| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. аананд̣̇ад̇т̇зрасуд̇д̇ам̣
3. Ānandattherasuttaṃ
1009. згам̣ самаяам̣ ааяасмаа жа аананд̣̇о ааяасмаа жа саарибуд̇д̇о саавад̇т̇ияам̣ вихаранд̇и ж̇зд̇аванз анаат̇абин̣д̣игасса аараамз. ат̇а ко ааяасмаа саарибуд̇д̇о сааяанхасамаяам̣ бадисаллаанаа вудтид̇о язнааяасмаа аананд̣̇о д̇знубасан̇гами; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о ааяасманд̇ам̣ аананд̣̇ам̣ зд̇ад̣̇авожа – ‘‘гад̇инам̣ ко, аавусо аананд̣̇а , д̇хаммаанам̣ бахаанаа, гад̇инам̣ д̇хаммаанам̣ саманнааг̇аманахзд̇у, звамаяам̣ баж̇аа бхаг̇авад̇аа б̣яаагад̇аа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аа’’д̇и? ‘‘жад̇уннам̣ ко, аавусо, д̇хаммаанам̣ бахаанаа, жад̇уннам̣ д̇хаммаанам̣ саманнааг̇аманахзд̇у, звамаяам̣ баж̇аа бхаг̇авад̇аа б̣яаагад̇аа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аа’’д̇и.
1009. Ekaṃ samayaṃ āyasmā ca ānando āyasmā ca sāriputto sāvatthiyaṃ viharanti jetavane anāthapiṇḍikassa ārāme. Atha kho āyasmā sāriputto sāyanhasamayaṃ paṭisallānā vuṭṭhito yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā sāriputto āyasmantaṃ ānandaṃ etadavoca – ‘‘katinaṃ kho, āvuso ānanda , dhammānaṃ pahānā, katinaṃ dhammānaṃ samannāgamanahetu, evamayaṃ pajā bhagavatā byākatā sotāpannā avinipātadhammā niyatā sambodhiparāyaṇā’’ti? ‘‘Catunnaṃ kho, āvuso, dhammānaṃ pahānā, catunnaṃ dhammānaṃ samannāgamanahetu, evamayaṃ pajā bhagavatā byākatā sotāpannā avinipātadhammā niyatā sambodhiparāyaṇā’’ti.
‘‘гад̇амзсам̣ жад̇уннам̣? яат̇ааруубзна ко, аавусо, б̣уд̣̇д̇хз аббасаад̣̇зна саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и д̇ат̇ааруубасса б̣уд̣̇д̇хз аббасаад̣̇о на ход̇и. яат̇ааруубзна жа ко, аавусо, б̣уд̣̇д̇хз авзжжаббасаад̣̇зна саманнааг̇ад̇о суд̇аваа арияасааваго гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и д̇ат̇ааруубасса б̣уд̣̇д̇хз авзжжаббасаад̣̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваа’’д̇и.
‘‘Katamesaṃ catunnaṃ? Yathārūpena kho, āvuso, buddhe appasādena samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati tathārūpassa buddhe appasādo na hoti. Yathārūpena ca kho, āvuso, buddhe aveccappasādena samannāgato sutavā ariyasāvako kāyassa bhedā paraṃ maraṇā sugatiṃ saggaṃ lokaṃ upapajjati tathārūpassa buddhe aveccappasādo hoti – itipi so bhagavā…pe… satthā devamanussānaṃ buddho bhagavā’’ti.
‘‘яат̇ааруубзна жа ко, аавусо, д̇хаммз аббасаад̣̇зна саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и д̇ат̇ааруубасса д̇хаммз аббасаад̣̇о на ход̇и. яат̇ааруубзна жа ко, аавусо, д̇хаммз авзжжаббасаад̣̇зна саманнааг̇ад̇о суд̇аваа арияасааваго гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и д̇ат̇ааруубасса д̇хаммз авзжжаббасаад̣̇о ход̇и – сваагкаад̇о бхаг̇авад̇аа д̇хаммо…бз… вин̃н̃уухийд̇и.
