б̣уд̣̇д̇хасаавагам̣ баяирубаасанд̇асса ход̇и, д̇асмаа асан̇кад̇ам̣ д̇хаммам̣ аараб̣бха д̣̇угкаад̣̇ийсу барин̃н̃аад̣̇ивисидтагижжад̇ааяа д̇хаммавин̃н̃аан̣асан̇каад̇ам̣ д̇хамман̃аан̣ам̣ ааган̇канд̇о д̇ат̇аавид̇хам̣ вуд̇д̇аббагаарам̣ галяаан̣амид̇д̇ам̣ бхаж̇зт̇а, сзвзяяа баяирубаасзяяаад̇и ад̇т̇о.

Khantyā chandikato hotīti tesu manasā anupekkhitesu dhammesu diṭṭhinijjhānakkhantiyā nijjhānaṃ khamāpetvā rūpapariggahādimukhena vipassanābhinivese chandikato chandajāto hoti. Tathābhūto ca vipassanāya kammaṃ karonto ussahitvā tuleti taṃtaṃpaccayanāmarūpadassanavasena ussāhaṃ katvā tato paraṃ tilakkhaṇaṃ āropetvā tuleti ‘‘anicca’’ntipi, ‘‘dukkha’’ntipi, ‘‘anattā’’tipi taṃ nāmarūpaṃ tīreti vipassati. Samaye so padahati, ajjhattaṃ susamāhitoti so evaṃ passanto paggahetabbādisamaye cittassa paggaṇhanādinā padahati, padahanto ca ajjhattaṃ gocarajjhatte vipassanāsamādhinā maggasamādhinā ca suṭṭhu samāhito bhaveyya, asamādhānahetubhūte kilese pajaheyya. Svāyaṃ guṇo sabbopi yasmā bahussutaṃ dhammadharaṃ sappaññaṃ buddhasāvakaṃ payirupāsantassa hoti, tasmā asaṅkhataṃ dhammaṃ ārabbha dukkhādīsu pariññādivisiṭṭhakiccatāya dhammaviññāṇasaṅkhātaṃ dhammañāṇaṃ ākaṅkhanto tathāvidhaṃ vuttappakāraṃ kalyāṇamittaṃ bhajetha, seveyya payirupāseyyāti attho.

звам̣ б̣ахубагаарад̇ааяа д̇асса бууж̇анийяагам̣ д̣̇ассзнд̇о ‘‘б̣ахуссуд̇о’’д̇и г̇аат̇амааха. д̇ассад̇т̇о – суд̇д̇аг̇зяяаад̣̇и б̣аху суд̇ам̣ зд̇ассаад̇и б̣ахуссуд̇о. д̇амзва д̣̇зсанаад̇хаммам̣ суван̣н̣абхааж̇анз багкид̇д̇асийхавасаа вияа авинассанд̇ам̣ д̇хаарзд̇ийд̇и д̇хаммад̇харо. д̇ад̇о зва махзсино бхаг̇авад̇о д̇хаммагосам̣ д̇хаммарад̇анам̣ аарагкад̇ийд̇и госаарагко. яасмаа сад̣̇звагасса логасса самад̣̇ассанзна жагкубхууд̇о, д̇асмаа жагку саб̣б̣асса логасса бууж̇анийяо маананийяод̇и, б̣ахуссуд̇абхаавзна б̣ахуж̇анасса бууж̇анийяабхаавад̣̇ассанад̇т̇ам̣ ниг̇аманавасзна бунаби ‘‘б̣ахуссуд̇о’’д̇и вуд̇д̇ам̣.

Evaṃ bahupakāratāya tassa pūjanīyakaṃ dassento ‘‘bahussuto’’ti gāthamāha. Tassattho – suttageyyādi bahu sutaṃ etassāti bahussuto. Tameva desanādhammaṃ suvaṇṇabhājane pakkhittasīhavasā viya avinassantaṃ dhāretīti dhammadharo. Tato eva mahesino bhagavato dhammakosaṃ dhammaratanaṃ ārakkhatīti kosārakkho. Yasmā sadevakassa lokassa samadassanena cakkhubhūto, tasmā cakkhu sabbassa lokassa pūjanīyo mānanīyoti, bahussutabhāvena bahujanassa pūjanīyabhāvadassanatthaṃ nigamanavasena punapi ‘‘bahussuto’’ti vuttaṃ.

зваруубам̣ галяаан̣амид̇д̇ам̣ лабхид̇вааби гаарагассзва абарихаани, на агаарагассаад̇и д̣̇ассзнд̇о ‘‘д̇хаммаараамо’’д̇и г̇аат̇амааха. д̇ад̇т̇а ниваасанадтзна самат̇авибассанаад̇хаммо аараамо, д̇асмим̣ зва д̇хаммз рад̇о абхирад̇од̇и д̇хаммарад̇о, д̇ассзва д̇хаммасса бунаббунам̣ вижинд̇анзна д̇хаммам̣ анувижинд̇аяам̣ д̇хаммам̣ ааваж̇ж̇знд̇о манаси гарод̇ийд̇и ад̇т̇о. ануссаранд̇и д̇амзва д̇хаммам̣ ануссаранд̇о. сад̣̇д̇хаммаад̇и зваруубо бхигку сад̇д̇ад̇им̣сабабхзд̣̇аа б̣од̇хибагкияад̇хаммаа нававид̇халогуд̇д̇арад̇хаммаа жа на барихааяад̇и, на гад̣̇аажи д̇асса д̇ад̇о барихаани ход̇ийд̇и ад̇т̇о.

Evarūpaṃ kalyāṇamittaṃ labhitvāpi kārakasseva aparihāni, na akārakassāti dassento ‘‘dhammārāmo’’ti gāthamāha. Tattha nivāsanaṭṭhena samathavipassanādhammo ārāmo, tasmiṃ eva dhamme rato abhiratoti dhammarato, tasseva dhammassa punappunaṃ vicintanena dhammaṃ anuvicintayaṃ dhammaṃ āvajjento manasi karotīti attho. Anussaranti tameva dhammaṃ anussaranto. Saddhammāti evarūpo bhikkhu sattatiṃsapabhedā bodhipakkhiyadhammā navavidhalokuttaradhammā ca na parihāyati, na kadāci tassa tato parihāni hotīti attho.

ат̇згад̣̇ивасам̣ гааяз авийд̇арааг̇ам̣ гусийд̇ам̣ хийнавийрияам̣ госаллааяаа д̇и наамам̣ бхигкум̣ сам̣взж̇знд̇о ‘‘гааяамажчзраг̇аруно’’д̇и г̇аат̇амааха. д̇ад̇т̇а гааяамажчзраг̇арунод̇и ‘‘гааяад̣̇ал̣хийб̣ахуласса гааяз мамад̇д̇асса аажарияубаж̇жхааяаанамби гааязна гад̇д̇аб̣б̣ам̣ гин̃жи агад̇ваа вижаранд̇асса. хияяамаанзд̇и ад̇д̇ано гааяз ж̇ийвид̇з жа кан̣з кан̣з барихияяамаанз. анудтахзд̇и сийлаад̣̇ийнам̣ барибууран̣авасзна удтаанавийрияам̣ на гарзяяа. сарийрасукаг̇ид̣̇д̇хассаад̇и ад̇д̇ано сарийрасса сукаабанзнзва г̇зд̇хам̣ аабаннасса. гуд̇о саман̣апаасуд̇аад̇и зваруубасса буг̇г̇аласса сааман̃н̃авасзна гуд̇о сукавихааро, паасувихааро на д̇асса виж̇ж̇ад̇ийд̇и ад̇т̇о.

Athekadivasaṃ kāye avītarāgaṃ kusītaṃ hīnavīriyaṃ kosallāyā ti nāmaṃ bhikkhuṃ saṃvejento ‘‘kāyamaccheragaruno’’ti gāthamāha. Tattha kāyamaccheragarunoti ‘‘kāyadaḷhībahulassa kāye mamattassa ācariyupajjhāyānampi kāyena kattabbaṃ kiñci akatvā vicarantassa. Hiyyamāneti attano kāye jīvite ca khaṇe khaṇe parihiyyamāne. Anuṭṭhaheti sīlādīnaṃ paripūraṇavasena uṭṭhānavīriyaṃ na kareyya. Sarīrasukhagiddhassāti attano sarīrassa sukhāpaneneva gedhaṃ āpannassa. Kuto samaṇaphāsutāti evarūpassa puggalassa sāmaññavasena kuto sukhavihāro, phāsuvihāro na tassa vijjatīti attho.

