| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
5. анан̇г̇ан̣асуд̇д̇аван̣н̣анаа
5. Anaṅgaṇasuttavaṇṇanā
57. звам̣ мз суд̇ам̣…бз… ааяасмаа саарибуд̇д̇од̇и анан̇г̇ан̣асуд̇д̇ам̣. д̇ад̇рааяам̣ ануд̇д̇аанабад̣̇аван̣н̣анаа – яат̇аа жзд̇т̇а, звам̣ саб̣б̣асуд̇д̇зсу. д̇асмаа ид̇о барам̣ зд̇д̇агамби авад̇ваа абуб̣б̣абад̣̇аван̣н̣анам̣язва гариссаама.
57.Evaṃme sutaṃ…pe… āyasmā sāriputtoti anaṅgaṇasuttaṃ. Tatrāyaṃ anuttānapadavaṇṇanā – yathā cettha, evaṃ sabbasuttesu. Tasmā ito paraṃ ettakampi avatvā apubbapadavaṇṇanaṃyeva karissāma.
жад̇д̇аарод̇и г̇ан̣анабарижчзд̣̇о. буг̇г̇алаад̇и сад̇д̇аа нараа босаа. зд̇д̇аавад̇аа жа буг̇г̇алаваад̣̇ий махаат̇зрод̇и на г̇ахзд̇аб̣б̣ам̣, аяан̃хи ааяасмаа б̣уд̣̇д̇хабуд̇д̇аанам̣ сздто, со б̣уд̣̇д̇хасса бхаг̇авад̇о д̣̇зсанам̣ авиломзнд̇оязва д̣̇зсзд̇и.
Cattāroti gaṇanaparicchedo. Puggalāti sattā narā posā. Ettāvatā ca puggalavādī mahātheroti na gahetabbaṃ, ayañhi āyasmā buddhaputtānaṃ seṭṭho, so buddhassa bhagavato desanaṃ avilomentoyeva deseti.
саммуд̇ибарамад̇т̇ад̣̇зсанаагат̇ааван̣н̣анаа
Sammutiparamatthadesanākathāvaṇṇanā
б̣уд̣̇д̇хасса бхаг̇авад̇о д̣̇увид̇хаа д̣̇зсанаа саммуд̇ид̣̇зсанаа, барамад̇т̇ад̣̇зсанаа жаад̇и. д̇ад̇т̇а буг̇г̇ало сад̇д̇о ид̇т̇ий бурисо кад̇д̇ияо б̣раахман̣о д̣̇зво маарод̇и зваруубаа саммуд̇ид̣̇зсанаа. анижжам̣ д̣̇угкам̣ анад̇д̇аа, канд̇хаа д̇хаад̇уу ааяад̇анаани сад̇ибадтаанаад̇и зваруубаа барамад̇т̇ад̣̇зсанаа.
Buddhassa bhagavato duvidhā desanā sammutidesanā, paramatthadesanā cāti. Tattha puggalo satto itthī puriso khattiyo brāhmaṇo devo māroti evarūpā sammutidesanā. Aniccaṃ dukkhaṃ anattā, khandhā dhātū āyatanāni satipaṭṭhānāti evarūpā paramatthadesanā.
д̇ад̇т̇а бхаг̇аваа яз саммуд̇ивасзна д̣̇зсанам̣ суд̇ваа ад̇т̇ам̣ бадивиж̇жхид̇ваа мохам̣ бахааяа висзсам̣ ад̇хиг̇анд̇ум̣ самад̇т̇аа, д̇зсам̣ саммуд̇ид̣̇зсанам̣ д̣̇зсзд̇и. яз бана барамад̇т̇авасзна д̣̇зсанам̣ суд̇ваа ад̇т̇ам̣ бадивиж̇жхид̇ваа мохам̣ бахааяа висзсамад̇хиг̇анд̇ум̣ самад̇т̇аа, д̇зсам̣ барамад̇т̇ад̣̇зсанам̣ д̣̇зсзд̇и. д̇ад̇т̇ааяам̣ убамаа, яат̇аа хи д̣̇зсабхаасаагусало д̇ин̣н̣ам̣ взд̣̇аанам̣ ад̇т̇асам̣ван̣н̣анаго аажарияо яз д̣̇амил̣абхаасааяа вуд̇д̇з ад̇т̇ам̣ ж̇аананд̇и, д̇зсам̣ д̣̇амил̣абхаасааяа аажигкад̇и. яз анд̇хагабхаасаад̣̇ийсу ан̃н̃ад̇арааяа, д̇зсам̣ д̇ааяа д̇ааяа бхаасааяа. звам̣ д̇з маан̣авагаа чзгам̣ б̣яад̇д̇ам̣ аажарияамааг̇амма киббамзва сиббам̣ уг̇г̇ан̣ханд̇и. д̇ад̇т̇а аажарияо вияа б̣уд̣̇д̇хо бхаг̇аваа. д̇аяо взд̣̇аа вияа гат̇зд̇аб̣б̣абхаавзна тид̇аани д̇ийн̣и бидагаани. д̣̇зсабхаасаагосалламива саммуд̇ибарамад̇т̇агосаллам̣. наанаад̣̇зсабхаасаа маан̣авагаа вияа саммуд̇ибарамад̇т̇ад̣̇зсанаабадивиж̇жханасамад̇т̇аа взнзяяасад̇д̇аа. аажарияасса д̣̇амил̣абхаасаад̣̇иаажигканам̣ вияа бхаг̇авад̇о саммуд̇ибарамад̇т̇авасзна д̣̇зсанаа взд̣̇ид̇аб̣б̣аа. ааха жзд̇т̇а –
Tattha bhagavā ye sammutivasena desanaṃ sutvā atthaṃ paṭivijjhitvā mohaṃ pahāya visesaṃ adhigantuṃ samatthā, tesaṃ sammutidesanaṃ deseti. Ye pana paramatthavasena desanaṃ sutvā atthaṃ paṭivijjhitvā mohaṃ pahāya visesamadhigantuṃ samatthā, tesaṃ paramatthadesanaṃ deseti. Tatthāyaṃ upamā, yathā hi desabhāsākusalo tiṇṇaṃ vedānaṃ atthasaṃvaṇṇanako ācariyo ye damiḷabhāsāya vutte atthaṃ jānanti, tesaṃ damiḷabhāsāya ācikkhati. Ye andhakabhāsādīsu aññatarāya, tesaṃ tāya tāya bhāsāya. Evaṃ te māṇavakā chekaṃ byattaṃ ācariyamāgamma khippameva sippaṃ uggaṇhanti. Tattha ācariyo viya buddho bhagavā. Tayo vedā viya kathetabbabhāvena ṭhitāni tīṇi piṭakāni. Desabhāsākosallamiva sammutiparamatthakosallaṃ. Nānādesabhāsā māṇavakā viya sammutiparamatthadesanāpaṭivijjhanasamatthā veneyyasattā. Ācariyassa damiḷabhāsādiācikkhanaṃ viya bhagavato sammutiparamatthavasena desanā veditabbā. Āha cettha –
‘‘д̣̇увз сажжаани агкааси, самб̣уд̣̇д̇хо вад̣̇ад̇ам̣ варо;
‘‘Duve saccāni akkhāsi, sambuddho vadataṃ varo;
саммуд̇им̣ барамад̇т̇ан̃жа, д̇ад̇ияам̣ нуубалаб̣бхад̇и.
Sammutiṃ paramatthañca, tatiyaṃ nūpalabbhati.
сан̇гзд̇аважанам̣ сажжам̣, логасаммуд̇игааран̣аа;
Saṅketavacanaṃ saccaṃ, lokasammutikāraṇā;
барамад̇т̇аважанам̣ сажжам̣, д̇хаммаанам̣ бхууд̇агааран̣аа.
Paramatthavacanaṃ saccaṃ, dhammānaṃ bhūtakāraṇā.
д̇асмаа вохаарагусаласса, логанаат̇асса сад̇т̇уно;
Tasmā vohārakusalassa, lokanāthassa satthuno;
саммуд̇им̣ вохаранд̇асса, мусааваад̣̇о на ж̇ааяад̇ий’’д̇и.
Sammutiṃ voharantassa, musāvādo na jāyatī’’ti.
абижа адтахи гааран̣зхи бхаг̇аваа буг̇г̇алагат̇ам̣ гат̇зд̇и – хирод̇д̇аббад̣̇ийбанад̇т̇ам̣, гаммассагад̇аад̣̇ийбанад̇т̇ам̣, бажжад̇д̇абурисагаарад̣̇ийбанад̇т̇ам̣, аананд̇арияад̣̇ийбанад̇т̇ам̣, б̣рахмавихаарад̣̇ийбанад̇т̇ам̣, буб̣б̣зниваасад̣̇ийбанад̇т̇ам̣, д̣̇агкин̣аависуд̣̇д̇хид̣̇ийбанад̇т̇ам̣, логасаммуд̇ияаа аббахаанад̇т̇ан̃жаад̇и. ‘‘канд̇хад̇хаад̇уааяад̇анаани хирийяанд̇и од̇д̇аббанд̇ий’’д̇и хи вуд̇д̇з махааж̇ано на ж̇аанаад̇и, саммохамаабаж̇ж̇ад̇и, бадисад̇д̇у ход̇и ‘‘гимид̣̇ам̣ канд̇хад̇хаад̇уааяад̇анаани хирийяанд̇и од̇д̇аббанд̇и наамаа’’д̇и. ‘‘ид̇т̇ий хирийяад̇и од̇д̇аббад̇и бурисо кад̇д̇ияо б̣раахман̣о д̣̇зво мааро’’д̇и вуд̇д̇з бана ж̇аанаад̇и, на саммохамаабаж̇ж̇ад̇и, на бадисад̇д̇у ход̇и. д̇асмаа бхаг̇аваа хирод̇д̇аббад̣̇ийбанад̇т̇ам̣ буг̇г̇алагат̇ам̣ гат̇зд̇и.
Apica aṭṭhahi kāraṇehi bhagavā puggalakathaṃ katheti – hirottappadīpanatthaṃ, kammassakatādīpanatthaṃ, paccattapurisakāradīpanatthaṃ, ānantariyadīpanatthaṃ, brahmavihāradīpanatthaṃ, pubbenivāsadīpanatthaṃ, dakkhiṇāvisuddhidīpanatthaṃ, lokasammutiyā appahānatthañcāti. ‘‘Khandhadhātuāyatanāni hirīyanti ottappantī’’ti hi vutte mahājano na jānāti, sammohamāpajjati, paṭisattu hoti ‘‘kimidaṃ khandhadhātuāyatanāni hirīyanti ottappanti nāmā’’ti. ‘‘Itthī hirīyati ottappati puriso khattiyo brāhmaṇo devo māro’’ti vutte pana jānāti, na sammohamāpajjati, na paṭisattu hoti. Tasmā bhagavā hirottappadīpanatthaṃ puggalakathaṃ katheti.
‘‘канд̇хаа гаммассагаа д̇хаад̇уяо ааяад̇анааний’’д̇и вуд̇д̇зби зсзва наяо. д̇асмаа бхаг̇аваа гаммассагад̇аад̣̇ийбанад̇т̇ам̣ буг̇г̇алагат̇ам̣ гат̇зд̇и.
‘‘Khandhā kammassakā dhātuyo āyatanānī’’ti vuttepi eseva nayo. Tasmā bhagavā kammassakatādīpanatthaṃ puggalakathaṃ katheti.
‘‘взл̣уванаад̣̇аяо махаавихаараа канд̇хзхи гаараабид̇аа д̇хаад̇уухи ааяад̇анзхий’’д̇и вуд̇д̇зби зсзва наяо. д̇асмаа бхаг̇аваа бажжад̇д̇абурисагаарад̣̇ийбанад̇т̇ам̣ буг̇г̇алагат̇ам̣ гат̇зд̇и.
‘‘Veḷuvanādayo mahāvihārā khandhehi kārāpitā dhātūhi āyatanehī’’ti vuttepi eseva nayo. Tasmā bhagavā paccattapurisakāradīpanatthaṃ puggalakathaṃ katheti.
‘‘канд̇хаа маад̇арам̣ ж̇ийвид̇аа воробзнд̇и бид̇арам̣ араханд̇ам̣ рухируббаад̣̇агаммам̣ гаронд̇и, сан̇гхабхзд̣̇агаммам̣ гаронд̇и, д̇хаад̇уяо ааяад̇анааний’’д̇и вуд̇д̇зби зсзва наяо. д̇асмаа бхаг̇аваа аананд̇арияад̣̇ийбанад̇т̇ам̣ буг̇г̇алагат̇ам̣ гат̇зд̇и. ‘‘канд̇хаа мзд̇д̇ааяанд̇и д̇хаад̇уяо ааяад̇анааний’’д̇и вуд̇д̇зби зсзва наяо. д̇асмаа бхаг̇аваа б̣рахмавихаарад̣̇ийбанад̇т̇ам̣ буг̇г̇алагат̇ам̣ гат̇зд̇и.
‘‘Khandhā mātaraṃ jīvitā voropenti pitaraṃ arahantaṃ ruhiruppādakammaṃ karonti, saṅghabhedakammaṃ karonti, dhātuyo āyatanānī’’ti vuttepi eseva nayo. Tasmā bhagavā ānantariyadīpanatthaṃ puggalakathaṃ katheti. ‘‘Khandhā mettāyanti dhātuyo āyatanānī’’ti vuttepi eseva nayo. Tasmā bhagavā brahmavihāradīpanatthaṃ puggalakathaṃ katheti.
‘‘канд̇хаа буб̣б̣зниваасамануссаранд̇и д̇хаад̇уяо ааяад̇анааний’’д̇и вуд̇д̇зби зсзва наяо. д̇асмаа бхаг̇аваа буб̣б̣зниваасад̣̇ийбанад̇т̇ам̣ буг̇г̇алагат̇ам̣ гат̇зд̇и. ‘‘канд̇хаа д̣̇аанам̣ бадиг̇г̇ан̣ханд̇и д̇хаад̇уяо ааяад̇анааний’’д̇и вуд̇д̇зби махааж̇ано на ж̇аанаад̇и, саммохамаабаж̇ж̇ад̇и, бадисад̇д̇у ход̇и ‘‘гимид̣̇ам̣ канд̇хад̇хаад̇уааяад̇анаани бадиг̇г̇ан̣ханд̇и наамаа’’д̇и. ‘‘буг̇г̇алаа бадиг̇г̇ан̣ханд̇и сийлаванд̇о галяаан̣ад̇хаммаа’’д̇и вуд̇д̇з бана ж̇аанаад̇и, на саммохамаабаж̇ж̇ад̇и, на бадисад̇д̇у ход̇и. д̇асмаа бхаг̇аваа д̣̇агкин̣аависуд̣̇д̇хид̣̇ийбанад̇т̇ам̣ буг̇г̇алагат̇ам̣ гат̇зд̇и.
‘‘Khandhā pubbenivāsamanussaranti dhātuyo āyatanānī’’ti vuttepi eseva nayo. Tasmā bhagavā pubbenivāsadīpanatthaṃ puggalakathaṃ katheti. ‘‘Khandhā dānaṃ paṭiggaṇhanti dhātuyo āyatanānī’’ti vuttepi mahājano na jānāti, sammohamāpajjati, paṭisattu hoti ‘‘kimidaṃ khandhadhātuāyatanāni paṭiggaṇhanti nāmā’’ti. ‘‘Puggalā paṭiggaṇhanti sīlavanto kalyāṇadhammā’’ti vutte pana jānāti, na sammohamāpajjati, na paṭisattu hoti. Tasmā bhagavā dakkhiṇāvisuddhidīpanatthaṃ puggalakathaṃ katheti.
