| Library / Tipiṭaka / తిపిటక • Tipiṭaka / కథావత్థుపాళి • Kathāvatthupāḷi |
౧౩. తేరసమవగ్గో
13. Terasamavaggo
(౧౨౮) ౩. అనన్తరాపయుత్తకథా
(128) 3. Anantarāpayuttakathā
౬౬౦. అనన్తరాపయుత్తో పుగ్గలో సమ్మత్తనియామం ఓక్కమేయ్యాతి? ఆమన్తా. మిచ్ఛత్తనియామఞ్చ సమ్మత్తనియామఞ్చ ఉభో ఓక్కమేయ్యాతి? న హేవం వత్తబ్బే…పే॰… అనన్తరాపయుత్తో పుగ్గలో సమ్మత్తనియామం ఓక్కమేయ్యాతి? ఆమన్తా. నను తం కమ్మం పయుత్తం కుక్కుచ్చం ఉప్పాదితం విప్పటిసారియం జనితన్తి? ఆమన్తా. హఞ్చి తం కమ్మం పయుత్తం కుక్కుచ్చం ఉప్పాదితం విప్పటిసారియం జనితం, నో చ వత రే వత్తబ్బే – ‘‘అనన్తరాపయుత్తో పుగ్గలో సమ్మత్తనియామం ఓక్కమేయ్యా’’తి.
660. Anantarāpayutto puggalo sammattaniyāmaṃ okkameyyāti? Āmantā. Micchattaniyāmañca sammattaniyāmañca ubho okkameyyāti? Na hevaṃ vattabbe…pe… anantarāpayutto puggalo sammattaniyāmaṃ okkameyyāti? Āmantā. Nanu taṃ kammaṃ payuttaṃ kukkuccaṃ uppāditaṃ vippaṭisāriyaṃ janitanti? Āmantā. Hañci taṃ kammaṃ payuttaṃ kukkuccaṃ uppāditaṃ vippaṭisāriyaṃ janitaṃ, no ca vata re vattabbe – ‘‘anantarāpayutto puggalo sammattaniyāmaṃ okkameyyā’’ti.
౬౬౧. అనన్తరాపయుత్తో పుగ్గలో అభబ్బో సమ్మత్తనియామం ఓక్కమితున్తి? ఆమన్తా. మాతా జీవితా వోరోపితా… పితా జీవితా వోరోపితో… అరహా జీవితా వోరోపితో… దుట్ఠేన చిత్తేన తథాగతస్స లోహితం ఉప్పాదితం… సఙ్ఘో భిన్నోతి? న హేవం వత్తబ్బే…పే॰….
661. Anantarāpayutto puggalo abhabbo sammattaniyāmaṃ okkamitunti? Āmantā. Mātā jīvitā voropitā… pitā jīvitā voropito… arahā jīvitā voropito… duṭṭhena cittena tathāgatassa lohitaṃ uppāditaṃ… saṅgho bhinnoti? Na hevaṃ vattabbe…pe….
అనన్తరాపయుత్తో పుగ్గలో తం కమ్మం పటిసంహరిత్వా కుక్కుచ్చం పటివినోదేత్వా విప్పటిసారియం పటివినేత్వా 1 అభబ్బో సమ్మత్తనియామం ఓక్కమితున్తి? ఆమన్తా. మాతా జీవితా వోరోపితా… పితా జీవితా వోరోపితో…పే॰… సఙ్ఘో భిన్నోతి? న హేవం వత్తబ్బే…పే॰….
Anantarāpayutto puggalo taṃ kammaṃ paṭisaṃharitvā kukkuccaṃ paṭivinodetvā vippaṭisāriyaṃ paṭivinetvā 2 abhabbo sammattaniyāmaṃ okkamitunti? Āmantā. Mātā jīvitā voropitā… pitā jīvitā voropito…pe… saṅgho bhinnoti? Na hevaṃ vattabbe…pe….
అనన్తరాపయుత్తో పుగ్గలో తం కమ్మం పటిసంహరిత్వా కుక్కుచ్చం పటివినోదేత్వా విప్పటిసారియం పటివినేత్వా అభబ్బో సమ్మత్తనియామం ఓక్కమితున్తి? ఆమన్తా. నను తం కమ్మం పటిసంహటం కుక్కుచ్చం పటివినోదితం విప్పటిసారియం పటివినీతన్తి? ఆమన్తా. హఞ్చి తం కమ్మం పటిసంహటం కుక్కుచ్చం పటివినోదితం విప్పటిసారియం పటివినీతం, నో చ వత రే వత్తబ్బే – ‘‘అనన్తరాపయుత్తో పుగ్గలో తం కమ్మం పటిసంహరిత్వా కుక్కుచ్చం పటివినోదేత్వా విప్పటిసారియం పటివినేత్వా అభబ్బో సమ్మత్తనియామం ఓక్కమితు’’న్తి.
Anantarāpayutto puggalo taṃ kammaṃ paṭisaṃharitvā kukkuccaṃ paṭivinodetvā vippaṭisāriyaṃ paṭivinetvā abhabbo sammattaniyāmaṃ okkamitunti? Āmantā. Nanu taṃ kammaṃ paṭisaṃhaṭaṃ kukkuccaṃ paṭivinoditaṃ vippaṭisāriyaṃ paṭivinītanti? Āmantā. Hañci taṃ kammaṃ paṭisaṃhaṭaṃ kukkuccaṃ paṭivinoditaṃ vippaṭisāriyaṃ paṭivinītaṃ, no ca vata re vattabbe – ‘‘anantarāpayutto puggalo taṃ kammaṃ paṭisaṃharitvā kukkuccaṃ paṭivinodetvā vippaṭisāriyaṃ paṭivinetvā abhabbo sammattaniyāmaṃ okkamitu’’nti.
౬౬౨. అనన్తరాపయుత్తో పుగ్గలో సమ్మత్తనియామం ఓక్కమేయ్యాతి? ఆమన్తా. నను తం కమ్మం పయుత్తో ఆసీతి? ఆమన్తా. హఞ్చి తం కమ్మం పయుత్తో ఆసి, నో చ వత రే వత్తబ్బే – ‘‘అనన్తరాపయుత్తో పుగ్గలో సమ్మత్తనియామం ఓక్కమేయ్యా’’తి.
662. Anantarāpayutto puggalo sammattaniyāmaṃ okkameyyāti? Āmantā. Nanu taṃ kammaṃ payutto āsīti? Āmantā. Hañci taṃ kammaṃ payutto āsi, no ca vata re vattabbe – ‘‘anantarāpayutto puggalo sammattaniyāmaṃ okkameyyā’’ti.
అనన్తరాపయుత్తకథా నిట్ఠితా.
Anantarāpayuttakathā niṭṭhitā.
Footnotes:
Related texts:
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౩. అనన్తరాపయుత్తకథావణ్ణనా • 3. Anantarāpayuttakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౩. అనన్తరాపయుత్తకథావణ్ణనా • 3. Anantarāpayuttakathāvaṇṇanā
