| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
3. ананд̇араабаяуд̇д̇агат̇ааван̣н̣анаа
3. Anantarāpayuttakathāvaṇṇanā
660-662. ид̣̇аани ананд̇араабаяуд̇д̇агат̇аа наама ход̇и. д̇ад̇т̇а ананд̇араабаяуд̇д̇о наама язна канд̇хабхзд̣̇ад̇о ананд̇араа вибаагад̣̇ааяагам̣ маад̇угхаад̇аад̣̇и аананд̇арияагаммам̣ аан̣ад̇д̇ам̣. д̇ад̇т̇а яасса нияад̇ааяа аан̣ад̇д̇ияаа аан̣ад̇д̇о д̇ам̣ гаммам̣ гариссад̇и, со ад̇т̇асаад̇хигааяа жзд̇анааяа уббаад̣̇ид̇ад̇д̇аа мижчад̇д̇анияад̇о ход̇и, абхаб̣б̣о саммад̇д̇анияаамам̣ оггамид̇ум̣. яасса анияад̇ааяа аан̣ад̇д̇ияаа аан̣ад̇д̇о д̇ам̣ гаммам̣ гариссад̇и, со ад̇т̇асаад̇хигааяа жзд̇анааяа ануббаад̣̇ид̇ад̇д̇аа на мижчад̇д̇анияад̇о, бхаб̣б̣о саммад̇д̇анияаамам̣ оггамид̇унд̇и ид̣̇ам̣ сагасамаяз саннидтаанам̣. язсам̣ бана ‘‘анияад̇ааяаби аан̣ад̇д̇ияаа абхаб̣б̣оязва саммад̇д̇анияаамам̣ оггамид̇у’’нд̇и лад̣̇д̇хи, сзяяат̇ааби уд̇д̇араабат̇агаанам̣; д̇зсам̣ д̇ам̣ лад̣̇д̇хим̣ бхинд̣̇ид̇ум̣ сагаваад̣̇ий буб̣б̣абагкам̣ д̣̇ад̇ваа ананд̇араабаяуд̇д̇од̇и бараваад̣̇инаа ад̇д̇аанам̣ бужчаабзд̇и. д̇знзд̇т̇а батамабужчаа бараваад̣̇исса, ад̇т̇асаад̇хигажзд̇анааяа абхаавам̣ санд̇хааяа бадин̃н̃аа сагаваад̣̇исса. д̇ад̇о бараваад̣̇ий маад̇угхаад̇аад̣̇игаммасса аан̣ад̇д̇ад̇д̇аава ‘‘со мижчад̇д̇анияад̇о’’д̇и ман̃н̃ад̇и. д̇асмаа мижчад̇д̇анияааман̃жаад̇и бан̃хам̣ бужчад̇и. сагаваад̣̇ий бана згасса буг̇г̇аласса д̣̇виннам̣ нияаамаанам̣ аногганд̇имад̇д̇амзва санд̇хааяа на хзванд̇и бадигкибад̇и.
660. Idāni anantarāpayuttakathā nāma hoti. Tattha anantarāpayutto nāma yena khandhabhedato anantarā vipākadāyakaṃ mātughātādi ānantariyakammaṃ āṇattaṃ. Tattha yassa niyatāya āṇattiyā āṇatto taṃ kammaṃ karissati, so atthasādhikāya cetanāya uppāditattā micchattaniyato hoti, abhabbo sammattaniyāmaṃ okkamituṃ. Yassa aniyatāya āṇattiyā āṇatto taṃ kammaṃ karissati, so atthasādhikāya cetanāya anuppāditattā na micchattaniyato, bhabbo sammattaniyāmaṃ okkamitunti idaṃ sakasamaye sanniṭṭhānaṃ. Yesaṃ pana ‘‘aniyatāyapi āṇattiyā abhabboyeva sammattaniyāmaṃ okkamitu’’nti laddhi, seyyathāpi uttarāpathakānaṃ; tesaṃ taṃ laddhiṃ bhindituṃ sakavādī pubbapakkhaṃ datvā anantarāpayuttoti paravādinā attānaṃ pucchāpeti. Tenettha paṭhamapucchā paravādissa, atthasādhikacetanāya abhāvaṃ sandhāya paṭiññā sakavādissa. Tato paravādī mātughātādikammassa āṇattattāva ‘‘so micchattaniyato’’ti maññati. Tasmā micchattaniyāmañcāti pañhaṃ pucchati. Sakavādī pana ekassa puggalassa dvinnaṃ niyāmānaṃ anokkantimattameva sandhāya na hevanti paṭikkhipati.
