| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੩. ਅਨਨ੍ਤਰਾਪਯੁਤ੍ਤਕਥਾવਣ੍ਣਨਾ
3. Anantarāpayuttakathāvaṇṇanā
੬੬੦-੬੬੨. ਇਦਾਨਿ ਅਨਨ੍ਤਰਾਪਯੁਤ੍ਤਕਥਾ ਨਾਮ ਹੋਤਿ। ਤਤ੍ਥ ਅਨਨ੍ਤਰਾਪਯੁਤ੍ਤੋ ਨਾਮ ਯੇਨ ਖਨ੍ਧਭੇਦਤੋ ਅਨਨ੍ਤਰਾ વਿਪਾਕਦਾਯਕਂ ਮਾਤੁਘਾਤਾਦਿ ਆਨਨ੍ਤਰਿਯਕਮ੍ਮਂ ਆਣਤ੍ਤਂ। ਤਤ੍ਥ ਯਸ੍ਸ ਨਿਯਤਾਯ ਆਣਤ੍ਤਿਯਾ ਆਣਤ੍ਤੋ ਤਂ ਕਮ੍ਮਂ ਕਰਿਸ੍ਸਤਿ, ਸੋ ਅਤ੍ਥਸਾਧਿਕਾਯ ਚੇਤਨਾਯ ਉਪ੍ਪਾਦਿਤਤ੍ਤਾ ਮਿਚ੍ਛਤ੍ਤਨਿਯਤੋ ਹੋਤਿ, ਅਭਬ੍ਬੋ ਸਮ੍ਮਤ੍ਤਨਿਯਾਮਂ ਓਕ੍ਕਮਿਤੁਂ। ਯਸ੍ਸ ਅਨਿਯਤਾਯ ਆਣਤ੍ਤਿਯਾ ਆਣਤ੍ਤੋ ਤਂ ਕਮ੍ਮਂ ਕਰਿਸ੍ਸਤਿ, ਸੋ ਅਤ੍ਥਸਾਧਿਕਾਯ ਚੇਤਨਾਯ ਅਨੁਪ੍ਪਾਦਿਤਤ੍ਤਾ ਨ ਮਿਚ੍ਛਤ੍ਤਨਿਯਤੋ, ਭਬ੍ਬੋ ਸਮ੍ਮਤ੍ਤਨਿਯਾਮਂ ਓਕ੍ਕਮਿਤੁਨ੍ਤਿ ਇਦਂ ਸਕਸਮਯੇ ਸਨ੍ਨਿਟ੍ਠਾਨਂ। ਯੇਸਂ ਪਨ ‘‘ਅਨਿਯਤਾਯਪਿ ਆਣਤ੍ਤਿਯਾ ਅਭਬ੍ਬੋਯੇવ ਸਮ੍ਮਤ੍ਤਨਿਯਾਮਂ ਓਕ੍ਕਮਿਤੁ’’ਨ੍ਤਿ ਲਦ੍ਧਿ, ਸੇਯ੍ਯਥਾਪਿ ਉਤ੍ਤਰਾਪਥਕਾਨਂ; ਤੇਸਂ ਤਂ ਲਦ੍ਧਿਂ ਭਿਨ੍ਦਿਤੁਂ ਸਕવਾਦੀ ਪੁਬ੍ਬਪਕ੍ਖਂ ਦਤ੍વਾ ਅਨਨ੍ਤਰਾਪਯੁਤ੍ਤੋਤਿ ਪਰવਾਦਿਨਾ ਅਤ੍ਤਾਨਂ ਪੁਚ੍ਛਾਪੇਤਿ। ਤੇਨੇਤ੍ਥ ਪਠਮਪੁਚ੍ਛਾ ਪਰવਾਦਿਸ੍ਸ, ਅਤ੍ਥਸਾਧਿਕਚੇਤਨਾਯ ਅਭਾવਂ ਸਨ੍ਧਾਯ ਪਟਿਞ੍ਞਾ ਸਕવਾਦਿਸ੍ਸ। ਤਤੋ ਪਰવਾਦੀ ਮਾਤੁਘਾਤਾਦਿਕਮ੍ਮਸ੍ਸ ਆਣਤ੍ਤਤ੍ਤਾવ ‘‘ਸੋ ਮਿਚ੍ਛਤ੍ਤਨਿਯਤੋ’’ਤਿ ਮਞ੍ਞਤਿ। ਤਸ੍ਮਾ ਮਿਚ੍ਛਤ੍ਤਨਿਯਾਮਞ੍ਚਾਤਿ ਪਞ੍ਹਂ ਪੁਚ੍ਛਤਿ। ਸਕવਾਦੀ ਪਨ ਏਕਸ੍ਸ ਪੁਗ੍ਗਲਸ੍ਸ ਦ੍વਿਨ੍ਨਂ ਨਿਯਾਮਾਨਂ ਅਨੋਕ੍ਕਨ੍ਤਿਮਤ੍ਤਮੇવ ਸਨ੍ਧਾਯ ਨ ਹੇવਨ੍ਤਿ ਪਟਿਕ੍ਖਿਪਤਿ।
660. Idāni anantarāpayuttakathā nāma hoti. Tattha anantarāpayutto nāma yena khandhabhedato anantarā vipākadāyakaṃ mātughātādi ānantariyakammaṃ āṇattaṃ. Tattha yassa niyatāya āṇattiyā āṇatto taṃ kammaṃ karissati, so atthasādhikāya cetanāya uppāditattā micchattaniyato hoti, abhabbo sammattaniyāmaṃ okkamituṃ. Yassa aniyatāya āṇattiyā āṇatto taṃ kammaṃ karissati, so atthasādhikāya cetanāya anuppāditattā na micchattaniyato, bhabbo sammattaniyāmaṃ okkamitunti idaṃ sakasamaye sanniṭṭhānaṃ. Yesaṃ pana ‘‘aniyatāyapi āṇattiyā abhabboyeva sammattaniyāmaṃ okkamitu’’nti laddhi, seyyathāpi uttarāpathakānaṃ; tesaṃ taṃ laddhiṃ bhindituṃ sakavādī pubbapakkhaṃ datvā anantarāpayuttoti paravādinā attānaṃ pucchāpeti. Tenettha paṭhamapucchā paravādissa, atthasādhikacetanāya abhāvaṃ sandhāya paṭiññā sakavādissa. Tato paravādī mātughātādikammassa āṇattattāva ‘‘so micchattaniyato’’ti maññati. Tasmā micchattaniyāmañcāti pañhaṃ pucchati. Sakavādī pana ekassa puggalassa dvinnaṃ niyāmānaṃ anokkantimattameva sandhāya na hevanti paṭikkhipati.
ਨਨੁ ਤਂ ਕਮ੍ਮਨ੍ਤਿ ਮਾਤੁਘਾਤਾਦਿਕਮ੍ਮਂ। ਤਤ੍ਥ ਅਨਿਯਤਾਣਤ੍ਤਿਂ ਸਨ੍ਧਾਯ ‘‘ਆਮਨ੍ਤਾ’’ਤਿ ਪਟਿਞ੍ਞਾ ਸਕવਾਦਿਸ੍ਸ। ਅਨਿਯਤਮ੍ਪਿ ਹਿ ਆਣਤ੍ਤਿਂ ਪਯੋਜੇਤ੍વਾ ਠਿਤਸ੍ਸ ‘‘ਅਨਨੁਚ੍ਛવਿਕਂ ਮਯਾ ਕਤ’’ਨ੍ਤਿ ਕੁਕ੍ਕੁਚ੍ਚਂ ਉਪ੍ਪਜ੍ਜਤੇવ, વਿਪ੍ਪਟਿਸਾਰੋ ਜਾਯਤੇવ। ਹਞ੍ਚੀਤਿਆਦਿ ਕੁਕ੍ਕੁਚ੍ਚੁਪ੍ਪਤ੍ਤਿਮਤ੍ਤਂ ਗਹੇਤ੍વਾ ਪਰવਾਦਿਨਾ ਲਦ੍ਧਿਪਤਿਟ੍ਠਾਪਨਤ੍ਥਂ વੁਤ੍ਤਂ।
Nanu taṃ kammanti mātughātādikammaṃ. Tattha aniyatāṇattiṃ sandhāya ‘‘āmantā’’ti paṭiññā sakavādissa. Aniyatampi hi āṇattiṃ payojetvā ṭhitassa ‘‘ananucchavikaṃ mayā kata’’nti kukkuccaṃ uppajjateva, vippaṭisāro jāyateva. Hañcītiādi kukkuccuppattimattaṃ gahetvā paravādinā laddhipatiṭṭhāpanatthaṃ vuttaṃ.
