| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
3. ананд̇арабажжаяагат̇ааван̣н̣анаа
3. Anantarapaccayakathāvaṇṇanā
693-697. ид̣̇аани ананд̇арабажжаяагат̇аа наама ход̇и. д̇ад̇т̇а нажжаг̇ийд̇аад̣̇ийсу руубад̣̇ассанасад̣̇д̣̇асаванаад̣̇ийнам̣ лахубаривад̇д̇ид̇ам̣ д̣̇исваа ‘‘имаани вин̃н̃аан̣аани ан̃н̃аман̃н̃асса ананд̇араа уббаж̇ж̇анд̇ий’’д̇и язсам̣ лад̣̇д̇хи, сзяяат̇ааби уд̇д̇араабат̇агаанам̣; д̇з санд̇хааяа жагкувин̃н̃аан̣ассаад̇и бужчаа сагаваад̣̇исса, бадин̃н̃аа ид̇арасса. сод̇авин̃н̃аан̣ам̣ руубаарамман̣ам̣язваад̇и яад̣̇и жагкувин̃н̃аан̣асса ананд̇араа уббаж̇ж̇зяяа, вибаагаманод̇хаад̇у вияа руубаарамман̣ам̣ сияаад̇и жод̣̇зд̇ум̣ вуд̇д̇ам̣. жагкун̃жа бадижжа руубз жа уббаж̇ж̇ад̇и сод̇авин̃н̃аан̣анд̇и бан̃хзсу суд̇д̇аабхаавзна бадигкибид̇ваа ананд̇аруббад̇д̇им̣ саллагкзнд̇о лад̣̇д̇хивасзна бадиж̇аанаад̇и. д̇ан̃н̃зва жагкувин̃н̃аан̣ам̣ д̇ам̣ сод̇авин̃н̃аан̣анд̇и яат̇аа батамаж̇аванаананд̇арам̣ д̣̇уд̇ияаж̇аванам̣ мановин̃н̃аан̣абхаавзна д̇ан̃н̃зва ход̇и, гим̣ д̇з д̇ат̇аа зд̇амби д̣̇ваяам̣ згамзваад̇и бужчад̇и. иминаа наязна саб̣б̣аваарзсу ад̇т̇о взд̣̇ид̇аб̣б̣о. нажжад̇и г̇ааяад̇ийд̇иаад̣̇иважанам̣ аарамман̣асамод̇хаанз лахубаривад̇д̇ид̇ааяа вогин̣н̣абхаавам̣ д̣̇ийбзд̇и, на ананд̇арабажжаяад̇ам̣, д̇асмаа асаад̇хаганд̇и.
693-697. Idāni anantarapaccayakathā nāma hoti. Tattha naccagītādīsu rūpadassanasaddasavanādīnaṃ lahuparivattitaṃ disvā ‘‘imāni viññāṇāni aññamaññassa anantarā uppajjantī’’ti yesaṃ laddhi, seyyathāpi uttarāpathakānaṃ; te sandhāya cakkhuviññāṇassāti pucchā sakavādissa, paṭiññā itarassa. Sotaviññāṇaṃ rūpārammaṇaṃyevāti yadi cakkhuviññāṇassa anantarā uppajjeyya, vipākamanodhātu viya rūpārammaṇaṃ siyāti codetuṃ vuttaṃ. Cakkhuñca paṭicca rūpe ca uppajjati sotaviññāṇanti pañhesu suttābhāvena paṭikkhipitvā anantaruppattiṃ sallakkhento laddhivasena paṭijānāti. Taññeva cakkhuviññāṇaṃtaṃ sotaviññāṇanti yathā paṭhamajavanānantaraṃ dutiyajavanaṃ manoviññāṇabhāvena taññeva hoti, kiṃ te tathā etampi dvayaṃ ekamevāti pucchati. Iminā nayena sabbavāresu attho veditabbo. Naccati gāyatītiādivacanaṃ ārammaṇasamodhāne lahuparivattitāya vokiṇṇabhāvaṃ dīpeti, na anantarapaccayataṃ, tasmā asādhakanti.
ананд̇арабажжаяагат̇ааван̣н̣анаа.
Anantarapaccayakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (138) 3. ананд̇арабажжаяагат̇аа • (138) 3. Anantarapaccayakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. ананд̇арабажжаяагат̇ааван̣н̣анаа • 3. Anantarapaccayakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. ананд̇арабажжаяагат̇ааван̣н̣анаа • 3. Anantarapaccayakathāvaṇṇanā