нану д̇ам̣ гамманд̇и маад̇угхаад̇аад̣̇игаммам̣. д̇ад̇т̇а анияад̇аан̣ад̇д̇им̣ санд̇хааяа ‘‘ааманд̇аа’’д̇и бадин̃н̃аа сагаваад̣̇исса. анияад̇амби хи аан̣ад̇д̇им̣ баяож̇зд̇ваа тид̇асса ‘‘ананужчавигам̣ маяаа гад̇а’’нд̇и гуггужжам̣ уббаж̇ж̇ад̇зва, виббадисааро ж̇ааяад̇зва. хан̃жийд̇иаад̣̇и гуггужжуббад̇д̇имад̇д̇ам̣ г̇ахзд̇ваа бараваад̣̇инаа лад̣̇д̇хибад̇идтаабанад̇т̇ам̣ вуд̇д̇ам̣.
Nanu taṃ kammanti mātughātādikammaṃ. Tattha aniyatāṇattiṃ sandhāya ‘‘āmantā’’ti paṭiññā sakavādissa. Aniyatampi hi āṇattiṃ payojetvā ṭhitassa ‘‘ananucchavikaṃ mayā kata’’nti kukkuccaṃ uppajjateva, vippaṭisāro jāyateva. Hañcītiādi kukkuccuppattimattaṃ gahetvā paravādinā laddhipatiṭṭhāpanatthaṃ vuttaṃ.
661. ид̣̇аани яасса анияад̇аан̣ад̇д̇игассааби ананд̇араабаяуд̇д̇асса бараваад̣̇инаа саммад̇д̇анияаамоггаманам̣ бадисид̣̇д̇хам̣, д̇амзва буг̇г̇алам̣ г̇ахзд̇ваа ананд̇араабаяуд̇д̇о буг̇г̇ало абхаб̣б̣од̇и бужчаа сагаваад̣̇исса, ад̇д̇ано лад̣̇д̇хивасзна бадин̃н̃аа ид̇арасса. ат̇а нам̣ сагаваад̣̇ий ‘‘абхаб̣б̣о наама маад̇угхаад̇аад̣̇игаммаанам̣ гаараго, гим̣ д̇з д̇зна д̇аани гаммаани гад̇ааний’’д̇и жод̣̇зд̇ум̣ маад̇аа ж̇ийвид̇аа воробид̇аад̇иаад̣̇имааха. ид̇аро д̇зсам̣ вад̇т̇уунам̣ арог̇ад̇ааяа д̇ат̇ааруубам̣ гирияам̣ абассанд̇о ‘‘на хзва’’нд̇и бадигкибад̇и.
661. Idāni yassa aniyatāṇattikassāpi anantarāpayuttassa paravādinā sammattaniyāmokkamanaṃ paṭisiddhaṃ, tameva puggalaṃ gahetvā anantarāpayuttopuggalo abhabboti pucchā sakavādissa, attano laddhivasena paṭiññā itarassa. Atha naṃ sakavādī ‘‘abhabbo nāma mātughātādikammānaṃ kārako, kiṃ te tena tāni kammāni katānī’’ti codetuṃ mātā jīvitā voropitātiādimāha. Itaro tesaṃ vatthūnaṃ arogatāya tathārūpaṃ kiriyaṃ apassanto ‘‘na heva’’nti paṭikkhipati.