логасаммуд̇ин̃жа б̣уд̣̇д̇хаа бхаг̇аванд̇о наббаж̇аханд̇и, логасаман̃н̃ааяа логанируд̇д̇ияам̣ логаабхилаабз тид̇ааязва д̇хаммам̣ д̣̇зсзнд̇и. д̇асмаа бхаг̇аваа логасаммуд̇ияаа аббахаанад̇т̇амби буг̇г̇алагат̇ам̣ гат̇зд̇и. д̇асмаа аяамби ааяасмаа логавохаарагусалад̇ааяа б̣уд̣̇д̇хасса бхаг̇авад̇о д̣̇зсанам̣ авиломзнд̇о логасаммуд̇ияам̣ тад̇ваава жад̇д̇ааромз, аавусо, буг̇г̇алаад̇и ааха. д̇асмаа зд̇т̇а барамад̇т̇авасзна аг̇г̇ахзд̇ваа саммуд̇ивасзнзва буг̇г̇ало взд̣̇ид̇аб̣б̣о.
Lokasammutiñca buddhā bhagavanto nappajahanti, lokasamaññāya lokaniruttiyaṃ lokābhilāpe ṭhitāyeva dhammaṃ desenti. Tasmā bhagavā lokasammutiyā appahānatthampi puggalakathaṃ katheti. Tasmā ayampi āyasmā lokavohārakusalatāya buddhassa bhagavato desanaṃ avilomento lokasammutiyaṃ ṭhatvāva cattārome, āvuso, puggalāti āha. Tasmā ettha paramatthavasena aggahetvā sammutivaseneva puggalo veditabbo.
санд̇о сам̣виж̇ж̇амаанаад̇и логасан̇гзд̇авасзна ад̇т̇и убалаб̣бхамаанаа. логасминд̇и сад̇д̇алогз. саан̇г̇ан̣ова самаанод̇иаад̣̇ийсу бана ан̇г̇ан̣анд̇и гад̇т̇ажи гилзсаа вужжанд̇и. яат̇ааха ‘‘д̇ад̇т̇а гад̇амаани д̇ийн̣и ан̇г̇ан̣аани? рааг̇о ан̇г̇ан̣ам̣, д̣̇осо ан̇г̇ан̣ам̣, мохо ан̇г̇ан̣а’’нд̇и (вибха. 924). гад̇т̇ажи яам̣гин̃жи малам̣ ваа бан̇го ваа, яат̇ааха ‘‘д̇ассзва раж̇асса ваа ан̇г̇ан̣асса ваа бахаанааяа вааяамад̇ий’’д̇и. гад̇т̇ажи д̇ат̇ааруубо бхуумибхааг̇о, со б̣од̇хияан̇г̇ан̣ам̣ жзд̇ияан̇г̇ан̣анд̇иаад̣̇ийнам̣ васзна взд̣̇ид̇аб̣б̣о. ид̇ха бана наанаббагаараа д̇иб̣б̣агилзсаа ‘‘ан̇г̇ан̣а’’нд̇и ад̇хиббзд̇аа. д̇ат̇аа хи вагкад̇и ‘‘баабагаанам̣ ко зд̇ам̣, аавусо, агусалаанам̣ ижчааважараанам̣ ад̇хиважанам̣, яад̣̇ид̣̇ам̣ ан̇г̇ан̣а’’нд̇и (ма. ни. 1.60). саха ан̇г̇ан̣зна саан̇г̇ан̣о.
Santo saṃvijjamānāti lokasaṅketavasena atthi upalabbhamānā. Lokasminti sattaloke. Sāṅgaṇova samānotiādīsu pana aṅgaṇanti katthaci kilesā vuccanti. Yathāha ‘‘tattha katamāni tīṇi aṅgaṇāni? Rāgo aṅgaṇaṃ, doso aṅgaṇaṃ, moho aṅgaṇa’’nti (vibha. 924). Katthaci yaṃkiñci malaṃ vā paṅko vā, yathāha ‘‘tasseva rajassa vā aṅgaṇassa vā pahānāya vāyamatī’’ti. Katthaci tathārūpo bhūmibhāgo, so bodhiyaṅgaṇaṃ cetiyaṅgaṇantiādīnaṃ vasena veditabbo. Idha pana nānappakārā tibbakilesā ‘‘aṅgaṇa’’nti adhippetā. Tathā hi vakkhati ‘‘pāpakānaṃ kho etaṃ, āvuso, akusalānaṃ icchāvacarānaṃ adhivacanaṃ, yadidaṃ aṅgaṇa’’nti (ma. ni. 1.60). Saha aṅgaṇena sāṅgaṇo.
саан̇г̇ан̣ова самаанод̇и сагилзсоязва санд̇о . ад̇т̇и мз аж̇жхад̇д̇ам̣ ан̇г̇ан̣анд̇и яат̇аабхууд̇ам̣ наббаж̇аанаад̇ийд̇и маяхам̣ ад̇д̇ано жид̇д̇асанд̇аанз гилзсо ад̇т̇ийд̇иби на ж̇аанаад̇и. ‘‘имз гилзсаа наама гагкал̣аа ваал̣аа ж̇ахид̇аб̣б̣аа на г̇ахид̇аб̣б̣аа висад̣̇удтасалласад̣̇исаа’’д̇и звам̣ яаат̇аавасарасад̇оби на ж̇аанаад̇и. яо ад̇т̇ийд̇и жа ж̇аанаад̇и, зван̃жа ж̇аанаад̇и. со ‘‘ад̇т̇и мз аж̇жхад̇д̇ам̣ ан̇г̇ан̣анд̇и яат̇аабхууд̇ам̣ баж̇аанаад̇ий’’д̇и вужжад̇и. яасса бана на жа маг̇г̇зна самуухад̇аа гилзсаа, на жа уббаж̇ж̇анд̇и язна ваа д̇зна ваа ваарид̇ад̇д̇аа, аяамид̇ха анан̇г̇ан̣од̇и ад̇хиббзд̇о. над̇т̇и мз аж̇жхад̇д̇ам̣ ан̇г̇ан̣анд̇и яат̇аабхууд̇ам̣ наббаж̇аанаад̇ийд̇и ‘‘маяхам̣ гилзсаа язна ваа д̇зна ваа ваарид̇ад̇д̇аа над̇т̇и, на маг̇г̇зна самуухад̇ад̇д̇аа’’д̇и на ж̇аанаад̇и, ‘‘д̇з уббаж̇ж̇амаанаа махааанад̇т̇ам̣ гариссанд̇и гагкал̣аа ваал̣аа висад̣̇удтасалласад̣̇исаа’’д̇и звам̣ яаат̇аавасарасад̇оби на ж̇аанаад̇и. яо бана ‘‘иминаа гааран̣зна над̇т̇ий’’д̇и жа ж̇аанаад̇и, зван̃жа ж̇аанаад̇и, со ‘‘над̇т̇и мз аж̇жхад̇д̇ам̣ ан̇г̇ан̣анд̇и яат̇аабхууд̇ам̣ баж̇аанаад̇ий’’д̇и вужжад̇и . д̇ад̇раад̇и д̇зсу жад̇уусу буг̇г̇алзсу, д̇зсу ваа д̣̇вийсу саан̇г̇ан̣зсу, явааяанд̇и яо аяам̣, яааяанд̇иби баато.
Sāṅgaṇovasamānoti sakilesoyeva santo . Atthi me ajjhattaṃ aṅgaṇanti yathābhūtaṃ nappajānātīti mayhaṃ attano cittasantāne kileso atthītipi na jānāti. ‘‘Ime kilesā nāma kakkhaḷā vāḷā jahitabbā na gahitabbā visaduṭṭhasallasadisā’’ti evaṃ yāthāvasarasatopi na jānāti. Yo atthīti ca jānāti, evañca jānāti. So ‘‘atthi me ajjhattaṃ aṅgaṇanti yathābhūtaṃ pajānātī’’ti vuccati. Yassa pana na ca maggena samūhatā kilesā, na ca uppajjanti yena vā tena vā vāritattā, ayamidha anaṅgaṇoti adhippeto. Natthi me ajjhattaṃ aṅgaṇanti yathābhūtaṃ nappajānātīti ‘‘mayhaṃ kilesā yena vā tena vā vāritattā natthi, na maggena samūhatattā’’ti na jānāti, ‘‘te uppajjamānā mahāanatthaṃ karissanti kakkhaḷā vāḷā visaduṭṭhasallasadisā’’ti evaṃ yāthāvasarasatopi na jānāti. Yo pana ‘‘iminā kāraṇena natthī’’ti ca jānāti, evañca jānāti, so ‘‘natthi me ajjhattaṃ aṅgaṇanti yathābhūtaṃ pajānātī’’ti vuccati . Tatrāti tesu catūsu puggalesu, tesu vā dvīsu sāṅgaṇesu, yvāyanti yo ayaṃ, yāyantipi pāṭho.
58. го ну ко, аавусо, саарибуд̇д̇а, хзд̇у го бажжаяод̇и убхаязнааби гааран̣амзва бужчад̇и. язнимзсанд̇и язна хзд̇унаа язна бажжаязна имзсам̣ д̣̇виннам̣ зго сздтабурисо зго хийнабурисод̇и агкааяад̇и, со го хзд̇у го бажжаяод̇и звамзд̇т̇а самб̣анд̇хо взд̣̇ид̇аб̣б̣о. д̇ад̇т̇а гин̃жааби ‘‘наббаж̇аанаад̇и баж̇аанаад̇ий’’д̇и звам̣ вуд̇д̇ам̣, баж̇аананаа наббаж̇аананаад̇и ид̣̇амзва убхаяам̣ хзд̇у жзва бажжаяо жа.
58.Ko nu kho, āvuso, sāriputta, hetu ko paccayoti ubhayenāpi kāraṇameva pucchati. Yenimesanti yena hetunā yena paccayena imesaṃ dvinnaṃ eko seṭṭhapuriso eko hīnapurisoti akkhāyati, so ko hetu ko paccayoti evamettha sambandho veditabbo. Tattha kiñcāpi ‘‘nappajānāti pajānātī’’ti evaṃ vuttaṃ, pajānanā nappajānanāti idameva ubhayaṃ hetu ceva paccayo ca.
59. т̇зро бана ад̇д̇ано вижид̇рабадибхаанад̇ааяа д̇ам̣ баагадад̇арам̣ гад̇ваа д̣̇ассзд̇ум̣ буна д̇ад̇раавусод̇иаад̣̇имааха. д̇ад̇т̇а д̇ассзд̇ам̣ баадиган̇канд̇и д̇асса буг̇г̇аласса зд̇ам̣ баадиган̇кид̇аб̣б̣ам̣. ид̣̇амзва зса баабун̣иссад̇и, на ан̃н̃анд̇и ижчид̇аб̣б̣ам̣, авассам̣ бхаавийд̇и вуд̇д̇ам̣ ход̇и. ‘‘на чанд̣̇ам̣ ж̇анзссад̇ий’’д̇иаад̣̇инаа наязна вуд̇д̇ам̣ ачанд̣̇аж̇ананаад̣̇им̣ санд̇хааяааха.
59. Thero pana attano vicitrapaṭibhānatāya taṃ pākaṭataraṃ katvā dassetuṃ puna tatrāvusotiādimāha. Tattha tassetaṃ pāṭikaṅkhanti tassa puggalassa etaṃ pāṭikaṅkhitabbaṃ. Idameva esa pāpuṇissati, na aññanti icchitabbaṃ, avassaṃ bhāvīti vuttaṃ hoti. ‘‘Na chandaṃ janessatī’’tiādinā nayena vuttaṃ achandajananādiṃ sandhāyāha.
д̇ад̇т̇а жа на чанд̣̇ам̣ ж̇анзссад̇ийд̇и аббаж̇аананд̇о д̇асса ан̇г̇ан̣асса бахаанад̇т̇ам̣ гад̇д̇угамяад̇аачанд̣̇ам̣ на ж̇анзссад̇и. на вааяамиссад̇ийд̇и д̇ад̇о б̣алавад̇арам̣ вааяаамам̣ на гариссад̇и, на вийрияам̣ аарабхиссад̇ийд̇и т̇аамаг̇ад̇авийрияам̣ бана нзва аарабхиссад̇и, на бавад̇д̇зссад̇ийд̇и вуд̇д̇ам̣ ход̇и. саан̇г̇ан̣од̇и имзхи рааг̇аад̣̇ийхи ан̇г̇ан̣зхи саан̇г̇ан̣о. сам̣гилидтажид̇д̇од̇и д̇зхиязва судтуд̇арам̣ гилидтажид̇д̇о малийнажид̇д̇о виб̣аад̇хид̇ажид̇д̇о убад̇аабид̇ажид̇д̇о жа худ̇ваа. гаалам̣ гариссад̇ийд̇и мариссад̇и.
Tattha ca na chandaṃ janessatīti appajānanto tassa aṅgaṇassa pahānatthaṃ kattukamyatāchandaṃ na janessati. Na vāyamissatīti tato balavataraṃ vāyāmaṃ na karissati, na vīriyaṃ ārabhissatīti thāmagatavīriyaṃ pana neva ārabhissati, na pavattessatīti vuttaṃ hoti. Sāṅgaṇoti imehi rāgādīhi aṅgaṇehi sāṅgaṇo. Saṃkiliṭṭhacittoti tehiyeva suṭṭhutaraṃ kiliṭṭhacitto malīnacitto vibādhitacitto upatāpitacitto ca hutvā. Kālaṃ karissatīti marissati.
сзяяат̇аабийд̇и яат̇аа наама. гам̣сабаад̇ийд̇и гам̣салохабхааж̇анам̣. аабхад̇аад̇и аанийд̇аа. аабан̣аа ваа гаммаарагулаа ваад̇и аабан̣ад̇о ваа гам̣сабаад̇игаарагаанам̣ гаммаараанам̣ гхарад̇о ваа. раж̇знаад̇и ааг̇анд̇угараж̇зна бам̣суаад̣̇инаа. малзнаад̇и д̇ад̇т̇зва удтид̇зна лохамалзна. барияонад̣̇д̇хаад̇и сан̃чаннаа. на жзва барибхун̃ж̇зяяунд̇и уд̣̇агакаад̣̇анийяабагкибанаад̣̇ийхи барибхог̇ам̣ на гарзяяум̣. на жа барияод̣̇абзяяунд̇и д̇хованагхам̣санаад̣̇ийхи на барисуд̣̇д̇хам̣ гаараабзяяум̣. раж̇аабат̇зд̇и раж̇абат̇з. аяамзва ваа баато, раж̇асса ааг̇аманадтаанз ваа вудтаанудтаанз ваа хздтааман̃жз ваа т̇усагодтагз ваа бхааж̇ананд̇арз ваа, яад̇т̇а раж̇зна огирийяад̇ийд̇и ад̇т̇о. сам̣гилидтад̇араа асса малаг̇г̇ахид̇аад̇и зд̇т̇а раж̇аабат̇з нигкибанзна сам̣гилидтад̇араа, абарибхог̇аабарияод̣̇абанзхи малаг̇г̇ахид̇ад̇араад̇и вуд̇д̇ам̣ ход̇и, бадибужчааважанан̃жзд̇ам̣. д̇знасса звамад̇т̇о взд̣̇ид̇аб̣б̣о, аавусо, саа гам̣сабаад̇и звам̣ гарийяамаанаа абарзна гаалзна сам̣гилидтад̇араа жа малаг̇г̇ахид̇ад̇араа жа мад̇д̇игабаад̇ийд̇и ваа гам̣сабаад̇ийд̇и ваа ид̇иби д̣̇уж̇ж̇аанаа бхавзяяа ну ко нод̇и, т̇зро д̇ам̣ бадиж̇аананд̇о ааха ‘‘звамаавусо’’д̇и. буна д̇хаммасзнаабад̇и обаммам̣ самбадибаад̣̇знд̇о, звамзва код̇иаад̣̇имааха. д̇ад̇т̇звам̣ обаммасам̣санд̣̇анаа взд̣̇ид̇аб̣б̣аа – гилидтагам̣сабаад̇исад̣̇исо саан̇г̇ан̣о буг̇г̇ало. сам̣гилидтагам̣сабаад̇ияаа набарибхун̃ж̇анамаад̣̇им̣ гад̇ваа раж̇аабат̇анигкзбо вияа д̇асса буг̇г̇аласса баб̣б̣аж̇ж̇ам̣ лабхамаанасса взж̇ж̇агаммаад̣̇ийсу басуд̇абуг̇г̇аласанд̇игз баб̣б̣аж̇ж̇аабадилаабхо. сам̣гилидтагам̣сабаад̇ияаа буна сам̣гилидтад̇арабхааво вияа д̇асса буг̇г̇аласса ануггамзна аажарияубаж̇жхааяаанам̣ анусигкад̇о взж̇ж̇агаммаад̣̇игаран̣ам̣, зд̇т̇а тид̇асса саан̇г̇ан̣агаалагирияаа. ат̇а ваа ануггамзна д̣̇уггадад̣̇уб̣бхаасид̇авийд̇иггаманам̣, зд̇т̇а тид̇асса саан̇г̇ан̣агаалагирияаа. ат̇а ваа ануггамзна баажид̇д̇ияат̇уллажжаяавийд̇иггаманам̣, сан̇гхаад̣̇исзсавийд̇иггаманам̣, баарааж̇игавийд̇иггаманам̣, маад̇угхаад̇аад̣̇иаананд̇арияагаран̣ам̣, зд̇т̇а тид̇асса саан̇г̇ан̣агаалагирияаад̇и.
Seyyathāpīti yathā nāma. Kaṃsapātīti kaṃsalohabhājanaṃ. Ābhatāti ānītā. Āpaṇā vā kammārakulā vāti āpaṇato vā kaṃsapātikārakānaṃ kammārānaṃ gharato vā. Rajenāti āgantukarajena paṃsuādinā. Malenāti tattheva uṭṭhitena lohamalena. Pariyonaddhāti sañchannā. Na ceva paribhuñjeyyunti udakakhādanīyapakkhipanādīhi paribhogaṃ na kareyyuṃ. Na ca pariyodapeyyunti dhovanaghaṃsanādīhi na parisuddhaṃ kārāpeyyuṃ. Rajāpatheti rajapathe. Ayameva vā pāṭho, rajassa āgamanaṭṭhāne vā vuṭṭhānuṭṭhāne vā heṭṭhāmañce vā thusakoṭṭhake vā bhājanantare vā, yattha rajena okirīyatīti attho. Saṃkiliṭṭhatarā assa malaggahitāti ettha rajāpathe nikkhipanena saṃkiliṭṭhatarā, aparibhogāpariyodapanehi malaggahitatarāti vuttaṃ hoti, paṭipucchāvacanañcetaṃ. Tenassa evamattho veditabbo, āvuso, sā kaṃsapāti evaṃ karīyamānā aparena kālena saṃkiliṭṭhatarā ca malaggahitatarā ca mattikapātīti vā kaṃsapātīti vā itipi dujjānā bhaveyya nu kho noti, thero taṃ paṭijānanto āha ‘‘evamāvuso’’ti. Puna dhammasenāpati opammaṃ sampaṭipādento, evameva khotiādimāha. Tatthevaṃ opammasaṃsandanā veditabbā – kiliṭṭhakaṃsapātisadiso sāṅgaṇo puggalo. Saṃkiliṭṭhakaṃsapātiyā naparibhuñjanamādiṃ katvā rajāpathanikkhepo viya tassa puggalassa pabbajjaṃ labhamānassa vejjakammādīsu pasutapuggalasantike pabbajjāpaṭilābho. Saṃkiliṭṭhakaṃsapātiyā puna saṃkiliṭṭhatarabhāvo viya tassa puggalassa anukkamena ācariyupajjhāyānaṃ anusikkhato vejjakammādikaraṇaṃ, ettha ṭhitassa sāṅgaṇakālakiriyā. Atha vā anukkamena dukkaṭadubbhāsitavītikkamanaṃ, ettha ṭhitassa sāṅgaṇakālakiriyā. Atha vā anukkamena pācittiyathullaccayavītikkamanaṃ, saṅghādisesavītikkamanaṃ, pārājikavītikkamanaṃ, mātughātādiānantariyakaraṇaṃ, ettha ṭhitassa sāṅgaṇakālakiriyāti.
сам̣гилидтажид̇д̇о гаалам̣ гариссад̇ийд̇и зд̇т̇а жа агусалажид̇д̇зна гаалам̣ гариссад̇ийд̇и на звамад̇т̇о д̣̇адтаб̣б̣о. саб̣б̣асад̇д̇аа хи багад̇ижид̇д̇зна бхаван̇г̇ажид̇д̇знзва гаалам̣ гаронд̇и. аяам̣ бана ависод̇хзд̇ваа жид̇д̇асанд̇аанам̣ гаалам̣ гариссад̇ийд̇и зд̇амад̇т̇ам̣ санд̇хааяа звам̣ вуд̇д̇од̇и взд̣̇ид̇аб̣б̣о.
Saṃkiliṭṭhacitto kālaṃ karissatīti ettha ca akusalacittena kālaṃ karissatīti na evamattho daṭṭhabbo. Sabbasattā hi pakaticittena bhavaṅgacitteneva kālaṃ karonti. Ayaṃ pana avisodhetvā cittasantānaṃ kālaṃ karissatīti etamatthaṃ sandhāya evaṃ vuttoti veditabbo.
д̣̇уд̇ияаваарз барияод̣̇абзяяунд̇и д̇хованагхам̣санасан̣хачааригаабаримаж̇ж̇анаад̣̇ийхи барисуд̣̇д̇хам̣ аад̣̇аасаман̣д̣аласад̣̇исам̣ гарзяяум̣. на жа нам̣ раж̇аабат̇зд̇и буб̣б̣з вуд̇д̇аббагаарз таанз анигкибид̇ваа гаран̣д̣аман̃ж̇уусаад̣̇ийсу ваа табзяяум̣, баливзтзд̇ваа ваа нааг̇ад̣̇анд̇з лаг̇зяяум̣. сзсам̣ вуд̇д̇анаяаанусаарзнзва г̇ахзд̇аб̣б̣ам̣.
Dutiyavāre pariyodapeyyunti dhovanaghaṃsanasaṇhachārikāparimajjanādīhi parisuddhaṃ ādāsamaṇḍalasadisaṃ kareyyuṃ. Na ca naṃ rajāpatheti pubbe vuttappakāre ṭhāne anikkhipitvā karaṇḍamañjūsādīsu vā ṭhapeyyuṃ, paliveṭhetvā vā nāgadante lageyyuṃ. Sesaṃ vuttanayānusāreneva gahetabbaṃ.
убамаасам̣санд̣̇анаа жзд̇т̇а звам̣ взд̣̇ид̇аб̣б̣аа – гилидтагам̣сабаад̇исад̣̇исо саан̇г̇ан̣о бхаб̣б̣абуг̇г̇ало. гилидтагам̣сабаад̇ияаа барибхун̃ж̇анамаад̣̇им̣ гад̇ваа суд̣̇д̇хадтаанз табанам̣ вияа д̇асса буг̇г̇аласса баб̣б̣аж̇ж̇ам̣ лабхамаанасса бзсалабхигкуунам̣ санд̇игз баб̣б̣аж̇ж̇аабадилаабхо. яз овад̣̇анд̇и анусаасанд̇и аббамад̇д̇агамби бамаад̣̇ам̣ д̣̇исваа д̣̇ан̣д̣агаммам̣ гад̇ваа бунаббунам̣ сигкаабзнд̇и, сам̣гилидтагам̣сабаад̇ияаа абарагаалз барисуд̣̇д̇хабарияод̣̇аад̇абхааво вияа д̇асса буг̇г̇аласса аажарияубаж̇жхааяаанам̣ анусигкад̇о ануггамзна саммаавад̇д̇абадибад̇д̇и, зд̇т̇а тид̇асса анан̇г̇ан̣агаалагирияаа. ат̇а ваа ануггамзна барисуд̣̇д̇хз сийлз бад̇идтааяа ад̇д̇ано ануруубам̣ б̣уд̣̇д̇хаважанам̣ уг̇г̇ан̣хид̇ваа д̇худ̇ан̇г̇аани самаад̣̇ааяа ад̇д̇ано анугуулагаммадтаанам̣ г̇ахзд̇ваа г̇ааманд̇асзнаасанаваасам̣ мун̃жид̇ваа банд̇асзнаасанаваасо, зд̇т̇а тид̇асса анан̇г̇ан̣агаалагирияаа. ат̇а ваа ануггамзна гасин̣абаригаммам̣ гад̇ваа адтасамаабад̇д̇иниб̣б̣ад̇д̇анзна гилзсавигкамбханам̣, вибассанаабаад̣̇агаж̇жхаанаа вудтааяа вибассанааяа гилзсаанам̣ д̇ад̣̇ан̇г̇анивааран̣ам̣, сод̇аабад̇д̇ипалаад̇хиг̇амо…бз… арахад̇д̇асажчигирияаад̇и зд̇т̇а тид̇асса ажжанд̇ам̣ анан̇г̇ан̣агаалагирияаа зва.
Upamāsaṃsandanā cettha evaṃ veditabbā – kiliṭṭhakaṃsapātisadiso sāṅgaṇo bhabbapuggalo. Kiliṭṭhakaṃsapātiyā paribhuñjanamādiṃ katvā suddhaṭṭhāne ṭhapanaṃ viya tassa puggalassa pabbajjaṃ labhamānassa pesalabhikkhūnaṃ santike pabbajjāpaṭilābho. Ye ovadanti anusāsanti appamattakampi pamādaṃ disvā daṇḍakammaṃ katvā punappunaṃ sikkhāpenti, saṃkiliṭṭhakaṃsapātiyā aparakāle parisuddhapariyodātabhāvo viya tassa puggalassa ācariyupajjhāyānaṃ anusikkhato anukkamena sammāvattapaṭipatti, ettha ṭhitassa anaṅgaṇakālakiriyā. Atha vā anukkamena parisuddhe sīle patiṭṭhāya attano anurūpaṃ buddhavacanaṃ uggaṇhitvā dhutaṅgāni samādāya attano anukūlakammaṭṭhānaṃ gahetvā gāmantasenāsanavāsaṃ muñcitvā pantasenāsanavāso, ettha ṭhitassa anaṅgaṇakālakiriyā. Atha vā anukkamena kasiṇaparikammaṃ katvā aṭṭhasamāpattinibbattanena kilesavikkhambhanaṃ, vipassanāpādakajjhānā vuṭṭhāya vipassanāya kilesānaṃ tadaṅganivāraṇaṃ, sotāpattiphalādhigamo…pe… arahattasacchikiriyāti ettha ṭhitassa accantaṃ anaṅgaṇakālakiriyā eva.
д̇ад̇ияаваарз субханимид̇д̇анд̇и рааг̇адтаанияам̣ идтаарамман̣ам̣. манаси гариссад̇ийд̇и д̇асмим̣ вибаннассад̇и д̇ам̣ нимид̇д̇ам̣ ааваж̇ж̇иссад̇и. д̇асса субханимид̇д̇асса манасигаараад̇и д̇асса буг̇г̇аласса субханимид̇д̇аманасигаарагааран̣аа. ануд̣̇д̇хам̣сзссад̇ийд̇и хим̣сиссад̇и ад̇хибхависсад̇и. рааг̇о хи уббаж̇ж̇анд̇о гусалаваарам̣ бажчинд̣̇ид̇ваа саяамзва агусалаж̇аванам̣ худ̇ваа д̇идтанд̇о гусалажид̇д̇ам̣ ануд̣̇д̇хам̣сзд̇ийд̇и взд̣̇ид̇аб̣б̣о. сзсам̣ вуд̇д̇анаяаанусаарзнзва г̇ахзд̇аб̣б̣ам̣.
Tatiyavāre subhanimittanti rāgaṭṭhāniyaṃ iṭṭhārammaṇaṃ. Manasi karissatīti tasmiṃ vipannassati taṃ nimittaṃ āvajjissati. Tassa subhanimittassa manasikārāti tassa puggalassa subhanimittamanasikārakāraṇā. Anuddhaṃsessatīti hiṃsissati adhibhavissati. Rāgo hi uppajjanto kusalavāraṃ pacchinditvā sayameva akusalajavanaṃ hutvā tiṭṭhanto kusalacittaṃ anuddhaṃsetīti veditabbo. Sesaṃ vuttanayānusāreneva gahetabbaṃ.
обаммасам̣санд̣̇анаа банзд̇т̇а звам̣ взд̣̇ид̇аб̣б̣аа – барисуд̣̇д̇хагам̣сабаад̇исад̣̇исо багад̇ияаа аббагилзсо анан̇г̇ан̣абуг̇г̇ало. барисуд̣̇д̇хагам̣сабаад̇ияаа набарибхун̃ж̇анам̣ аад̣̇им̣ гад̇ваа раж̇аабат̇з нигкзбо вияа д̇асса буг̇г̇аласса баб̣б̣аж̇ж̇ам̣ лабхамаанассаад̇и ид̇о барам̣ саб̣б̣ам̣ батамаваарасад̣̇исамзва.
Opammasaṃsandanā panettha evaṃ veditabbā – parisuddhakaṃsapātisadiso pakatiyā appakileso anaṅgaṇapuggalo. Parisuddhakaṃsapātiyā naparibhuñjanaṃ ādiṃ katvā rajāpathe nikkhepo viya tassa puggalassa pabbajjaṃ labhamānassāti ito paraṃ sabbaṃ paṭhamavārasadisameva.
жад̇уд̇т̇аваарз субханимид̇д̇ам̣ на манаси гариссад̇ийд̇и д̇асмим̣ сад̇ивирахаабхаавад̇о д̇ам̣ нимид̇д̇ам̣ нааваж̇ж̇иссад̇и, сзсам̣ д̣̇уд̇ияаваараанусаарзна взд̣̇ид̇аб̣б̣ам̣. ‘‘аяам̣ ко, аавусо’’д̇иаад̣̇и ‘‘го ну ко, аавусо’’д̇иаад̣̇имхи вуд̇д̇анаяамзва.
Catutthavāre subhanimittaṃ na manasi karissatīti tasmiṃ sativirahābhāvato taṃ nimittaṃ nāvajjissati, sesaṃ dutiyavārānusārena veditabbaṃ. ‘‘Ayaṃ kho, āvuso’’tiādi ‘‘ko nu kho, āvuso’’tiādimhi vuttanayameva.
60. ид̣̇аани д̇ам̣ ан̇г̇ан̣ам̣ наанаббагаарад̇о баагадам̣ гаараабзд̇угаамзнааяасмад̇аа махаамог̇г̇аллаанзна ‘‘ан̇г̇ан̣ам̣ ан̇г̇ан̣а’’нд̇иаад̣̇инаа наязна будто д̇ам̣ б̣яаагаронд̇о баабагаанам̣ ко зд̇ам̣, аавусод̇иаад̣̇имааха. д̇ад̇т̇а ижчааважараананд̇и ижчааяа аважараанам̣, ижчаавасзна од̇ин̣н̣аанам̣ бавад̇д̇аанам̣ наанаббагаараанам̣ гобааббажжаяаананд̇и ад̇т̇о. яам̣ ид̇хзгажжассаад̇и язна ид̇хзгажжасса звам̣ ижчаа уббаж̇ж̇зяяа, д̇ам̣ таанам̣ д̇ам̣ гааран̣ам̣ виж̇ж̇ад̇и ад̇т̇и, убалаб̣бхад̇ийд̇и вуд̇д̇ам̣ ход̇и. аабанно ассанд̇и аабанно бхавзяяам̣. на жа мам̣ бхигкуу ж̇аанзяяунд̇и бхигкуу жа мам̣ на ж̇аанзяяум̣. гим̣ банзд̇т̇а таанам̣, лаабхад̇т̇игад̇аа. лаабхад̇т̇иго хи бхигку багад̇ияааби жа гад̇абун̃н̃о мануссзхи саггад̇о г̇аругад̇о звам̣ жинд̇зд̇и ‘‘аабад̇д̇им̣ аабаннам̣ бхигкум̣ т̇зраа н̃ад̇ваа маж̇жхимаанам̣ аарожзнд̇и, д̇з навагаанам̣, навагаа вихаарз вигхаасаад̣̇аад̣̇ийнам̣, д̇з оваад̣̇ам̣ ааг̇ад̇аанам̣ бхигкунийнам̣, звам̣ гамзна жад̇ассо барисаа ж̇аананд̇и. звамасса лаабханд̇арааяо ход̇и. ахо вад̇аахам̣ аабад̇д̇ин̃жа вад̇а аабанно ассам̣, на жа мам̣ бхигкуу ж̇аанзяяу’’нд̇и.
60. Idāni taṃ aṅgaṇaṃ nānappakārato pākaṭaṃ kārāpetukāmenāyasmatā mahāmoggallānena ‘‘aṅgaṇaṃ aṅgaṇa’’ntiādinā nayena puṭṭho taṃ byākaronto pāpakānaṃ kho etaṃ, āvusotiādimāha. Tattha icchāvacarānanti icchāya avacarānaṃ, icchāvasena otiṇṇānaṃ pavattānaṃ nānappakārānaṃ kopaappaccayānanti attho. Yaṃ idhekaccassāti yena idhekaccassa evaṃ icchā uppajjeyya, taṃ ṭhānaṃ taṃ kāraṇaṃ vijjati atthi, upalabbhatīti vuttaṃ hoti. Āpanno assanti āpanno bhaveyyaṃ. Na ca maṃ bhikkhū jāneyyunti bhikkhū ca maṃ na jāneyyuṃ. Kiṃ panettha ṭhānaṃ, lābhatthikatā. Lābhatthiko hi bhikkhu pakatiyāpi ca katapuñño manussehi sakkato garukato evaṃ cinteti ‘‘āpattiṃ āpannaṃ bhikkhuṃ therā ñatvā majjhimānaṃ ārocenti, te navakānaṃ, navakā vihāre vighāsādādīnaṃ, te ovādaṃ āgatānaṃ bhikkhunīnaṃ, evaṃ kamena catasso parisā jānanti. Evamassa lābhantarāyo hoti. Aho vatāhaṃ āpattiñca vata āpanno assaṃ, na ca maṃ bhikkhū jāneyyu’’nti.
яам̣ д̇ам̣ бхигкум̣ бхигкуу ж̇аанзяяунд̇и язна гааран̣зна д̇ам̣ бхигкум̣ ан̃н̃з бхигкуу ж̇аанзяяум̣, д̇ам̣ гааран̣ам̣ виж̇ж̇ад̇и ко бана ад̇т̇иязва, но над̇т̇и. т̇зраа хи н̃ад̇ваа маж̇жхимаанам̣ аарожзнд̇и. звам̣ со буб̣б̣з вуд̇д̇анаязна жад̇уусу барисаасу баагадо ход̇и. звам̣ баагадо жа аяасаабхибхууд̇о г̇аамасад̇амби бависид̇ваа уммаарасад̇зсу таанзсу ун̃чид̇ваа яат̇аад̇ход̇зна бад̇д̇зна нигкамад̇и. д̇ад̇о ж̇аананд̇и мам̣ бхигкуу аабад̇д̇им̣ аабаннод̇и д̇зхи жамхи звам̣ наасид̇од̇и жинд̇зд̇ваа, ид̇и со губид̇о ход̇и аббад̇ийд̇о со иминаа гааран̣зна губид̇о жзва ход̇и год̇хаабхибхууд̇о аббад̇ийд̇о жа д̣̇оманассаабхибхууд̇о.
Yaṃ taṃ bhikkhuṃ bhikkhū jāneyyunti yena kāraṇena taṃ bhikkhuṃ aññe bhikkhū jāneyyuṃ, taṃ kāraṇaṃ vijjati kho pana atthiyeva, no natthi. Therā hi ñatvā majjhimānaṃ ārocenti. Evaṃ so pubbe vuttanayena catūsu parisāsu pākaṭo hoti. Evaṃ pākaṭo ca ayasābhibhūto gāmasatampi pavisitvā ummārasatesu ṭhānesu uñchitvā yathādhotena pattena nikkhamati. Tato jānanti maṃ bhikkhū āpattiṃ āpannoti tehi camhi evaṃ nāsitoti cintetvā, iti so kupito hoti appatīto so iminā kāraṇena kupito ceva hoti kodhābhibhūto appatīto ca domanassābhibhūto.
яо жзва ко , аавусо, гобо яо жа аббажжаяо убхаяамзд̇ам̣ ан̇г̇ан̣анд̇и, аавусо, яо жааяам̣ сан̇каарагканд̇хасан̇г̇ахид̇о гобо, яо жа взд̣̇анаагканд̇хасан̇г̇ахид̇о аббажжаяо, зд̇ам̣ убхаяам̣ ан̇г̇ан̣анд̇и звамзд̇т̇а ад̇т̇о д̣̇адтаб̣б̣о. ид̣̇ан̃жа д̇аад̣̇исаанам̣ буг̇г̇алаанам̣ васзна вуд̇д̇ам̣. лобхо бана имасса ан̇г̇ан̣асса буб̣б̣абхааг̇авасзна, мохо самбаяог̇авасзнааби г̇ахид̇оязва ход̇и.
Yo ceva kho , āvuso, kopo yo ca appaccayo ubhayametaṃ aṅgaṇanti, āvuso, yo cāyaṃ saṅkhārakkhandhasaṅgahito kopo, yo ca vedanākkhandhasaṅgahito appaccayo, etaṃ ubhayaṃ aṅgaṇanti evamettha attho daṭṭhabbo. Idañca tādisānaṃ puggalānaṃ vasena vuttaṃ. Lobho pana imassa aṅgaṇassa pubbabhāgavasena, moho sampayogavasenāpi gahitoyeva hoti.
анурахо манд̇и буримасад̣̇исамзва бхигкум̣ г̇ахзд̇ваа вихаарабажжанд̇з сзнаасанам̣ бавзсзд̇ваа д̣̇ваарам̣ т̇агзд̇ваа жод̣̇знд̇з ижчад̇и. таанам̣ ко банзд̇анд̇и зд̇ам̣ гааран̣ам̣ виж̇ж̇ад̇и, яам̣ д̇ам̣ бхигкум̣ жад̇убарисамаж̇жхз аанзд̇ваа б̣яад̇д̇аа винийд̇аа ‘‘д̇аяаа асугамхи наама таанз взж̇ж̇агаммам̣ гад̇а’’нд̇иаад̣̇инаа наязна жод̣̇зяяум̣. со жад̇уусу барисаасу баагадо ход̇и. звам̣ баагадо жа аяасаабхибхууд̇од̇и саб̣б̣ам̣ буримасад̣̇исамзва.
Anurahomanti purimasadisameva bhikkhuṃ gahetvā vihārapaccante senāsanaṃ pavesetvā dvāraṃ thaketvā codente icchati. Ṭhānaṃ kho panetanti etaṃ kāraṇaṃ vijjati, yaṃ taṃ bhikkhuṃ catuparisamajjhe ānetvā byattā vinītā ‘‘tayā asukamhi nāma ṭhāne vejjakammaṃ kata’’ntiādinā nayena codeyyuṃ. So catūsu parisāsu pākaṭo hoti. Evaṃ pākaṭo ca ayasābhibhūtoti sabbaṃ purimasadisameva.
саббадибуг̇г̇алод̇и самаано буг̇г̇ало. самаанод̇и саабад̇д̇иго. бадибуг̇г̇алод̇и жод̣̇аго. аяам̣ саабад̇д̇игзнзва жод̣̇анам̣ ижчад̇и, д̇вамби иман̃жиман̃жа аабад̇д̇им̣ аабанно, д̇ам̣ д̇аава бадигарохи бажчаа мам̣ жод̣̇зссасийд̇и вад̇д̇ум̣ саггаад̇и ман̃н̃амаано. абижа ж̇аад̇иаад̣̇ийхиби самаано буг̇г̇ало саббадибуг̇г̇ало. аяан̃хи ад̇д̇ано ж̇аад̇ияаа гулзна б̣аахусажжзна б̣яад̇д̇ад̇ааяа д̇худ̇ан̇г̇знаад̇и звамаад̣̇ийхиби самаанзнзва жод̣̇анам̣ ижчад̇и, д̇аад̣̇исзна вуд̇д̇ам̣ наад̇ид̣̇угкам̣ ход̇ийд̇и ман̃н̃амаано. аббадибуг̇г̇алод̇и зд̇т̇а аяуд̇д̇о бадибуг̇г̇ало аббадибуг̇г̇ало. имзхи аабад̇д̇аад̣̇ийхи асад̣̇исад̇д̇аа бадисад̇д̇у бадисалло жод̣̇аго бхавид̇ум̣ аяуд̇д̇од̇и вуд̇д̇ам̣ ход̇и. ид̇и со губид̇од̇и ид̇и со имааяа аббадибуг̇г̇алажод̣̇анааяа звам̣ губид̇о ход̇и.
Sappaṭipuggaloti samāno puggalo. Samānoti sāpattiko. Paṭipuggaloti codako. Ayaṃ sāpattikeneva codanaṃ icchati, tvampi imañcimañca āpattiṃ āpanno, taṃ tāva paṭikarohi pacchā maṃ codessasīti vattuṃ sakkāti maññamāno. Apica jātiādīhipi samāno puggalo sappaṭipuggalo. Ayañhi attano jātiyā kulena bāhusaccena byattatāya dhutaṅgenāti evamādīhipi samāneneva codanaṃ icchati, tādisena vuttaṃ nātidukkhaṃ hotīti maññamāno. Appaṭipuggaloti ettha ayutto paṭipuggalo appaṭipuggalo. Imehi āpattādīhi asadisattā paṭisattu paṭisallo codako bhavituṃ ayuttoti vuttaṃ hoti. Iti so kupitoti iti so imāya appaṭipuggalacodanāya evaṃ kupito hoti.
жад̇уд̇т̇аваарз ахо вад̇аад̇и ‘‘ахо вад̇а рз амхаагам̣ бан̣д̣ид̇агаа, ахо вад̇а рз амхаагам̣ б̣ахуссуд̇агаа д̇звиж̇ж̇агаа’’д̇и (д̣̇ий. ни. 1.291) г̇арахааяам̣ д̣̇иссад̇и. ‘‘ахо вад̇а мам̣ д̣̇ахарам̣язва самаанам̣ раж̇ж̇з абхисин̃жзяяу’’нд̇и (махаава. 57) бад̇т̇анааяам̣. ид̇ха бад̇т̇анааяамзва. бадибужчид̇ваа бадибужчид̇ваад̇и бунаббунам̣ бужчид̇ваа. аяам̣ бхигку лаабхад̇т̇иго бхаг̇авад̇о ад̇д̇аанам̣ бадибужчид̇аб̣б̣ам̣ ижчад̇и, д̇ан̃жа ко анумад̇ибужчааяа, но маг̇г̇ам̣ ваа палам̣ ваа вибассанам̣ ваа анд̇арам̣ гад̇ваа. аяан̃хи бассад̇и бхаг̇аванд̇ам̣ саарибуд̇д̇аад̣̇аяо махаат̇зрз ‘‘д̇ам̣ гим̣ ман̃н̃аси, саарибуд̇д̇а, мог̇г̇аллаана, гассаба , раахула жагкум̣ нижжам̣ ваа анижжам̣ ваа’’д̇и звам̣ барисамаж̇жхз бадибужчид̇ваа бадибужчид̇ваа д̇хаммам̣ д̣̇зсзнд̇ам̣, мануссз жа ‘‘д̇зса бан̣д̣ид̇аа т̇зраа сад̇т̇у жид̇д̇ам̣ аараад̇хзнд̇ий’’д̇и ван̣н̣ам̣ бхан̣анд̇з, лаабхасаггааран̃жа убахаранд̇з. д̇асмаа д̇ам̣ лаабхасаггаарам̣ ижчанд̇о звам̣ жинд̇зд̇ваа никан̣ид̇ваа табид̇акаан̣у вияа бхаг̇авад̇о бурад̇ова ход̇и.
Catutthavāre aho vatāti ‘‘aho vata re amhākaṃ paṇḍitakā, aho vata re amhākaṃ bahussutakā tevijjakā’’ti (dī. ni. 1.291) garahāyaṃ dissati. ‘‘Aho vata maṃ daharaṃyeva samānaṃ rajje abhisiñceyyu’’nti (mahāva. 57) patthanāyaṃ. Idha patthanāyameva. Paṭipucchitvā paṭipucchitvāti punappunaṃ pucchitvā. Ayaṃ bhikkhu lābhatthiko bhagavato attānaṃ paṭipucchitabbaṃ icchati, tañca kho anumatipucchāya, no maggaṃ vā phalaṃ vā vipassanaṃ vā antaraṃ katvā. Ayañhi passati bhagavantaṃ sāriputtādayo mahāthere ‘‘taṃ kiṃ maññasi, sāriputta, moggallāna, kassapa , rāhula cakkhuṃ niccaṃ vā aniccaṃ vā’’ti evaṃ parisamajjhe paṭipucchitvā paṭipucchitvā dhammaṃ desentaṃ, manusse ca ‘‘tesa paṇḍitā therā satthu cittaṃ ārādhentī’’ti vaṇṇaṃ bhaṇante, lābhasakkārañca upaharante. Tasmā taṃ lābhasakkāraṃ icchanto evaṃ cintetvā nikhaṇitvā ṭhapitakhāṇu viya bhagavato puratova hoti.
ид̇и со губид̇од̇и ат̇а бхаг̇аваа д̇ам̣ аманасигарид̇ваава ан̃н̃ам̣ т̇зрам̣ бадибужчид̇ваа д̇хаммам̣ д̣̇зсзд̇и , д̇зна со губид̇о ход̇и бхаг̇авад̇о жа т̇зрасса жа. гат̇ам̣ бхаг̇авад̇о губбад̇и? ‘‘ахам̣ баб̣б̣аж̇ид̇агаалад̇о бабхуд̇и г̇анд̇хагудибаривзн̣ад̇о б̣ахинигкаманам̣ на ж̇аанаами, саб̣б̣агаалам̣ чааяаава на виж̇ахаами, мам̣ наама бужчид̇ваа д̇хаммад̣̇зсанаамад̇д̇амби над̇т̇и. д̇ам̣мухуд̇д̇ам̣ д̣̇идтамад̇д̇агамзва т̇зрам̣ бужчид̇ваа д̇хаммам̣ д̣̇зсзд̇ий’’д̇и звам̣ бхаг̇авад̇о губбад̇и. гат̇ам̣ т̇зрасса губбад̇и? ‘‘аяам̣ махаллагад̇т̇зро бхаг̇авад̇о бурад̇о каан̣у вияа нисийд̣̇ад̇и, гад̣̇аа ну ко имам̣ д̇хаммагаммигаа абхаб̣б̣адтаанам̣ баабзд̇ваа нийхариссанд̇и, аяан̃хи яад̣̇и имасмим̣ вихаарз на бхавзяяа, авассам̣ бхаг̇аваа маяаа сад̣̇д̇хим̣ саллабзяяаа’’д̇и звам̣ т̇зрасса губбад̇и.
Iti so kupitoti atha bhagavā taṃ amanasikaritvāva aññaṃ theraṃ paṭipucchitvā dhammaṃ deseti , tena so kupito hoti bhagavato ca therassa ca. Kathaṃ bhagavato kuppati? ‘‘Ahaṃ pabbajitakālato pabhuti gandhakuṭipariveṇato bahinikkhamanaṃ na jānāmi, sabbakālaṃ chāyāva na vijahāmi, maṃ nāma pucchitvā dhammadesanāmattampi natthi. Taṃmuhuttaṃ diṭṭhamattakameva theraṃ pucchitvā dhammaṃ desetī’’ti evaṃ bhagavato kuppati. Kathaṃ therassa kuppati? ‘‘Ayaṃ mahallakatthero bhagavato purato khāṇu viya nisīdati, kadā nu kho imaṃ dhammakammikā abhabbaṭṭhānaṃ pāpetvā nīharissanti, ayañhi yadi imasmiṃ vihāre na bhaveyya, avassaṃ bhagavā mayā saddhiṃ sallapeyyā’’ti evaṃ therassa kuppati.
бурагкад̇ваа бурагкад̇ваад̇и бурад̇о бурад̇о гад̇ваа, самбариваарзд̇ваад̇и вуд̇д̇ам̣ ход̇и. аяамби лаабхад̇т̇игоязва, аяан̃хи бассад̇и б̣ахуссуд̇з бхигкуу махаабариваарзна г̇аамам̣ бависанд̇з, жзд̇ияам̣ ванд̣̇анд̇з, д̇зсан̃жа д̇ам̣ самбад̇д̇им̣ д̣̇исваа убаасагз басаннз басаннаагаарам̣ гаронд̇з. д̇асмаа звам̣ ижчад̇и. губид̇од̇и аяамби д̣̇вийсу таанзсу губбад̇и бхигкуунам̣ т̇зрасса жа. гат̇ам̣ бхигкуунам̣? ‘‘имз яад̣̇зва маяхам̣ уббаж̇ж̇ад̇и жийварам̣ ваа бин̣д̣абаад̇о ваа, д̇ам̣ г̇ахзд̇ваа барибхун̃ж̇анд̇и, маяхам̣ бана бад̇д̇ажийварам̣ г̇ахзд̇ваа бидтид̇о ааг̇ажчанд̇оби над̇т̇ий’’д̇и звам̣ бхигкуунам̣ губбад̇и. гат̇ам̣ т̇зрасса? ‘‘зсо махаллагад̇т̇зро д̇зсу д̇зсу таанзсу саяамзва бан̃н̃ааяад̇и, гуд̣̇аассу наама нам̣ д̇хаммагаммигаа ниггад̣дхиссанд̇и, имасмим̣ асад̇и авассам̣ мам̣язва бариваарзссанд̇ий’’д̇и.
Purakkhatvā purakkhatvāti purato purato katvā, samparivāretvāti vuttaṃ hoti. Ayampi lābhatthikoyeva, ayañhi passati bahussute bhikkhū mahāparivārena gāmaṃ pavisante, cetiyaṃ vandante, tesañca taṃ sampattiṃ disvā upāsake pasanne pasannākāraṃ karonte. Tasmā evaṃ icchati. Kupitoti ayampi dvīsu ṭhānesu kuppati bhikkhūnaṃ therassa ca. Kathaṃ bhikkhūnaṃ? ‘‘Ime yadeva mayhaṃ uppajjati cīvaraṃ vā piṇḍapāto vā, taṃ gahetvā paribhuñjanti, mayhaṃ pana pattacīvaraṃ gahetvā piṭṭhito āgacchantopi natthī’’ti evaṃ bhikkhūnaṃ kuppati. Kathaṃ therassa? ‘‘Eso mahallakatthero tesu tesu ṭhānesu sayameva paññāyati, kudāssu nāma naṃ dhammakammikā nikkaḍḍhissanti, imasmiṃ asati avassaṃ maṃyeva parivāressantī’’ti.
бхад̇д̇аг̇г̇зд̇и бхож̇анадтаанз. аг̇г̇аасананд̇и сан̇гхад̇т̇зраасанам̣. аг̇г̇од̣̇аганд̇и д̣̇агкин̣од̣̇агам̣. аг̇г̇абин̣д̣анд̇и сан̇гхад̇т̇зрабин̣д̣ам̣. саб̣б̣ад̇т̇а ваа аг̇г̇анд̇и бан̣ийд̇аад̇хиважанамзд̇ам̣. д̇ад̇т̇а ахамзва лабхзяяанд̇и ижчаа наад̇имахаасааваж̇ж̇аа. на ан̃н̃о бхигку лабхзяяаад̇и бана ад̇имахаасааваж̇ж̇аа . аяамби лаабхад̇т̇иго баасаад̣̇иго ход̇и жийварад̇хааран̣аад̣̇ийхи, гад̣̇аажи баб̣б̣аж̇ад̇и, гад̣̇аажи виб̣бхамад̇и. д̇зна со буб̣б̣з лад̣̇д̇хабуб̣б̣ам̣ аасанаад̣̇им̣ бажчаа алабханд̇о звам̣ жинд̇зси. на со бхигку лабхзяяаад̇и на со бхигку т̇зраанам̣ аг̇г̇аасанаад̣̇ийсу д̇ад̣̇анусаарзна маж̇жхимаанам̣ ан̃н̃зсан̃жа наваанам̣ гад̣̇аажи яам̣ ваа д̇ам̣ ваа саб̣б̣анихийнам̣ аасанаад̣̇им̣ лабхад̇и. губид̇од̇и аяамби д̣̇вийсу таанзсу губбад̇и мануссаанан̃жа т̇зраанан̃жа. гат̇ам̣ мануссаанам̣? ‘‘имз ман̇г̇алаад̣̇ийсу мам̣ ниссааяа бхигкуу лабханд̇и, зд̇з, ‘бханд̇з, зд̇д̇агз бхигкуу г̇ахзд̇ваа амхаагам̣ анугамбам̣ гарот̇аа’д̇и вад̣̇анд̇и, ид̣̇аани д̇ам̣мухуд̇д̇ам̣ д̣̇идтамад̇д̇агам̣ махаллагад̇т̇зрам̣ г̇ахзд̇ваа г̇ад̇аа, ход̇у ид̣̇аани, нзсам̣ гижжз уббаннз ж̇ааниссаамий’’д̇и звам̣ мануссаанам̣ губбад̇и. гат̇ам̣ т̇зраанам̣? ‘‘имз наама яад̣̇и на бхавзяяум̣, мам̣язва мануссаа ниманд̇зяяу’’нд̇и звам̣ т̇зраанам̣ губбад̇и.
Bhattaggeti bhojanaṭṭhāne. Aggāsananti saṅghattherāsanaṃ. Aggodakanti dakkhiṇodakaṃ. Aggapiṇḍanti saṅghattherapiṇḍaṃ. Sabbattha vā agganti paṇītādhivacanametaṃ. Tattha ahameva labheyyanti icchā nātimahāsāvajjā. Na añño bhikkhu labheyyāti pana atimahāsāvajjā . Ayampi lābhatthiko pāsādiko hoti cīvaradhāraṇādīhi, kadāci pabbajati, kadāci vibbhamati. Tena so pubbe laddhapubbaṃ āsanādiṃ pacchā alabhanto evaṃ cintesi. Na so bhikkhu labheyyāti na so bhikkhu therānaṃ aggāsanādīsu tadanusārena majjhimānaṃ aññesañca navānaṃ kadāci yaṃ vā taṃ vā sabbanihīnaṃ āsanādiṃ labhati. Kupitoti ayampi dvīsu ṭhānesu kuppati manussānañca therānañca. Kathaṃ manussānaṃ? ‘‘Ime maṅgalādīsu maṃ nissāya bhikkhū labhanti, ete, ‘bhante, ettake bhikkhū gahetvā amhākaṃ anukampaṃ karothā’ti vadanti, idāni taṃmuhuttaṃ diṭṭhamattakaṃ mahallakattheraṃ gahetvā gatā, hotu idāni, nesaṃ kicce uppanne jānissāmī’’ti evaṃ manussānaṃ kuppati. Kathaṃ therānaṃ? ‘‘Ime nāma yadi na bhaveyyuṃ, maṃyeva manussā nimanteyyu’’nti evaṃ therānaṃ kuppati.
анумод̣̇зяяанд̇и анумод̣̇анам̣ гарзяяам̣. аяамби лаабхад̇т̇иго яам̣ ваа д̇ам̣ ваа кан̣д̣аанумод̣̇анам̣ ж̇аанаад̇и, ‘‘со анумод̣̇анадтаанз б̣ахуу маад̇уг̇аамаа ааг̇ажчанд̇и, д̇аа мам̣ сан̃ж̇аанид̇ваа д̇ад̇о бабхуд̇и т̇аалагабхигкам̣ д̣̇ассанд̇ий’’д̇и бад̇т̇знд̇о звам̣ жинд̇зси. таананд̇и б̣ахуссуд̇аанам̣ анумод̣̇анаа бхааро, д̇зна б̣ахуссуд̇о анумод̣̇зяяаад̇и вуд̇д̇ам̣ ход̇и. губид̇од̇и аяамби д̇ийсу таанзсу губбад̇и мануссаанам̣ т̇зрасса д̇хаммагат̇игасса жа. гат̇ам̣ мануссаанам̣? ‘‘имз буб̣б̣з мам̣язва убасан̇гамид̇ваа яаажанд̇и ‘амхаагам̣ нааг̇ад̇т̇зро амхаагам̣ суманад̇т̇зро анумод̣̇ад̇уу’д̇и, аж̇ж̇а бана наавожу’’нд̇и звам̣ мануссаанам̣ губбад̇и. гат̇ам̣ т̇зрасса? ‘‘аяам̣ сан̇гхад̇т̇зро ‘д̇умхаагам̣ гулубагам̣ нааг̇ад̇т̇зрам̣ суманад̇т̇зрам̣ убасан̇гамат̇а, аяам̣ анумод̣̇иссад̇ий’д̇и на бхан̣ад̇ий’’д̇и звам̣ т̇зрасса губбад̇и. гат̇ам̣ д̇хаммагат̇игасса? ‘‘т̇зрзна вуд̇д̇амад̇д̇зязва бахаарам̣ лад̣̇д̇хагуггудо вияа д̇урид̇ад̇урид̇ам̣ вассад̇и, имам̣ наама ниггад̣дханд̇аа над̇т̇и, имасмин̃хи асад̇и ахамзва анумод̣̇зяяа’’нд̇и звам̣ д̇хаммагат̇игасса губбад̇и.
Anumodeyyanti anumodanaṃ kareyyaṃ. Ayampi lābhatthiko yaṃ vā taṃ vā khaṇḍānumodanaṃ jānāti, ‘‘so anumodanaṭṭhāne bahū mātugāmā āgacchanti, tā maṃ sañjānitvā tato pabhuti thālakabhikkhaṃ dassantī’’ti patthento evaṃ cintesi. Ṭhānanti bahussutānaṃ anumodanā bhāro, tena bahussuto anumodeyyāti vuttaṃ hoti. Kupitoti ayampi tīsu ṭhānesu kuppati manussānaṃ therassa dhammakathikassa ca. Kathaṃ manussānaṃ? ‘‘Ime pubbe maṃyeva upasaṅkamitvā yācanti ‘amhākaṃ nāgatthero amhākaṃ sumanatthero anumodatū’ti, ajja pana nāvocu’’nti evaṃ manussānaṃ kuppati. Kathaṃ therassa? ‘‘Ayaṃ saṅghatthero ‘tumhākaṃ kulupakaṃ nāgattheraṃ sumanattheraṃ upasaṅkamatha, ayaṃ anumodissatī’ti na bhaṇatī’’ti evaṃ therassa kuppati. Kathaṃ dhammakathikassa? ‘‘Therena vuttamatteyeva pahāraṃ laddhakukkuṭo viya turitaturitaṃ vassati, imaṃ nāma nikkaḍḍhantā natthi, imasmiñhi asati ahameva anumodeyya’’nti evaṃ dhammakathikassa kuppati.
аараамаг̇ад̇аананд̇и вихаарз саннибад̇ид̇аанам̣. аяамби лаабхад̇т̇иго яам̣ ваа д̇ам̣ ваа кан̣д̣ад̇хаммагат̇ам̣ ж̇аанаад̇и, со бассад̇и д̇аад̣̇исзсу таанзсу д̣̇вияож̇анад̇ияож̇анад̇о саннибад̇ид̇ваа бхигкуу саб̣б̣арад̇д̇игаани д̇хаммассаванаани сун̣анд̇з, д̇удтажид̇д̇з жа д̣̇ахарз ваа сааман̣зрз ваа саад̇ху саад̇хууд̇и махаасад̣̇д̣̇зна саад̇хугаарам̣ д̣̇знд̇з, д̇ад̇о д̣̇уд̇ияад̣̇ивасз анд̇ог̇аамаг̇ад̇з бхигкуу убаасагаа бужчанд̇и ‘‘гз, бханд̇з, д̇хаммам̣ гат̇зсу’’нд̇и. д̇з бхан̣анд̇и ‘‘асуго жа асуго жаа’’д̇и. д̇ам̣ суд̇ваа басаннаа мануссаа д̇хаммагат̇игаанам̣ махаасаггаарам̣ гаронд̇и. со д̇ам̣ ижчамаано звам̣ жинд̇зси. таананд̇и б̣ахуссуд̇аанам̣ винижчаяагусалаанам̣ д̇хаммад̣̇зсанаа бхааро, д̇зна б̣ахуссуд̇о д̣̇зсзяяаад̇и вуд̇д̇ам̣ ход̇и. губид̇од̇и жад̇уббад̣̇игам̣ г̇аат̇амби вад̇д̇ум̣ огаасам̣ алабхамаано губид̇о ход̇и ад̇д̇ано манд̣̇абхаавасса ‘‘ахан̃хи манд̣̇о д̣̇уббан̃н̃о гуд̇о лабхиссаами д̣̇зсзд̇у’’нд̇и.
Ārāmagatānanti vihāre sannipatitānaṃ. Ayampi lābhatthiko yaṃ vā taṃ vā khaṇḍadhammakathaṃ jānāti, so passati tādisesu ṭhānesu dviyojanatiyojanato sannipatitvā bhikkhū sabbarattikāni dhammassavanāni suṇante, tuṭṭhacitte ca dahare vā sāmaṇere vā sādhu sādhūti mahāsaddena sādhukāraṃ dente, tato dutiyadivase antogāmagate bhikkhū upāsakā pucchanti ‘‘ke, bhante, dhammaṃ kathesu’’nti. Te bhaṇanti ‘‘asuko ca asuko cā’’ti. Taṃ sutvā pasannā manussā dhammakathikānaṃ mahāsakkāraṃ karonti. So taṃ icchamāno evaṃ cintesi. Ṭhānanti bahussutānaṃ vinicchayakusalānaṃ dhammadesanā bhāro, tena bahussuto deseyyāti vuttaṃ hoti. Kupitoti catuppadikaṃ gāthampi vattuṃ okāsaṃ alabhamāno kupito hoti attano mandabhāvassa ‘‘ahañhi mando duppañño kuto labhissāmi desetu’’nti.
бхигкунийнанд̇и оваад̣̇ад̇т̇ам̣ ваа уд̣̇д̣̇зсад̇т̇ам̣ ваа барибужчад̇т̇ам̣ ваа бууж̇аагаран̣ад̇т̇ам̣ ваа аараамам̣ ааг̇анд̇ваа саннибад̇ид̇абхигкунийнам̣. аяамби лаабхад̇т̇иго, д̇ассзвам̣ ход̇и имаа махаагулаа баб̣б̣аж̇ид̇аа бхигкунияо, д̇аасу гулзсу бависзд̇ваа нисиннаасу мануссаа бужчиссанд̇и ‘‘гасса санд̇игз оваад̣̇ам̣ ваа уд̣̇д̣̇зсам̣ ваа барибужчам̣ ваа г̇ан̣хат̇аа’’д̇и. д̇ад̇о вагканд̇и ‘‘асуго наама аяяо б̣ахуссуд̇о, д̇асса д̣̇зт̇а гарот̇аа’’д̇и, д̇знасса звам̣ ижчаа уббаж̇ж̇ад̇и. таананд̇и оваад̣̇аад̣̇аяо наама б̣ахуссуд̇аанам̣ бхааро, д̇зна б̣ахуссуд̇о д̣̇зсзяяаад̇и вуд̇д̇ам̣ ход̇и. губид̇од̇и аяамби д̣̇вийсу таанзсу губбад̇и, д̇аасан̃жа бхигкунийнам̣ ‘‘имаа буб̣б̣з мам̣ ниссааяа убосат̇аббавааран̣аад̣̇ийни лабханд̇и, д̇аа ид̣̇аани д̇ам̣мухуд̇д̇ам̣ д̣̇идтамад̇д̇агамахаллагад̇т̇зрасса санд̇игам̣ г̇ад̇аа’’д̇и. д̇хаммагат̇игасса жа ‘‘зса имаасам̣ сахасаа оваад̣̇ам̣ ад̣̇аасиязваа’’д̇и.
Bhikkhunīnanti ovādatthaṃ vā uddesatthaṃ vā paripucchatthaṃ vā pūjākaraṇatthaṃ vā ārāmaṃ āgantvā sannipatitabhikkhunīnaṃ. Ayampi lābhatthiko, tassevaṃ hoti imā mahākulā pabbajitā bhikkhuniyo, tāsu kulesu pavisetvā nisinnāsu manussā pucchissanti ‘‘kassa santike ovādaṃ vā uddesaṃ vā paripucchaṃ vā gaṇhathā’’ti. Tato vakkhanti ‘‘asuko nāma ayyo bahussuto, tassa detha karothā’’ti, tenassa evaṃ icchā uppajjati. Ṭhānanti ovādādayo nāma bahussutānaṃ bhāro, tena bahussuto deseyyāti vuttaṃ hoti. Kupitoti ayampi dvīsu ṭhānesu kuppati, tāsañca bhikkhunīnaṃ ‘‘imā pubbe maṃ nissāya uposathappavāraṇādīni labhanti, tā idāni taṃmuhuttaṃ diṭṭhamattakamahallakattherassa santikaṃ gatā’’ti. Dhammakathikassa ca ‘‘esa imāsaṃ sahasā ovādaṃ adāsiyevā’’ti.
убаасагаананд̇и, аараамаг̇ад̇аанам̣ убаасагаанам̣. ниссадтагамманд̇аа наама махааубаасагаа хонд̇и, д̇з буд̇д̇абхаад̇угаанам̣ гаммам̣ нияяаад̇зд̇ваа д̇хаммам̣ сун̣анд̇аа вижаранд̇и, аяам̣ д̇зсам̣ д̣̇зсзд̇ум̣ ижчад̇и, гим̣ гааран̣аа? имз басийд̣̇ид̇ваа убаасигаанамби аарожзссанд̇и, д̇ад̇о сад̣̇д̇хим̣ убаасигаахи маяхамзва лаабхасаггаарам̣ убахариссанд̇ийд̇и. таанам̣ б̣ахуссуд̇знзва яож̇зд̇аб̣б̣ам̣. губид̇од̇и аяамби д̣̇вийсу таанзсу губбад̇и, убаасагаанан̃жа ‘‘имз ан̃н̃ад̇т̇а сун̣анд̇и, амхаагам̣ гулубагасса санд̇игз сун̣аамаад̇и нааг̇ажчанд̇и, ход̇у ид̣̇аани, д̇зсам̣ уббаннз гижжз ж̇ааниссаамий’’д̇и д̇хаммагат̇игасса жа, ‘‘аяамзд̇зсам̣ д̣̇зсзд̇ий’’д̇и.
Upāsakānanti, ārāmagatānaṃ upāsakānaṃ. Nissaṭṭhakammantā nāma mahāupāsakā honti, te puttabhātukānaṃ kammaṃ niyyātetvā dhammaṃ suṇantā vicaranti, ayaṃ tesaṃ desetuṃ icchati, kiṃ kāraṇā? Ime pasīditvā upāsikānampi ārocessanti, tato saddhiṃ upāsikāhi mayhameva lābhasakkāraṃ upaharissantīti. Ṭhānaṃ bahussuteneva yojetabbaṃ. Kupitoti ayampi dvīsu ṭhānesu kuppati, upāsakānañca ‘‘ime aññattha suṇanti, amhākaṃ kulupakassa santike suṇāmāti nāgacchanti, hotu idāni, tesaṃ uppanne kicce jānissāmī’’ti dhammakathikassa ca, ‘‘ayametesaṃ desetī’’ti.
убаасигаананд̇и аараамаг̇ад̇аанам̣. убаасигаа наама аасанабууж̇аад̣̇игаран̣ад̇т̇ам̣ ваа убосат̇ад̣̇ивасз ваа д̇хаммассаванад̇т̇ам̣ саннибад̇ид̇аа. сзсам̣ убаасагаваарз вуд̇д̇анаяамзва.
Upāsikānanti ārāmagatānaṃ. Upāsikā nāma āsanapūjādikaraṇatthaṃ vā uposathadivase vā dhammassavanatthaṃ sannipatitā. Sesaṃ upāsakavāre vuttanayameva.
саггарзяяунд̇и саггажжан̃жа гарзяяум̣, сунд̣̇аран̃жа гарзяяум̣. иминаа ад̇д̇ани гаарам̣ гарийяамаанам̣ саггажжам̣ гад̇ан̃жа сунд̣̇аран̃жа бад̇т̇зд̇и. г̇арум̣ гарзяяунд̇и бхаарияам̣ гарзяяум̣. иминаа бхигкуухи ад̇д̇аанам̣ г̇арудтаанз табийяамаанам̣ бад̇т̇зд̇и. маанзяяунд̇и бияааязяяум̣. бууж̇зяяунд̇и звам̣ саггаронд̇аа г̇арум̣ гаронд̇аа маанзнд̇аа бажжаязхи бууж̇зяяунд̇и бажжаяабууж̇ам̣ бад̇т̇зд̇и. таананд̇и ‘‘бияо г̇ару бхааванияо’’д̇и вуд̇д̇аббагааро б̣ахуссуд̇о жа сийлаваа жа зд̇ам̣ вид̇хим̣ арахад̇и д̇зна бхигкуу зваруубам̣ звам̣ гарзяяунд̇и вуд̇д̇ам̣ ход̇и. губид̇од̇и аяамби д̣̇вийсу таанзсу губбад̇и бхигкуунан̃жа ‘‘имз зд̇ам̣ саггаронд̇ий’’д̇и т̇зрасса жа ‘‘имасмим̣ асад̇и мам̣язва саггарзяяу’’нд̇и. зса наяо ид̇о барзсу д̇ийсу ваарзсу.
Sakkareyyunti sakkaccañca kareyyuṃ, sundarañca kareyyuṃ. Iminā attani kāraṃ karīyamānaṃ sakkaccaṃ katañca sundarañca pattheti. Garuṃ kareyyunti bhāriyaṃ kareyyuṃ. Iminā bhikkhūhi attānaṃ garuṭṭhāne ṭhapīyamānaṃ pattheti. Māneyyunti piyāyeyyuṃ. Pūjeyyunti evaṃ sakkarontā garuṃ karontā mānentā paccayehi pūjeyyunti paccayapūjaṃ pattheti. Ṭhānanti ‘‘piyo garu bhāvaniyo’’ti vuttappakāro bahussuto ca sīlavā ca etaṃ vidhiṃ arahati tena bhikkhū evarūpaṃ evaṃ kareyyunti vuttaṃ hoti. Kupitoti ayampi dvīsu ṭhānesu kuppati bhikkhūnañca ‘‘ime etaṃ sakkarontī’’ti therassa ca ‘‘imasmiṃ asati maṃyeva sakkareyyu’’nti. Esa nayo ito paresu tīsu vāresu.
бан̣ийд̇аанам̣ жийвараананд̇и баддад̣̇угуулабаддун̣н̣агосзяяаад̣̇ийнам̣ махаг̇гхасукумасукасампассаанам̣ жийвараанам̣. ид̇хааби ахамзва лаабхий ассанд̇и ижчаа наад̇имахаасааваж̇ж̇аа. на ан̃н̃о бхигку лаабхий ассаад̇и бана махаасааваж̇ж̇аа.
Paṇītānaṃcīvarānanti paṭṭadukūlapaṭṭuṇṇakoseyyādīnaṃ mahagghasukhumasukhasamphassānaṃ cīvarānaṃ. Idhāpi ahameva lābhī assanti icchā nātimahāsāvajjā. Na añño bhikkhu lābhī assāti pana mahāsāvajjā.
бан̣ийд̇аанам̣ бин̣д̣абаад̇аананд̇и саббид̇зламад̇хусаггараад̣̇ибуурид̇аанам̣ сздтабин̣д̣абаад̇аанам̣. бан̣ийд̇аанам̣ сзнаасанаананд̇и анзгасад̇асахассаг̇гханагаанам̣ ман̃жабийтаад̣̇ийнам̣ бан̣ийд̇аанам̣. г̇илаанаббажжаяабхзсаж̇ж̇абаригкаараананд̇и саббид̇зламад̇хупаан̣ид̇аад̣̇ийнам̣ уд̇д̇амабхзсаж̇ж̇аанам̣. саб̣б̣ад̇т̇ааби таанам̣ б̣ахуссуд̇зхи бун̃н̃аванд̇зхи жа яож̇зд̇аб̣б̣ам̣. губид̇од̇и саб̣б̣ад̇т̇ааби д̣̇вийсу таанзсу губбад̇и, мануссаанан̃жа ‘‘имзсам̣ наама барижид̇абхаавоби над̇т̇и, д̣̇ийгхарад̇д̇ам̣ згад̇о васанд̇асса бам̣сугуулад̇т̇ааяа ваа бин̣д̣абаад̇ад̇т̇ааяа ваа саббид̇злаад̣̇игааран̣аа ваа гхарабадибаадияаа жаранд̇ассааби мз згад̣̇ивасамби гин̃жи бан̣ийд̇ам̣ бажжаяам̣ на д̣̇знд̇и. ааг̇анд̇угам̣ махаллагам̣ бана д̣̇исваава яам̣ ижчад̇и, д̇ам̣ д̣̇знд̇ий’’д̇и, т̇зрасса жа ‘‘аяамби махаллаго имзсам̣ ад̇д̇аанам̣ д̣̇ассзнд̇оязва жарад̇и, гуд̣̇аассу наама нам̣ д̇хаммагаммигаа ниггад̣дхзяяум̣, звам̣ имасмим̣ асад̇и ахамзва лаабхий асса’’нд̇и.
Paṇītānaṃ piṇḍapātānanti sappitelamadhusakkarādipūritānaṃ seṭṭhapiṇḍapātānaṃ. Paṇītānaṃ senāsanānanti anekasatasahassagghanakānaṃ mañcapīṭhādīnaṃ paṇītānaṃ. Gilānappaccayabhesajjaparikkhārānanti sappitelamadhuphāṇitādīnaṃ uttamabhesajjānaṃ. Sabbatthāpi ṭhānaṃ bahussutehi puññavantehi ca yojetabbaṃ. Kupitoti sabbatthāpi dvīsu ṭhānesu kuppati, manussānañca ‘‘imesaṃ nāma paricitabhāvopi natthi, dīgharattaṃ ekato vasantassa paṃsukūlatthāya vā piṇḍapātatthāya vā sappitelādikāraṇā vā gharapaṭipāṭiyā carantassāpi me ekadivasampi kiñci paṇītaṃ paccayaṃ na denti. Āgantukaṃ mahallakaṃ pana disvāva yaṃ icchati, taṃ dentī’’ti, therassa ca ‘‘ayampi mahallako imesaṃ attānaṃ dassentoyeva carati, kudāssu nāma naṃ dhammakammikā nikkaḍḍheyyuṃ, evaṃ imasmiṃ asati ahameva lābhī assa’’nti.
имзсам̣ ко, зд̇ам̣ аавусод̇и имзсам̣ хздтаа згуунавийсад̇иваарзхи вуд̇д̇аанам̣ ижчааважараанам̣.
Imesaṃ kho, etaṃ āvusoti imesaṃ heṭṭhā ekūnavīsativārehi vuttānaṃ icchāvacarānaṃ.
61. д̣̇иссанд̇и жзва сууяанд̇и жаад̇и на ижчааважараа жагкунаа д̣̇иссанд̇и, на сод̇зна сууяанд̇и, мановин̃н̃аан̣ависаяад̇д̇аа. аббахийнаижчааважарасса бана буг̇г̇аласса ижчааважаравасзна бавад̇д̇агааяагаммам̣ д̣̇исваа д̣̇идтаа вияа важийгаммам̣ суд̇ваа суд̇аа вияа жа хонд̇и, д̇зна вуд̇д̇ам̣ ‘‘д̣̇иссанд̇и жзва сууяанд̇и жаа’’д̇и. бажжагкагаалз д̣̇иссанд̇и, ‘‘асуго гира бхигку ийд̣̇исо’’д̇и д̇ирогкагаалз сууяанд̇и. гин̃жаабийд̇и ануг̇г̇ахаг̇арахаважанам̣. д̇зна ааран̃н̃игад̇д̇ам̣ ануг̇г̇ан̣хаад̇и, ижчааважараанам̣ аббахаанам̣ г̇арахад̇и.
61.Dissanti ceva sūyanti cāti na icchāvacarā cakkhunā dissanti, na sotena sūyanti, manoviññāṇavisayattā. Appahīnaicchāvacarassa pana puggalassa icchāvacaravasena pavattakāyakammaṃ disvā diṭṭhā viya vacīkammaṃ sutvā sutā viya ca honti, tena vuttaṃ ‘‘dissanti ceva sūyanti cā’’ti. Paccakkhakāle dissanti, ‘‘asuko kira bhikkhu īdiso’’ti tirokkhakāle sūyanti. Kiñcāpīti anuggahagarahavacanaṃ. Tena āraññikattaṃ anuggaṇhāti, icchāvacarānaṃ appahānaṃ garahati.
д̇ад̇рааяам̣ яож̇анаа, гин̃жааби со бхигку г̇ааманд̇асзнаасанам̣ бадигкибид̇ваа ааран̃н̃иго ход̇и, анд̇з банд̇асзнаасанз васад̇и, имз жасса зд̇д̇агаа ижчааважараа аббахийнаа. гин̃жааби со ад̇ирзгалаабхам̣ бадигкибид̇ваа бин̣д̣абаад̇иго ход̇и. гин̃жааби со лолуббажаарам̣ важ̇ж̇зд̇ваа сабад̣̇аанажаарий ход̇и. гин̃жааби со г̇ахабад̇ижийварам̣ бадигкибид̇ваа бам̣сугуулиго ход̇и.
Tatrāyaṃ yojanā, kiñcāpi so bhikkhu gāmantasenāsanaṃ paṭikkhipitvā āraññiko hoti, ante pantasenāsane vasati, ime cassa ettakā icchāvacarā appahīnā. Kiñcāpi so atirekalābhaṃ paṭikkhipitvā piṇḍapātiko hoti. Kiñcāpi so loluppacāraṃ vajjetvā sapadānacārī hoti. Kiñcāpi so gahapaticīvaraṃ paṭikkhipitvā paṃsukūliko hoti.
луукажийварад̇харод̇и зд̇т̇а бана лууканд̇и сад̇т̇алуукам̣ суд̇д̇алуукам̣ раж̇аналууканд̇и д̇ийхи гааран̣зхи луукам̣ взд̣̇ид̇аб̣б̣ам̣. д̇ад̇т̇а сад̇т̇зна кан̣д̣аакан̣д̣игам̣ чиннам̣ сад̇т̇алуукам̣ наама, д̇ам̣ аг̇гхзна барихааяад̇и, т̇уулад̣̇ийгхасуд̇д̇агзна сиб̣б̣ид̇ам̣ суд̇д̇алуукам̣ наама, д̇ам̣ пассзна барихааяад̇и карасампассам̣ ход̇и. раж̇анзна рад̇д̇ам̣ раж̇аналуукам̣ наама, д̇ам̣ ван̣н̣зна барихааяад̇и д̣̇уб̣б̣ан̣н̣ам̣ ход̇и. гин̃жааби со бхигку звам̣ сад̇т̇алуукасуд̇д̇алуукараж̇аналуукажийварад̇харо ход̇и, имз жасса зд̇д̇агаа ижчааважараа аббахийнаа д̣̇иссанд̇и жзва сууяанд̇и жа, ат̇а ко нам̣ вин̃н̃уу саб̣рахмажаарий нзва саггаронд̇и…бз… на бууж̇знд̇ийд̇и. д̇ам̣ гисса хзд̇ууд̇и зд̇т̇а д̇анд̇и нибаад̇амад̇д̇ам̣, гисса хзд̇ууд̇и гим̣ гааран̣аа. д̇з хи д̇асса…бз… сууяанд̇и жа яасмаа д̇асса д̇з баабагаа сууяанд̇и жаад̇и вуд̇д̇ам̣ ход̇и. имзсам̣ ижчааважараанам̣ аббахийнад̇д̇аад̇и аяамзд̇т̇а ад̇хиббааяо.
Lūkhacīvaradharoti ettha pana lūkhanti satthalūkhaṃ suttalūkhaṃ rajanalūkhanti tīhi kāraṇehi lūkhaṃ veditabbaṃ. Tattha satthena khaṇḍākhaṇḍikaṃ chinnaṃ satthalūkhaṃ nāma, taṃ agghena parihāyati, thūladīghasuttakena sibbitaṃ suttalūkhaṃ nāma, taṃ phassena parihāyati kharasamphassaṃ hoti. Rajanena rattaṃ rajanalūkhaṃ nāma, taṃ vaṇṇena parihāyati dubbaṇṇaṃ hoti. Kiñcāpi so bhikkhu evaṃ satthalūkhasuttalūkharajanalūkhacīvaradharo hoti, ime cassa ettakā icchāvacarā appahīnā dissanti ceva sūyanti ca, atha kho naṃ viññū sabrahmacārī neva sakkaronti…pe… na pūjentīti. Taṃ kissa hetūti ettha tanti nipātamattaṃ, kissa hetūti kiṃ kāraṇā. Te hi tassa…pe… sūyanti ca yasmā tassa te pāpakā sūyanti cāti vuttaṃ hoti. Imesaṃ icchāvacarānaṃ appahīnattāti ayamettha adhippāyo.
ид̣̇аани д̇амад̇т̇ам̣ убамааяа баагадам̣ гаронд̇о сзяяат̇аабийд̇иаад̣̇имааха. д̇ад̇т̇а гун̣абанд̇и мад̇агал̣зварам̣. ахисса гун̣абам̣ ахигун̣абам̣. звам̣ ид̇араани. ад̇ибадигуулаж̇иг̇ужчанийяабхаавад̇о жзд̇т̇а имаанзва д̇ийн̣и вуд̇д̇аанийд̇и взд̣̇ид̇аб̣б̣аани. ан̃н̃зсан̃хи сасасуугараад̣̇ийнам̣ гун̣абам̣ мануссаа гадугабхан̣д̣аад̣̇ийхи абхисан̇карид̇ваа барибхун̃ж̇анд̇иби. имзсам̣ бана гун̣абам̣ абхинавамби ж̇иг̇ужчанд̇иязва, го бана ваад̣̇о гаалаад̇иггамзна бууд̇ибхууд̇з. ражаяид̇ваад̇и вад̣дхзд̇ваа, барибуурзд̇ваад̇и ад̇т̇о, гун̣абам̣ г̇ахзд̇ваа гам̣сабаад̇ияам̣ багкибид̇ваад̇и вуд̇д̇ам̣ ход̇и. ан̃н̃иссаад̇и абарааяа. бадигуж̇ж̇ид̇ваад̇и бид̣̇ахид̇ваа . анд̇араабан̣анд̇и аабан̣аанаманд̇арз махааж̇анасам̣гин̣н̣ам̣ ражчаамукам̣. бадибаж̇ж̇зяяунд̇и г̇ажчзяяум̣. ж̇ан̃н̃аж̇ан̃н̃ам̣ вияаад̇и жогкажогкам̣ вияа манаабаманаабам̣ вияа. абижа вад̇хугаабан̣н̣аагаарам̣ вияаад̇и вуд̇д̇ам̣ ход̇и. вад̇хугаад̇и ж̇анзд̇д̇и вужжад̇и, д̇ассаа нийяамаанам̣ бан̣н̣аагаарам̣ ж̇ан̃н̃ам̣, убхаяад̇т̇ааби аад̣̇аравасзна ваа басам̣саавасзна ваа бунаруд̇д̇ам̣. ‘‘ж̇ан̃н̃аж̇ан̃н̃ам̣ б̣яаа’’д̇иби баато.
Idāni tamatthaṃ upamāya pākaṭaṃ karonto seyyathāpītiādimāha. Tattha kuṇapanti matakaḷevaraṃ. Ahissa kuṇapaṃ ahikuṇapaṃ. Evaṃ itarāni. Atipaṭikūlajigucchanīyabhāvato cettha imāneva tīṇi vuttānīti veditabbāni. Aññesañhi sasasūkarādīnaṃ kuṇapaṃ manussā kaṭukabhaṇḍādīhi abhisaṅkharitvā paribhuñjantipi. Imesaṃ pana kuṇapaṃ abhinavampi jigucchantiyeva, ko pana vādo kālātikkamena pūtibhūte. Racayitvāti vaḍḍhetvā, paripūretvāti attho, kuṇapaṃ gahetvā kaṃsapātiyaṃ pakkhipitvāti vuttaṃ hoti. Aññissāti aparāya. Paṭikujjitvāti pidahitvā . Antarāpaṇanti āpaṇānamantare mahājanasaṃkiṇṇaṃ racchāmukhaṃ. Paṭipajjeyyunti gaccheyyuṃ. Jaññajaññaṃ viyāti cokkhacokkhaṃ viya manāpamanāpaṃ viya. Apica vadhukāpaṇṇākāraṃ viyāti vuttaṃ hoti. Vadhukāti janetti vuccati, tassā nīyamānaṃ paṇṇākāraṃ jaññaṃ, ubhayatthāpi ādaravasena vā pasaṃsāvasena vā punaruttaṃ. ‘‘Jaññajaññaṃ byā’’tipi pāṭho.
абаабурид̇ваад̇и виварид̇ваа. д̇асса саха д̣̇ассанзна аманаабад̇аа жа сан̣тахзяяаад̇и д̇асса гун̣абасса д̣̇ассанзна сахзва д̇асса ж̇анасса аманаабад̇аа д̇идтзяяа. аманаабад̇аад̇и жа ‘‘аманаабамид̣̇а’’нд̇и уббаннажид̇д̇ажзд̇асигаанамзд̇ам̣ ад̇хиважанам̣. зса наяо бадигуляаж̇зг̇ужчад̇аасу. ж̇игхажчид̇аанамбийд̇и чаад̇аанамби. на бход̇д̇угамяад̇аа ассаад̇и бхун̃ж̇ид̇угаамад̇аа на бхавзяяа. баг̇зва сухид̇аананд̇и д̇хаад̇аанам̣ бана батамад̇арамзва бхун̃ж̇ид̇угаамад̇аа на бхавзяяаад̇и вуд̇д̇ам̣ ход̇и.
Apāpuritvāti vivaritvā. Tassa saha dassanena amanāpatā ca saṇṭhaheyyāti tassa kuṇapassa dassanena saheva tassa janassa amanāpatā tiṭṭheyya. Amanāpatāti ca ‘‘amanāpamida’’nti uppannacittacetasikānametaṃ adhivacanaṃ. Esa nayo paṭikulyajegucchatāsu. Jighacchitānampīti chātānampi. Na bhottukamyatā assāti bhuñjitukāmatā na bhaveyya. Pageva suhitānanti dhātānaṃ pana paṭhamatarameva bhuñjitukāmatā na bhaveyyāti vuttaṃ hoti.
д̇ад̇рааяам̣ убамаасам̣санд̣̇анаа – барисуд̣̇д̇хагам̣сабаад̇исад̣̇исам̣ имасса баб̣б̣аж̇ж̇аалин̇г̇ам̣, гун̣абаражанам̣ вияа ижчааважараанам̣ аббахаанам̣, абарагам̣сабаад̇ияаа бадигуж̇жханам̣ вияа ааран̃н̃иган̇г̇аад̣̇ийхи ижчааважараббадижчаад̣̇анам̣, гам̣сабаад̇им̣ виварид̇ваа гун̣абад̣̇ассанзна ж̇анасса аманаабад̇аа вияа ааран̃н̃иган̇г̇аад̣̇ийни анаад̣̇ияид̇ваа ижчааважарад̣̇ассанзна саб̣рахмажаарийнам̣ асаггаарагаран̣аад̣̇ид̇аад̇и.
Tatrāyaṃ upamāsaṃsandanā – parisuddhakaṃsapātisadisaṃ imassa pabbajjāliṅgaṃ, kuṇaparacanaṃ viya icchāvacarānaṃ appahānaṃ, aparakaṃsapātiyā paṭikujjhanaṃ viya āraññikaṅgādīhi icchāvacarappaṭicchādanaṃ, kaṃsapātiṃ vivaritvā kuṇapadassanena janassa amanāpatā viya āraññikaṅgādīni anādiyitvā icchāvacaradassanena sabrahmacārīnaṃ asakkārakaraṇāditāti.
62. суггабагкз бана, гин̃жаабийд̇и ануг̇г̇ахабасам̣сааважанам̣, д̇зна ааран̃н̃игад̇д̇ам̣ ануг̇г̇ан̣хаад̇и, ижчааважараббахаанам̣ басам̣сад̇и. нзманд̇анигод̇и ниманд̇анабадиг̇г̇аахаго. вижид̇агаал̣аганд̇и вижинид̇ваа абанийд̇агаал̣агам̣. анзгасуубам̣ анзгаб̣яан̃ж̇ананд̇и зд̇т̇а суубо наама хад̇т̇ахаарияо вужжад̇и. б̣яан̃ж̇ананд̇и уд̇д̇арибхан̇г̇ам̣, д̇зна мажчамам̣самуг̇г̇асуубаад̣̇ийхи анзгасуубам̣, наанаббагаарамам̣саад̣̇иб̣яан̃ж̇анзхи анзгаб̣яан̃ж̇ананд̇и вуд̇д̇ам̣ ход̇и. сзсам̣ вуд̇д̇анаязнзва взд̣̇ид̇аб̣б̣ам̣.
62. Sukkapakkhe pana, kiñcāpīti anuggahapasaṃsāvacanaṃ, tena āraññikattaṃ anuggaṇhāti, icchāvacarappahānaṃ pasaṃsati. Nemantanikoti nimantanapaṭiggāhako. Vicitakāḷakanti vicinitvā apanītakāḷakaṃ. Anekasūpaṃ anekabyañjananti ettha sūpo nāma hatthahāriyo vuccati. Byañjananti uttaribhaṅgaṃ, tena macchamaṃsamuggasūpādīhi anekasūpaṃ, nānappakāramaṃsādibyañjanehi anekabyañjananti vuttaṃ hoti. Sesaṃ vuttanayeneva veditabbaṃ.
убамаасам̣санд̣̇анз жа сааливарабхад̇д̇аражанам̣ вияа ижчааважараббахаанам̣, абарагам̣сабаад̇ияаа бадигуж̇жханам̣ вияа аббижчад̇аасамудтаанзхи г̇ааманд̇авихаараад̣̇ийхи ижчааважараббахаанаббадижчаад̣̇агам̣, гам̣сабаад̇им̣ виварид̇ваа сааливарабхад̇д̇ад̣̇ассанзна ж̇анасса манаабад̇аа вияа г̇ааманд̇авихаараад̣̇ийни анаад̣̇ияид̇ваа ижчааважараббахаанад̣̇ассанзна саб̣рахмажаарийнам̣ саггаарагаран̣аад̣̇ид̇аа взд̣̇ид̇аб̣б̣аа.
Upamāsaṃsandane ca sālivarabhattaracanaṃ viya icchāvacarappahānaṃ, aparakaṃsapātiyā paṭikujjhanaṃ viya appicchatāsamuṭṭhānehi gāmantavihārādīhi icchāvacarappahānappaṭicchādakaṃ, kaṃsapātiṃ vivaritvā sālivarabhattadassanena janassa manāpatā viya gāmantavihārādīni anādiyitvā icchāvacarappahānadassanena sabrahmacārīnaṃ sakkārakaraṇāditā veditabbā.
63. убамаа мам̣, аавусо саарибуд̇д̇а, бадибхаад̇ийд̇и маяхам̣, аавусо саарибуд̇д̇а, убамаа убадтаад̇и. згам̣ убамам̣ вад̇д̇угаамо аханд̇и ад̇хиббааяо. бадибхаад̇у д̇анд̇и д̇уяхам̣ бадибхаад̇у убадтаад̇у, вад̣̇а д̇ванд̇и ад̇хиббааяо. згамид̣̇ааханд̇и зд̇т̇а ид̣̇аад̇и нибаад̇амад̇д̇ам̣, згасмим̣ самаяз аханд̇и вуд̇д̇ам̣ ход̇и, бхуммад̇т̇з убаяог̇аважанам̣. рааж̇аг̇ахз вихараами г̇ириб̣б̣аж̇зд̇и, рааж̇аг̇аханд̇и д̇асса наг̇арасса наамам̣. саманд̇ад̇о бана г̇ирибаригкзбзна важ̇о вияа сан̣тид̇ад̇д̇аа г̇ириб̣б̣аж̇анд̇и вужжад̇и. д̇асмим̣ наг̇арз вихараами, д̇ам̣ ниссааяа ахам̣ вихараамийд̇и вуд̇д̇ам̣ ход̇и. ат̇а квааханд̇и ат̇а ко ахам̣. зд̇т̇а жа ат̇аад̇и ан̃н̃аад̇хигаараважанаарамбхз нибаад̇о. код̇и бад̣̇абууран̣амад̇д̇з. буб̣б̣ан̣хасамаяанд̇и д̣̇ивасасса буб̣б̣абхааг̇асамаяам̣. буб̣б̣ан̣хасамаязд̇и ад̇т̇о, буб̣б̣ан̣хз ваа самаяам̣ буб̣б̣ан̣хасамаяам̣, буб̣б̣ан̣хз згам̣ кан̣анд̇и вуд̇д̇ам̣ ход̇и, звам̣ ажжанд̇асам̣яог̇з убаяог̇аважанам̣ лаб̣бхад̇и. ниваасзд̇ваад̇и барид̣̇ахид̇ваа, вихаараниваасанабаривад̇д̇анавасзнзд̇ам̣ взд̣̇ид̇аб̣б̣ам̣. г̇аамаббавзсанад̇т̇ааяа ваа сан̣табзд̇ваа ниваасанавасзна, на хи со д̇ад̇о буб̣б̣з анивад̇т̇о ахоси.
63.Upamā maṃ, āvuso sāriputta, paṭibhātīti mayhaṃ, āvuso sāriputta, upamā upaṭṭhāti. Ekaṃ upamaṃ vattukāmo ahanti adhippāyo. Paṭibhātu tanti tuyhaṃ paṭibhātu upaṭṭhātu, vada tvanti adhippāyo. Ekamidāhanti ettha idāti nipātamattaṃ, ekasmiṃ samaye ahanti vuttaṃ hoti, bhummatthe upayogavacanaṃ. Rājagahe viharāmi giribbajeti, rājagahanti tassa nagarassa nāmaṃ. Samantato pana giriparikkhepena vajo viya saṇṭhitattā giribbajanti vuccati. Tasmiṃ nagare viharāmi, taṃ nissāya ahaṃ viharāmīti vuttaṃ hoti. Atha khvāhanti atha kho ahaṃ. Ettha ca athāti aññādhikāravacanārambhe nipāto. Khoti padapūraṇamatte. Pubbaṇhasamayanti divasassa pubbabhāgasamayaṃ. Pubbaṇhasamayeti attho, pubbaṇhe vā samayaṃ pubbaṇhasamayaṃ, pubbaṇhe ekaṃ khaṇanti vuttaṃ hoti, evaṃ accantasaṃyoge upayogavacanaṃ labbhati. Nivāsetvāti paridahitvā, vihāranivāsanaparivattanavasenetaṃ veditabbaṃ. Gāmappavesanatthāya vā saṇṭhapetvā nivāsanavasena, na hi so tato pubbe anivattho ahosi.
бад̇д̇ажийварамаад̣̇ааяаад̇и бад̇д̇ам̣ хад̇т̇зна жийварам̣ гааязна аад̣̇ияид̇ваа. бин̣д̣ааяаад̇и бин̣д̣абаад̇ад̇т̇ааяа. самийд̇ийд̇и д̇асса наамам̣. яаанагаарабуд̇д̇од̇и рат̇агаарабуд̇д̇о. бан̣д̣убуд̇д̇од̇и бан̣д̣усса буд̇д̇о. ааж̇ийвагод̇и наг̇г̇асаман̣аго. бураан̣аяаанагаарабуд̇д̇од̇и бораан̣аяаанагаарагуласса буд̇д̇о. бажжубадтид̇од̇и убаг̇анд̇ваа тид̇о. ван̇гам̣ наама згад̇о гудилам̣. ж̇имхам̣ наама саббаг̇ад̇амаг̇г̇асад̣̇исам̣. д̣̇осанд̇и пзг̇г̇увисамаг̇ан̣тигаад̣̇и. яат̇аа яат̇аад̇и гаалад̇т̇з нибаад̇о, яад̣̇аа яад̣̇аа яасмим̣ д̇асмим̣ гаалзд̇и вуд̇д̇ам̣ ход̇и. д̇ат̇аа д̇ат̇аад̇и аяамби гаалад̇т̇оязва, д̇асмим̣ д̇асмим̣ гаалзд̇и вуд̇д̇ам̣ ход̇и. со ад̇д̇ано суд̇д̇аануломзна жинд̇зси, ид̇аро д̇зна жинд̇ид̇агкан̣з жинд̇ид̇адтаанамзва д̇ажчад̇и. ад̇д̇аманод̇и сагамано д̇удтамано бийд̇исоманассзхи г̇ахид̇амано. ад̇д̇аманаваажам̣ нижчаарзсийд̇и ад̇д̇аманад̇ааяа ваажам̣ , ад̇д̇аманабхаавасса ваа яуд̇д̇ам̣ ваажам̣ нижчаарзси уд̣̇ийраяи, баб̣яаахарийд̇и вуд̇д̇ам̣ ход̇и. хад̣̇аяаа хад̣̇аяам̣ ман̃н̃з ан̃н̃ааяаад̇и жид̇д̇зна жид̇д̇ам̣ ж̇аанид̇ваа вияа.
Pattacīvaramādāyāti pattaṃ hatthena cīvaraṃ kāyena ādiyitvā. Piṇḍāyāti piṇḍapātatthāya. Samītīti tassa nāmaṃ. Yānakāraputtoti rathakāraputto. Paṇḍuputtoti paṇḍussa putto. Ājīvakoti naggasamaṇako. Purāṇayānakāraputtoti porāṇayānakārakulassa putto. Paccupaṭṭhitoti upagantvā ṭhito. Vaṅkaṃ nāma ekato kuṭilaṃ. Jimhaṃ nāma sappagatamaggasadisaṃ. Dosanti phegguvisamagaṇṭhikādi. Yathā yathāti kālatthe nipāto, yadā yadā yasmiṃ tasmiṃ kāleti vuttaṃ hoti. Tathā tathāti ayampi kālatthoyeva, tasmiṃ tasmiṃ kāleti vuttaṃ hoti. So attano suttānulomena cintesi, itaro tena cintitakkhaṇe cintitaṭṭhānameva tacchati. Attamanoti sakamano tuṭṭhamano pītisomanassehi gahitamano. Attamanavācaṃ nicchāresīti attamanatāya vācaṃ , attamanabhāvassa vā yuttaṃ vācaṃ nicchāresi udīrayi, pabyāharīti vuttaṃ hoti. Hadayā hadayaṃ maññe aññāyāti cittena cittaṃ jānitvā viya.
ассад̣̇д̇хаад̇и б̣уд̣̇д̇хад̇хаммасан̇гхзсу сад̣̇д̇хаавирахид̇аа. ж̇ийвигад̇т̇аад̇и ин̣абхаяаад̣̇ийхи бийл̣ид̇аа б̣ахи ж̇ийвид̇ум̣ асаггонд̇аа ид̇ха ж̇ийвигад̇т̇игаа худ̇ваа. на сад̣̇д̇хаад̇и на сад̣̇д̇хааяа. сатаа мааяаавинод̇и мааяаасаатзяязхи яуд̇д̇аа. гзд̇аб̣инод̇и сигкид̇агзраадигаа, нибпаннат̇аамаг̇ад̇асаатзяяаад̇и вуд̇д̇ам̣ ход̇и. саатзяяан̃хи абхууд̇аг̇ун̣ад̣̇ассанад̇о абхууд̇абхан̣д̣аг̇ун̣ад̣̇ассанасамам̣ гад̇ваа ‘‘гзраадияа’’нд̇и вужжад̇и. уннал̣аад̇и уг̇г̇ад̇анал̣аа, удтид̇ад̇ужчамаанаад̇и вуд̇д̇ам̣ ход̇и . жабалаад̇и бад̇д̇ажийвараман̣д̣анаад̣̇инаа жаабаллзна яуд̇д̇аа. мукараад̇и мукакараа, караважанаад̇и вуд̇д̇ам̣ ход̇и, вигин̣н̣аваажаад̇и асам̣яад̇аважанаа, д̣̇ивасамби нирад̇т̇агаважанаббалаабино. инд̣̇риязсу аг̇уд̇д̇ад̣̇ваараад̇и часу инд̣̇риязсу асам̣вуд̇агаммад̣̇ваараа. бхож̇анз амад̇д̇ан̃н̃унод̇и бхож̇анз яаа мад̇д̇аа ж̇аанид̇аб̣б̣аа бариязсанабадиг̇г̇ахан̣абарибхог̇зсу яуд̇д̇ад̇аа, д̇ассаа аж̇аананагаа. ж̇ааг̇арияам̣ анануяуд̇д̇аад̇и ж̇ааг̇арз анануяуд̇д̇аа. сааман̃н̃з анабзгкаванд̇од̇и саман̣ад̇хаммз нирабзгкаа, д̇хаммаануд̇хаммаббадибад̇д̇ирахид̇аад̇и ад̇т̇о. сигкааяа на д̇иб̣б̣аг̇аараваад̇и сигкаабад̣̇зсу б̣ахулаг̇аараваа на хонд̇и, аабад̇д̇ивийд̇иггамаб̣ахулаа ваа. б̣аахулигаад̇иаад̣̇и д̇хаммад̣̇ааяаад̣̇з вуд̇д̇ам̣, гусийд̇аад̇иаад̣̇и бхаяабхзравз. д̇хаммабарияааязнаад̇и д̇хаммад̣̇зсанааяа.
Assaddhāti buddhadhammasaṅghesu saddhāvirahitā. Jīvikatthāti iṇabhayādīhi pīḷitā bahi jīvituṃ asakkontā idha jīvikatthikā hutvā. Na saddhāti na saddhāya. Saṭhā māyāvinoti māyāsāṭheyyehi yuttā. Ketabinoti sikkhitakerāṭikā, nipphannathāmagatasāṭheyyāti vuttaṃ hoti. Sāṭheyyañhi abhūtaguṇadassanato abhūtabhaṇḍaguṇadassanasamaṃ katvā ‘‘kerāṭiya’’nti vuccati. Unnaḷāti uggatanaḷā, uṭṭhitatucchamānāti vuttaṃ hoti . Capalāti pattacīvaramaṇḍanādinā cāpallena yuttā. Mukharāti mukhakharā, kharavacanāti vuttaṃ hoti, vikiṇṇavācāti asaṃyatavacanā, divasampi niratthakavacanappalāpino. Indriyesu aguttadvārāti chasu indriyesu asaṃvutakammadvārā. Bhojane amattaññunoti bhojane yā mattā jānitabbā pariyesanapaṭiggahaṇaparibhogesu yuttatā, tassā ajānanakā. Jāgariyaṃ ananuyuttāti jāgare ananuyuttā. Sāmaññe anapekkhavantoti samaṇadhamme nirapekkhā, dhammānudhammappaṭipattirahitāti attho. Sikkhāya na tibbagāravāti sikkhāpadesu bahulagāravā na honti, āpattivītikkamabahulā vā. Bāhulikātiādi dhammadāyāde vuttaṃ, kusītātiādi bhayabherave. Dhammapariyāyenāti dhammadesanāya.
сад̣̇д̇хаа аг̇аарасмаад̇и багад̇ияааби сад̣̇д̇хаа, баб̣б̣аж̇ид̇ааби сад̣̇д̇хааяа аг̇аарасмаа анаг̇аарияам̣ баб̣б̣аж̇ид̇аа. биванд̇и ман̃н̃з гхасанд̇и ман̃н̃зд̇и биванд̇и вияа гхасанд̇и вияа. ад̇д̇аманаваажам̣ нижчаарзнд̇аа важасаа биванд̇и вияа, аб̣бханумод̣̇анд̇аа манасаа гхасанд̇и вияа. саад̇ху вад̇аад̇и сунд̣̇арам̣ вад̇а . саб̣рахмажаарийд̇и рассамби ваддад̇и д̣̇ийгхамби. рассз сад̇и саарибуд̇д̇асса убари ход̇и, д̣̇ийгхз сад̇и саб̣рахмажаарийнам̣. яад̣̇аа саарибуд̇д̇асса убари ход̇и, д̇ад̣̇аа саб̣рахмажаарий саарибуд̇д̇о амхз агусалаа вудтаабзд̇ваад̇и ад̇т̇о. яад̣̇аа саб̣рахмажаарийнам̣, д̇ад̣̇аа саб̣рахмажаараяо агусалаа вудтаабзд̇ваад̇и ад̇т̇о. д̣̇ахарод̇и д̇арун̣о. яуваад̇и яоб̣б̣анабхаавз тид̇о. ман̣д̣анагаж̇аад̇игод̇и алан̇гаарагасабхааво. д̇ад̇т̇а гожи д̇арун̣оби яуваа на ход̇и яат̇аа ад̇ид̇арун̣о, гожи яувааби ман̣д̣анагаж̇аад̇иго на ход̇и яат̇аа убасанд̇асабхааво, ааласияаб̣яасанаад̣̇ийхи ваа абхибхууд̇о, ид̇ха бана д̣̇ахаро жзва яуваа жа ман̣д̣анагаж̇аад̇иго жа ад̇хиббзд̇о, д̇асмаа звамааха. уббалаад̣̇ийни логасаммад̇ад̇д̇аа вуд̇д̇аани. ид̇иха д̇зд̇и звам̣ д̇з. убхо махаанааг̇аад̇и д̣̇взби махаанааг̇аа, д̣̇взби хи зд̇з аг̇г̇асаавагаа ‘‘махаанааг̇аа’’д̇и вужжанд̇и. д̇ад̇рааяам̣ важанад̇т̇о, чанд̣̇аад̣̇ийхи на г̇ажчанд̇ийд̇и нааг̇аа, д̇зна д̇зна маг̇г̇зна бахийнз гилзсз на ааг̇ажчанд̇ийд̇и нааг̇аа, наанаббагаарагам̣ ааг̇ум̣ на гаронд̇ийд̇и нааг̇аа, аяамзд̇т̇а сан̇кзбо. вид̇т̇ааро бана махаанид̣̇д̣̇зсз (махаани. 80) вуд̇д̇анаязнзва взд̣̇ид̇аб̣б̣о. абижа –
Saddhā agārasmāti pakatiyāpi saddhā, pabbajitāpi saddhāya agārasmā anagāriyaṃ pabbajitā. Pivanti maññe ghasanti maññeti pivanti viya ghasanti viya. Attamanavācaṃ nicchārentā vacasā pivanti viya, abbhanumodantā manasā ghasanti viya. Sādhu vatāti sundaraṃ vata . Sabrahmacārīti rassampi vaṭṭati dīghampi. Rasse sati sāriputtassa upari hoti, dīghe sati sabrahmacārīnaṃ. Yadā sāriputtassa upari hoti, tadā sabrahmacārī sāriputto amhe akusalā vuṭṭhāpetvāti attho. Yadā sabrahmacārīnaṃ, tadā sabrahmacārayo akusalā vuṭṭhāpetvāti attho. Daharoti taruṇo. Yuvāti yobbanabhāve ṭhito. Maṇḍanakajātikoti alaṅkārakasabhāvo. Tattha koci taruṇopi yuvā na hoti yathā atitaruṇo, koci yuvāpi maṇḍanakajātiko na hoti yathā upasantasabhāvo, ālasiyabyasanādīhi vā abhibhūto, idha pana daharo ceva yuvā ca maṇḍanakajātiko ca adhippeto, tasmā evamāha. Uppalādīni lokasammatattā vuttāni. Itiha teti evaṃ te. Ubho mahānāgāti dvepi mahānāgā, dvepi hi ete aggasāvakā ‘‘mahānāgā’’ti vuccanti. Tatrāyaṃ vacanattho, chandādīhi na gacchantīti nāgā, tena tena maggena pahīne kilese na āgacchantīti nāgā, nānappakārakaṃ āguṃ na karontīti nāgā, ayamettha saṅkhepo. Vitthāro pana mahāniddese (mahāni. 80) vuttanayeneva veditabbo. Apica –
‘‘ааг̇ум̣ на гарод̇и гин̃жи логз,
‘‘Āguṃ na karoti kiñci loke,
саб̣б̣асам̣яог̇з висаж̇ж̇а б̣анд̇ханаани;
Sabbasaṃyoge visajja bandhanāni;
саб̣б̣ад̇т̇а на саж̇ж̇ад̇ий вимуд̇д̇о,
Sabbattha na sajjatī vimutto,
нааг̇о д̇аад̣̇и бавужжад̇з д̇ат̇ад̇д̇аа’’д̇и. (су. ни. 527; махаани. 80);
Nāgo tādi pavuccate tathattā’’ti. (su. ni. 527; mahāni. 80);
звамзд̇т̇а ад̇т̇о взд̣̇ид̇аб̣б̣о. маханд̇аа нааг̇аа махаанааг̇аа, ан̃н̃зхи кийн̣аасаванааг̇зхи буж̇ж̇ад̇араа жа баасам̣сад̇араа жаад̇и ад̇т̇о. ан̃н̃аман̃н̃ассаад̇и ан̃н̃о ан̃н̃асса. саманумод̣̇им̣сууд̇и самам̣ анумод̣̇им̣су. д̇ад̇т̇а имааяа убамааяа махаамог̇г̇аллаано анумод̣̇и, бадибхаад̇у д̇ам̣ аавусод̇и д̇хаммасзнаабад̇и. д̇зна вуд̇д̇ам̣ ‘‘ан̃н̃аман̃н̃асса субхаасид̇ам̣ саманумод̣̇им̣суу’’д̇и.
Evamettha attho veditabbo. Mahantā nāgā mahānāgā, aññehi khīṇāsavanāgehi pujjatarā ca pāsaṃsatarā cāti attho. Aññamaññassāti añño aññassa. Samanumodiṃsūti samaṃ anumodiṃsu. Tattha imāya upamāya mahāmoggallāno anumodi, paṭibhātu taṃ āvusoti dhammasenāpati. Tena vuttaṃ ‘‘aññamaññassa subhāsitaṃ samanumodiṃsū’’ti.
саммуд̇ибарамад̇т̇ад̣̇зсанаагат̇ааван̣н̣анаа нидтид̇аа.
Sammutiparamatthadesanākathāvaṇṇanā niṭṭhitā.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
анан̇г̇ан̣асуд̇д̇аван̣н̣анаа нидтид̇аа.
Anaṅgaṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. анан̇г̇ан̣асуд̇д̇ам̣ • 5. Anaṅgaṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. анан̇г̇ан̣асуд̇д̇аван̣н̣анаа • 5. Anaṅgaṇasuttavaṇṇanā
