| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. ананд̇арабажжаяанид̣̇д̣̇зсаван̣н̣анаа
4. Anantarapaccayaniddesavaṇṇanā
4. ананд̇арабажжаяанид̣̇д̣̇зсз манод̇хаад̇уяаад̇и вибаагаманод̇хаад̇уяаа. мановин̃н̃аан̣ад̇хаад̇уяаад̇и санд̇ийран̣агижжааяа ахзд̇угавибаагамановин̃н̃аан̣ад̇хаад̇уяаа. д̇ад̇о барам̣ бана водтаб̣б̣анаж̇аванад̇ад̣̇аарамман̣абхаван̇г̇агижжаа мановин̃н̃аан̣ад̇хаад̇уяо вад̇д̇аб̣б̣аа сияум̣, д̇аа авуд̇д̇ааби иминаава наязна взд̣̇ид̇аб̣б̣аад̇и наяам̣ д̣̇ассзд̇ваа д̣̇зсанаа сан̇кид̇д̇аа. ‘‘буримаа буримаа гусалаа д̇хаммаа’’д̇иаад̣̇игз жа чадтанаяз д̇аа сан̇г̇ахид̇аад̇иби ид̇ха на вуд̇д̇аад̇и взд̣̇ид̇аб̣б̣аа. д̇ад̇т̇а буримаа буримаад̇и часу д̣̇ваарзсуби ананд̇араад̇ийд̇аа гусалаж̇аванад̇хаммаа д̣̇адтаб̣б̣аа. бажчимаанам̣ бажчимаананд̇и ананд̇арауббаж̇ж̇амаанаанан̃н̃зва. гусалаананд̇и сад̣̇исагусалаанам̣. аб̣яаагад̇аананд̇и ид̣̇ам̣ бана гусалаананд̇арам̣ д̇ад̣̇аарамман̣абхаван̇г̇апаласамаабад̇д̇ивасзна вуд̇д̇ам̣. агусаламуулагз аб̣яаагад̇аананд̇и д̇ад̣̇аарамман̣абхаван̇г̇асан̇каад̇аанан̃н̃зва. аб̣яаагад̇амуулагз аб̣яаагад̇аананд̇и ааваж̇ж̇анаж̇аванавасзна ваа бхаван̇г̇авасзна ваа бавад̇д̇аанам̣ гирияавибаагааб̣яаагад̇аанам̣ гирияаманод̇хаад̇уд̇о бадтааяа бана яаава водтаб̣б̣анагижжаа мановин̃н̃аан̣ад̇хаад̇у, д̇аава бавад̇д̇зсу вийт̇ижид̇д̇зсуби аяам̣ наяо лаб̣бхад̇зва. гусалаананд̇и бан̃жад̣̇ваарз водтаб̣б̣анаананд̇араанам̣ манод̣̇ваарз ааваж̇ж̇анаанд̇араанам̣ батамаж̇аванагусалаанам̣. агусалаананд̇и бад̣̇зби зсзва наяо. язсам̣ язсанд̇и ид̣̇ам̣ саб̣б̣зсамби ананд̇арабажжаяад̇хаммаанам̣. сан̇кзбалагкан̣анд̇и аяам̣ д̇аавзд̇т̇а баал̣иван̣н̣анаа.
4. Anantarapaccayaniddese manodhātuyāti vipākamanodhātuyā. Manoviññāṇadhātuyāti santīraṇakiccāya ahetukavipākamanoviññāṇadhātuyā. Tato paraṃ pana voṭṭhabbanajavanatadārammaṇabhavaṅgakiccā manoviññāṇadhātuyo vattabbā siyuṃ, tā avuttāpi imināva nayena veditabbāti nayaṃ dassetvā desanā saṅkhittā. ‘‘Purimā purimā kusalā dhammā’’tiādike ca chaṭṭhanaye tā saṅgahitātipi idha na vuttāti veditabbā. Tattha purimā purimāti chasu dvāresupi anantarātītā kusalajavanadhammā daṭṭhabbā. Pacchimānaṃ pacchimānanti anantarauppajjamānānaññeva. Kusalānanti sadisakusalānaṃ. Abyākatānanti idaṃ pana kusalānantaraṃ tadārammaṇabhavaṅgaphalasamāpattivasena vuttaṃ. Akusalamūlake abyākatānanti tadārammaṇabhavaṅgasaṅkhātānaññeva. Abyākatamūlake abyākatānanti āvajjanajavanavasena vā bhavaṅgavasena vā pavattānaṃ kiriyavipākābyākatānaṃ kiriyamanodhātuto paṭṭhāya pana yāva voṭṭhabbanakiccā manoviññāṇadhātu, tāva pavattesu vīthicittesupi ayaṃ nayo labbhateva. Kusalānanti pañcadvāre voṭṭhabbanānantarānaṃ manodvāre āvajjanāntarānaṃ paṭhamajavanakusalānaṃ. Akusalānanti padepi eseva nayo. Yesaṃ yesanti idaṃ sabbesampi anantarapaccayadhammānaṃ. Saṅkhepalakkhaṇanti ayaṃ tāvettha pāḷivaṇṇanā.
