| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
13. д̇зрасамаваг̇г̇о
13. Terasamavaggo
(128) 3. ананд̇араабаяуд̇д̇агат̇аа
(128) 3. Anantarāpayuttakathā
660. ананд̇араабаяуд̇д̇о буг̇г̇ало саммад̇д̇анияаамам̣ оггамзяяаад̇и? ааманд̇аа. мижчад̇д̇анияааман̃жа саммад̇д̇анияааман̃жа убхо оггамзяяаад̇и? на хзвам̣ вад̇д̇аб̣б̣з…бз… ананд̇араабаяуд̇д̇о буг̇г̇ало саммад̇д̇анияаамам̣ оггамзяяаад̇и? ааманд̇аа. нану д̇ам̣ гаммам̣ баяуд̇д̇ам̣ гуггужжам̣ уббаад̣̇ид̇ам̣ виббадисаарияам̣ ж̇анид̇анд̇и? ааманд̇аа. хан̃жи д̇ам̣ гаммам̣ баяуд̇д̇ам̣ гуггужжам̣ уббаад̣̇ид̇ам̣ виббадисаарияам̣ ж̇анид̇ам̣, но жа вад̇а рз вад̇д̇аб̣б̣з – ‘‘ананд̇араабаяуд̇д̇о буг̇г̇ало саммад̇д̇анияаамам̣ оггамзяяаа’’д̇и.
660. Anantarāpayutto puggalo sammattaniyāmaṃ okkameyyāti? Āmantā. Micchattaniyāmañca sammattaniyāmañca ubho okkameyyāti? Na hevaṃ vattabbe…pe… anantarāpayutto puggalo sammattaniyāmaṃ okkameyyāti? Āmantā. Nanu taṃ kammaṃ payuttaṃ kukkuccaṃ uppāditaṃ vippaṭisāriyaṃ janitanti? Āmantā. Hañci taṃ kammaṃ payuttaṃ kukkuccaṃ uppāditaṃ vippaṭisāriyaṃ janitaṃ, no ca vata re vattabbe – ‘‘anantarāpayutto puggalo sammattaniyāmaṃ okkameyyā’’ti.
661. ананд̇араабаяуд̇д̇о буг̇г̇ало абхаб̣б̣о саммад̇д̇анияаамам̣ оггамид̇унд̇и? ааманд̇аа. маад̇аа ж̇ийвид̇аа воробид̇аа… бид̇аа ж̇ийвид̇аа воробид̇о… арахаа ж̇ийвид̇аа воробид̇о… д̣̇удтзна жид̇д̇зна д̇ат̇ааг̇ад̇асса лохид̇ам̣ уббаад̣̇ид̇ам̣… сан̇гхо бхиннод̇и? на хзвам̣ вад̇д̇аб̣б̣з…бз….
661. Anantarāpayutto puggalo abhabbo sammattaniyāmaṃ okkamitunti? Āmantā. Mātā jīvitā voropitā… pitā jīvitā voropito… arahā jīvitā voropito… duṭṭhena cittena tathāgatassa lohitaṃ uppāditaṃ… saṅgho bhinnoti? Na hevaṃ vattabbe…pe….
ананд̇араабаяуд̇д̇о буг̇г̇ало д̇ам̣ гаммам̣ бадисам̣харид̇ваа гуггужжам̣ бадивинод̣̇зд̇ваа виббадисаарияам̣ бадивинзд̇ваа 1 абхаб̣б̣о саммад̇д̇анияаамам̣ оггамид̇унд̇и? ааманд̇аа. маад̇аа ж̇ийвид̇аа воробид̇аа… бид̇аа ж̇ийвид̇аа воробид̇о…бз… сан̇гхо бхиннод̇и? на хзвам̣ вад̇д̇аб̣б̣з…бз….
Anantarāpayutto puggalo taṃ kammaṃ paṭisaṃharitvā kukkuccaṃ paṭivinodetvā vippaṭisāriyaṃ paṭivinetvā 2 abhabbo sammattaniyāmaṃ okkamitunti? Āmantā. Mātā jīvitā voropitā… pitā jīvitā voropito…pe… saṅgho bhinnoti? Na hevaṃ vattabbe…pe….
ананд̇араабаяуд̇д̇о буг̇г̇ало д̇ам̣ гаммам̣ бадисам̣харид̇ваа гуггужжам̣ бадивинод̣̇зд̇ваа виббадисаарияам̣ бадивинзд̇ваа абхаб̣б̣о саммад̇д̇анияаамам̣ оггамид̇унд̇и? ааманд̇аа. нану д̇ам̣ гаммам̣ бадисам̣хадам̣ гуггужжам̣ бадивинод̣̇ид̇ам̣ виббадисаарияам̣ бадивинийд̇анд̇и? ааманд̇аа. хан̃жи д̇ам̣ гаммам̣ бадисам̣хадам̣ гуггужжам̣ бадивинод̣̇ид̇ам̣ виббадисаарияам̣ бадивинийд̇ам̣, но жа вад̇а рз вад̇д̇аб̣б̣з – ‘‘ананд̇араабаяуд̇д̇о буг̇г̇ало д̇ам̣ гаммам̣ бадисам̣харид̇ваа гуггужжам̣ бадивинод̣̇зд̇ваа виббадисаарияам̣ бадивинзд̇ваа абхаб̣б̣о саммад̇д̇анияаамам̣ оггамид̇у’’нд̇и.
Anantarāpayutto puggalo taṃ kammaṃ paṭisaṃharitvā kukkuccaṃ paṭivinodetvā vippaṭisāriyaṃ paṭivinetvā abhabbo sammattaniyāmaṃ okkamitunti? Āmantā. Nanu taṃ kammaṃ paṭisaṃhaṭaṃ kukkuccaṃ paṭivinoditaṃ vippaṭisāriyaṃ paṭivinītanti? Āmantā. Hañci taṃ kammaṃ paṭisaṃhaṭaṃ kukkuccaṃ paṭivinoditaṃ vippaṭisāriyaṃ paṭivinītaṃ, no ca vata re vattabbe – ‘‘anantarāpayutto puggalo taṃ kammaṃ paṭisaṃharitvā kukkuccaṃ paṭivinodetvā vippaṭisāriyaṃ paṭivinetvā abhabbo sammattaniyāmaṃ okkamitu’’nti.
662. ананд̇араабаяуд̇д̇о буг̇г̇ало саммад̇д̇анияаамам̣ оггамзяяаад̇и? ааманд̇аа. нану д̇ам̣ гаммам̣ баяуд̇д̇о аасийд̇и? ааманд̇аа. хан̃жи д̇ам̣ гаммам̣ баяуд̇д̇о ааси, но жа вад̇а рз вад̇д̇аб̣б̣з – ‘‘ананд̇араабаяуд̇д̇о буг̇г̇ало саммад̇д̇анияаамам̣ оггамзяяаа’’д̇и.
662. Anantarāpayutto puggalo sammattaniyāmaṃ okkameyyāti? Āmantā. Nanu taṃ kammaṃ payutto āsīti? Āmantā. Hañci taṃ kammaṃ payutto āsi, no ca vata re vattabbe – ‘‘anantarāpayutto puggalo sammattaniyāmaṃ okkameyyā’’ti.
ананд̇араабаяуд̇д̇агат̇аа нидтид̇аа.
Anantarāpayuttakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 3. ананд̇араабаяуд̇д̇агат̇ааван̣н̣анаа • 3. Anantarāpayuttakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. ананд̇араабаяуд̇д̇агат̇ааван̣н̣анаа • 3. Anantarāpayuttakathāvaṇṇanā
