| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. анан̇г̇ан̣асуд̇д̇аван̣н̣анаа
5. Anaṅgaṇasuttavaṇṇanā
57. ааяасмаа саарибуд̇д̇од̇и зд̇т̇а ид̇и-сад̣̇д̣̇о аад̣̇иад̇т̇о, звамаад̣̇иганд̇и ад̇т̇о. д̇зна ‘‘бхигкуу ааманд̇зсий’’д̇иаад̣̇игам̣ саб̣б̣ам̣ суд̇д̇ам̣ сан̇г̇ан̣хаад̇и. д̇знааха ‘‘анан̇г̇ан̣асуд̇д̇а’’нд̇и. д̇асса го нигкзбо? ад̇д̇аж̇жхаасаяо. барзхи анаж̇жхидтоязва хи махаат̇зро имам̣ д̣̇зсанам̣ аарабхи. гзжи банааху ‘‘згажжз бхигкуу сам̣гилидтажид̇д̇з д̣̇исваа д̇зсам̣ жид̇д̇асам̣гилзсаббахаанааяа жзва згажжаанам̣ ааяад̇им̣ ануббаад̣̇анааяа жа аяам̣ д̣̇зсанаа аарад̣̇д̇хаа’’д̇и. звам̣ саб̣б̣асуд̇д̇зсууд̇и яат̇аа зд̇т̇а анан̇г̇ан̣асуд̇д̇з, звам̣ ид̇о барзсууд̇и саб̣б̣зсуби суд̇д̇зсу ануд̇д̇аанаабуб̣б̣абад̣̇аван̣н̣анаа зва гарийяад̇и. д̇знааха ‘‘д̇асмаа’’д̇иаад̣̇и. г̇ан̣анабарижчзд̣̇од̇и г̇ан̣анзна барижчинд̣̇анам̣. ид̣̇ан̃хи аббараж̇агкамахаараж̇агкад̇аавасзна д̣̇увид̇хз сад̇д̇з бажжзгам̣ ад̇т̇ан̃н̃уд̇аанад̇т̇ан̃н̃уд̇аавасзна д̣̇вид̇хаа гад̇ваа ‘‘жад̇д̇ааро’’д̇и анавасзсабарияаад̣̇аанам̣. важ̇ж̇ийбуд̇д̇агаад̣̇аяо вияа буг̇г̇алаваад̣̇ийд̇и на г̇ахзд̇аб̣б̣ам̣ логасаман̃н̃аанусаарзна ад̇т̇ам̣ бадивиж̇жхид̇ум̣ самад̇т̇аанам̣ васзна д̣̇зсанааяа аарад̣̇д̇хад̇д̇аа, аяан̃жа д̣̇зсанаанаяо сад̇т̇у ниссааяа зваад̇и д̣̇ассзнд̇о ‘‘аяан̃хий’’д̇иаад̣̇имааха.
57.Āyasmāsāriputtoti ettha iti-saddo ādiattho, evamādikanti attho. Tena ‘‘bhikkhū āmantesī’’tiādikaṃ sabbaṃ suttaṃ saṅgaṇhāti. Tenāha ‘‘anaṅgaṇasutta’’nti. Tassa ko nikkhepo? Attajjhāsayo. Parehi anajjhiṭṭhoyeva hi mahāthero imaṃ desanaṃ ārabhi. Keci panāhu ‘‘ekacce bhikkhū saṃkiliṭṭhacitte disvā tesaṃ cittasaṃkilesappahānāya ceva ekaccānaṃ āyatiṃ anuppādanāya ca ayaṃ desanā āraddhā’’ti. Evaṃ sabbasuttesūti yathā ettha anaṅgaṇasutte, evaṃ ito paresūti sabbesupi suttesu anuttānaapubbapadavaṇṇanā eva karīyati. Tenāha ‘‘tasmā’’tiādi. Gaṇanaparicchedoti gaṇanena paricchindanaṃ. Idañhi apparajakkhamahārajakkhatāvasena duvidhe satte paccekaṃ atthaññutānatthaññutāvasena dvidhā katvā ‘‘cattāro’’ti anavasesapariyādānaṃ. Vajjīputtakādayo viya puggalavādīti na gahetabbaṃ lokasamaññānusārena atthaṃ paṭivijjhituṃ samatthānaṃ vasena desanāya āraddhattā, ayañca desanānayo satthu nissāya evāti dassento ‘‘ayañhī’’tiādimāha.
саммуд̇ибарамад̇т̇ад̣̇зсанаагат̇ааван̣н̣анаа
Sammutiparamatthadesanākathāvaṇṇanā
д̇ад̇т̇а (а. ни. дий. 1.1.170) саммуд̇ияаа д̣̇зсанаа саммуд̇ид̣̇зсанаа, барамад̇т̇асса д̣̇зсанаа барамад̇т̇ад̣̇зсанаа. д̇ад̇т̇аад̇и саммуд̇ибарамад̇т̇ад̣̇зсанаасу, на саммуд̇ибарамад̇т̇зсу. д̇знааха ‘‘зваруубаа саммуд̇ид̣̇зсанаа, зваруубаа барамад̇т̇ад̣̇зсанаа’’д̇и. д̇ад̇рид̣̇ам̣ саммуд̇ибарамад̇т̇аанам̣ лагкан̣ам̣ – яасмим̣ бхиннз, б̣уд̣̇д̇хияаа аваяававиниб̣бхог̇з ваа гад̇з на д̇ам̣саман̃н̃аа, саа гхадабадаад̣̇иббабхзд̣̇аа саммуд̇и, д̇аб̣б̣ибарияааяад̇о барамад̇т̇о. на хи гагкал̣апусанаад̣̇исабхаавз аяам̣ наяо лаб̣бхад̇и, д̇ад̇т̇а руубаад̣̇ид̇хаммам̣ самуухасанд̇аанавасзна бавад̇д̇амаанам̣ убаад̣̇ааяа буг̇г̇алавохаарод̇и ааха ‘‘буг̇г̇алод̇и саммуд̇ид̣̇зсанаа’’д̇и. сзсабад̣̇зсуби зсзва наяо. уббаад̣̇аваяаванд̇о сабхаавад̇хаммаа на нижжаад̇и ааха ‘‘анижжанд̇и барамад̇т̇ад̣̇зсанаа’’д̇и. зса наяо сзсабад̣̇зсуби. нану канд̇хад̣̇зсанааби саммуд̇ид̣̇зсанаава. канд̇хадто хи раасадто, годтаасадто ваад̇и? сажжамзд̇ам̣, аяам̣ бана канд̇хасаман̃н̃аа пассаад̣̇ийсу д̇аж̇ж̇аабан̃н̃ад̇д̇и вияа барамад̇т̇асанниссаяаа д̇асса аасаннад̇араа, буг̇г̇аласаман̃н̃аад̣̇аяо вияа на д̣̇уурзд̇и барамад̇т̇асан̇г̇ахад̇аа вуд̇д̇аа, канд̇хасийсзна ваа д̇ад̣̇убаад̣̇аанаа сабхаавад̇хаммаа зва г̇ахид̇аа. нану жа сабхаавад̇хаммаа саб̣б̣зби саммуд̇имукзнзва д̣̇зсанам̣ аароханд̇и, на самукзнаад̇и саб̣б̣ааби д̣̇зсанаа саммуд̇ид̣̇зсанаава сияаад̇и? наяид̣̇амзвам̣ д̣̇зсзд̇аб̣б̣ад̇хаммавибхааг̇зна д̣̇зсанаавибхааг̇асса ад̇хиббзд̇ад̇д̇аа, на жа сад̣̇д̣̇о гзнажи бавад̇д̇инимид̇д̇зна винаа ад̇т̇ам̣ багаасзд̇ийд̇и.
Tattha (a. ni. ṭī. 1.1.170) sammutiyā desanā sammutidesanā, paramatthassa desanā paramatthadesanā. Tatthāti sammutiparamatthadesanāsu, na sammutiparamatthesu. Tenāha ‘‘evarūpā sammutidesanā, evarūpā paramatthadesanā’’ti. Tatridaṃ sammutiparamatthānaṃ lakkhaṇaṃ – yasmiṃ bhinne, buddhiyā avayavavinibbhoge vā kate na taṃsamaññā, sā ghaṭapaṭādippabhedā sammuti, tabbipariyāyato paramattho. Na hi kakkhaḷaphusanādisabhāve ayaṃ nayo labbhati, tattha rūpādidhammaṃ samūhasantānavasena pavattamānaṃ upādāya puggalavohāroti āha ‘‘puggaloti sammutidesanā’’ti. Sesapadesupi eseva nayo. Uppādavayavanto sabhāvadhammā na niccāti āha ‘‘aniccanti paramatthadesanā’’ti. Esa nayo sesapadesupi. Nanu khandhadesanāpi sammutidesanāva. Khandhaṭṭho hi rāsaṭṭho, koṭṭhāsaṭṭho vāti? Saccametaṃ, ayaṃ pana khandhasamaññā phassādīsu tajjāpaññatti viya paramatthasannissayā tassa āsannatarā, puggalasamaññādayo viya na dūreti paramatthasaṅgahatā vuttā, khandhasīsena vā tadupādānā sabhāvadhammā eva gahitā. Nanu ca sabhāvadhammā sabbepi sammutimukheneva desanaṃ ārohanti, na samukhenāti sabbāpi desanā sammutidesanāva siyāti? Nayidamevaṃ desetabbadhammavibhāgena desanāvibhāgassa adhippetattā, na ca saddo kenaci pavattinimittena vinā atthaṃ pakāsetīti.
саммуд̇ивасзна д̣̇зсанам̣ суд̇ваад̇и ‘‘ид̇хзгажжо буг̇г̇ало ад̇д̇анд̇або ход̇и ад̇д̇абарид̇аабаануяог̇амануяуд̇д̇о’’д̇иаад̣̇инаа (ма. ни. 2.413; бу. ба. 10.25 маад̇игаа) саммуд̇имукзна бавад̇д̇ид̇ам̣ д̣̇зсанам̣ суд̇амаяан̃аан̣уббаад̣̇анавасзна суд̇ваа. ад̇т̇ам̣ бадивиж̇жхид̇ваад̇и д̇ад̣̇анусаарзна жад̇усажжасан̇каад̇ам̣ ад̇т̇ам̣ саха вибассанааяа маг̇г̇зна бадивиж̇жхид̇ваа. мохам̣ бахааяаад̇и д̇ад̣̇згадтзхи гилзсзхи сад̣̇д̇хим̣ анавасзсам̣ мохам̣ баж̇ахид̇ваа. висзсанд̇и ниб̣б̣аанасан̇каад̇ам̣ арахад̇д̇асан̇каад̇ан̃жа висзсам̣. д̇зсанд̇и д̇аад̣̇исаанам̣ винзяяаанам̣. барамад̇т̇авасзнаад̇и ‘‘бан̃жимаани, бхигкавз, инд̣̇рияааний’’д̇иаад̣̇инаа (сам̣. ни. 5.472-474) барамад̇т̇ад̇хаммавасзна. сзсам̣ ананд̇аранаяз вуд̇д̇асад̣̇исамзва. д̇ад̇т̇аад̇и д̇ассам̣ саммуд̇ивасзна барамад̇т̇авасзна жа д̣̇зсанааяам̣. д̣̇зсабхаасаагусалод̇и наанаад̣̇зсабхаасаасу гусало. д̇ин̣н̣ам̣ взд̣̇аананд̇и нид̣̇ассанамад̇д̇ам̣, д̇ин̣н̣ам̣ взд̣̇аанам̣ сиббаг̇ант̇аанамбийд̇и ад̇хиббааяо сиббуг̇г̇ахан̣ан̃хи барад̇о вагкад̇и. сиббаани ваа взд̣̇анд̇ог̇ад̇хз гад̇ваа ‘‘д̇ин̣н̣ам̣ взд̣̇аана’’нд̇и вуд̇д̇ам̣. гат̇зд̇аб̣б̣абхаавзна тид̇аани, на гад̇т̇ажи саннихид̇абхаавзнаад̇и взд̣̇аанамби гат̇зд̇аб̣б̣абхаавзнзва авадтаанам̣ д̣̇ийбзнд̇о ‘‘г̇уяхаа д̇аяий нихид̇аа г̇аяхад̇ий’’д̇и мижчааваад̣̇ам̣ бадигкибад̇и. наанаавид̇хаа д̣̇зсабхаасаа зд̇зсанд̇и наанаад̣̇зсабхаасаа.
Sammutivasena desanaṃ sutvāti ‘‘idhekacco puggalo attantapo hoti attaparitāpānuyogamanuyutto’’tiādinā (ma. ni. 2.413; pu. pa. 10.25 mātikā) sammutimukhena pavattitaṃ desanaṃ sutamayañāṇuppādanavasena sutvā. Atthaṃ paṭivijjhitvāti tadanusārena catusaccasaṅkhātaṃ atthaṃ saha vipassanāya maggena paṭivijjhitvā. Mohaṃ pahāyāti tadekaṭṭhehi kilesehi saddhiṃ anavasesaṃ mohaṃ pajahitvā. Visesanti nibbānasaṅkhātaṃ arahattasaṅkhātañca visesaṃ. Tesanti tādisānaṃ vineyyānaṃ. Paramatthavasenāti ‘‘pañcimāni, bhikkhave, indriyānī’’tiādinā (saṃ. ni. 5.472-474) paramatthadhammavasena. Sesaṃ anantaranaye vuttasadisameva. Tatthāti tassaṃ sammutivasena paramatthavasena ca desanāyaṃ. Desabhāsākusaloti nānādesabhāsāsu kusalo. Tiṇṇaṃ vedānanti nidassanamattaṃ, tiṇṇaṃ vedānaṃ sippaganthānampīti adhippāyo sippuggahaṇañhi parato vakkhati. Sippāni vā vedantogadhe katvā ‘‘tiṇṇaṃ vedāna’’nti vuttaṃ. Kathetabbabhāvena ṭhitāni, na katthaci sannihitabhāvenāti vedānampi kathetabbabhāveneva avaṭṭhānaṃ dīpento ‘‘guyhā tayī nihitā gayhatī’’ti micchāvādaṃ paṭikkhipati. Nānāvidhā desabhāsā etesanti nānādesabhāsā.
