| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
4. ананд̇арабажжаяанид̣̇д̣̇зсаван̣н̣анаа
4. Anantarapaccayaniddesavaṇṇanā
4. яат̇аавуд̇д̇аа нирод̇хаананд̇арасун̃н̃ад̇аа нирод̇хаббад̇д̇ад̇аа огаасад̣̇аанависзсо, ад̇д̇ано ануруубажид̇д̇уббаад̣̇анасамад̇т̇ад̇аа жид̇д̇анияамахзд̇уд̇аа, д̇ад̇т̇а ананд̇аруббаад̣̇анасамад̇т̇ад̇аа жа сан̣таанаабхаавад̇о судтуд̇арам̣ ниранд̇аруббаад̣̇анасамад̇т̇ад̇аа жа жид̇д̇анияамахзд̇увисзсо д̣̇адтаб̣б̣о. д̇хаад̇увасзнаад̇и вин̃н̃аан̣ад̇хаад̇уманод̇хаад̇умановин̃н̃аан̣ад̇хаад̇увасзна. зд̇д̇агаа зва хи д̇хаад̇уяо бхиннасабхааваа ананд̇арабажжаяад̇ааяа нияамзд̇ваа вад̇д̇аб̣б̣аа, абхиннасабхааваа бана висзсаабхаавад̇о буримад̇аамад̇д̇ам̣язва висзсам̣ бурагкад̇ваа вад̇д̇аб̣б̣аад̇и д̇аа гусалаад̣̇ибхзд̣̇зна д̇ат̇аа вуд̇д̇аа. д̇знааха ‘‘гусалаад̣̇ивасзна жаа’’д̇и. яаа бана манод̇хаад̇умановин̃н̃аан̣ад̇хаад̇увасзна ананд̇арабажжаяад̇аа вад̇д̇аб̣б̣аа, д̇ад̇т̇а мановин̃н̃аан̣ад̇хаад̇у манод̇хаад̇уяаа ананд̇арабажжаязна бажжаяод̇и вужжамаано саммохо сияаа, бурз манод̇хаад̇уяаа ананд̇арабажжаяабхаавзна вуд̇д̇аа, ид̣̇аани мановин̃н̃аан̣ад̇хаад̇у манод̇хаад̇уяаад̇и бажжаяабажжаяуббаннависзсаа на вин̃н̃ааязяяа, манод̇хаад̇уяаа бана жагкувин̃н̃аан̣аад̣̇ид̇хаад̇уунам̣ ананд̇арабажжаяабхаавз вужжамаанз нияамо над̇т̇и. д̇знааха ‘‘манод̇хаад̇у жагкувин̃н̃аан̣ад̇хаад̇уяаад̇и жаа’’д̇и . д̇ат̇зваад̇и нияамаабхаавад̇о зваад̇и ад̇т̇о. д̇асмаад̇и яасмаа ид̇о ан̃н̃ат̇аа д̣̇зсанааяа бажжаяабажжаяуббаннаанам̣ висзсаабхааво жид̇д̇ависзсад̣̇ассанавижчзд̣̇о нияамаабхааво жаад̇и имз д̣̇осаа аабаж̇ж̇анд̇и, д̇асмаа. нид̣̇ассанзнаад̇и д̇хаад̇увасзна нид̣̇ассанзна. наяам̣ д̣̇ассзд̇ваад̇и ‘‘мановин̃н̃аан̣ад̇хаад̇у д̇ам̣самбаяуд̇д̇агаа жа д̇хаммаа манод̇хаад̇уяаа д̇ам̣самбаяуд̇д̇агаанан̃жа д̇хаммаанам̣ ананд̇арабажжаязна бажжаяо’’д̇и звамаад̣̇игасса ананд̇арабажжаяад̇ааг̇г̇ахан̣асса наяам̣ д̣̇ассзд̇ваа. ниравасзсад̣̇ассанад̇т̇анд̇и ниравасзсасса ананд̇арабажжаяабхаавино жид̇д̇уббаад̣̇асса д̣̇ассанад̇т̇ам̣.