на багканд̇ийд̇иаад̣̇игаа ааяасмад̇о саарибуд̇д̇асса д̇хаммасзнаабад̇ино бариниб̣б̣уд̇абхаавам̣ суд̇ваа т̇зрзна бхаасид̇аа. д̇ад̇т̇а на багканд̇и д̣̇исаа саб̣б̣аад̇и бурад̇т̇имаад̣̇ибхзд̣̇аа саб̣б̣аа д̣̇исаа на багкаяанд̇и, д̣̇исаамуул̣ход̇и ад̇т̇о. д̇хаммаа на бадибханд̇и манд̇и буб̣б̣з судту баг̇ун̣ааби барияад̇д̇ид̇хаммаа ид̣̇аани саггажжам̣ саманнаахарияамаанааби маяхам̣ на убадтаханд̇и. г̇ад̇з галяаан̣амид̇д̇амхийд̇и сад̣̇звагасса логасса галяаан̣амид̇д̇абхууд̇з д̇хаммасзнаабад̇имхи анубаад̣̇исзсаниб̣б̣аанам̣ г̇ад̇з. анд̇хагаарам̣ва кааяад̇ийд̇и саб̣б̣обааяам̣ лого анд̇хагааро вияа убадтаад̇и.

Na pakkhantītiādikā āyasmato sāriputtassa dhammasenāpatino parinibbutabhāvaṃ sutvā therena bhāsitā. Tattha na pakkhanti disā sabbāti puratthimādibhedā sabbā disā na pakkhayanti, disāmūḷhoti attho. Dhammā na paṭibhanti manti pubbe suṭṭhu paguṇāpi pariyattidhammā idāni sakkaccaṃ samannāhariyamānāpi mayhaṃ na upaṭṭhahanti. Gate kalyāṇamittamhīti sadevakassa lokassa kalyāṇamittabhūte dhammasenāpatimhi anupādisesanibbānaṃ gate. Andhakāraṃva khāyatīti sabbopāyaṃ loko andhakāro viya upaṭṭhāti.

аб̣бхад̇ийд̇асахааяассаад̇и абаг̇ад̇асахааяасса, галяаан̣амид̇д̇арахид̇ассаад̇и ад̇т̇о. ад̇ийд̇аг̇ад̇асад̇т̇унод̇и ааяасмад̇о ад̇ийд̇о худ̇ваа ниб̣б̣аанаг̇ад̇асад̇т̇угасса, сад̇т̇ари бариниб̣б̣уд̇зд̇и ад̇т̇о. яат̇аа гааяаг̇ад̇аа сад̇ийд̇и гааяаг̇ад̇аасад̇ибхааванаа д̇аггарасса яат̇аа зганд̇ахид̇аавахаа, звам̣ зд̇аад̣̇исам̣ анаат̇асса буг̇г̇аласса зганд̇ахид̇аавахам̣ ан̃н̃ам̣ мид̇д̇ам̣ наама над̇т̇и, санаат̇асса ан̃н̃ааби бхааванаа хид̇аавахаа зваад̇и ад̇хиббааяо.

Abbhatītasahāyassāti apagatasahāyassa, kalyāṇamittarahitassāti attho. Atītagatasatthunoti āyasmato atīto hutvā nibbānagatasatthukassa, satthari parinibbuteti attho. Yathā kāyagatā satīti kāyagatāsatibhāvanā takkarassa yathā ekantahitāvahā, evaṃ etādisaṃ anāthassa puggalassa ekantahitāvahaṃ aññaṃ mittaṃ nāma natthi, sanāthassa aññāpi bhāvanā hitāvahā evāti adhippāyo.

бураан̣аад̇и бораан̣аа, саарибуд̇д̇аад̣̇игз галяаан̣амид̇д̇з санд̇хааяа вад̣̇ад̇и. навзхийд̇и навагзхи. на самзд̇и мзд̇и маяхам̣ жид̇д̇ам̣ на самааг̇ажчад̇и, на д̇з мама жид̇д̇ам̣ аараад̇хзнд̇ийд̇и ад̇т̇о. сваж̇ж̇а згова жхааяаамийд̇и сохам̣ аж̇ж̇а вуд̣дхад̇арзхи вирахид̇о згова худ̇ваа жхааяаами жхаанабасуд̇о хоми. вассубзд̇од̇и вассагаалз гулаавагам̣ убзд̇о багкий вияа. ‘‘ваасубзд̇о’’д̇иби баал̣и, ваасам̣ убаг̇ад̇од̇и ад̇т̇о.