аяам̣ бана ананд̇арабажжаяо наама табзд̇ваа ниб̣б̣аанам̣ жад̇убхуумаго аруубад̇хаммараасиязваад̇и взд̣̇ид̇аб̣б̣о. со ж̇аад̇ивасзна гусалаагусалавибаагагирияад̇о жад̇уд̇хаа бхиж̇ж̇ад̇и. д̇ад̇т̇а гусало гаамааважараад̣̇ибхзд̣̇ад̇о жад̇уб̣б̣ид̇хо ход̇и, агусало гаамааважарова вибааго жад̇убхуумаго, гирияаананд̇арабажжаяо бана д̇з бхуумагод̇и звамзд̇т̇а наанаббагаарабхзд̣̇ад̇о вин̃н̃аад̇аб̣б̣о винижчаяо.
Ayaṃ pana anantarapaccayo nāma ṭhapetvā nibbānaṃ catubhūmako arūpadhammarāsiyevāti veditabbo. So jātivasena kusalākusalavipākakiriyato catudhā bhijjati. Tattha kusalo kāmāvacarādibhedato catubbidho hoti, akusalo kāmāvacarova vipāko catubhūmako, kiriyānantarapaccayo pana te bhūmakoti evamettha nānappakārabhedato viññātabbo vinicchayo.
звам̣ бхиннз банзд̇т̇а гаамааважарагусало ад̇д̇анаа сад̣̇исассзва гаамааважарагусаласса ананд̇арабажжаяо ход̇и. н̃аан̣асамбаяуд̇д̇агаамааважарагусало бана руубааважарагусаласса аруубааважарагусаласса логуд̇д̇арагусалассаад̇и имзсам̣ д̇ин̣н̣ам̣ раасийнам̣ ананд̇арабажжаяо ход̇и. гаамааважарагусало жа гаамааважаравибаагасса, руубааважарааруубааважаравибаагасса, н̃аан̣асамбаяуд̇д̇о логуд̇д̇аравибаагассаабийд̇и имзсам̣ жад̇уннам̣ раасийнам̣ ананд̇арабажжаяо ход̇и. руубааважарагусало руубааважарагусаласса, н̃аан̣асамбаяуд̇д̇агаамааважаравибаагасса, руубааважаравибаагассаад̇и имзсам̣ д̇ин̣н̣ам̣ раасийнам̣ ананд̇арабажжаяо ход̇и. аруубааважарагусало д̇зсам̣ д̣̇виннам̣ вибаагаанам̣ ад̇д̇ано гусаласса вибаагасса жаад̇и ависзсзна жад̇уннам̣ раасийнам̣ ананд̇арабажжаяо ход̇и. висзсзна банзд̇т̇а нзвасан̃н̃аанаасан̃н̃ааяад̇анагусало анааг̇аамипаласан̇каад̇асса логуд̇д̇аравибаагассаби ананд̇арабажжаяо ход̇и. логуд̇д̇арагусало логуд̇д̇аравибаагассзва ананд̇арабажжаяо ход̇и. агусало ависзсзна агусаласса жзва гусалаагусалавибаагасса жа. висзсзна банзд̇т̇а сукамаж̇жхад̇д̇авзд̣̇анаасамбаяуд̇д̇о агусало руубааважарааруубааважаравибаагассаабийд̇и имзсам̣ жад̇уннам̣ раасийнам̣ ананд̇арабажжаяо ход̇и.
Evaṃ bhinne panettha kāmāvacarakusalo attanā sadisasseva kāmāvacarakusalassa anantarapaccayo hoti. Ñāṇasampayuttakāmāvacarakusalo pana rūpāvacarakusalassa arūpāvacarakusalassa lokuttarakusalassāti imesaṃ tiṇṇaṃ rāsīnaṃ anantarapaccayo hoti. Kāmāvacarakusalo ca kāmāvacaravipākassa, rūpāvacarārūpāvacaravipākassa, ñāṇasampayutto lokuttaravipākassāpīti imesaṃ catunnaṃ rāsīnaṃ anantarapaccayo hoti. Rūpāvacarakusalo rūpāvacarakusalassa, ñāṇasampayuttakāmāvacaravipākassa, rūpāvacaravipākassāti imesaṃ tiṇṇaṃ rāsīnaṃ anantarapaccayo hoti. Arūpāvacarakusalo tesaṃ dvinnaṃ vipākānaṃ attano kusalassa vipākassa cāti avisesena catunnaṃ rāsīnaṃ anantarapaccayo hoti. Visesena panettha nevasaññānāsaññāyatanakusalo anāgāmiphalasaṅkhātassa lokuttaravipākassapi anantarapaccayo hoti. Lokuttarakusalo lokuttaravipākasseva anantarapaccayo hoti. Akusalo avisesena akusalassa ceva kusalākusalavipākassa ca. Visesena panettha sukhamajjhattavedanāsampayutto akusalo rūpāvacarārūpāvacaravipākassāpīti imesaṃ catunnaṃ rāsīnaṃ anantarapaccayo hoti.