барамо уд̇д̇амо ад̇т̇о барамад̇т̇о, д̇хаммаанам̣ яат̇аабхууд̇асабхааво. логасан̇гзд̇амад̇д̇асид̣̇д̇хаа саммуд̇и. яад̣̇и звам̣ гат̇ам̣ саммуд̇игат̇ааяа сажжад̇аад̇иааха ‘‘логасаммуд̇игааран̣аа’’д̇и, логасаман̃н̃ам̣ ниссааяа бавад̇д̇анад̇о. логасаман̃н̃ааяа хи абхинивзсзна винаа н̃аабанаа згажжасса суд̇асса сааванаа вияа на мусаа анад̇ид̇хаавид̇аб̣б̣ад̇о д̇ассаа. д̇знааха бхаг̇аваа ‘‘ж̇анабад̣̇анируд̇д̇им̣ наабхинивзсзяяа, саман̃н̃ам̣ наад̇ид̇хаавзяяаа’’д̇и (ма. ни. 3.332). д̇хаммаананд̇и сабхаавад̇хаммаанам̣. бхууд̇агааран̣аад̇и яат̇аабхууд̇асабхаавам̣ ниссааяа бавад̇д̇анад̇о. саммуд̇им̣ вохаранд̇ассаад̇и ‘‘буг̇г̇ало сад̇д̇о’’д̇иаад̣̇инаа логасаман̃н̃ам̣ гат̇знд̇асса.
Paramo uttamo attho paramattho, dhammānaṃ yathābhūtasabhāvo. Lokasaṅketamattasiddhā sammuti. Yadi evaṃ kathaṃ sammutikathāya saccatātiāha ‘‘lokasammutikāraṇā’’ti, lokasamaññaṃ nissāya pavattanato. Lokasamaññāya hi abhinivesena vinā ñāpanā ekaccassa sutassa sāvanā viya na musā anatidhāvitabbato tassā. Tenāha bhagavā ‘‘janapadaniruttiṃ nābhiniveseyya, samaññaṃ nātidhāveyyā’’ti (ma. ni. 3.332). Dhammānanti sabhāvadhammānaṃ. Bhūtakāraṇāti yathābhūtasabhāvaṃ nissāya pavattanato. Sammutiṃ voharantassāti ‘‘puggalo satto’’tiādinā lokasamaññaṃ kathentassa.
хирод̇д̇аббад̣̇ийбанад̇т̇анд̇и логабааланагижжз хирод̇д̇аббад̇хаммз гижжад̇о багаасзд̇ум̣. д̇зсан̃хи гижжам̣ сад̇д̇асанд̇аанзязва баагадам̣ ход̇ийд̇и буг̇г̇алаад̇хидтаанааяа гат̇ааяа д̇ам̣ вад̇д̇аб̣б̣ам̣. зса наяо сзсзсуби. яасмин̃хи жид̇д̇уббаад̣̇з гаммам̣ уббаннам̣, д̇ам̣санд̇аанз зва д̇асса паласса уббад̇д̇и гаммассагад̇аа. зван̃хи гад̇авин̃н̃аан̣анаасо агад̇ааг̇амо ваа над̇т̇ийд̇и саа буг̇г̇алаад̇хидтаанааяа зва гат̇ааяа д̣̇ийбзд̇аб̣б̣аа. д̇зхи сад̇д̇зхи гаад̇аб̣б̣аа бун̃н̃аад̣̇игирияаа бажжад̇д̇абурисагаароби санд̇аанавасзна нибпаад̣̇зд̇аб̣б̣ад̇о буг̇г̇алаад̇хидтаанааяа зва гат̇ааяа д̣̇ийбзд̇аб̣б̣о.
Hirottappadīpanatthanti lokapālanakicce hirottappadhamme kiccato pakāsetuṃ. Tesañhi kiccaṃ sattasantāneyeva pākaṭaṃ hotīti puggalādhiṭṭhānāya kathāya taṃ vattabbaṃ. Esa nayo sesesupi. Yasmiñhi cittuppāde kammaṃ uppannaṃ, taṃsantāne eva tassa phalassa uppatti kammassakatā. Evañhi kataviññāṇanāso akatāgamo vā natthīti sā puggalādhiṭṭhānāya eva kathāya dīpetabbā. Tehi sattehi kātabbā puññādikiriyā paccattapurisakāropi santānavasena nipphādetabbato puggalādhiṭṭhānāya eva kathāya dīpetabbo.
аананд̇арияад̣̇ийбанад̇т̇анд̇и жуд̇иананд̇арам̣ палам̣ ананд̇арам̣ наама, д̇асмим̣ ананд̇арз нияуд̇д̇аани, д̇анниб̣б̣ад̇д̇анзна ананд̇арагаран̣асийлаани, ананд̇арабаяож̇анаани ваад̇и аананд̇арияаани, маад̇угхаад̇аад̣̇ийни, д̇зсам̣ д̣̇ийбанад̇т̇ам̣. д̇ааниби хи санд̇аанавасзна нибпаад̣̇зд̇аб̣б̣ад̇о ‘‘маад̇арам̣ ж̇ийвид̇аа воробзд̇ий’’д̇иаад̣̇инаа (бадтаа. 1.1.423) буг̇г̇алаад̇хидтаанааяа зва гат̇ааяа д̣̇ийбзд̇аб̣б̣аани, д̇ат̇аа ‘‘со мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇ий’’д̇иаад̣̇инаа (д̣̇ий. ни. 1.556; 3.308; ма. ни. 1.77; 2.309; 3.230; вибха. 642, 643) ‘‘со анзгавихид̇ам̣ буб̣б̣зниваасам̣ ануссарад̇и згамби ж̇аад̇и’’нд̇иаад̣̇инаа (д̣̇ий. ни. 1.244, 245; ма. ни. 1.148, 384, 431; баараа. 12) ‘‘ад̇т̇и д̣̇агкин̣аа д̣̇ааяагад̇о висуж̇жхад̇и, но бадиг̇г̇аахагад̇о’’д̇иаад̣̇инаа (ма. ни. 3.381) жа бавад̇д̇аа б̣рахмавихаарабуб̣б̣зниваасад̣̇агкин̣аависуд̣̇д̇хигат̇аа буг̇г̇алаад̇хидтаанааяа зва гат̇ааяа д̣̇ийбзд̇аб̣б̣аа сад̇д̇асанд̇аанависаяад̇д̇аа. ‘‘адта бурисабуг̇г̇алаа (сам̣. ни. 1.249), на самаяавимуд̇д̇о буг̇г̇ало’’д̇иаад̣̇инаа (бу. ба. 1) жа барамад̇т̇ам̣ гат̇знд̇оби логасаммуд̇ияаа аббахаанад̇т̇ам̣ буг̇г̇алагат̇ам̣ гат̇зси. зд̇зна вуд̇д̇аавасзсааяа гат̇ааяа буг̇г̇алаад̇хидтаанабхаавз баяож̇анам̣ сааман̃н̃авасзна сан̇г̇ахид̇анд̇и д̣̇адтаб̣б̣ам̣. гааман̃жзд̇ам̣ саб̣б̣ам̣ абарин̃н̃аад̇авад̇т̇угаанам̣ васзна вуд̇д̇ам̣, барин̃н̃аад̇авад̇т̇угаанамби бана звам̣ д̣̇зсанаа сукаавахаа ход̇и.
Ānantariyadīpanatthanti cutianantaraṃ phalaṃ anantaraṃ nāma, tasmiṃ anantare niyuttāni, tannibbattanena anantarakaraṇasīlāni, anantarapayojanāni vāti ānantariyāni, mātughātādīni, tesaṃ dīpanatthaṃ. Tānipi hi santānavasena nipphādetabbato ‘‘mātaraṃ jīvitā voropetī’’tiādinā (paṭṭhā. 1.1.423) puggalādhiṭṭhānāya eva kathāya dīpetabbāni, tathā ‘‘so mettāsahagatena cetasā ekaṃ disaṃ pharitvā viharatī’’tiādinā (dī. ni. 1.556; 3.308; ma. ni. 1.77; 2.309; 3.230; vibha. 642, 643) ‘‘so anekavihitaṃ pubbenivāsaṃ anussarati ekampi jāti’’ntiādinā (dī. ni. 1.244, 245; ma. ni. 1.148, 384, 431; pārā. 12) ‘‘atthi dakkhiṇā dāyakato visujjhati, no paṭiggāhakato’’tiādinā (ma. ni. 3.381) ca pavattā brahmavihārapubbenivāsadakkhiṇāvisuddhikathā puggalādhiṭṭhānāya eva kathāya dīpetabbā sattasantānavisayattā. ‘‘Aṭṭha purisapuggalā (saṃ. ni. 1.249), na samayavimutto puggalo’’tiādinā (pu. pa. 1) ca paramatthaṃ kathentopi lokasammutiyā appahānatthaṃ puggalakathaṃ kathesi. Etena vuttāvasesāya kathāya puggalādhiṭṭhānabhāve payojanaṃ sāmaññavasena saṅgahitanti daṭṭhabbaṃ. Kāmañcetaṃ sabbaṃ apariññātavatthukānaṃ vasena vuttaṃ, pariññātavatthukānampi pana evaṃ desanā sukhāvahā hoti.
махааж̇анод̇и логияамахааж̇ано. на ж̇аанаад̇и гханавиниб̣бхог̇аабхаавзна д̇хаммагижжасса асаллагкан̣зна. д̇ад̇т̇а ‘‘гим̣ наамзд̇ам̣, гат̇ам̣ наамзд̇а’’нд̇и сам̣саяабагканд̣̇ад̇ааяа саммохам̣ аабаж̇ж̇ад̇и. вируд̣̇д̇хаабхинивзсид̇ааяа бадисад̇д̇у ход̇и. ж̇аанаад̇и жирабарижид̇ад̇т̇аа вохаарагат̇ааяа. д̇ад̇о зва на саммохамаабаж̇ж̇ад̇и, на бадисад̇д̇у ход̇и.
Mahājanoti lokiyamahājano. Na jānāti ghanavinibbhogābhāvena dhammakiccassa asallakkhaṇena. Tattha ‘‘kiṃ nāmetaṃ, kathaṃ nāmeta’’nti saṃsayapakkhandatāya sammohaṃ āpajjati. Viruddhābhinivesitāya paṭisattu hoti. Jānāti ciraparicitatthā vohārakathāya. Tato eva na sammohamāpajjati, na paṭisattu hoti.
наббаж̇аханд̇и вохаарамукзна барамад̇т̇асса д̣̇ийбанад̇о. саман̃н̃ааг̇ахан̣авасзна логзна н̃ааяад̇и саман̃н̃ааяад̇и вохарийяад̇ийд̇и логасаман̃н̃аа, д̇ааяа логасаман̃н̃ааяа. д̇асса д̇асса ад̇т̇асса вибхааванз логзна нижчид̇ам̣, нияад̇ам̣ ваа вужжад̇и вохарийяад̇ийд̇и логанируд̇д̇и, д̇ассам̣ логанируд̇д̇ияам̣. д̇ат̇аа логзна абхилабийяад̇ийд̇и логасаман̃н̃ад̇ааяа логаабхилаабо, д̇асмим̣ логаабхилаабз тид̇ааязва аббахаанад̇о. буг̇г̇алаваад̣̇ино вияа барамад̇т̇авасзна аг̇г̇ахзд̇ваа.
Nappajahanti vohāramukhena paramatthassa dīpanato. Samaññāgahaṇavasena lokena ñāyati samaññāyati voharīyatīti lokasamaññā, tāya lokasamaññāya. Tassa tassa atthassa vibhāvane lokena nicchitaṃ, niyataṃ vā vuccati voharīyatīti lokanirutti, tassaṃ lokaniruttiyaṃ. Tathā lokena abhilapīyatīti lokasamaññatāya lokābhilāpo, tasmiṃ lokābhilāpe ṭhitāyeva appahānato. Puggalavādino viya paramatthavasena aggahetvā.
