| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā |
੪. ਅਨਨ੍ਤਰਪਚ੍ਚਯਨਿਦ੍ਦੇਸવਣ੍ਣਨਾ
4. Anantarapaccayaniddesavaṇṇanā
੪. ਯਥਾ ਓਕਾਸਦਾਨવਿਸੇਸਭਾવੇਨ ਨਤ੍ਥਿવਿਗਤਾ વੁਤ੍ਤਾ, ਨ ਏવਂ ਅਨਨ੍ਤਰਸਮਨਨ੍ਤਰਾ, ਏਤੇ ਪਨ ਚਿਤ੍ਤਨਿਯਾਮਹੇਤੁવਿਸੇਸਭਾવੇਨ વੁਤ੍ਤਾ, ਤਸ੍ਮਾ ਤਂ ਚਿਤ੍ਤਨਿਯਾਮਹੇਤੁવਿਸੇਸਭਾવਂ ਦਸ੍ਸੇਨ੍ਤੋ ‘‘ਚਕ੍ਖੁવਿਞ੍ਞਾਣਧਾਤੂ’’ਤਿਆਦਿਨਾ ਧਾਤੁવਸੇਨ ਕੁਸਲਾਦਿવਸੇਨ ਚ ਨਿਦ੍ਦੇਸਮਾਹ। ਤਤ੍ਥ ‘‘ਮਨੋવਿਞ੍ਞਾਣਧਾਤੁ ਮਨੋવਿਞ੍ਞਾਣਧਾਤੁਯਾ’’ਤਿ વੁਤ੍ਤੇ ਪਚ੍ਚਯਪਚ੍ਚਯੁਪ੍ਪਨ੍ਨવਿਸੇਸੋ ਨ વਿਞ੍ਞਾਯਤੀਤਿ ‘‘ਪੁਰਿਮਾ ਪੁਰਿਮਾ ਪਚ੍ਛਿਮਾਯ ਪਚ੍ਛਿਮਾਯਾ’’ਤਿ વਤ੍ਤਬ੍ਬਂ ਸਿਯਾ। ਤਥਾ ਚ ਸਤਿ ਧਾਤੁવਿਸੇਸੇਨ ਚਿਤ੍ਤવਿਸੇਸੇ ਦਸ੍ਸਨਂ ਯਂ ਕਾਤੁਂ ਆਰਦ੍ਧੋ, ਤਂ વੋਚ੍ਛਿਜ੍ਜੇਯ੍ਯ। ‘‘ਮਨੋવਿਞ੍ਞਾਣਧਾਤੁ ਮਨੋਧਾਤੁਯਾ’’ਤਿ ਇਦਮ੍ਪਿ ਨ ਸਕ੍ਕਾ વਤ੍ਤੁਂ ਨਿਯਾਮਾਭਾવਤੋ, ‘‘ਮਨੋਧਾਤੁ ਚਕ੍ਖੁવਿਞ੍ਞਾਣਧਾਤੁਯਾ’’ਤਿ ਚ ਤਥੇવ ਨ ਸਕ੍ਕਾ। ਨ ਹਿ ਮਨੋਧਾਤੁ ਚਕ੍ਖੁવਿਞ੍ਞਾਣਧਾਤੁਯਾਯੇવ ਅਨਨ੍ਤਰਪਚ੍ਚਯੋਤਿ ਨਿਯਾਮੋ ਅਤ੍ਥਿ, ਤਸ੍ਮਾ ਪਾਕਟਾ ਪਞ੍ਚવਿਞ੍ਞਾਣਧਾਤੁਯੋ ਆਦਿਂ ਕਤ੍વਾ ਯਾવ ਧਾਤੁવਿਸੇਸਨਿਯਾਮੋ ਅਤ੍ਥਿ, ਤਾવ ਨਿਦਸ੍ਸਨੇਨ ਨਯਂ ਦਸ੍ਸੇਤ੍વਾ ਪੁਨ ਨਿਰવਸੇਸਦਸ੍ਸਨਤ੍ਥਂ ‘‘ਪੁਰਿਮਾ ਪੁਰਿਮਾ ਕੁਸਲਾ’’ਤਿਆਦਿਮਾਹ। ਸਦਿਸਕੁਸਲਾਨਨ੍ਤਿ વੇਦਨਾਯ વਾ ਹੇਤੂਹਿ વਾ ਸਦਿਸਕੁਸਲਾਨਂ ਅਨੁਰੂਪਕੁਸਲਾਨਨ੍ਤਿ વਾ ਅਤ੍ਥੋ। ਤੇਨ ਭੂਮਿਭਿਨ੍ਨਾਨਮ੍ਪਿ ਪਚ੍ਚਯਭਾવੋ વੁਤ੍ਤੋ ਹੋਤਿ। ਭવਙ੍ਗਗ੍ਗਹਣੇਨ ਕੁਸਲਾਕੁਸਲਮੂਲਕੇਸੁ ਚੁਤਿਪਿ ਗਹਿਤਾਤਿ ਦਟ੍ਠਬ੍ਬਂ, ਅਬ੍ਯਾਕਤਮੂਲਕੇ ਤਦਾਰਮ੍ਮਣਮ੍ਪਿ।
4. Yathā okāsadānavisesabhāvena natthivigatā vuttā, na evaṃ anantarasamanantarā, ete pana cittaniyāmahetuvisesabhāvena vuttā, tasmā taṃ cittaniyāmahetuvisesabhāvaṃ dassento ‘‘cakkhuviññāṇadhātū’’tiādinā dhātuvasena kusalādivasena ca niddesamāha. Tattha ‘‘manoviññāṇadhātu manoviññāṇadhātuyā’’ti vutte paccayapaccayuppannaviseso na viññāyatīti ‘‘purimā purimā pacchimāya pacchimāyā’’ti vattabbaṃ siyā. Tathā ca sati dhātuvisesena cittavisese dassanaṃ yaṃ kātuṃ āraddho, taṃ vocchijjeyya. ‘‘Manoviññāṇadhātu manodhātuyā’’ti idampi na sakkā vattuṃ niyāmābhāvato, ‘‘manodhātu cakkhuviññāṇadhātuyā’’ti ca tatheva na sakkā. Na hi manodhātu cakkhuviññāṇadhātuyāyeva anantarapaccayoti niyāmo atthi, tasmā pākaṭā pañcaviññāṇadhātuyo ādiṃ katvā yāva dhātuvisesaniyāmo atthi, tāva nidassanena nayaṃ dassetvā puna niravasesadassanatthaṃ ‘‘purimā purimā kusalā’’tiādimāha. Sadisakusalānanti vedanāya vā hetūhi vā sadisakusalānaṃ anurūpakusalānanti vā attho. Tena bhūmibhinnānampi paccayabhāvo vutto hoti. Bhavaṅgaggahaṇena kusalākusalamūlakesu cutipi gahitāti daṭṭhabbaṃ, abyākatamūlake tadārammaṇampi.
ਕਾਮਾવਚਰਕਿਰਿਯਾવਜ੍ਜਨਸ੍ਸਾਤਿ ਕਾਮਾવਚਰਕਿਰਿਯਾਯ ਆવਜ੍ਜਨਸ੍ਸਾਤਿ ਆવਜ੍ਜਨਗ੍ਗਹਣੇਨ ਕਾਮਾવਚਰਕਿਰਿਯਂ વਿਸੇਸੇਤੀਤਿ ਦਟ੍ਠਬ੍ਬਂ। ਕਾਮਾવਚਰવਿਪਾਕੋ ਕਾਮਾવਚਰਕਿਰਿਯਰਾਸਿਸ੍ਸ ਚ ਅਨਨ੍ਤਰਪਚ੍ਚਯੋ ਹੋਤਿ, ਹੋਨ੍ਤੋ ਚ ਆવਜ੍ਜਨਸ੍ਸੇવਾਤਿ ਅਯਞ੍ਹੇਤ੍ਥ ਅਧਿਪ੍ਪਾਯੋ। ਆવਜ੍ਜਨਗ੍ਗਹਣੇਨੇવ ਚੇਤ੍ਥ વੋਟ੍ਠਬ੍ਬਨਮ੍ਪਿ ਗਹਿਤਨ੍ਤਿ ਦਟ੍ਠਬ੍ਬਂ।
Kāmāvacarakiriyāvajjanassāti kāmāvacarakiriyāya āvajjanassāti āvajjanaggahaṇena kāmāvacarakiriyaṃ visesetīti daṭṭhabbaṃ. Kāmāvacaravipāko kāmāvacarakiriyarāsissa ca anantarapaccayo hoti, honto ca āvajjanassevāti ayañhettha adhippāyo. Āvajjanaggahaṇeneva cettha voṭṭhabbanampi gahitanti daṭṭhabbaṃ.
ਅਨਨ੍ਤਰਪਚ੍ਚਯਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Anantarapaccayaniddesavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪਟ੍ਠਾਨਪਾਲ਼ਿ • Paṭṭhānapāḷi / (੨) ਪਚ੍ਚਯਨਿਦ੍ਦੇਸੋ • (2) Paccayaniddeso
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੪. ਅਨਨ੍ਤਰਪਚ੍ਚਯਨਿਦ੍ਦੇਸવਣ੍ਣਨਾ • 4. Anantarapaccayaniddesavaṇṇanā