Purāṇāti porāṇā, sāriputtādike kalyāṇamitte sandhāya vadati. Navehīti navakehi. Na sameti meti mayhaṃ cittaṃ na samāgacchati, na te mama cittaṃ ārādhentīti attho. Svajja ekova jhāyāmīti sohaṃ ajja vuḍḍhatarehi virahito ekova hutvā jhāyāmi jhānapasuto homi. Vassupetoti vassakāle kulāvakaṃ upeto pakkhī viya. ‘‘Vāsupeto’’tipi pāḷi, vāsaṃ upagatoti attho.

д̣̇ассанааяа абхигганд̇зд̇и г̇аат̇аа сад̇т̇аараа бхаасид̇аа. д̇ассад̇т̇о – мама д̣̇ассанааяа абхигганд̇з наанаавид̇хавид̣̇зсабаваасигаб̣ахуж̇анз, аананд̣̇а, мама убасан̇гаманам̣ маа ваарзси. гасмаа? д̇з сод̇ааро д̇хаммасса, мамам̣ бассанд̇у, аяамзва д̣̇ассанааяа самаяод̇и.

Dassanāyaabhikkanteti gāthā satthārā bhāsitā. Tassattho – mama dassanāya abhikkante nānāvidhavidesapavāsikabahujane, ānanda, mama upasaṅkamanaṃ mā vāresi. Kasmā? Te sotāro dhammassa, mamaṃ passantu, ayameva dassanāya samayoti.

д̇ам̣ суд̇ваа т̇зро ‘‘д̣̇ассанааяа абхигганд̇з’’д̇и абарам̣ г̇аат̇амааха. имааяа хи г̇аат̇ааяа самб̣анд̇хад̇т̇ам̣ буримаг̇аат̇аа ид̇ха нигкид̇д̇аа. д̇знзва сажаахам̣ д̣̇зсанд̇арад̇о ааг̇ад̇ааг̇ад̇з д̇аавад̣̇зва д̣̇ассзд̇ум̣ лажчаамийд̇и зд̇асса бад̣̇асса ад̇т̇асид̣̇д̇хим̣ д̣̇ассзд̇и.

Taṃ sutvā thero ‘‘dassanāya abhikkante’’ti aparaṃ gāthamāha. Imāya hi gāthāya sambandhatthaṃ purimagāthā idha nikkhittā. Teneva sacāhaṃ desantarato āgatāgate tāvadeva dassetuṃ lacchāmīti etassa padassa atthasiddhiṃ dasseti.

бан̣н̣авийсад̇и вассаанийд̇и бан̃жа г̇аат̇аа ад̇д̇ано аг̇г̇убадтаагабхаавам̣ д̣̇ийбзд̇ум̣ вуд̇д̇аа. аарад̣̇д̇хагаммадтаанабхаавзна хи сад̇т̇у убадтаанабасуд̇абхаавзна жа т̇зрасса маг̇г̇зна асамужчиннааби гаамасан̃н̃аад̣̇аяо на уббаж̇ж̇им̣су, гааяаважийманогаммаани жа саб̣б̣агаалам̣ сад̇т̇ари мзд̇д̇аабуб̣б̣ан̇г̇амаани мзд̇д̇аанубаривад̇д̇аани ахзсум̣. д̇ад̇т̇а бан̣н̣авийсад̇и вассаанийд̇и бан̃жавийсад̇и сам̣важчараани. сзкабхууд̇асса мз сад̇од̇и сзкабхуумияам̣ сод̇аабад̇д̇ипалз тид̇асса мз сад̇о. гаамасан̃н̃аад̇и гаамасахаг̇ад̇аа сан̃н̃аа на уббаж̇ж̇и, зд̇т̇а жа гаамасан̃н̃аад̣̇иануббад̇д̇иважанзна ад̇д̇ано аасаяасуд̣̇д̇хим̣ д̣̇ассзд̇и, ‘‘мзд̇д̇зна гааяагаммзнаа’’д̇иаад̣̇инаа баяог̇асуд̣̇д̇хим̣. д̇ад̇т̇а г̇анд̇хагудияам̣ барибхан̣д̣агаран̣аад̣̇инаа сад̇т̇у вад̇д̇абадивад̇д̇агаран̣зна жа мзд̇д̇ам̣ гааяагаммам̣ взд̣̇ид̇аб̣б̣ам̣, д̇хаммад̣̇зсанаагаалаарожанаад̣̇инаа мзд̇д̇ам̣ важийгаммам̣, рахог̇ад̇асса сад̇т̇аарам̣ уд̣̇д̣̇исса хид̇уубасам̣хаараманасигаарзна мзд̇д̇ам̣ маногаммам̣. н̃аан̣ам̣ мз уд̣̇абаж̇ж̇ат̇аад̇и ад̇д̇ано сзгкабхуумибад̇д̇имааха.