санд̇од̇и зд̇т̇а санд̇асад̣̇д̣̇о ‘‘д̣̇ийгхам̣ санд̇асса яож̇ана’’нд̇иаад̣̇ийсу (д̇ха. ба. 70) гиланд̇абхаавз ааг̇ад̇о, ‘‘аяан̃жа вид̇агго аяан̃жа вижааро санд̇аа хонд̇и самид̇аа’’д̇иаад̣̇ийсу (вибха. 576) нируд̣̇д̇хабхаавз ааг̇ад̇о, ‘‘ад̇хиг̇ад̇о ко мяааяам̣ д̇хаммо г̇амбхийро д̣̇уд̣̇д̣̇асо д̣̇урануб̣од̇хо санд̇о бан̣ийд̇о’’д̇иаад̣̇ийсу (д̣̇ий. ни. 2.67; ма. ни. 1.281; 2.337; сам̣. ни. 2.172; махаава. 7) санд̇ан̃аан̣аг̇ожарад̇ааяа, ‘‘убасанд̇асса сад̣̇аа сад̇имад̇о’’д̇иаад̣̇ийсу (уд̣̇аа. 27) гилзсавуубасамз, ‘‘санд̇о хавз саб̣бхи бавзд̣̇аяанд̇ий’’д̇иаад̣̇ийсу (д̇ха. ба. 15) саад̇хуусу, ‘‘бан̃жимз, бхигкавз, махаажораа санд̇о сам̣виж̇ж̇амаанаа’’д̇иаад̣̇ийсу (баараа. 195) ад̇т̇ибхаавз, ид̇хааби ад̇т̇ибхаавзязва. со жа буг̇г̇аласамб̣анд̇хзна вуд̇д̇ад̇д̇аа логасаман̃н̃аавасзнаад̇и д̣̇ассзнд̇о ‘‘логасан̇гзд̇авасзна ад̇т̇ий’’д̇и ааха. ад̇т̇ийд̇и жзд̇ам̣ нибаад̇абад̣̇ам̣ д̣̇адтаб̣б̣ам̣ ‘‘ад̇т̇и имасмим̣ гааяз гзсаа’’д̇иаад̣̇ийсу (д̣̇ий. ни. 2.373-374; ма. ни. 1.110; 3.154; а. ни. 6.29; 10.60) вияа. сам̣виж̇ж̇амаанаад̇и бад̣̇асса ад̇т̇ам̣ д̣̇ассзнд̇о ‘‘убалаб̣бхамаанаа’’д̇и ааха. яан̃хи сам̣виж̇ж̇ад̇и, д̇ам̣ убалаб̣бхад̇ийд̇и. ан̇г̇анд̇и зд̇зхи д̇ам̣саман̇г̇ибуг̇г̇алаа нихийнабхаавам̣ г̇ажчанд̇ийд̇и ан̇г̇ан̣аани, рааг̇аад̣̇аяо. ан̃ж̇ад̇и магкзд̇ийд̇и ан̇г̇ан̣ам̣, малаад̣̇и. ан̃ж̇зд̇и д̇ад̇т̇а тид̇ам̣ ахунд̣̇арад̇ааяа абхиб̣яан̃ж̇зд̇ийд̇и ан̇г̇ан̣ам̣, вивадо бхуумибад̣̇зсо. д̣̇осаад̣̇ийнам̣ бавад̇д̇иаагаарависзсад̇ааяа наанаббагаараа б̣ахулаббавад̇д̇ияаа д̇иб̣б̣агилзсаа. баабагаананд̇и лаамагаанам̣. агусалаананд̇и агосалласамбхууд̇аанам̣. ижчааважараананд̇и ижчаавасзна бавад̇д̇аанам̣. саха ан̇г̇ан̣знаад̇и ан̇г̇ан̣анд̇и лад̣̇д̇ханаамзна яат̇аавуд̇д̇агилзсзна саха вад̇д̇ад̇и.
Santoti ettha santasaddo ‘‘dīghaṃ santassa yojana’’ntiādīsu (dha. pa. 70) kilantabhāve āgato, ‘‘ayañca vitakko ayañca vicāro santā honti samitā’’tiādīsu (vibha. 576) niruddhabhāve āgato, ‘‘adhigato kho myāyaṃ dhammo gambhīro duddaso duranubodho santo paṇīto’’tiādīsu (dī. ni. 2.67; ma. ni. 1.281; 2.337; saṃ. ni. 2.172; mahāva. 7) santañāṇagocaratāya, ‘‘upasantassa sadā satimato’’tiādīsu (udā. 27) kilesavūpasame, ‘‘santo have sabbhi pavedayantī’’tiādīsu (dha. pa. 15) sādhūsu, ‘‘pañcime, bhikkhave, mahācorā santo saṃvijjamānā’’tiādīsu (pārā. 195) atthibhāve, idhāpi atthibhāveyeva. So ca puggalasambandhena vuttattā lokasamaññāvasenāti dassento ‘‘lokasaṅketavasena atthī’’ti āha. Atthīti cetaṃ nipātapadaṃ daṭṭhabbaṃ ‘‘atthi imasmiṃ kāye kesā’’tiādīsu (dī. ni. 2.373-374; ma. ni. 1.110; 3.154; a. ni. 6.29; 10.60) viya. Saṃvijjamānāti padassa atthaṃ dassento ‘‘upalabbhamānā’’ti āha. Yañhi saṃvijjati, taṃ upalabbhatīti. Aṅganti etehi taṃsamaṅgipuggalā nihīnabhāvaṃ gacchantīti aṅgaṇāni, rāgādayo. Añjati makkhetīti aṅgaṇaṃ, malādi. Añjeti tattha ṭhitaṃ ahundaratāya abhibyañjetīti aṅgaṇaṃ, vivaṭo bhūmipadeso. Dosādīnaṃ pavattiākāravisesatāya nānappakārā bahulappavattiyā tibbakilesā. Pāpakānanti lāmakānaṃ. Akusalānanti akosallasambhūtānaṃ. Icchāvacarānanti icchāvasena pavattānaṃ. Saha aṅgaṇenāti aṅgaṇanti laddhanāmena yathāvuttakilesena saha vattati.
ад̇т̇ийд̇иби на ж̇аанаад̇и д̇аад̣̇исасса яонисоманасигаарасса абхааваа. язсам̣ гилзсаанам̣ ад̇т̇ид̇аа, д̇зсам̣ саббадибхаяад̇аа висзсад̇о ж̇аанид̇аб̣б̣аад̇и д̣̇ассзд̇ум̣ ‘‘имз гилзсаа наамаа’’д̇иаад̣̇и вуд̇д̇ам̣. д̇ад̇т̇а гагкал̣аад̇и парусаа. ваал̣аад̇и гурураа. на г̇ахид̇аб̣б̣аад̇и на уббаад̣̇зд̇аб̣б̣аа. яаат̇аавасарасад̇од̇и яат̇аабхууд̇асабхаавад̇о. зван̃жаад̇и ‘‘имз гилзсаа наамаа’’д̇иаад̣̇инаа вуд̇д̇аббагаарзна. язна ваа д̇зна ваад̇и навагаммзсу ваа барияад̇д̇ид̇худ̇ан̇г̇аад̣̇ийсу ваа язна ваа д̇зна ваа. д̇ад̇раад̇и нид̣̇д̇хааран̣з бхуммам̣. д̇ам̣ бана нид̣̇д̇хааран̣ам̣ сан̇г̇ан̣аанан̇г̇ан̣асамуд̣̇ааяад̇од̇и д̣̇ассзнд̇о ‘‘жад̇уусу буг̇г̇алзсуу’’д̇и вад̇ваа буна д̇ад̣̇згад̣̇зсад̇о д̣̇ассзнд̇о ‘‘д̇зсу ваа д̣̇вийсу саан̇г̇ан̣зсуу’’д̇и ааха. д̇ан̃хи д̣̇ваяам̣ батамам̣ хийнасздтабхаавзна нид̣̇д̇хаарийяад̇и батамам̣ уд̣̇д̣̇идтад̇д̇аа. нид̣̇д̇хааран̣ан̃хи гважи гуд̇ожи гзнажи ход̇ийд̇и.
Atthītipi na jānāti tādisassa yonisomanasikārassa abhāvā. Yesaṃ kilesānaṃ atthitā, tesaṃ sappaṭibhayatā visesato jānitabbāti dassetuṃ ‘‘ime kilesā nāmā’’tiādi vuttaṃ. Tattha kakkhaḷāti pharusā. Vāḷāti kururā. Na gahitabbāti na uppādetabbā. Yāthāvasarasatoti yathābhūtasabhāvato. Evañcāti ‘‘ime kilesā nāmā’’tiādinā vuttappakārena. Yena vā tena vāti navakammesu vā pariyattidhutaṅgādīsu vā yena vā tena vā. Tatrāti niddhāraṇe bhummaṃ. Taṃ pana niddhāraṇaṃ saṅgaṇānaṅgaṇasamudāyatoti dassento ‘‘catūsu puggalesū’’ti vatvā puna tadekadesato dassento ‘‘tesu vā dvīsu sāṅgaṇesū’’ti āha. Tañhi dvayaṃ paṭhamaṃ hīnaseṭṭhabhāvena niddhārīyati paṭhamaṃ uddiṭṭhattā. Niddhāraṇañhi kvaci kutoci kenaci hotīti.
58. гин̃жааби ан̃н̃ад̇т̇а ‘‘ж̇анаго хзд̇у, бариг̇г̇аахад̇о бажжаяо, асаад̇хааран̣о хзд̇у, саад̇хааран̣о бажжаяо, сабхааг̇о хзд̇у, асабхааг̇о бажжаяо, буб̣б̣агаалиго хзд̇у, сахаббавад̇д̇о бажжаяо’’д̇иаад̣̇инаа хзд̇убажжаяаа вибхаж̇ж̇а вужжанд̇и, ид̇ха бана ‘‘жад̇д̇ааро ко, бхигкавз, махаабхууд̇аа хзд̇уу, жад̇д̇ааро махаабхууд̇аа бажжаяаа руубагканд̇хасса бан̃н̃аабанааяаа’’д̇иаад̣̇ийсу (ма. ни. 3.85) вияа хзд̇убажжаяасад̣̇д̣̇аа самаанад̇т̇аад̇и д̣̇ассзд̇ум̣ ‘‘убхаязнаби гааран̣амзва бужчад̇ий’’д̇и вуд̇д̇ам̣. д̇ад̇т̇а убхаязнаад̇и хзд̇убажжаяаважанад̣̇ваязна. бужчад̇и ааяасмаа махаамог̇г̇аллаано д̣̇зсанам̣ вад̣дхзд̇угаамо. гин̃жаабийд̇и ануж̇аананасамбхааванад̇т̇з нибаад̇о. гим̣ ануж̇аанаад̇и? самаанзби д̣̇виннам̣ саан̇г̇ан̣абхаавз д̇ассаа баж̇аананааббаж̇аананахзд̇угад̇ам̣ д̇зсам̣ сздтахийнад̇ам̣. гим̣ самбхаавзд̇и? т̇зрасса вижид̇д̇абадибхаанад̇ааяа наанаахзд̇уубамаахи алан̇гад̇ваа яат̇аабужчид̇асса ад̇т̇асса баагадагаран̣ам̣. д̇знааха ‘‘наббаж̇аанаад̇ий’’д̇иаад̣̇и. хзд̇у жзва бажжаяо жа сздтахийнабхаавз. д̇ат̇ааагкаад̇аб̣б̣ад̇ааби хи д̇зсам̣ д̇аннимид̇д̇аа зваад̇и.
58. Kiñcāpi aññattha ‘‘janako hetu, pariggāhato paccayo, asādhāraṇo hetu, sādhāraṇo paccayo, sabhāgo hetu, asabhāgo paccayo, pubbakāliko hetu, sahappavatto paccayo’’tiādinā hetupaccayā vibhajja vuccanti, idha pana ‘‘cattāro kho, bhikkhave, mahābhūtā hetū, cattāro mahābhūtā paccayā rūpakkhandhassa paññāpanāyā’’tiādīsu (ma. ni. 3.85) viya hetupaccayasaddā samānatthāti dassetuṃ ‘‘ubhayenapi kāraṇamevapucchatī’’ti vuttaṃ. Tattha ubhayenāti hetupaccayavacanadvayena. Pucchati āyasmā mahāmoggallāno desanaṃ vaḍḍhetukāmo. Kiñcāpīti anujānanasambhāvanatthe nipāto. Kiṃ anujānāti? Samānepi dvinnaṃ sāṅgaṇabhāve tassā pajānanāppajānanahetukataṃ tesaṃ seṭṭhahīnataṃ. Kiṃ sambhāveti? Therassa vicittapaṭibhānatāya nānāhetūpamāhi alaṅkatvā yathāpucchitassa atthassa pākaṭakaraṇaṃ. Tenāha ‘‘nappajānātī’’tiādi. Hetu ceva paccayo ca seṭṭhahīnabhāve. Tathāakkhātabbatāpi hi tesaṃ tannimittā evāti.
59. д̇анд̇и д̇зсам̣ д̣̇виннам̣ буг̇г̇алаанам̣ хийнасздтад̇ааяа гааран̣ам̣. обаммзхи баагадад̇арам̣ гад̇ваа д̣̇ассзд̇ум̣. зд̇анд̇и суд̇д̇з ананд̇арам̣ вужжамаанам̣ вийрияаарамбхаабхаавзна ан̇г̇ан̣асса аббахаанам̣. д̇знааха ‘‘на чанд̣̇ам̣…бз… санд̇хааяаахаа’’д̇и. гад̇д̇угамяад̇аачанд̇ханд̇и гад̇д̇угамяад̇аасан̇каад̇ам̣ ан̇г̇ан̣асса бахаад̇угамяад̇аавасзна уббаж̇ж̇анагагусалад̇хаммажчанд̣̇ам̣. на ж̇анзссад̇ийд̇и на уббаад̣̇зссад̇и. гусало вааяаамо наама чанд̣̇ад̇о б̣алаваад̇и ааха ‘‘д̇ад̇о б̣алавад̇арам̣ вааяаамам̣ на гариссад̇ий’’д̇и, чанд̣̇амби ануббаад̣̇знд̇о гат̇ам̣ д̇аж̇ж̇ам̣ вааяаамам̣ гариссад̇ийд̇и ад̇хиббааяо. т̇аамаг̇ад̇авийрияам̣ уссол̣хийбхааваббад̇д̇ам̣ д̣̇ал̣хам̣ вийрияам̣. саан̇г̇ан̣аг̇г̇ахан̣знзва ан̇г̇ан̣аанам̣ гилзсавад̇т̇уд̇ааяа жид̇д̇асса сам̣гилидтад̇ааяа сад̣̇д̇хааяа буна сам̣гилидтаг̇г̇ахан̣ам̣ сависзсам̣ гилидтабхаававибхаавананд̇и ааха ‘‘судтуд̇арам̣ гилидтажид̇д̇о’’д̇и. малинажид̇д̇од̇иаад̣̇ийсуби ‘‘д̇зхиязваа’’д̇и аанзд̇ваа самб̣анд̇хид̇аб̣б̣ам̣. угкалибужчанажол̣агасса вияа васаабийд̇абилод̇игаа вияа жа д̣̇умможанийяабхаавзна малаг̇г̇ахан̣ам̣ малийнад̇аа, бийл̣анам̣ хим̣санам̣ авибпааригад̇аагаран̣ам̣ виб̣аад̇ханам̣ д̣̇арат̇абарил̣аахуббаад̣̇анзна барид̣̇аханам̣ убад̇аабанам̣, гааланд̇и гааланам̣, яат̇ааг̇ахид̇асса ад̇д̇абхаавасса кзбанам̣ ааяугкаяанд̇и ад̇т̇о. гариссад̇ийд̇и бавад̇д̇зссад̇и, баабун̣иссад̇ийд̇и вуд̇д̇ам̣ ход̇и. д̇ат̇аабхууд̇о жа баан̣ам̣ жаж̇иссад̇и наамаад̇и ааха ‘‘мариссад̇ий’’д̇и.