гаамааважаравибаагасса н̃аан̣асамбаяуд̇д̇о ваа н̃аан̣авиббаяуд̇д̇о ваа вибааго гаамааважарагирияааваж̇ж̇анасса, н̃аан̣асамбаяуд̇д̇авибааго банзд̇т̇а бадисанд̇хивасзна уббаж̇ж̇амаанасса руубааважарааруубааважаравибаагассаабийд̇и имзсам̣ жад̇уннам̣ раасийнам̣ ананд̇арабажжаяо ход̇и. руубааважаравибааго сахзд̇угагаамааважаравибаагасса руубааважарааруубааважаравибаагасса гаамааважарагирияааваж̇ж̇анассаад̇и имзсам̣ жад̇уннам̣ раасийнам̣ ананд̇арабажжаяо ход̇и. аруубааважаравибааго д̇ихзд̇угагаамааважаравибаагасса аруубааважаравибаагасса гаамааважарагирияааваж̇ж̇анассаад̇и д̇ин̣н̣ам̣ раасийнам̣ ананд̇арабажжаяо ход̇и. логуд̇д̇аравибааго д̇ихзд̇угагаамааважаравибаагасса руубааважарааруубааважаралогуд̇д̇аравибаагассаад̇и жад̇уннам̣ раасийнам̣ ананд̇арабажжаяо ход̇и.
Kāmāvacaravipākassa ñāṇasampayutto vā ñāṇavippayutto vā vipāko kāmāvacarakiriyāvajjanassa, ñāṇasampayuttavipāko panettha paṭisandhivasena uppajjamānassa rūpāvacarārūpāvacaravipākassāpīti imesaṃ catunnaṃ rāsīnaṃ anantarapaccayo hoti. Rūpāvacaravipāko sahetukakāmāvacaravipākassa rūpāvacarārūpāvacaravipākassa kāmāvacarakiriyāvajjanassāti imesaṃ catunnaṃ rāsīnaṃ anantarapaccayo hoti. Arūpāvacaravipāko tihetukakāmāvacaravipākassa arūpāvacaravipākassa kāmāvacarakiriyāvajjanassāti tiṇṇaṃ rāsīnaṃ anantarapaccayo hoti. Lokuttaravipāko tihetukakāmāvacaravipākassa rūpāvacarārūpāvacaralokuttaravipākassāti catunnaṃ rāsīnaṃ anantarapaccayo hoti.
гаамааважарагирияам̣ гаамааважарагусалаагусаласса жад̇убхуумагавибаагасса д̇збхуумагагирияассаад̇и наваннам̣ раасийнам̣ ананд̇арабажжаяо ход̇и. руубааважарагирияам̣ д̇ихзд̇угагаамааважаравибаагасса руубааважаравибаагасса руубааважарагирияассаад̇и д̇ин̣н̣ам̣ раасийнам̣ ананд̇арабажжаяо ход̇и. аруубааважарагирияам̣ д̇ихзд̇угагаамааважаравибаагасса руубааважарааруубааважаралогуд̇д̇аравибаагасса аруубааважарагирияассаад̇и бан̃жаннам̣ раасийнам̣ ананд̇арабажжаяо ход̇ийд̇и. звамзд̇т̇а бажжаяуббаннад̇оби вин̃н̃аад̇аб̣б̣о винижчаяод̇и.
Kāmāvacarakiriyaṃ kāmāvacarakusalākusalassa catubhūmakavipākassa tebhūmakakiriyassāti navannaṃ rāsīnaṃ anantarapaccayo hoti. Rūpāvacarakiriyaṃ tihetukakāmāvacaravipākassa rūpāvacaravipākassa rūpāvacarakiriyassāti tiṇṇaṃ rāsīnaṃ anantarapaccayo hoti. Arūpāvacarakiriyaṃ tihetukakāmāvacaravipākassa rūpāvacarārūpāvacaralokuttaravipākassa arūpāvacarakiriyassāti pañcannaṃ rāsīnaṃ anantarapaccayo hotīti. Evamettha paccayuppannatopi viññātabbo vinicchayoti.
ананд̇арабажжаяанид̣̇д̣̇зсаван̣н̣анаа.
Anantarapaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