੬੬੧. ਇਦਾਨਿ ਯਸ੍ਸ ਅਨਿਯਤਾਣਤ੍ਤਿਕਸ੍ਸਾਪਿ ਅਨਨ੍ਤਰਾਪਯੁਤ੍ਤਸ੍ਸ ਪਰવਾਦਿਨਾ ਸਮ੍ਮਤ੍ਤਨਿਯਾਮੋਕ੍ਕਮਨਂ ਪਟਿਸਿਦ੍ਧਂ, ਤਮੇવ ਪੁਗ੍ਗਲਂ ਗਹੇਤ੍વਾ ਅਨਨ੍ਤਰਾਪਯੁਤ੍ਤੋ ਪੁਗ੍ਗਲੋ ਅਭਬ੍ਬੋਤਿ ਪੁਚ੍ਛਾ ਸਕવਾਦਿਸ੍ਸ, ਅਤ੍ਤਨੋ ਲਦ੍ਧਿવਸੇਨ ਪਟਿਞ੍ਞਾ ਇਤਰਸ੍ਸ। ਅਥ ਨਂ ਸਕવਾਦੀ ‘‘ਅਭਬ੍ਬੋ ਨਾਮ ਮਾਤੁਘਾਤਾਦਿਕਮ੍ਮਾਨਂ ਕਾਰਕੋ, ਕਿਂ ਤੇ ਤੇਨ ਤਾਨਿ ਕਮ੍ਮਾਨਿ ਕਤਾਨੀ’’ਤਿ ਚੋਦੇਤੁਂ ਮਾਤਾ ਜੀવਿਤਾ વੋਰੋਪਿਤਾਤਿਆਦਿਮਾਹ। ਇਤਰੋ ਤੇਸਂ વਤ੍ਥੂਨਂ ਅਰੋਗਤਾਯ ਤਥਾਰੂਪਂ ਕਿਰਿਯਂ ਅਪਸ੍ਸਨ੍ਤੋ ‘‘ਨ ਹੇવ’’ਨ੍ਤਿ ਪਟਿਕ੍ਖਿਪਤਿ।
661. Idāni yassa aniyatāṇattikassāpi anantarāpayuttassa paravādinā sammattaniyāmokkamanaṃ paṭisiddhaṃ, tameva puggalaṃ gahetvā anantarāpayuttopuggalo abhabboti pucchā sakavādissa, attano laddhivasena paṭiññā itarassa. Atha naṃ sakavādī ‘‘abhabbo nāma mātughātādikammānaṃ kārako, kiṃ te tena tāni kammāni katānī’’ti codetuṃ mātā jīvitā voropitātiādimāha. Itaro tesaṃ vatthūnaṃ arogatāya tathārūpaṃ kiriyaṃ apassanto ‘‘na heva’’nti paṭikkhipati.
ਤਂ ਕਮ੍ਮਂ ਪਟਿਸਂਹਰਿਤ੍વਾਤਿ ਅਨਿਯਤਾਣਤ੍ਤਿਕਮ੍ਮਂ ਸਨ੍ਧਾਯ વੁਤ੍ਤਂ। ਤਞ੍ਹਿ ‘‘ਮਾ ਖੋ ਮਯਾ ਆਣਤ੍ਤਂ ਆਕਾਸੀ’’ਤਿ ਆਣਤ੍ਤਂ ਨਿવਾਰੇਨ੍ਤੇਨ ਪਟਿਸਂਹਟਂ ਨਾਮ ਹੋਤਿ। ਪਟਿਸਂਹਟਤ੍ਤਾਯੇવ ਚੇਤ੍ਥ ਕੁਕ੍ਕੁਚ੍ਚਂ ਪਟਿવਿਨੋਦਿਤਂ, વਿਪ੍ਪਟਿਸਾਰੋ ਪਟਿવਿਨੀਤੋ ਨਾਮ ਹੋਤਿ। ਏવਂ ਸਨ੍ਤੇਪਿ ਪਨੇਤ੍ਥ ਪੁਰਿਮਾਣਤ੍ਤਿਯਾਯੇવ ਨਿਯਤਭਾવਂ ਮਞ੍ਞਮਾਨੋ ਪਰવਾਦੀ ‘‘ਆਮਨ੍ਤਾ’’ਤਿ ਪਟਿਜਾਨਾਤਿ। ਅਥ ਨਂ ਸਕવਾਦੀ ਤਸ੍ਸ ਕਮ੍ਮਸ੍ਸ ਪਟਿਸਂਹਟਭਾવਂ ਸਮ੍ਪਟਿਚ੍ਛਾਪੇਤ੍વਾ ਅਤ੍ਤਨੋ ਲਦ੍ਧਿਂ ਪਤਿਟ੍ਠਾਪੇਤ੍વਾ ਹਞ੍ਚੀਤਿਆਦਿਮਾਹ।