д̇ам̣ гаммам̣ бадисам̣харид̇ваад̇и анияад̇аан̣ад̇д̇игаммам̣ санд̇хааяа вуд̇д̇ам̣. д̇ан̃хи ‘‘маа ко маяаа аан̣ад̇д̇ам̣ аагаасий’’д̇и аан̣ад̇д̇ам̣ ниваарзнд̇зна бадисам̣хадам̣ наама ход̇и. бадисам̣хадад̇д̇ааязва жзд̇т̇а гуггужжам̣ бадивинод̣̇ид̇ам̣, виббадисааро бадивинийд̇о наама ход̇и. звам̣ санд̇зби банзд̇т̇а буримаан̣ад̇д̇ияааязва нияад̇абхаавам̣ ман̃н̃амаано бараваад̣̇ий ‘‘ааманд̇аа’’д̇и бадиж̇аанаад̇и. ат̇а нам̣ сагаваад̣̇ий д̇асса гаммасса бадисам̣хадабхаавам̣ самбадижчаабзд̇ваа ад̇д̇ано лад̣̇д̇хим̣ бад̇идтаабзд̇ваа хан̃жийд̇иаад̣̇имааха.
Taṃ kammaṃ paṭisaṃharitvāti aniyatāṇattikammaṃ sandhāya vuttaṃ. Tañhi ‘‘mā kho mayā āṇattaṃ ākāsī’’ti āṇattaṃ nivārentena paṭisaṃhaṭaṃ nāma hoti. Paṭisaṃhaṭattāyeva cettha kukkuccaṃ paṭivinoditaṃ, vippaṭisāro paṭivinīto nāma hoti. Evaṃ santepi panettha purimāṇattiyāyeva niyatabhāvaṃ maññamāno paravādī ‘‘āmantā’’ti paṭijānāti. Atha naṃ sakavādī tassa kammassa paṭisaṃhaṭabhāvaṃ sampaṭicchāpetvā attano laddhiṃ patiṭṭhāpetvā hañcītiādimāha.
662. буна ананд̇араабаяуд̇д̇од̇и барияосаанабан̃хз батамабан̃хз вияа бужчаа бараваад̣̇исса, бадин̃н̃аа сагаваад̣̇исса. нану д̇ам̣ гамманд̇и ануяог̇о бараваад̣̇исса, бадисам̣хадагаалад̇о буб̣б̣з баяуд̇д̇агаалам̣ санд̇хааяа бадин̃н̃аа сагаваад̣̇исса. баяуд̇д̇абуб̣б̣ад̇аамад̇д̇ам̣ г̇ахзд̇ваа анияад̇аан̣ад̇д̇ивасзна хан̃жийд̇и лад̣̇д̇хибад̇идтаабанам̣ бараваад̣̇исса. аяам̣ бана лад̣̇д̇хи аяонисо бад̇идтид̇ад̇д̇аа аббад̇идтид̇аава ход̇ийд̇и.
662. Puna anantarāpayuttoti pariyosānapañhe paṭhamapañhe viya pucchā paravādissa, paṭiññā sakavādissa. Nanu taṃ kammanti anuyogo paravādissa, paṭisaṃhaṭakālato pubbe payuttakālaṃ sandhāya paṭiññā sakavādissa. Payuttapubbatāmattaṃ gahetvā aniyatāṇattivasena hañcīti laddhipatiṭṭhāpanaṃ paravādissa. Ayaṃ pana laddhi ayoniso patiṭṭhitattā appatiṭṭhitāva hotīti.
ананд̇араабаяуд̇д̇агат̇ааван̣н̣анаа.
Anantarāpayuttakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (128) 3. ананд̇араабаяуд̇д̇агат̇аа • (128) 3. Anantarāpayuttakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. ананд̇араабаяуд̇д̇агат̇ааван̣н̣анаа • 3. Anantarāpayuttakathāvaṇṇanā
