| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੩. ਤੇਰਸਮવਗ੍ਗੋ
13. Terasamavaggo
(੧੨੮) ੩. ਅਨਨ੍ਤਰਾਪਯੁਤ੍ਤਕਥਾ
(128) 3. Anantarāpayuttakathā
੬੬੦. ਅਨਨ੍ਤਰਾਪਯੁਤ੍ਤੋ ਪੁਗ੍ਗਲੋ ਸਮ੍ਮਤ੍ਤਨਿਯਾਮਂ ਓਕ੍ਕਮੇਯ੍ਯਾਤਿ? ਆਮਨ੍ਤਾ। ਮਿਚ੍ਛਤ੍ਤਨਿਯਾਮਞ੍ਚ ਸਮ੍ਮਤ੍ਤਨਿਯਾਮਞ੍ਚ ਉਭੋ ਓਕ੍ਕਮੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਨਨ੍ਤਰਾਪਯੁਤ੍ਤੋ ਪੁਗ੍ਗਲੋ ਸਮ੍ਮਤ੍ਤਨਿਯਾਮਂ ਓਕ੍ਕਮੇਯ੍ਯਾਤਿ? ਆਮਨ੍ਤਾ। ਨਨੁ ਤਂ ਕਮ੍ਮਂ ਪਯੁਤ੍ਤਂ ਕੁਕ੍ਕੁਚ੍ਚਂ ਉਪ੍ਪਾਦਿਤਂ વਿਪ੍ਪਟਿਸਾਰਿਯਂ ਜਨਿਤਨ੍ਤਿ? ਆਮਨ੍ਤਾ। ਹਞ੍ਚਿ ਤਂ ਕਮ੍ਮਂ ਪਯੁਤ੍ਤਂ ਕੁਕ੍ਕੁਚ੍ਚਂ ਉਪ੍ਪਾਦਿਤਂ વਿਪ੍ਪਟਿਸਾਰਿਯਂ ਜਨਿਤਂ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਨਨ੍ਤਰਾਪਯੁਤ੍ਤੋ ਪੁਗ੍ਗਲੋ ਸਮ੍ਮਤ੍ਤਨਿਯਾਮਂ ਓਕ੍ਕਮੇਯ੍ਯਾ’’ਤਿ।
660. Anantarāpayutto puggalo sammattaniyāmaṃ okkameyyāti? Āmantā. Micchattaniyāmañca sammattaniyāmañca ubho okkameyyāti? Na hevaṃ vattabbe…pe… anantarāpayutto puggalo sammattaniyāmaṃ okkameyyāti? Āmantā. Nanu taṃ kammaṃ payuttaṃ kukkuccaṃ uppāditaṃ vippaṭisāriyaṃ janitanti? Āmantā. Hañci taṃ kammaṃ payuttaṃ kukkuccaṃ uppāditaṃ vippaṭisāriyaṃ janitaṃ, no ca vata re vattabbe – ‘‘anantarāpayutto puggalo sammattaniyāmaṃ okkameyyā’’ti.
੬੬੧. ਅਨਨ੍ਤਰਾਪਯੁਤ੍ਤੋ ਪੁਗ੍ਗਲੋ ਅਭਬ੍ਬੋ ਸਮ੍ਮਤ੍ਤਨਿਯਾਮਂ ਓਕ੍ਕਮਿਤੁਨ੍ਤਿ? ਆਮਨ੍ਤਾ। ਮਾਤਾ ਜੀવਿਤਾ વੋਰੋਪਿਤਾ… ਪਿਤਾ ਜੀવਿਤਾ વੋਰੋਪਿਤੋ… ਅਰਹਾ ਜੀવਿਤਾ વੋਰੋਪਿਤੋ… ਦੁਟ੍ਠੇਨ ਚਿਤ੍ਤੇਨ ਤਥਾਗਤਸ੍ਸ ਲੋਹਿਤਂ ਉਪ੍ਪਾਦਿਤਂ… ਸਙ੍ਘੋ ਭਿਨ੍ਨੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
661. Anantarāpayutto puggalo abhabbo sammattaniyāmaṃ okkamitunti? Āmantā. Mātā jīvitā voropitā… pitā jīvitā voropito… arahā jīvitā voropito… duṭṭhena cittena tathāgatassa lohitaṃ uppāditaṃ… saṅgho bhinnoti? Na hevaṃ vattabbe…pe….
ਅਨਨ੍ਤਰਾਪਯੁਤ੍ਤੋ ਪੁਗ੍ਗਲੋ ਤਂ ਕਮ੍ਮਂ ਪਟਿਸਂਹਰਿਤ੍વਾ ਕੁਕ੍ਕੁਚ੍ਚਂ ਪਟਿવਿਨੋਦੇਤ੍વਾ વਿਪ੍ਪਟਿਸਾਰਿਯਂ ਪਟਿવਿਨੇਤ੍વਾ 1 ਅਭਬ੍ਬੋ ਸਮ੍ਮਤ੍ਤਨਿਯਾਮਂ ਓਕ੍ਕਮਿਤੁਨ੍ਤਿ? ਆਮਨ੍ਤਾ। ਮਾਤਾ ਜੀવਿਤਾ વੋਰੋਪਿਤਾ… ਪਿਤਾ ਜੀવਿਤਾ વੋਰੋਪਿਤੋ…ਪੇ॰… ਸਙ੍ਘੋ ਭਿਨ੍ਨੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Anantarāpayutto puggalo taṃ kammaṃ paṭisaṃharitvā kukkuccaṃ paṭivinodetvā vippaṭisāriyaṃ paṭivinetvā 2 abhabbo sammattaniyāmaṃ okkamitunti? Āmantā. Mātā jīvitā voropitā… pitā jīvitā voropito…pe… saṅgho bhinnoti? Na hevaṃ vattabbe…pe….