‘‘Yathārūpena ca kho, āvuso, dhamme appasādena samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati tathārūpassa dhamme appasādo na hoti. Yathārūpena ca kho, āvuso, dhamme aveccappasādena samannāgato sutavā ariyasāvako kāyassa bhedā paraṃ maraṇā sugatiṃ saggaṃ lokaṃ upapajjati tathārūpassa dhamme aveccappasādo hoti – svākkhāto bhagavatā dhammo…pe… viññūhīti.
‘‘яат̇ааруубзна жа ко, аавусо, сан̇гхз аббасаад̣̇зна саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и д̇ат̇ааруубасса сан̇гхз аббасаад̣̇о на ход̇и. яат̇ааруубзна жа ко, аавусо, сан̇гхз авзжжаббасаад̣̇зна саманнааг̇ад̇о суд̇аваа арияасааваго гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и д̇ат̇ааруубасса сан̇гхз авзжжаббасаад̣̇о ход̇и – суббадибанно бхаг̇авад̇о саавагасан̇гхо…бз… ануд̇д̇арам̣ бун̃н̃агкзд̇д̇ам̣ логассаад̇и.
‘‘Yathārūpena ca kho, āvuso, saṅghe appasādena samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati tathārūpassa saṅghe appasādo na hoti. Yathārūpena ca kho, āvuso, saṅghe aveccappasādena samannāgato sutavā ariyasāvako kāyassa bhedā paraṃ maraṇā sugatiṃ saggaṃ lokaṃ upapajjati tathārūpassa saṅghe aveccappasādo hoti – suppaṭipanno bhagavato sāvakasaṅgho…pe… anuttaraṃ puññakkhettaṃ lokassāti.
‘‘яат̇ааруубзна жа ко, аавусо, д̣̇уссийлязна саманнааг̇ад̇о ассуд̇аваа бут̇уж̇ж̇ано гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и д̇ат̇ааруубасса д̣̇уссийляам̣ на ход̇и. яат̇ааруубзхи жа ко, аавусо, арияаганд̇зхи сийлзхи саманнааг̇ад̇о суд̇аваа арияасааваго гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и д̇ат̇ааруубаани арияаганд̇аани сийлаани хонд̇и акан̣д̣аани…бз… самаад̇хисам̣вад̇д̇анигаани. имзсам̣ ко, аавусо, жад̇уннам̣ д̇хаммаанам̣ бахаанаа имзсам̣ жад̇уннам̣ д̇хаммаанам̣ саманнааг̇аманахзд̇у звамаяам̣ баж̇аа бхаг̇авад̇аа б̣яаагад̇аа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аа’’д̇и. д̇ад̇ияам̣.
‘‘Yathārūpena ca kho, āvuso, dussīlyena samannāgato assutavā puthujjano kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati tathārūpassa dussīlyaṃ na hoti. Yathārūpehi ca kho, āvuso, ariyakantehi sīlehi samannāgato sutavā ariyasāvako kāyassa bhedā paraṃ maraṇā sugatiṃ saggaṃ lokaṃ upapajjati tathārūpāni ariyakantāni sīlāni honti akhaṇḍāni…pe… samādhisaṃvattanikāni. Imesaṃ kho, āvuso, catunnaṃ dhammānaṃ pahānā imesaṃ catunnaṃ dhammānaṃ samannāgamanahetu evamayaṃ pajā bhagavatā byākatā sotāpannā avinipātadhammā niyatā sambodhiparāyaṇā’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-3. б̣раахман̣асуд̇д̇аад̣̇иван̣н̣анаа • 2-3. Brāhmaṇasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-3. б̣раахман̣асуд̇д̇аад̣̇иван̣н̣анаа • 2-3. Brāhmaṇasuttādivaṇṇanā