59.Tanti tesaṃ dvinnaṃ puggalānaṃ hīnaseṭṭhatāya kāraṇaṃ. Opammehi pākaṭataraṃ katvā dassetuṃ. Etanti sutte anantaraṃ vuccamānaṃ vīriyārambhābhāvena aṅgaṇassa appahānaṃ. Tenāha ‘‘na chandaṃ…pe… sandhāyāhā’’ti. Kattukamyatāchandhanti kattukamyatāsaṅkhātaṃ aṅgaṇassa pahātukamyatāvasena uppajjanakakusaladhammacchandaṃ. Na janessatīti na uppādessati. Kusalo vāyāmo nāma chandato balavāti āha ‘‘tato balavataraṃ vāyāmaṃ na karissatī’’ti, chandampi anuppādento kathaṃ tajjaṃ vāyāmaṃ karissatīti adhippāyo. Thāmagatavīriyaṃ ussoḷhībhāvappattaṃ daḷhaṃ vīriyaṃ. Sāṅgaṇaggahaṇeneva aṅgaṇānaṃ kilesavatthutāya cittassa saṃkiliṭṭhatāya saddhāya puna saṃkiliṭṭhaggahaṇaṃ savisesaṃ kiliṭṭhabhāvavibhāvananti āha ‘‘suṭṭhutaraṃ kiliṭṭhacitto’’ti. Malinacittotiādīsupi ‘‘tehiyevā’’ti ānetvā sambandhitabbaṃ. Ukkhalipucchanacoḷakassa viya vasāpītapilotikā viya ca dummocanīyabhāvena malaggahaṇaṃ malīnatā, pīḷanaṃ hiṃsanaṃ avipphārikatākaraṇaṃ vibādhanaṃ darathapariḷāhuppādanena paridahanaṃ upatāpanaṃ, kālanti kālanaṃ, yathāgahitassa attabhāvassa khepanaṃ āyukkhayanti attho. Karissatīti pavattessati, pāpuṇissatīti vuttaṃ hoti. Tathābhūto ca pāṇaṃ cajissati nāmāti āha ‘‘marissatī’’ti.
сзяяат̇аабийд̇и убамаанид̣̇ассанз нибаад̇о. д̇ад̣̇ад̇т̇ам̣ д̣̇ассзнд̇о ‘‘яат̇аа наамаа’’д̇и ааха. бам̣суаад̣̇инаад̇и аад̣̇и-сад̣̇д̣̇зна ж̇аллаад̣̇ийнам̣ сан̇г̇ахо, гхам̣санаад̣̇ийхийд̇и аад̣̇и-сад̣̇д̣̇зна чааригаабаримаж̇ж̇анаад̣̇ийнам̣ сан̇г̇аход̇и. ‘‘абхируубааяа ган̃н̃аа д̣̇аад̇аб̣б̣аа’’д̇иаад̣̇ийсу вияа анд̇арзнаби ад̇исаяад̇т̇аб̣од̇хагасад̣̇д̣̇зна ад̇исаяад̇т̇о н̃ааяад̇ийд̇и ааха ‘‘малаг̇г̇ахид̇ад̇араад̇и вуд̇д̇ам̣ ход̇ий’’д̇и. бадибужчааважананд̇и анумад̇ибужчаависзсо. звам̣ гарияамаанаад̇и абарибхог̇а-абарияод̣̇абанараж̇обат̇анигкибанзхи гилидтабхаавам̣ аабаад̣̇ияамаанаа. обаммам̣ самбадибаад̣̇знд̇од̇и яат̇уубанийд̇ам̣ убамам̣ убамзяяад̇т̇зна самам̣ гад̇ваа бадибаад̣̇знд̇о, сам̣санд̣̇знд̇од̇и ад̇т̇о. саан̇г̇ан̣о буг̇г̇алод̇и саан̇г̇ан̣о д̇асмим̣ ад̇д̇абхаавз асуж̇жханагабуг̇г̇ало. аабан̣аад̣̇ид̇о гулагхарам̣ аанийд̇асса малаг̇г̇ахид̇агам̣сабхааж̇анасса д̇ад̇т̇а лад̣̇д̇хаб̣б̣ааяа висуд̣̇д̇хияаа алаабхад̇о яат̇аа ануггамзна сам̣гилидтад̇арабхааво, звам̣ гхарад̇о нигканд̇асса буг̇г̇аласса баб̣б̣аж̇ж̇ааяа лад̣̇д̇хаб̣б̣ааяа висуд̣̇д̇хияаа алаабхад̇о ануггамзна сам̣гилидтад̇арабхаавод̇и д̣̇ассзнд̇о ‘‘сам̣гилидтагам̣сабаад̇ияаа’’д̇иаад̣̇имааха. сам̣гилидтад̇арабхааво жа наама баб̣б̣аж̇ид̇асса ааж̇ийвавибад̇д̇ивасзна ваа сияаа аажаарад̣̇идтисийлавибад̇д̇ийсу ан̃н̃ад̇аравасзна ваад̇и д̇ам̣ саб̣б̣ам̣ сан̇г̇ахзд̇ваа д̣̇ассзд̇ум̣ ‘‘д̇асса буг̇г̇алассаа’’д̇иаад̣̇и вуд̇д̇ам̣. баажид̇д̇ияавийд̇иггаманаг̇г̇ахан̣зна хи згажжад̣̇идтивибад̇д̇ияааби сан̇г̇ахо ход̇ийд̇и. зд̇т̇а тид̇ассаад̇и зд̇иссам̣ ааж̇ийвавибад̇д̇ияам̣ тид̇асса. иминаа наязна сзсзсуби яат̇аарахам̣ вад̇д̇аб̣б̣ам̣. саб̣б̣абарисасаад̇хааран̣аа махаат̇зрасса д̣̇зсанаа, д̇асмаа г̇ахабад̇ивасзнаби яож̇зд̇аб̣б̣ам̣. д̇ад̇т̇а уггам̣саг̇ад̇асам̣гилидтад̇арабхаавам̣ д̣̇ассзнд̇о ‘‘маад̇угхаад̇аад̣̇иаананд̇арияагаран̣а’’нд̇и ааха. ависод̇хзд̇ваад̇и яат̇аа ад̇д̇ано сийлз ваа д̣̇идтияаа ваа висуд̣̇д̇хи ход̇и, звам̣ гилзсамалинажид̇д̇асанд̇аанам̣ ависод̇хзд̇ваа.
Seyyathāpīti upamānidassane nipāto. Tadatthaṃ dassento ‘‘yathā nāmā’’ti āha. Paṃsuādināti ādi-saddena jallādīnaṃ saṅgaho, ghaṃsanādīhīti ādi-saddena chārikāparimajjanādīnaṃ saṅgahoti. ‘‘Abhirūpāya kaññā dātabbā’’tiādīsu viya antarenapi atisayatthabodhakasaddena atisayattho ñāyatīti āha ‘‘malaggahitatarāti vuttaṃ hotī’’ti. Paṭipucchāvacananti anumatipucchāviseso. Evaṃkariyamānāti aparibhoga-apariyodapanarajopathanikkhipanehi kiliṭṭhabhāvaṃ āpādiyamānā. Opammaṃ sampaṭipādentoti yathūpanītaṃ upamaṃ upameyyatthena samaṃ katvā paṭipādento, saṃsandentoti attho. Sāṅgaṇo puggaloti sāṅgaṇo tasmiṃ attabhāve asujjhanakapuggalo. Āpaṇādito kulagharaṃ ānītassa malaggahitakaṃsabhājanassa tattha laddhabbāya visuddhiyā alābhato yathā anukkamena saṃkiliṭṭhatarabhāvo, evaṃ gharato nikkhantassa puggalassa pabbajjāya laddhabbāya visuddhiyā alābhato anukkamena saṃkiliṭṭhatarabhāvoti dassento ‘‘saṃkiliṭṭhakaṃsapātiyā’’tiādimāha. Saṃkiliṭṭhatarabhāvo ca nāma pabbajitassa ājīvavipattivasena vā siyā ācāradiṭṭhisīlavipattīsu aññataravasena vāti taṃ sabbaṃ saṅgahetvā dassetuṃ ‘‘tassa puggalassā’’tiādi vuttaṃ. Pācittiyavītikkamanaggahaṇena hi ekaccadiṭṭhivipattiyāpi saṅgaho hotīti. Ettha ṭhitassāti etissaṃ ājīvavipattiyaṃ ṭhitassa. Iminā nayena sesesupi yathārahaṃ vattabbaṃ. Sabbaparisasādhāraṇā mahātherassa desanā, tasmā gahapativasenapi yojetabbaṃ. Tattha ukkaṃsagatasaṃkiliṭṭhatarabhāvaṃ dassento ‘‘mātughātādiānantariyakaraṇa’’nti āha. Avisodhetvāti yathā attano sīle vā diṭṭhiyā vā visuddhi hoti, evaṃ kilesamalinacittasantānaṃ avisodhetvā.
бхаб̣б̣абуг̇г̇алод̇и убаниссаяаад̣̇исамбад̇д̇ияаа д̇асмим̣ ад̇д̇абхаавз висуд̣̇д̇хабуг̇г̇ало. аад̣̇им̣ гад̇ваад̇и иминаа д̇хованагхам̣санаад̣̇ийхи барияод̣̇абанам̣ аад̣̇иманд̇ам̣ гад̇ваа вад̣̇ад̇и. суд̣̇д̇хадтаанам̣ яад̇т̇а ваа на раж̇зна огирийяад̇и. д̣̇ан̣д̣агаммам̣ гад̇ваад̇и ‘‘зд̇д̇агаа уд̣̇агаа, ваалугаа ваа аанзд̇аб̣б̣аа’’д̇и д̣̇ан̣д̣агаммам̣ гад̇ваа. зд̇т̇а тид̇ассаад̇и барисуд̣̇д̇хз сийлз тид̇асса. саммаавад̇д̇абадибад̇д̇исийлзхи сийлависуд̣̇д̇хи д̣̇ассид̇аа. вад̇д̇абадибад̇д̇ияааби хи ан̇г̇ан̣аанам̣ вигкамбханам̣ сияаа. д̇ат̇аа хиссаа сам̣гилидтагам̣сабаад̇ияаа барисуд̣̇д̇хабарияод̣̇аад̇абхааво убамаабхаавзна вуд̇д̇о. банд̇асзнаасанаваасо гилзсавигкамбханам̣ гилзсаанам̣ д̇ад̣̇ан̇г̇анивааран̣ам̣. сод̇аабад̇д̇ипалаад̇хиг̇амо…бз… арахад̇д̇асажчигирияаад̇и сад̇д̇асуби таанзсу ‘‘барисуд̣̇д̇хабарияод̣̇аад̇абхааво вияаа’’д̇и бад̣̇ам̣ аанзд̇ваа самб̣анд̇хид̇аб̣б̣ам̣. баб̣б̣аж̇ид̇асса хи висуд̣̇д̇хи наама хздтиманд̇зна сийлависуд̣̇д̇хияаа ваа сияаа гаммадтаанаануяог̇авасзна вивзгаваасзна жхаанассаад̇хиг̇амзна ваа вибассанаабхааванааяа ваа сааман̃н̃апалаад̇хиг̇амзна ваад̇и.
Bhabbapuggaloti upanissayādisampattiyā tasmiṃ attabhāve visuddhapuggalo. Ādiṃ katvāti iminā dhovanaghaṃsanādīhi pariyodapanaṃ ādimantaṃ katvā vadati. Suddhaṭṭhānaṃ yattha vā na rajena okirīyati. Daṇḍakammaṃ katvāti ‘‘ettakā udakā, vālukā vā ānetabbā’’ti daṇḍakammaṃ katvā. Ettha ṭhitassāti parisuddhe sīle ṭhitassa. Sammāvattapaṭipattisīlehi sīlavisuddhi dassitā. Vattapaṭipattiyāpi hi aṅgaṇānaṃ vikkhambhanaṃ siyā. Tathā hissā saṃkiliṭṭhakaṃsapātiyā parisuddhapariyodātabhāvo upamābhāvena vutto. Pantasenāsanavāso kilesavikkhambhanaṃ kilesānaṃ tadaṅganivāraṇaṃ. Sotāpattiphalādhigamo…pe… arahattasacchikiriyāti sattasupi ṭhānesu ‘‘parisuddhapariyodātabhāvo viyā’’ti padaṃ ānetvā sambandhitabbaṃ. Pabbajitassa hi visuddhi nāma heṭṭhimantena sīlavisuddhiyā vā siyā kammaṭṭhānānuyogavasena vivekavāsena jhānassādhigamena vā vipassanābhāvanāya vā sāmaññaphalādhigamena vāti.
рааг̇адтаанияанд̇и рааг̇уббад̇д̇ихзд̇убхууд̇ам̣. висабхааг̇аарамман̣ам̣ санд̇хааяа вад̣̇ад̇и ‘‘идтаарамман̣а’’нд̇и. д̇асминд̇и идтаарамман̣з. вибаннассад̇ийд̇и мудтассад̇и. д̇ам̣ нимид̇д̇анд̇и субханимид̇д̇ам̣. ааваж̇ж̇иссад̇ийд̇и аяонисо ааваж̇ж̇иссад̇и. саяамзва ан̃н̃зна авомиссо. гусалаваарабажчинд̣̇анамзва жзд̇т̇а ануд̣̇д̇хам̣санам̣ д̣̇адтаб̣б̣ам̣. сзсанд̇и ‘‘саан̇г̇ан̣о сам̣гилидтажид̇д̇о’’д̇иаад̣̇и. вуд̇д̇анаяаанусаарзнаад̇и батамаваарз вуд̇д̇анаяаанусаарзна. саб̣б̣анд̇и маад̇угхаад̇аад̣̇иаананд̇арияагаран̣абарияосаанам̣ саб̣б̣ам̣ убамаасам̣санд̣̇анаважанам̣.
Rāgaṭṭhāniyanti rāguppattihetubhūtaṃ. Visabhāgārammaṇaṃ sandhāya vadati ‘‘iṭṭhārammaṇa’’nti. Tasminti iṭṭhārammaṇe. Vipannassatīti muṭṭhassati. Taṃ nimittanti subhanimittaṃ. Āvajjissatīti ayoniso āvajjissati. Sayameva aññena avomisso. Kusalavārapacchindanameva cettha anuddhaṃsanaṃ daṭṭhabbaṃ. Sesanti ‘‘sāṅgaṇo saṃkiliṭṭhacitto’’tiādi. Vuttanayānusārenāti paṭhamavāre vuttanayānusārena. Sabbanti mātughātādiānantariyakaraṇapariyosānaṃ sabbaṃ upamāsaṃsandanavacanaṃ.
ад̇ивирахаабхаавад̇од̇и сад̇исаммосаабхаавад̇о, убадтид̇ассад̇и бхаавад̇од̇и ад̇т̇о. сзсанд̇и ‘‘со арааг̇о’’д̇иаад̣̇и. ‘‘д̇хованагхам̣санасан̣хачааригаабаримаж̇ж̇анаад̣̇ийхий’’д̇иаад̣̇инаа д̣̇уд̇ияаваараанусаарзна. ‘‘го ну ко’’д̇иаад̣̇и бужчаавасзна ааг̇ад̇ам̣, ид̣̇ам̣ ниг̇аманавасзнаад̇и аяамзва висзсо.
Ativirahābhāvatoti satisammosābhāvato, upaṭṭhitassati bhāvatoti attho. Sesanti ‘‘so arāgo’’tiādi. ‘‘Dhovanaghaṃsanasaṇhachārikāparimajjanādīhī’’tiādinā dutiyavārānusārena. ‘‘Ko nu kho’’tiādi pucchāvasena āgataṃ, idaṃ nigamanavasenāti ayameva viseso.
60. ан̇г̇ан̣анд̇и д̇ад̇т̇а д̇ад̇т̇а наамад̇о зва вибхаавид̇ам̣, на бана сабхаавад̇о, бабхзд̣̇ад̇о ваад̇и сабхааваад̣̇ид̇о вибхааванам̣ санд̇хааяааха ‘‘наанаббагаарад̇о баагадам̣ гаараабзд̇угаамзнаа’’д̇и. ижчааяа аважараананд̇и ижчаавасзна аважаран̣аанам̣. од̇ин̣н̣аананд̇и жид̇д̇асанд̇аанам̣ анубавидтаанам̣. д̇з бана д̇ад̇т̇а бажжаяавасзна ниб̣б̣ад̇д̇ад̇д̇аа бавад̇д̇аа наама хонд̇ийд̇и ааха ‘‘бавад̇д̇аана’’нд̇и. наанаббагаараананд̇и висаяабхзд̣̇зна бавад̇д̇иаагаарабхзд̣̇зна жа наанаавид̇хаанам̣. язнагааран̣зна. на гзвалам̣ лаабхад̇т̇игад̇аа зва, ат̇а ко бун̃н̃аванд̇ад̇аа саггад̇аг̇аругад̇аа жа зд̇т̇а гааран̣абхаавзна г̇ахзд̇аб̣б̣аад̇и д̣̇ассзнд̇о ‘‘багад̇ияааби жаа’’д̇иаад̣̇имааха. д̇зна лаабхад̇т̇игоби на яо гожи звам̣ жид̇д̇ам̣ уббаад̣̇зд̇и бун̃н̃аваа самбхааванийяод̇и д̣̇ассзд̇и. т̇зраа аваж̇ж̇абадижчаад̣̇анабхаязна маж̇жхимаанам̣ аарожзнд̇и, д̇ат̇аа маж̇жхимаа навагаанам̣, навагаа бана ад̇д̇ано навагабхаавзна вигхаасаад̣̇аад̣̇ийнам̣ аарожзнд̇и ‘‘бассат̇а д̇умхаагам̣ т̇зрасса гамма’’нд̇и. вигхаасаад̣̇аад̣̇аяо наама ‘‘ийд̣̇исасса санд̇игз оваад̣̇ад̇т̇ам̣ д̇умхз ааг̇ад̇аа’’д̇и бхигкунийнам̣ аарожзнд̇и. на жа мам̣ бхигкуу ж̇аанзяяунд̇и на жа вад̇а мам̣ бхигкуу ж̇аанзяяум̣, ахо вад̇а мам̣ бхигкуу на ж̇аанзяяунд̇и яож̇анаа. таанам̣ ко банзд̇анд̇и зд̇т̇а ко-сад̣̇д̣̇о авад̇хааран̣ад̇т̇о, бана-сад̣̇д̣̇о важанаалан̇гаарод̇и ааха ‘‘ад̇т̇иязваа’’д̇и. буб̣б̣з ижчуббаад̣̇аваараван̣н̣анааяа вуд̇д̇анаязна. ид̇и-сад̣̇д̣̇о ид̇ха аасаннагааран̣ад̇т̇од̇и д̇ам̣ д̣̇ассзнд̇о ‘‘иминаа гааран̣знаа’’д̇и ааха . ид̣̇ан̃жа гобааббажжаяаанамзва г̇ахан̣ам̣. д̇аад̣̇исаананд̇и гобааббажжаяаад̇хибхууд̇аананд̇и ад̇хиббааяо.
60.Aṅgaṇanti tattha tattha nāmato eva vibhāvitaṃ, na pana sabhāvato, pabhedato vāti sabhāvādito vibhāvanaṃ sandhāyāha ‘‘nānappakārato pākaṭaṃ kārāpetukāmenā’’ti. Icchāya avacarānanti icchāvasena avacaraṇānaṃ. Otiṇṇānanti cittasantānaṃ anupaviṭṭhānaṃ. Te pana tattha paccayavasena nibbattattā pavattā nāma hontīti āha ‘‘pavattāna’’nti. Nānappakārānanti visayabhedena pavattiākārabhedena ca nānāvidhānaṃ. Yenakāraṇena. Na kevalaṃ lābhatthikatā eva, atha kho puññavantatā sakkatagarukatā ca ettha kāraṇabhāvena gahetabbāti dassento ‘‘pakatiyāpi cā’’tiādimāha. Tena lābhatthikopi na yo koci evaṃ cittaṃ uppādeti puññavā sambhāvanīyoti dasseti. Therā avajjapaṭicchādanabhayena majjhimānaṃ ārocenti, tathā majjhimā navakānaṃ, navakā pana attano navakabhāvena vighāsādādīnaṃ ārocenti ‘‘passatha tumhākaṃ therassa kamma’’nti. Vighāsādādayo nāma ‘‘īdisassa santike ovādatthaṃ tumhe āgatā’’ti bhikkhunīnaṃ ārocenti. Na ca maṃ bhikkhū jāneyyunti na ca vata maṃ bhikkhū jāneyyuṃ, aho vata maṃ bhikkhū na jāneyyunti yojanā. Ṭhānaṃ kho panetanti ettha kho-saddo avadhāraṇattho, pana-saddo vacanālaṅkāroti āha ‘‘atthiyevā’’ti. Pubbe icchuppādavāravaṇṇanāya vuttanayena. Iti-saddo idha āsannakāraṇatthoti taṃ dassento ‘‘iminā kāraṇenā’’ti āha . Idañca kopaappaccayānameva gahaṇaṃ. Tādisānanti kopaappaccayādhibhūtānanti adhippāyo.
анураход̇и ануруубз рахаси. звамзва хи ад̇т̇ам̣ д̣̇ассзд̇ум̣ ‘‘вихаарабажжанд̇з’’д̇иаад̣̇и вуд̇д̇ам̣. буримасад̣̇исамзваад̇и ‘‘лаабхад̇т̇иго хий’’д̇иаад̣̇инаа вуд̇д̇зна буримзна яож̇анаанаязна сад̣̇исамзва.
Anurahoti anurūpe rahasi. Evameva hi atthaṃ dassetuṃ ‘‘vihārapaccante’’tiādi vuttaṃ. Purimasadisamevāti ‘‘lābhatthiko hī’’tiādinā vuttena purimena yojanānayena sadisameva.
жод̣̇анааяа бадибуг̇г̇алабхааво, жод̣̇анаа жа аабад̇д̇ияаад̇и жуд̣̇ид̇агзна жод̣̇агасса самаанабхааво аабад̇д̇иаабаннад̇ааяаад̇и ааха ‘‘самаанод̇и саабад̇д̇иго’’д̇и. саббадибуг̇г̇алзнзвасса жод̣̇анижчааяа гааран̣ам̣ вибхаавзд̇ум̣ ‘‘аяа’’нд̇иаад̣̇и вуд̇д̇ам̣. на жааяам̣ саабад̇д̇игад̇ааяа зва самаанад̇ам̣ ижчад̇и, ат̇а ко ан̃н̃ат̇аабийд̇и д̣̇ассзнд̇о ‘‘абижаа’’д̇иаад̣̇имааха. ан̃н̃зна ваа бадибуг̇г̇алзна саббадибуг̇г̇ало. аяан̃хи ‘‘саббадибуг̇г̇алова мам̣ жод̣̇зяяаа’’д̇и ижчад̇и ‘‘зваахам̣ д̇асса бадибуг̇г̇алзхи сад̣̇д̇хим̣ згаж̇жхаасаяо худ̇ваа д̇асса убари гин̃жи вад̇д̇ум̣ гаад̇ум̣ ваа лабхиссаамий’’д̇и ман̃н̃амаано . имасмим̣ бана багкз но аббадибуг̇г̇алод̇и над̇т̇и зд̇асса бадибуг̇г̇алод̇и аббадибуг̇г̇алод̇и звамад̇т̇о взд̣̇ид̇аб̣б̣о.
Codanāya paṭipuggalabhāvo, codanā ca āpattiyāti cuditakena codakassa samānabhāvo āpattiāpannatāyāti āha ‘‘samānoti sāpattiko’’ti. Sappaṭipuggalenevassa codanicchāya kāraṇaṃ vibhāvetuṃ ‘‘aya’’ntiādi vuttaṃ. Na cāyaṃ sāpattikatāya eva samānataṃ icchati, atha kho aññathāpīti dassento ‘‘apicā’’tiādimāha. Aññena vā paṭipuggalena sappaṭipuggalo. Ayañhi ‘‘sappaṭipuggalova maṃ codeyyā’’ti icchati ‘‘evāhaṃ tassa paṭipuggalehi saddhiṃ ekajjhāsayo hutvā tassa upari kiñci vattuṃ kātuṃ vā labhissāmī’’ti maññamāno. Imasmiṃ pana pakkhe no appaṭipuggaloti natthi etassa paṭipuggaloti appaṭipuggaloti evamattho veditabbo.
‘‘ахо вад̇аа’’д̇и ид̣̇ам̣ бад̣̇ам̣ д̣̇иссад̇ийд̇и самб̣анд̇хо, имасса буг̇г̇аласса ижчаажаарз тид̇ад̇д̇аа бхигкуунам̣ д̇хаммам̣ д̣̇зсзяяаад̇и важанад̇о ‘‘д̇ан̃жа ко анумад̇ибужчааяаа’’д̇и вуд̇д̇ам̣. на хзса ‘‘сажжам̣ гира д̇вам̣ бхигкуу’’д̇иаад̣̇инаа гин̃жи вийд̇иггамам̣ уд̣̇д̣̇исса бхаг̇авад̇аа бужчид̇аб̣б̣ад̇ам̣ ижчад̇и. но маг̇г̇ам̣ ваа палам̣ ваа вибассанам̣ ваа анд̇арам̣ гад̇ваад̇и маг̇г̇абхааванам̣ ваа паласажчигирияам̣ ваа сикааббад̇д̇авибассанаануяог̇ам̣ ваа нирод̇хасамаабаж̇ж̇анам̣ ваа жхаанасамаабаж̇ж̇анамзва ваа анд̇арам̣ гааран̣ам̣ гад̇ваа бхаг̇авад̇аа ад̇д̇аанам̣ бадибужчид̇аб̣б̣ам̣ но ижчад̇и. нижжам̣ анижжанд̇иаад̣̇инаа анумад̇иг̇г̇ахан̣авасзна бужчид̇аб̣б̣ам̣ ижчад̇и, уд̇д̇аанамзва гад̇ваа бужчид̇аб̣б̣ам̣ ижчад̇ийд̇и ад̇т̇о. убахаранд̇з бассад̇ийд̇и самб̣анд̇хо. абхаб̣б̣адтаанабхигкуд̇ааяа нихариссанд̇и саасанад̇о.
‘‘Aho vatā’’ti idaṃ padaṃ dissatīti sambandho, imassa puggalassa icchācāre ṭhitattā bhikkhūnaṃ dhammaṃ deseyyāti vacanato ‘‘tañca kho anumatipucchāyā’’ti vuttaṃ. Na hesa ‘‘saccaṃ kira tvaṃ bhikkhū’’tiādinā kiñci vītikkamaṃ uddissa bhagavatā pucchitabbataṃ icchati. No maggaṃ vā phalaṃ vā vipassanaṃ vā antaraṃ katvāti maggabhāvanaṃ vā phalasacchikiriyaṃ vā sikhāppattavipassanānuyogaṃ vā nirodhasamāpajjanaṃ vā jhānasamāpajjanameva vā antaraṃ kāraṇaṃ katvā bhagavatā attānaṃ paṭipucchitabbaṃ no icchati. Niccaṃ aniccantiādinā anumatiggahaṇavasena pucchitabbaṃ icchati, uttānameva katvā pucchitabbaṃ icchatīti attho. Upaharante passatīti sambandho. Abhabbaṭṭhānabhikkhutāya niharissanti sāsanato.
д̇ам̣ самбад̇д̇инд̇и бариваарасамбад̇д̇ин̃жзва бхигкуухи гарияамаанам̣ саггаараг̇аругаарасамбад̇д̇ин̃жа. г̇ахзд̇ваа барибхун̃ж̇анд̇и маяаа сам̣вибхааг̇з гарияамаанз. саяамзва бан̃н̃ааяад̇ийд̇и саяамзва г̇анд̇ваа бхигкуунам̣ бурад̇о ад̇д̇аанам̣ д̣̇ассзд̇и, бурад̇о васанд̇ам̣ бана бхигку бурагкад̇ваа г̇ажчанд̇иязваад̇и ад̇хиббааяо.
Taṃ sampattinti parivārasampattiñceva bhikkhūhi kariyamānaṃ sakkāragarukārasampattiñca. Gahetvā paribhuñjanti mayā saṃvibhāge kariyamāne. Sayameva paññāyatīti sayameva gantvā bhikkhūnaṃ purato attānaṃ dasseti, purato vasantaṃ pana bhikkhu purakkhatvā gacchantiyevāti adhippāyo.
д̣̇агкин̣од̣̇аганд̇и аг̇г̇ад̇о убанийяамаанам̣ д̣̇агкин̣од̣̇агам̣. яад̇о зва-гааро, д̇ад̇о ан̃н̃ад̇т̇а нияамо ижчид̇о. авад̇хааран̣ад̇т̇ам̣ ваа зва-гаараг̇г̇ахан̣анд̇и гад̇ваа ахамзва лабхзяяанд̇и ахам̣ лабхзяяамзваад̇и звамзд̇ам̣ авад̇хааран̣ам̣ д̣̇адтаб̣б̣анд̇и ад̇хиббааязнааха ‘‘ахамзва лабхзяяанд̇и ижчаа наад̇имахаасааваж̇ж̇аа’’д̇и, ан̃н̃ат̇аа яат̇ааруд̇авасзна авад̇хааран̣з г̇аяхамаанз ‘‘на ан̃н̃з лабхзяяу’’нд̇и аяамзвзд̇т̇а ад̇т̇о сияаад̇и. баасаад̣̇иго ход̇ийд̇и ид̣̇ам̣ д̇асса аг̇г̇аасанаад̣̇ибажжаасийсанааяа гааран̣ад̣̇ассанам̣.
Dakkhiṇodakanti aggato upanīyamānaṃ dakkhiṇodakaṃ. Yato eva-kāro, tato aññattha niyamo icchito. Avadhāraṇatthaṃ vā eva-kāraggahaṇanti katvā ahameva labheyyanti ahaṃ labheyyamevāti evametaṃ avadhāraṇaṃ daṭṭhabbanti adhippāyenāha ‘‘ahameva labheyyanti icchā nātimahāsāvajjā’’ti, aññathā yathārutavasena avadhāraṇe gayhamāne ‘‘na aññe labheyyu’’nti ayamevettha attho siyāti. Pāsādiko hotīti idaṃ tassa aggāsanādipaccāsīsanāya kāraṇadassanaṃ.
анумод̣̇ананд̇и ман̇г̇алааман̇г̇алзсу анумод̣̇анаавасзна бавад̇д̇зд̇аб̣б̣ад̇хаммагат̇ам̣. кан̣д̣аанумод̣̇ананд̇и анумод̣̇анзгад̣̇зсам̣. ‘‘буб̣б̣з анумод̣̇ид̇абуб̣б̣о анумод̣̇ад̇уу’’д̇и авад̇ваа т̇зрзна вуд̇д̇амад̇д̇зязва.
Anumodananti maṅgalāmaṅgalesu anumodanāvasena pavattetabbadhammakathaṃ. Khaṇḍānumodananti anumodanekadesaṃ. ‘‘Pubbe anumoditapubbo anumodatū’’ti avatvā therena vuttamatteyeva.
д̇аад̣̇исзсу таанзсууд̇и д̇аад̣̇исзсу бзсалаанам̣ б̣ахуссуд̇аанам̣ васанадтаанзсу. саб̣б̣амби рад̇им̣ бавад̇д̇анад̇о саб̣б̣арад̇д̇игаани. винижчаяагусалаананд̇и анзгавихид̇зсу ган̇кадтааниязсу ган̇каавинаяанааяа д̇ам̣ д̇ам̣ бан̃хаанам̣ винижчаяз гусалаанам̣ чзгаанам̣. д̇зсу д̇зсу д̇хаммагат̇игзсу аж̇жхидтзсу ваарзна д̇хаммам̣ гат̇знд̇зсу ‘‘аяам̣ б̣яад̇д̇о’’д̇и д̇хаммаж̇жхзсагзна аж̇жхидтад̇д̇аа огаасам̣ алабхамаано.
Tādisesu ṭhānesūti tādisesu pesalānaṃ bahussutānaṃ vasanaṭṭhānesu. Sabbampi ratiṃ pavattanato sabbarattikāni. Vinicchayakusalānanti anekavihitesu kaṅkhaṭṭhāniyesu kaṅkhāvinayanāya taṃ taṃ pañhānaṃ vinicchaye kusalānaṃ chekānaṃ. Tesu tesu dhammakathikesu ajjhiṭṭhesu vārena dhammaṃ kathentesu ‘‘ayaṃ byatto’’ti dhammajjhesakena ajjhiṭṭhattā okāsaṃ alabhamāno.
саггажжан̃жа гарзяяунд̇и бхигкуу яам̣ мама абхиваад̣̇анабажжудтаанан̃ж̇алигаммасаамийжигаммаад̣̇им̣ гаронд̇и. д̇ам̣ аад̣̇арзнзва гарзяяум̣, яан̃жа мз баригкаараж̇аад̇ам̣ бадияаад̣̇знд̇и, д̇амби сунд̣̇арам̣ саммад̣̇зва абхисан̇кад̇ам̣ гарзяяунд̇и ад̇т̇о. бхаарияанд̇и баасаан̣ажчад̇д̇ам̣ вияа г̇аругаад̇аб̣б̣ам̣. зд̇ам̣ вид̇хинд̇и зд̇ам̣ ‘‘саггарзяяу’’нд̇иаад̣̇инаа вуд̇д̇асаггаараад̣̇ивид̇хим̣. д̇знаад̇и д̇зна гааран̣зна, б̣аахусажжаад̣̇иг̇ун̣ависзсавад̇о зва саггаараад̣̇ийнам̣ арахад̇д̇аад̇и ад̇т̇о. зваруубанд̇и ийд̣̇исам̣ ‘‘бияо г̇аруу’’д̇иаад̣̇инаа (а. ни. 7.37) вуд̇д̇аббагаарам̣. звам̣ гарзяяунд̇и звам̣ ‘‘саггарзяяу’’нд̇иаад̣̇инаа вуд̇д̇аббагаарам̣ саггаараад̣̇им̣ гарзяяум̣. зса наяод̇и яояам̣ бхигкуваарз вуд̇д̇авид̇хи, зсзва наяо. ид̇о барзсу бхигкунийваараад̣̇ийсу ваарзсу.
Sakkaccañcakareyyunti bhikkhū yaṃ mama abhivādanapaccuṭṭhānañjalikammasāmīcikammādiṃ karonti. Taṃ ādareneva kareyyuṃ, yañca me parikkhārajātaṃ paṭiyādenti, tampi sundaraṃ sammadeva abhisaṅkhataṃ kareyyunti attho. Bhāriyanti pāsāṇacchattaṃ viya garukātabbaṃ. Etaṃ vidhinti etaṃ ‘‘sakkareyyu’’ntiādinā vuttasakkārādividhiṃ. Tenāti tena kāraṇena, bāhusaccādiguṇavisesavato eva sakkārādīnaṃ arahattāti attho. Evarūpanti īdisaṃ ‘‘piyo garū’’tiādinā (a. ni. 7.37) vuttappakāraṃ. Evaṃ kareyyunti evaṃ ‘‘sakkareyyu’’ntiādinā vuttappakāraṃ sakkārādiṃ kareyyuṃ. Esa nayoti yoyaṃ bhikkhuvāre vuttavidhi, eseva nayo. Ito paresu bhikkhunīvārādīsu vāresu.
ахамзва лаабхий ассанд̇и зд̇т̇ааби хздтаа вуд̇д̇анаязнзва авад̇хааран̣ам̣ г̇ахзд̇аб̣б̣ам̣. бин̣д̣абаад̇асса бан̣ийд̇ад̇аа убасзжанаад̣̇ивасзнаад̇и ааха ‘‘саббид̇зламад̇хусагкараад̣̇ибуурид̇аана’’нд̇и . ман̃жабийтаад̣̇ийнанд̇и нид̣̇ассанамад̇д̇ам̣ уд̇усаббааяаанам̣ ниваад̇аанам̣ пассид̇ад̇алаанам̣ бихид̇ад̣̇ваарагаваал̣аваад̇абаанаад̣̇ийнамби бан̣ийд̇асзнаасанабхаавад̇о. аад̣̇и-сад̣̇д̣̇зна ваа д̇зсамби г̇ахан̣ам̣ д̣̇адтаб̣б̣ам̣. саб̣б̣ад̇т̇аабийд̇и саб̣б̣зсу д̇зсу жад̇уусуби бажжаяаваарзсу.
Ahameva lābhī assanti etthāpi heṭṭhā vuttanayeneva avadhāraṇaṃ gahetabbaṃ. Piṇḍapātassa paṇītatā upasecanādivasenāti āha ‘‘sappitelamadhusakkharādipūritāna’’nti . Mañcapīṭhādīnanti nidassanamattaṃ utusappāyānaṃ nivātānaṃ phassitatalānaṃ pihitadvārakavāḷavātapānādīnampi paṇītasenāsanabhāvato. Ādi-saddena vā tesampi gahaṇaṃ daṭṭhabbaṃ. Sabbatthāpīti sabbesu tesu catūsupi paccayavāresu.
61. гааяагаммам̣ д̣̇исваад̇и ид̣̇ам̣ на гааяагаммам̣ жагкувин̃н̃зяяам̣, гааяагаммунаа бана саха бавад̇д̇ам̣ одтабарибпанд̣̇анам̣ бхаагудигаран̣ам̣ гааяан̇г̇аад̣̇ид̣̇ассанам̣ гааяагаммад̣̇ассанам̣ вияа ход̇ийд̇и гад̇ваа вуд̇д̇ам̣. важийгаммам̣ суд̇ваад̇и зд̇т̇ааби зсзва наяо, д̇асмаа гааяавигаараж̇анагаа д̇хаммаа ‘‘д̣̇иссанд̇ий’’д̇и вуд̇д̇аа, важийвигаараж̇анагаа ‘‘сууяанд̇ий’’д̇и. д̇ад̇о зва жа д̇з бажжагкагаалз саммукагаалз д̣̇иссанд̇и наама. д̇ирогкагаалз асаммукагаалз сууяанд̇и наама. ануруубад̇о г̇ахан̣ам̣ ануг̇г̇ахо. ааран̃н̃игад̇д̇анд̇и д̇асса бхигкуно д̇худ̇аг̇ун̣ад̇д̇аануруубад̇о г̇ан̣хаад̇и. д̇знааха ‘‘ааран̃н̃игад̇д̇ам̣ ануг̇г̇ан̣хаад̇ий’’д̇и. аран̃н̃з ниваасо ассаад̇и ааран̃н̃иго. банд̇ам̣ барияанд̇ам̣ д̣̇уурад̇арам̣ сзнаасанам̣ ассаад̇и банд̇асзнаасано. д̇ам̣ бана ад̇т̇амад̇д̇зна д̣̇ассзнд̇зна ‘‘банд̇асзнаасанз васад̇ий’’д̇и вуд̇д̇ам̣. бхигкаасан̇каад̇аанам̣ бин̣д̣аанам̣ баад̇о бин̣д̣аабаад̇о, д̇ам̣ бин̣д̣абаад̇ам̣ ун̃чад̇и г̇авзсад̇ийд̇и бин̣д̣абаад̇иго. бин̣д̣ааяа бад̇ид̇ум̣ жарид̇ум̣ вад̇амзд̇ассаад̇и ваа бин̣д̣абаад̇и, со зва бин̣д̣абаад̇иго. д̣̇аанад̇о авакан̣д̣анад̇о абзд̇ам̣ абад̣̇аанам̣, саха абад̣̇аанзна сабад̣̇аанам̣, анавакан̣д̣анам̣. анугхарам̣ жаран̣асийло сабад̣̇аанажаарий. уннад̇абхаавзна бам̣сугуулам̣ вияа бам̣сугуулам̣, бам̣су вияа ваа гужчид̇абхаавам̣ улад̇и г̇ажчад̇ийд̇и бам̣сугуулам̣, д̇асса д̇хааран̣ам̣ ид̇ха бам̣сугуулам̣, д̇ам̣ сийламассаад̇и бам̣сугуулиго.
61.Kāyakammaṃ disvāti idaṃ na kāyakammaṃ cakkhuviññeyyaṃ, kāyakammunā pana saha pavattaṃ oṭṭhaparipphandanaṃ bhākuṭikaraṇaṃ kāyaṅgādidassanaṃ kāyakammadassanaṃ viya hotīti katvā vuttaṃ. Vacīkammaṃ sutvāti etthāpi eseva nayo, tasmā kāyavikārajanakā dhammā ‘‘dissantī’’ti vuttā, vacīvikārajanakā ‘‘sūyantī’’ti. Tato eva ca te paccakkhakāle sammukhakāle dissanti nāma. Tirokkhakāle asammukhakāle sūyanti nāma. Anurūpato gahaṇaṃ anuggaho. Āraññikattanti tassa bhikkhuno dhutaguṇattānurūpato gaṇhāti. Tenāha ‘‘āraññikattaṃ anuggaṇhātī’’ti. Araññe nivāso assāti āraññiko. Pantaṃ pariyantaṃ dūrataraṃ senāsanaṃ assāti pantasenāsano. Taṃ pana atthamattena dassentena ‘‘pantasenāsane vasatī’’ti vuttaṃ. Bhikkhāsaṅkhātānaṃ piṇḍānaṃ pāto piṇḍāpāto, taṃ piṇḍapātaṃ uñchati gavesatīti piṇḍapātiko. Piṇḍāya patituṃ carituṃ vatametassāti vā piṇḍapāti, so eva piṇḍapātiko. Dānato avakhaṇḍanato apetaṃ apadānaṃ, saha apadānena sapadānaṃ, anavakhaṇḍanaṃ. Anugharaṃ caraṇasīlo sapadānacārī. Unnatabhāvena paṃsukūlaṃ viya paṃsukūlaṃ, paṃsu viya vā kucchitabhāvaṃ ulati gacchatīti paṃsukūlaṃ, tassa dhāraṇaṃ idha paṃsukūlaṃ, taṃ sīlamassāti paṃsukūliko.
д̇ийхи гааран̣зхи луукам̣ взд̣̇ид̇аб̣б̣ам̣ аг̇гхапассаван̣н̣абарихаанид̇о абам̣сугууламби, го бана ваад̣̇о бам̣сугууланд̇и ад̇хиббааяо. т̇уулад̣̇ийгхасуд̇д̇агзнаад̇и т̇уулзна оламб̣амаанзна д̣̇ийгхасуд̇д̇агзна. ван̣н̣знаад̇и зд̇т̇а пассзнаби барихааяад̇ийд̇и вад̇д̇аб̣б̣ам̣. д̇ан̃хи д̇ад̇т̇а карапассамби ход̇иязваад̇и. гасмаа бана баал̣ияам̣ ааран̃н̃игаад̣̇иг̇г̇ахан̣зна жад̇д̇аарова д̇худ̇аг̇ун̣аа вуд̇д̇аад̇и? бад̇хаанад̇д̇аа, д̇аг̇г̇ахан̣знзва жа ид̇о барзсамби сукабарибхог̇ад̇ааяа г̇ахан̣асамбхавад̇о. яо хи ааран̃н̃иго банд̇асзнаасано, д̇асса аб̣бхогаасига-ругкамуулига-нзсаж̇ж̇ига-яат̇аасант̇ад̇ига-сосааниган̇г̇аани субарибуураани. яо жа бин̣д̣абаад̇иго сабад̣̇аанажаарий жа, д̇асса бад̇д̇абин̣д̣игакалубажчаабхад̇д̇игазгаасаниган̇г̇аани. яо бана бам̣сугуулиго, д̇асса д̇зжийвариган̇г̇ам̣ субарихарамзваад̇и. бад̇хаанад̇д̇аа хи бхаг̇авад̇ааби ‘‘гад̣̇аахам̣ нанд̣̇ам̣ бассзяяам̣, ааран̃н̃ам̣ бам̣сугуулига’’нд̇иаад̣̇инаа (сам̣. ни. 2.242; нзд̇д̇и. 100) д̇ад̇т̇а д̇ад̇т̇а ааран̃н̃игаад̣̇аяо зва г̇аяханд̇и. зд̇д̇агаад̇и баал̣ияам̣ ааг̇ад̇аанам̣ барижчиж̇ж̇а г̇ахан̣амзд̇ам̣, на зд̇д̇агаа саб̣б̣зби згасса згам̣сад̇о самбхаванд̇и, нааби зд̇д̇агааязва баабад̇хаммаа бахаад̇аб̣б̣аа. на хи магкабал̣аасаад̣̇ийнам̣ аббахийнабхаавзби саб̣рахмажаарий нзва саггаронд̇и…бз… на бууж̇знд̇ийд̇и.
Tīhikāraṇehi lūkhaṃ veditabbaṃ agghaphassavaṇṇaparihānito apaṃsukūlampi, ko pana vādo paṃsukūlanti adhippāyo. Thūladīghasuttakenāti thūlena olambamānena dīghasuttakena. Vaṇṇenāti ettha phassenapi parihāyatīti vattabbaṃ. Tañhi tattha kharaphassampi hotiyevāti. Kasmā pana pāḷiyaṃ āraññikādiggahaṇena cattārova dhutaguṇā vuttāti? Padhānattā, taggahaṇeneva ca ito paresampi sukhaparibhogatāya gahaṇasambhavato. Yo hi āraññiko pantasenāsano, tassa abbhokāsika-rukkhamūlika-nesajjika-yathāsanthatika-sosānikaṅgāni suparipūrāni. Yo ca piṇḍapātiko sapadānacārī ca, tassa pattapiṇḍikakhalupacchābhattikaekāsanikaṅgāni. Yo pana paṃsukūliko, tassa tecīvarikaṅgaṃ supariharamevāti. Padhānattā hi bhagavatāpi ‘‘kadāhaṃ nandaṃ passeyyaṃ, āraññaṃ paṃsukūlika’’ntiādinā (saṃ. ni. 2.242; netti. 100) tattha tattha āraññikādayo eva gayhanti. Ettakāti pāḷiyaṃ āgatānaṃ paricchijja gahaṇametaṃ, na ettakā sabbepi ekassa ekaṃsato sambhavanti, nāpi ettakāyeva pāpadhammā pahātabbā. Na hi makkhapaḷāsādīnaṃ appahīnabhāvepi sabrahmacārī neva sakkaronti…pe… na pūjentīti.
д̇амад̇т̇анд̇и ‘‘яасса гассажий’’д̇иаад̣̇инаа вуд̇д̇амад̇т̇ам̣. убамааяа баагадам̣ гаронд̇од̇и анваяад̇о б̣яад̇ирзгад̇о жа уд̣̇аахаран̣зна вибхаавзнд̇о. ахигун̣абаад̣̇ийнам̣ ад̇ибадигуулаж̇иг̇ужчанийяад̇аа ад̇ивияа д̣̇уг̇г̇анд̇хад̇ааяа. саа жа ахийнам̣ д̇икин̣агобад̇ааяа, гуггурамануссаанам̣ од̣̇анагуммаасуубажаяад̇ааяа сарийрасса ход̇ийд̇и вад̣̇анд̇и. имзсанд̇и ахиаад̣̇ийнам̣. вад̣дхзд̇ваад̇и убаруубари кибанзна ражид̇ам̣ гад̇ваа. д̇ам̣ бана вад̣дхид̇ам̣ д̇зна жа бхааж̇анам̣ буурид̇ам̣ ход̇ийд̇и ааха ‘‘вад̣дхзд̇ваа барибуурзд̇ваа’’д̇и. ж̇анасса д̣̇ассанаяог̇яам̣ д̣̇ассанийяам̣ ж̇ан̃н̃ам̣, д̇ам̣ барамабарисуд̣̇д̇хам̣ манохаран̃жа ход̇ийд̇и ааха ‘‘жогкажогка’’нд̇и. абхинаванивидтаа махаамаад̇аа вад̇хугаа. саа бана буд̇д̇алаабхаяог̇яад̇ам̣ убаад̣̇ааяа ман̇г̇алаважанзна ‘‘ж̇аний’’д̇и вужжад̇и, д̇ассаа нияяамаанам̣ бан̣н̣аагаарам̣ ж̇анияаа харад̇ийд̇и ж̇ан̃н̃ам̣. убхаяад̇т̇аад̇и ад̇т̇ад̣̇ваяз. бунаруд̇д̇анд̇и аамзд̣ид̇аважанамааха. на манаабам̣ зд̇ассаад̇и аманаабо, д̇асса бхааво аманаабад̇аа, д̇ат̇аабавад̇д̇о жид̇д̇уббаад̣̇од̇и ааха ‘‘аманаабам̣ ид̣̇анд̇и…бз… ад̇хиважана’’нд̇и. б̣уд̣̇д̇хавзсад̇д̇аа лин̇г̇асса барисуд̣̇д̇хагам̣сабаад̇исад̣̇исагаа. гун̣абаражанам̣ вияа ижчааважарзхи санд̇аанасса бхарид̇абхааво. со бана д̇зсам̣ аббахийнад̇ааяаад̇и ааха ‘‘ижчааважараанам̣ аббахаана’’нд̇и.
Tamatthanti ‘‘yassa kassacī’’tiādinā vuttamatthaṃ. Upamāya pākaṭaṃ karontoti anvayato byatirekato ca udāharaṇena vibhāvento. Ahikuṇapādīnaṃ atipaṭikūlajigucchanīyatā ativiya duggandhatāya. Sā ca ahīnaṃ tikhiṇakopatāya, kukkuramanussānaṃ odanakummāsūpacayatāya sarīrassa hotīti vadanti. Imesanti ahiādīnaṃ. Vaḍḍhetvāti uparūpari khipanena racitaṃ katvā. Taṃ pana vaḍḍhitaṃ tena ca bhājanaṃ pūritaṃ hotīti āha ‘‘vaḍḍhetvā paripūretvā’’ti. Janassa dassanayogyaṃ dassanīyaṃ jaññaṃ, taṃ paramaparisuddhaṃ manoharañca hotīti āha ‘‘cokkhacokkha’’nti. Abhinavaniviṭṭhā mahāmātā vadhukā. Sā pana puttalābhayogyataṃ upādāya maṅgalavacanena ‘‘janī’’ti vuccati, tassā niyyamānaṃ paṇṇākāraṃ janiyā haratīti jaññaṃ. Ubhayatthāti atthadvaye. Punaruttanti āmeḍitavacanamāha. Na manāpaṃ etassāti amanāpo, tassa bhāvo amanāpatā, tathāpavatto cittuppādoti āha ‘‘amanāpaṃ idanti…pe… adhivacana’’nti. Buddhavesattā liṅgassa parisuddhakaṃsapātisadisakā. Kuṇaparacanaṃ viya icchāvacarehi santānassa bharitabhāvo. So pana tesaṃ appahīnatāyāti āha ‘‘icchāvacarānaṃ appahāna’’nti.
62. ‘‘д̇зна г̇ааманд̇авихаарам̣ ануг̇г̇ан̣хаад̇ий’’д̇и вад̇д̇аб̣б̣з ‘‘ааран̃н̃игад̇д̇а’’нд̇и бана бод̇т̇агз ликид̇ам̣. на хи суггабагкз баал̣ияам̣ ааран̃н̃игаг̇г̇ахан̣ам̣ ад̇т̇и, сад̇и жа ижчааважараббахаанз г̇ааманд̇авихааро зганд̇зна на бадигкибид̇аб̣б̣о, ижчид̇аб̣б̣ова д̇аад̣̇исаанам̣ уд̇д̇аримануссад̇хаммабадижчаад̣̇анад̇о . д̇ат̇аа хи вагкад̇и ‘‘аббижчад̇аасамудтаанзхий’’д̇иаад̣̇и. сааливарабхад̇д̇аражанам̣ вияа ижчааважараббахаанам̣ манун̃н̃абхаавад̇о д̇ид̇д̇ихзд̇уд̇о жа.
62. ‘‘Tena gāmantavihāraṃ anuggaṇhātī’’ti vattabbe ‘‘āraññikatta’’nti pana potthake likhitaṃ. Na hi sukkapakkhe pāḷiyaṃ āraññikaggahaṇaṃ atthi, sati ca icchāvacarappahāne gāmantavihāro ekantena na paṭikkhipitabbo, icchitabbova tādisānaṃ uttarimanussadhammapaṭicchādanato . Tathā hi vakkhati ‘‘appicchatāsamuṭṭhānehī’’tiādi. Sālivarabhattaracanaṃ viya icchāvacarappahānaṃ manuññabhāvato tittihetuto ca.
63. мам̣ д̇анд̇и жа убаяог̇аважанам̣ бади-сад̣̇д̣̇аяог̇зна, ад̇т̇о бана самбад̣̇аанамзваад̇и ааха ‘‘маяхам̣ д̇уяха’’нд̇и жа. ‘‘самаяз’’д̇и бхуммад̇т̇з ‘‘самаяа’’нд̇и убаяог̇аважанам̣. г̇иж̇жхагуудабан̣д̣аваисиг̇иливзбхааравзбуллабаб̣б̣ад̇аанам̣ васзна саманд̇ад̇о г̇ирибаригкзбзна. рааж̇аг̇ахзд̇и самийбад̇т̇з бхуммаважананд̇и ааха ‘‘д̇ам̣ ниссааяа вихараамий’’д̇и.
63.Maṃtanti ca upayogavacanaṃ paṭi-saddayogena, attho pana sampadānamevāti āha ‘‘mayhaṃ tuyha’’nti ca. ‘‘Samaye’’ti bhummatthe ‘‘samaya’’nti upayogavacanaṃ. Gijjhakūṭapaṇḍavaisigilivebhāravepullapabbatānaṃ vasena samantato giriparikkhepena. Rājagaheti samīpatthe bhummavacananti āha ‘‘taṃ nissāya viharāmī’’ti.
бураан̣аяаанагаарабуд̇д̇од̇и бураан̣з баб̣б̣аж̇ид̇ад̇о буб̣б̣з яаанагаарабуд̇д̇о д̇ат̇аабан̃н̃аад̇о. ж̇имханд̇и г̇омуд̇д̇агудилам̣. д̇знааха ‘‘саббаг̇ад̇амаг̇г̇асад̣̇иса’’нд̇и. сод̇и бан̣д̣убуд̇д̇о. ид̇арод̇и самид̇и. жинд̇ид̇адтаанамзваад̇и жинд̇ид̇ажинд̇ид̇адтаанамзва д̇ажчад̇и, д̇ан̃жа ко на д̇асса жид̇д̇аанусаарзна, ат̇а ко ад̇д̇ано суд̇д̇аанусаарзна д̇ажчанд̇о яаанагаарабуд̇д̇о. жид̇д̇анд̇и ад̇д̇ано жид̇д̇зна мама жид̇д̇ам̣ ж̇аанид̇ваа вияа.
Purāṇayānakāraputtoti purāṇe pabbajitato pubbe yānakāraputto tathāpaññāto. Jimhanti gomuttakuṭilaṃ. Tenāha ‘‘sappagatamaggasadisa’’nti. Soti paṇḍuputto. Itaroti samiti. Cintitaṭṭhānamevāti cintitacintitaṭṭhānameva tacchati, tañca kho na tassa cittānusārena, atha kho attano suttānusārena tacchanto yānakāraputto. Cittanti attano cittena mama cittaṃ jānitvā viya.
‘‘на сад̣̇д̇хааяа баб̣б̣аж̇ид̇о’’д̇и иминаава гаммапаласад̣̇д̇хааяа абхааво нзсам̣ багаасид̇од̇и ааха ‘‘ассад̣̇д̇хаад̇и б̣уд̣̇д̇хад̇хаммасан̇гхзсу сад̣̇д̇хаавирахид̇аа’’д̇и. баб̣б̣аж̇ид̇аанам̣ ж̇ийвигаа ад̇т̇о зд̇зсанд̇и ж̇ийвигад̇т̇аа. д̇знааха ‘‘ин̣абхаяаад̣̇ийхий’’д̇иаад̣̇и. гзраадигам̣ вужжад̇и саатзяяам̣. сатаанам̣ г̇ун̣аваан̣иж̇агаанам̣ гаммам̣ саатзяяанд̇и ааха ‘‘саатзяяан̃хий’’д̇иаад̣̇и. д̇ужчасабхаавзна маано нал̣о вияаад̇и нал̣о, маанасан̇каад̇о уг̇г̇ад̇о нал̣о зд̇зсанд̇и уннал̣аа. д̇знааха ‘‘удтид̇ад̇ужчамаанаа’’д̇и. лахугад̇ааяа ваа жабалаа. парусаважанад̇ааяа караважанаа. д̇иражчаанагат̇ааб̣ахулад̇ааяа нирад̇т̇агаважанабалаабино. асам̣вуд̇агаммад̣̇ваараад̇и ид̣̇ам̣ гаммад̣̇ваараад̣̇ийнам̣ асам̣вуд̇абхааво уббад̇д̇ид̣̇ваараанам̣ асам̣вуд̇ад̇ааяа зва ход̇ийд̇и гад̇ваа вуд̇д̇ам̣. ат̇а ваа часу инд̣̇риязсууд̇и нимид̇д̇з бхуммам̣, часу инд̣̇риязсу нимид̇д̇абхууд̇зсу асам̣вуд̇агаммад̣̇ваараад̇и ад̇т̇о. яаа мад̇д̇аад̇и бхож̇анз аяуд̇д̇абариязсана-аяуд̇д̇абадиг̇г̇ахан̣а-аяуд̇д̇абарибхог̇з важ̇ж̇зд̇ваа яуд̇д̇абариязсана-яуд̇д̇абадиг̇г̇ахан̣а-яуд̇д̇абарибхог̇асан̇каад̇аа яаа мад̇д̇аа аббамад̇д̇зхи ж̇аанид̇аб̣б̣аа. д̇знааха ‘‘яуд̇д̇ад̇аа’’д̇и. ж̇ааг̇арзд̇и рад̇д̇инд̣̇ивам̣ ааваран̣иязхи д̇хаммзхи жид̇д̇абарисод̇ханасан̇каад̇з ж̇ааг̇арз. д̇зсам̣ ж̇ааг̇арид̇ааяа ад̇хисийласигкааяа г̇аараварахид̇аанам̣ ид̇арасигкаасу бад̇идтаа зва над̇т̇ийд̇и д̣̇ассзнд̇о ‘‘сигкаабад̣̇зсу б̣ахулаг̇аараваа на хонд̇ий’’д̇и вад̇ваа д̇амзва г̇аараваабхаавам̣ саруубзна вибхаавзнд̇о ‘‘аабад̇д̇ивийд̇иггамаб̣ахулаа’’д̇и ааха.
‘‘Na saddhāya pabbajito’’ti imināva kammaphalasaddhāya abhāvo nesaṃ pakāsitoti āha ‘‘assaddhāti buddhadhammasaṅghesu saddhāvirahitā’’ti. Pabbajitānaṃ jīvikā attho etesanti jīvikatthā. Tenāha ‘‘iṇabhayādīhī’’tiādi. Kerāṭikaṃ vuccati sāṭheyyaṃ. Saṭhānaṃ guṇavāṇijakānaṃ kammaṃ sāṭheyyanti āha ‘‘sāṭheyyañhī’’tiādi. Tucchasabhāvena māno naḷo viyāti naḷo, mānasaṅkhāto uggato naḷo etesanti unnaḷā. Tenāha ‘‘uṭṭhitatucchamānā’’ti. Lahukatāya vā capalā. Pharusavacanatāya kharavacanā. Tiracchānakathābahulatāya niratthakavacanapalāpino. Asaṃvutakammadvārāti idaṃ kammadvārādīnaṃ asaṃvutabhāvo uppattidvārānaṃ asaṃvutatāya eva hotīti katvā vuttaṃ. Atha vā chasu indriyesūti nimitte bhummaṃ, chasu indriyesu nimittabhūtesu asaṃvutakammadvārāti attho. Yā mattāti bhojane ayuttapariyesana-ayuttapaṭiggahaṇa-ayuttaparibhoge vajjetvā yuttapariyesana-yuttapaṭiggahaṇa-yuttaparibhogasaṅkhātā yā mattā appamattehi jānitabbā. Tenāha ‘‘yuttatā’’ti. Jāgareti rattindivaṃ āvaraṇiyehi dhammehi cittaparisodhanasaṅkhāte jāgare. Tesaṃ jāgaritāya adhisīlasikkhāya gāravarahitānaṃ itarasikkhāsu patiṭṭhā eva natthīti dassento ‘‘sikkhāpadesu bahulagāravā na hontī’’ti vatvā tameva gāravābhāvaṃ sarūpena vibhāvento ‘‘āpattivītikkamabahulā’’ti āha.
багад̇ияааби сид̣̇д̇хааяа рад̇анад̇д̇аяасад̣̇д̇хааяа гаммапаласад̣̇д̇хааяа жа сад̣̇д̇хаа. биванд̇и ман̃н̃з яат̇аа д̇ам̣ д̣̇равабхууд̇ам̣ амад̇ам̣ лад̣̇д̇хаа. гхасанд̇и ман̃н̃з яат̇аа д̇ам̣ б̣ахалабин̣д̣игасуд̇хаабхож̇анам̣ лад̣̇д̇хаа. ад̇д̇аманаваажам̣ нижчаарзнд̇аа ‘‘саад̇ху саад̇хуу’’д̇и. д̇амзва бана саад̇хугаарам̣ хад̣̇аяз табзд̇ваа аб̣бханумод̣̇анд̇аа. зд̇т̇а жа ад̇д̇аманаваажаанижчааран̣ам̣ биванасад̣̇исам̣ гад̇ваа вуд̇д̇ам̣ б̣ахид̣̇д̇хаабхаавад̇о, манасаа аб̣бханумод̣̇анам̣ бана аб̣бханд̇арабхаавад̇о гхасанасад̣̇исам̣ вуд̇д̇ам̣. сан̇каад̣̇анаж̇жхохаран̣ан̃хи гхасананд̇и. рассан̃жа згаважанам̣ ход̇ийд̇и ааха ‘‘рассз сад̇и саарибуд̇д̇асса убари ход̇ий’’д̇и. д̣̇ийгхан̃жа б̣ахуважанам̣ ход̇ийд̇и ааха ‘‘д̣̇ийгхз сад̇и саб̣рахмажаарийна’’нд̇и. ‘‘убари ход̇ий’’д̇и аанзд̇ваа самб̣анд̇хо. ааласияаб̣яасанаад̣̇ийхийд̇и ааласиязна ваа н̃аад̇иб̣яасанаад̣̇ийхи ваа. ‘‘махаанааг̇аад̇и вужжанд̇ий’’д̇и вад̇ваа д̇ад̇т̇а гааран̣ам̣ вибхаавзнд̇о ‘‘д̇ад̇раа’’д̇иаад̣̇имааха. д̇ад̇т̇а ‘‘на г̇ажчанд̇ийд̇и нааг̇аа, на ааг̇ажчанд̇ийд̇и нааг̇аа, на ааг̇ум̣ гаронд̇ийд̇и нааг̇аа’’д̇и яо вивид̇хо важанад̇т̇о ижчид̇о, д̇ам̣ вижаарзд̇ваа д̣̇ассзд̇ум̣ ‘‘чанд̣̇аад̣̇ийхий’’д̇иаад̣̇и вуд̇д̇ам̣, д̇ам̣ бана н̃зяяааваб̣од̇хааяа важанад̇о аббамад̇д̇агааран̣ам̣.
Pakatiyāpi siddhāya ratanattayasaddhāya kammaphalasaddhāya ca saddhā. Pivanti maññe yathā taṃ dravabhūtaṃ amataṃ laddhā. Ghasanti maññe yathā taṃ bahalapiṇḍikasudhābhojanaṃ laddhā. Attamanavācaṃ nicchārentā ‘‘sādhu sādhū’’ti. Tameva pana sādhukāraṃ hadaye ṭhapetvā abbhanumodantā. Ettha ca attamanavācānicchāraṇaṃ pivanasadisaṃ katvā vuttaṃ bahiddhābhāvato, manasā abbhanumodanaṃ pana abbhantarabhāvato ghasanasadisaṃ vuttaṃ. Saṅkhādanajjhoharaṇañhi ghasananti. Rassañca ekavacanaṃ hotīti āha ‘‘rasse sati sāriputtassa upari hotī’’ti. Dīghañca bahuvacanaṃ hotīti āha ‘‘dīghe sati sabrahmacārīna’’nti. ‘‘Upari hotī’’ti ānetvā sambandho. Ālasiyabyasanādīhīti ālasiyena vā ñātibyasanādīhi vā. ‘‘Mahānāgāti vuccantī’’ti vatvā tattha kāraṇaṃ vibhāvento ‘‘tatrā’’tiādimāha. Tattha ‘‘na gacchantīti nāgā, na āgacchantīti nāgā, na āguṃ karontīti nāgā’’ti yo vividho vacanattho icchito, taṃ vicāretvā dassetuṃ ‘‘chandādīhī’’tiādi vuttaṃ, taṃ pana ñeyyāvabodhāya vacanato appamattakāraṇaṃ.
саяамзва ааг̇ум̣ на гарод̇и саб̣б̣ат̇аа маг̇г̇зна бахийнаааг̇уд̇д̇аа. со гаамаяог̇аад̣̇игз саб̣б̣асам̣яог̇з д̣̇асавид̇хасам̣яож̇анаббабхзд̣̇аани жа саб̣б̣аб̣анд̇ханаани висаж̇ж̇а ж̇ахид̇ваа саб̣б̣ад̇т̇а яагкаад̣̇ийсу, саб̣б̣зсу ваа бхавзсу гзнажи сан̇г̇зна на саж̇ж̇ад̇и д̇ийхи жа вимуд̇д̇ийхи вимуд̇д̇о, д̇ад̇о зва идтаад̣̇ийсу д̇аад̣̇ибхааваббад̇д̇ияаа д̇аад̣̇и, со вуд̇д̇алагкан̣зна д̇ат̇ад̇д̇аа д̇ам̣сабхаавад̇д̇аа нааг̇о бавужжад̇зд̇и ад̇т̇о взд̣̇ид̇аб̣б̣о. д̇знааха ‘‘звамзд̇т̇а ад̇т̇о взд̣̇ид̇аб̣б̣о’’д̇и. ан̃н̃зхи кийн̣аасаванааг̇зхи аг̇г̇асаавагад̇д̇аа г̇ун̣ависзсаяог̇ад̇о буж̇ж̇ад̇араа жа баасам̣сад̇араа жа. самам̣ анумод̣̇исунд̇и ан̃н̃аман̃н̃асса субхаасид̇ад̇о самбадижчанзна самаббавад̇д̇амод̣̇ад̇ааяа самам̣ сад̣̇исам̣ аб̣бханумод̣̇им̣су. д̇ам̣ бана саманумод̣̇анам̣ ‘‘д̇ад̇т̇аа’’д̇иаад̣̇инаа баал̣ивасзнзва д̣̇ассзд̇и.
Sayameva āguṃ na karoti sabbathā maggena pahīnaāguttā. So kāmayogādike sabbasaṃyoge dasavidhasaṃyojanappabhedāni ca sabbabandhanāni visajja jahitvā sabbattha yakkhādīsu, sabbesu vā bhavesu kenaci saṅgena na sajjati tīhi ca vimuttīhi vimutto, tato eva iṭṭhādīsu tādibhāvappattiyā tādi, so vuttalakkhaṇena tathattā taṃsabhāvattā nāgo pavuccateti attho veditabbo. Tenāha ‘‘evamettha attho veditabbo’’ti. Aññehi khīṇāsavanāgehi aggasāvakattā guṇavisesayogato pujjatarā ca pāsaṃsatarā ca. Samaṃ anumodisunti aññamaññassa subhāsitato sampaṭicchanena samappavattamodatāya samaṃ sadisaṃ abbhanumodiṃsu. Taṃ pana samanumodanaṃ ‘‘tatthā’’tiādinā pāḷivaseneva dasseti.
саммуд̇ибарамад̇т̇ад̣̇зсанаагат̇ааван̣н̣анаа нидтид̇аа.
Sammutiparamatthadesanākathāvaṇṇanā niṭṭhitā.
анан̇г̇ан̣асуд̇д̇аван̣н̣анааяа лийнад̇т̇аббагаасанаа самад̇д̇аа.
Anaṅgaṇasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. анан̇г̇ан̣асуд̇д̇ам̣ • 5. Anaṅgaṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. анан̇г̇ан̣асуд̇д̇аван̣н̣анаа • 5. Anaṅgaṇasuttavaṇṇanā