ਅਨਨ੍ਤਰਾਪਯੁਤ੍ਤੋ ਪੁਗ੍ਗਲੋ ਤਂ ਕਮ੍ਮਂ ਪਟਿਸਂਹਰਿਤ੍વਾ ਕੁਕ੍ਕੁਚ੍ਚਂ ਪਟਿવਿਨੋਦੇਤ੍વਾ વਿਪ੍ਪਟਿਸਾਰਿਯਂ ਪਟਿવਿਨੇਤ੍વਾ ਅਭਬ੍ਬੋ ਸਮ੍ਮਤ੍ਤਨਿਯਾਮਂ ਓਕ੍ਕਮਿਤੁਨ੍ਤਿ? ਆਮਨ੍ਤਾ। ਨਨੁ ਤਂ ਕਮ੍ਮਂ ਪਟਿਸਂਹਟਂ ਕੁਕ੍ਕੁਚ੍ਚਂ ਪਟਿવਿਨੋਦਿਤਂ વਿਪ੍ਪਟਿਸਾਰਿਯਂ ਪਟਿવਿਨੀਤਨ੍ਤਿ? ਆਮਨ੍ਤਾ। ਹਞ੍ਚਿ ਤਂ ਕਮ੍ਮਂ ਪਟਿਸਂਹਟਂ ਕੁਕ੍ਕੁਚ੍ਚਂ ਪਟਿવਿਨੋਦਿਤਂ વਿਪ੍ਪਟਿਸਾਰਿਯਂ ਪਟਿવਿਨੀਤਂ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਨਨ੍ਤਰਾਪਯੁਤ੍ਤੋ ਪੁਗ੍ਗਲੋ ਤਂ ਕਮ੍ਮਂ ਪਟਿਸਂਹਰਿਤ੍વਾ ਕੁਕ੍ਕੁਚ੍ਚਂ ਪਟਿવਿਨੋਦੇਤ੍વਾ વਿਪ੍ਪਟਿਸਾਰਿਯਂ ਪਟਿવਿਨੇਤ੍વਾ ਅਭਬ੍ਬੋ ਸਮ੍ਮਤ੍ਤਨਿਯਾਮਂ ਓਕ੍ਕਮਿਤੁ’’ਨ੍ਤਿ।
Anantarāpayutto puggalo taṃ kammaṃ paṭisaṃharitvā kukkuccaṃ paṭivinodetvā vippaṭisāriyaṃ paṭivinetvā abhabbo sammattaniyāmaṃ okkamitunti? Āmantā. Nanu taṃ kammaṃ paṭisaṃhaṭaṃ kukkuccaṃ paṭivinoditaṃ vippaṭisāriyaṃ paṭivinītanti? Āmantā. Hañci taṃ kammaṃ paṭisaṃhaṭaṃ kukkuccaṃ paṭivinoditaṃ vippaṭisāriyaṃ paṭivinītaṃ, no ca vata re vattabbe – ‘‘anantarāpayutto puggalo taṃ kammaṃ paṭisaṃharitvā kukkuccaṃ paṭivinodetvā vippaṭisāriyaṃ paṭivinetvā abhabbo sammattaniyāmaṃ okkamitu’’nti.
੬੬੨. ਅਨਨ੍ਤਰਾਪਯੁਤ੍ਤੋ ਪੁਗ੍ਗਲੋ ਸਮ੍ਮਤ੍ਤਨਿਯਾਮਂ ਓਕ੍ਕਮੇਯ੍ਯਾਤਿ? ਆਮਨ੍ਤਾ। ਨਨੁ ਤਂ ਕਮ੍ਮਂ ਪਯੁਤ੍ਤੋ ਆਸੀਤਿ? ਆਮਨ੍ਤਾ। ਹਞ੍ਚਿ ਤਂ ਕਮ੍ਮਂ ਪਯੁਤ੍ਤੋ ਆਸਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਨਨ੍ਤਰਾਪਯੁਤ੍ਤੋ ਪੁਗ੍ਗਲੋ ਸਮ੍ਮਤ੍ਤਨਿਯਾਮਂ ਓਕ੍ਕਮੇਯ੍ਯਾ’’ਤਿ।
662. Anantarāpayutto puggalo sammattaniyāmaṃ okkameyyāti? Āmantā. Nanu taṃ kammaṃ payutto āsīti? Āmantā. Hañci taṃ kammaṃ payutto āsi, no ca vata re vattabbe – ‘‘anantarāpayutto puggalo sammattaniyāmaṃ okkameyyā’’ti.
ਅਨਨ੍ਤਰਾਪਯੁਤ੍ਤਕਥਾ ਨਿਟ੍ਠਿਤਾ।
Anantarāpayuttakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੩. ਅਨਨ੍ਤਰਾਪਯੁਤ੍ਤਕਥਾવਣ੍ਣਨਾ • 3. Anantarāpayuttakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੩. ਅਨਨ੍ਤਰਾਪਯੁਤ੍ਤਕਥਾવਣ੍ਣਨਾ • 3. Anantarāpayuttakathāvaṇṇanā