4. Yathāvuttā nirodhānantarasuññatā nirodhappattatā okāsadānaviseso, attano anurūpacittuppādanasamatthatā cittaniyamahetutā, tattha anantaruppādanasamatthatā ca saṇṭhānābhāvato suṭṭhutaraṃ nirantaruppādanasamatthatā ca cittaniyamahetuviseso daṭṭhabbo. Dhātuvasenāti viññāṇadhātumanodhātumanoviññāṇadhātuvasena. Ettakā eva hi dhātuyo bhinnasabhāvā anantarapaccayatāya niyametvā vattabbā, abhinnasabhāvā pana visesābhāvato purimatāmattaṃyeva visesaṃ purakkhatvā vattabbāti tā kusalādibhedena tathā vuttā. Tenāha ‘‘kusalādivasena cā’’ti. Yā pana manodhātumanoviññāṇadhātuvasena anantarapaccayatā vattabbā, tattha manoviññāṇadhātu manodhātuyā anantarapaccayena paccayoti vuccamāno sammoho siyā, pure manodhātuyā anantarapaccayabhāvena vuttā, idāni manoviññāṇadhātu manodhātuyāti paccayapaccayuppannavisesā na viññāyeyya, manodhātuyā pana cakkhuviññāṇādidhātūnaṃ anantarapaccayabhāve vuccamāne niyamo natthi. Tenāha ‘‘manodhātu cakkhuviññāṇadhātuyāti cā’’ti . Tathevāti niyamābhāvato evāti attho. Tasmāti yasmā ito aññathā desanāya paccayapaccayuppannānaṃ visesābhāvo cittavisesadassanavicchedo niyamābhāvo cāti ime dosā āpajjanti, tasmā. Nidassanenāti dhātuvasena nidassanena. Nayaṃ dassetvāti ‘‘manoviññāṇadhātu taṃsampayuttakā ca dhammā manodhātuyā taṃsampayuttakānañca dhammānaṃ anantarapaccayena paccayo’’ti evamādikassa anantarapaccayatāggahaṇassa nayaṃ dassetvā. Niravasesadassanatthanti niravasesassa anantarapaccayabhāvino cittuppādassa dassanatthaṃ.
сад̣̇исагусалаананд̇и самаанагусалаанам̣, самаанад̇аа жзд̇т̇а згавийт̇ибарияаабаннад̇ааяа взд̣̇ид̇аб̣б̣аа. д̇знзвааха ‘‘бхуумибхиннаанамби бажжаяабхааво вуд̇д̇о ход̇ий’’д̇и. самаанавийт̇ид̇аа жа яасмаа самаанавзд̣̇анаа самаанахзд̇угаа жа хонд̇и, д̇асмаа ‘‘взд̣̇анааяа ваа хзд̇уухи ваа сад̣̇исагусалаана’’нд̇и ааха. ваа-сад̣̇д̣̇о жзд̇т̇а анияамад̇т̇о. д̇зна н̃аан̣асан̇каараад̣̇ибхзд̣̇ассаби вигаббанавасзна сан̇г̇ахо д̣̇адтаб̣б̣о. жуд̇иби г̇ахид̇аа д̇ам̣сабхаавад̇д̇аа. бхаван̇г̇ажид̇д̇амзва хи барияосаанз ‘‘жуд̇ий’’д̇и вужжад̇и. гусалаагусалаананд̇аран̃жа гад̣̇аажи саа уббаж̇ж̇ад̇ийд̇и д̇ад̣̇аарамман̣амби г̇ахид̇анд̇и д̣̇адтаб̣б̣ам̣, гирияаж̇аванаананд̇арам̣ д̇ад̣̇аарамман̣уббад̇д̇ияанд̇и ад̇хиббааяо.
Sadisakusalānanti samānakusalānaṃ, samānatā cettha ekavīthipariyāpannatāya veditabbā. Tenevāha ‘‘bhūmibhinnānampi paccayabhāvo vutto hotī’’ti. Samānavīthitā ca yasmā samānavedanā samānahetukā ca honti, tasmā ‘‘vedanāya vā hetūhi vā sadisakusalāna’’nti āha. Vā-saddo cettha aniyamattho. Tena ñāṇasaṅkhārādibhedassapi vikappanavasena saṅgaho daṭṭhabbo. Cutipi gahitā taṃsabhāvattā. Bhavaṅgacittameva hi pariyosāne ‘‘cutī’’ti vuccati. Kusalākusalānantarañca kadāci sā uppajjatīti tadārammaṇampi gahitanti daṭṭhabbaṃ, kiriyajavanānantaraṃ tadārammaṇuppattiyanti adhippāyo.
гаамааважарагирияааяа ааваж̇ж̇анассаад̇и аяамзд̇т̇а ад̇т̇о ад̇хиббзд̇од̇и д̣̇ассзнд̇о ‘‘ааваж̇ж̇анаг̇г̇ахан̣зна гаамааважарагирияам̣ висзсзд̇ий’’д̇и ааха. д̇амзва хи ад̇т̇ам̣ баагадад̇арам̣ гаад̇ум̣ ‘‘гаамааважаравибааго’’д̇иаад̣̇и вуд̇д̇ам̣. водтаб̣б̣анамби г̇ахид̇ам̣ санд̇ийран̣аананд̇арад̇д̇аад̇и ад̇хиббааяо.
Kāmāvacarakiriyāya āvajjanassāti ayamettha attho adhippetoti dassento ‘‘āvajjanaggahaṇena kāmāvacarakiriyaṃ visesetī’’ti āha. Tameva hi atthaṃ pākaṭataraṃ kātuṃ ‘‘kāmāvacaravipāko’’tiādi vuttaṃ. Voṭṭhabbanampi gahitaṃ santīraṇānantarattāti adhippāyo.
ананд̇арабажжаяанид̣̇д̣̇зсаван̣н̣анаа нидтид̇аа.
Anantarapaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. ананд̇арабажжаяанид̣̇д̣̇зсаван̣н̣анаа • 4. Anantarapaccayaniddesavaṇṇanā