Paṇṇavīsati vassānīti pañca gāthā attano aggupaṭṭhākabhāvaṃ dīpetuṃ vuttā. Āraddhakammaṭṭhānabhāvena hi satthu upaṭṭhānapasutabhāvena ca therassa maggena asamucchinnāpi kāmasaññādayo na uppajjiṃsu, kāyavacīmanokammāni ca sabbakālaṃ satthari mettāpubbaṅgamāni mettānuparivattāni ahesuṃ. Tattha paṇṇavīsati vassānīti pañcavīsati saṃvaccharāni. Sekhabhūtassa me satoti sekhabhūmiyaṃ sotāpattiphale ṭhitassa me sato. Kāmasaññāti kāmasahagatā saññā na uppajji, ettha ca kāmasaññādianuppattivacanena attano āsayasuddhiṃ dasseti, ‘‘mettena kāyakammenā’’tiādinā payogasuddhiṃ. Tattha gandhakuṭiyaṃ paribhaṇḍakaraṇādinā satthu vattapaṭivattakaraṇena ca mettaṃ kāyakammaṃ veditabbaṃ, dhammadesanākālārocanādinā mettaṃ vacīkammaṃ, rahogatassa satthāraṃ uddissa hitūpasaṃhāramanasikārena mettaṃ manokammaṃ. Ñāṇaṃ me udapajjathāti attano sekkhabhūmipattimāha.

ахам̣ сагаран̣ийяомхийд̇и сад̇т̇у бариниб̣б̣аанз убадтид̇з ман̣д̣аламаал̣ам̣ бависид̇ваа габисийсам̣ ааламб̣ид̇ваа согаабхибхууд̇зна вуд̇д̇аг̇аат̇аа . д̇ад̇т̇а сагаран̣ийяомхийд̇и д̣̇угкабариж̇аананаад̣̇инаа гаран̣ийязна сагаран̣ийяо амхи. аббад̇д̇амаанасод̇и анад̇хиг̇ад̇аарахад̇д̇о. сад̇т̇у жа бариниб̣б̣аананд̇и маяхам̣ сад̇т̇у бариниб̣б̣аанан̃жа убадтид̇ам̣. яо амхам̣ анугамбагод̇и яо сад̇т̇аа маяхам̣ ануг̇г̇аахаго.

Ahaṃ sakaraṇīyomhīti satthu parinibbāne upaṭṭhite maṇḍalamāḷaṃ pavisitvā kapisīsaṃ ālambitvā sokābhibhūtena vuttagāthā . Tattha sakaraṇīyomhīti dukkhaparijānanādinā karaṇīyena sakaraṇīyo amhi. Appattamānasoti anadhigatārahatto. Satthu ca parinibbānanti mayhaṃ satthu parinibbānañca upaṭṭhitaṃ. Yo amhaṃ anukampakoti yo satthā mayhaṃ anuggāhako.

д̇ад̣̇ааси яам̣ бхим̣санаганд̇и г̇аат̇аа сад̇т̇у бариниб̣б̣аанагаалз бат̇авийгамбанад̣̇звад̣̇унд̣̇убхипаланаад̣̇игз д̣̇исваа сан̃ж̇аад̇асам̣взг̇зна вуд̇д̇аг̇аат̇аа.

Tadāsi yaṃ bhiṃsanakanti gāthā satthu parinibbānakāle pathavīkampanadevadundubhiphalanādike disvā sañjātasaṃvegena vuttagāthā.