Taṃ kammaṃ paṭisaṃharitvāti aniyatāṇattikammaṃ sandhāya vuttaṃ. Tañhi ‘‘mā kho mayā āṇattaṃ ākāsī’’ti āṇattaṃ nivārentena paṭisaṃhaṭaṃ nāma hoti. Paṭisaṃhaṭattāyeva cettha kukkuccaṃ paṭivinoditaṃ, vippaṭisāro paṭivinīto nāma hoti. Evaṃ santepi panettha purimāṇattiyāyeva niyatabhāvaṃ maññamāno paravādī ‘‘āmantā’’ti paṭijānāti. Atha naṃ sakavādī tassa kammassa paṭisaṃhaṭabhāvaṃ sampaṭicchāpetvā attano laddhiṃ patiṭṭhāpetvā hañcītiādimāha.
੬੬੨. ਪੁਨ ਅਨਨ੍ਤਰਾਪਯੁਤ੍ਤੋਤਿ ਪਰਿਯੋਸਾਨਪਞ੍ਹੇ ਪਠਮਪਞ੍ਹੇ વਿਯ ਪੁਚ੍ਛਾ ਪਰવਾਦਿਸ੍ਸ, ਪਟਿਞ੍ਞਾ ਸਕવਾਦਿਸ੍ਸ। ਨਨੁ ਤਂ ਕਮ੍ਮਨ੍ਤਿ ਅਨੁਯੋਗੋ ਪਰવਾਦਿਸ੍ਸ, ਪਟਿਸਂਹਟਕਾਲਤੋ ਪੁਬ੍ਬੇ ਪਯੁਤ੍ਤਕਾਲਂ ਸਨ੍ਧਾਯ ਪਟਿਞ੍ਞਾ ਸਕવਾਦਿਸ੍ਸ। ਪਯੁਤ੍ਤਪੁਬ੍ਬਤਾਮਤ੍ਤਂ ਗਹੇਤ੍વਾ ਅਨਿਯਤਾਣਤ੍ਤਿવਸੇਨ ਹਞ੍ਚੀਤਿ ਲਦ੍ਧਿਪਤਿਟ੍ਠਾਪਨਂ ਪਰવਾਦਿਸ੍ਸ। ਅਯਂ ਪਨ ਲਦ੍ਧਿ ਅਯੋਨਿਸੋ ਪਤਿਟ੍ਠਿਤਤ੍ਤਾ ਅਪ੍ਪਤਿਟ੍ਠਿਤਾવ ਹੋਤੀਤਿ।
662. Puna anantarāpayuttoti pariyosānapañhe paṭhamapañhe viya pucchā paravādissa, paṭiññā sakavādissa. Nanu taṃ kammanti anuyogo paravādissa, paṭisaṃhaṭakālato pubbe payuttakālaṃ sandhāya paṭiññā sakavādissa. Payuttapubbatāmattaṃ gahetvā aniyatāṇattivasena hañcīti laddhipatiṭṭhāpanaṃ paravādissa. Ayaṃ pana laddhi ayoniso patiṭṭhitattā appatiṭṭhitāva hotīti.
ਅਨਨ੍ਤਰਾਪਯੁਤ੍ਤਕਥਾવਣ੍ਣਨਾ।
Anantarāpayuttakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੨੮) ੩. ਅਨਨ੍ਤਰਾਪਯੁਤ੍ਤਕਥਾ • (128) 3. Anantarāpayuttakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੩. ਅਨਨ੍ਤਰਾਪਯੁਤ੍ਤਕਥਾવਣ੍ਣਨਾ • 3. Anantarāpayuttakathāvaṇṇanā