б̣ахуссуд̇од̇иаад̣̇игаа д̇иссо г̇аат̇аа т̇зрам̣ басам̣санд̇зхи сан̇г̇ийд̇игаарзхи табид̇аа. д̇ад̇т̇а г̇ад̇иманд̇од̇и асад̣̇исааяа н̃аан̣аг̇ад̇ияаа саманнааг̇ад̇о. сад̇иманд̇од̇и барамзна сад̇инзбаггзна саманнааг̇ад̇о. д̇хид̇иманд̇од̇и асаад̇хааран̣ааяа б̣яан̃ж̇анад̇т̇аавад̇хааран̣асамад̇т̇ааяа д̇хид̇исамбад̇д̇ияаа саманнааг̇ад̇о. аяан̃хи т̇зро згабад̣̇зязва тад̇ваа садтибад̣̇асахассаани сад̇т̇аараа гат̇ид̇анияаамзнзва г̇ан̣хаад̇и, г̇ахид̇ан̃жа суван̣н̣абхааж̇анз багкид̇д̇асийхавасаа вияа саб̣б̣агаалам̣ на винассад̇и, авибарийд̇аб̣яан̃ж̇анаавад̇хааран̣асамад̇т̇ааяа сад̇ибуб̣б̣ан̇г̇амааяа бан̃н̃ааяа, ад̇т̇аавад̇хааран̣асамад̇т̇ааяа бан̃н̃аабуб̣б̣ан̇г̇амааяа сад̇ияаа жа саманнааг̇ад̇о. д̇знааха бхаг̇аваа – ‘‘зд̇ад̣̇аг̇г̇ам̣ , бхигкавз, мама саавагаанам̣ бхигкуунам̣ б̣ахуссуд̇аана’’нд̇иаад̣̇и (а. ни. 1.219). д̇ат̇аа жааха д̇хаммасзнаабад̇и – ‘‘ааяасмаа аананд̣̇о ад̇т̇агусало’’д̇иаад̣̇и (а. ни. 5.169). рад̇анаагарод̇и сад̣̇д̇хаммарад̇анасса аагарабхууд̇о.

Bahussutotiādikā tisso gāthā theraṃ pasaṃsantehi saṅgītikārehi ṭhapitā. Tattha gatimantoti asadisāya ñāṇagatiyā samannāgato. Satimantoti paramena satinepakkena samannāgato. Dhitimantoti asādhāraṇāya byañjanatthāvadhāraṇasamatthāya dhitisampattiyā samannāgato. Ayañhi thero ekapadeyeva ṭhatvā saṭṭhipadasahassāni satthārā kathitaniyāmeneva gaṇhāti, gahitañca suvaṇṇabhājane pakkhittasīhavasā viya sabbakālaṃ na vinassati, aviparītabyañjanāvadhāraṇasamatthāya satipubbaṅgamāya paññāya, atthāvadhāraṇasamatthāya paññāpubbaṅgamāya satiyā ca samannāgato. Tenāha bhagavā – ‘‘etadaggaṃ , bhikkhave, mama sāvakānaṃ bhikkhūnaṃ bahussutāna’’ntiādi (a. ni. 1.219). Tathā cāha dhammasenāpati – ‘‘āyasmā ānando atthakusalo’’tiādi (a. ni. 5.169). Ratanākaroti saddhammaratanassa ākarabhūto.

барижин̣н̣од̇и г̇аат̇аа бариниб̣б̣аанагаалз т̇зрзна бхаасид̇аа, саа вуд̇д̇ад̇т̇аа зва.

Pariciṇṇoti gāthā parinibbānakāle therena bhāsitā, sā vuttatthā eva.

аананд̣̇ад̇т̇зраг̇аат̇ааван̣н̣анаа нидтид̇аа.

Ānandattheragāthāvaṇṇanā niṭṭhitā.

д̇им̣санибаад̇аван̣н̣анаа нидтид̇аа.

Tiṃsanipātavaṇṇanā niṭṭhitā.

Next: 18. жад̇д̇аалийсанибаад̇о • 18. Cattālīsanipāto

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. аананд̣̇ад̇т̇зраг̇аат̇аа • 3. Ānandattheragāthā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact