| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
32. аананд̇аригасамаад̇хин̃аан̣анид̣̇д̣̇зсаван̣н̣анаа
32. Ānantarikasamādhiñāṇaniddesavaṇṇanā
80. аананд̇аригасамаад̇хин̃аан̣анид̣̇д̣̇зсз нзгкаммавасзнаад̇иаад̣̇ийсу нзгкаммааб̣яаабаад̣̇ааалогасан̃н̃ааавигкзбад̇хаммававад̇т̇аанан̃аан̣абаамож̇ж̇аани сугкавибассагасса убажаараж̇жхаанасамбаяуд̇д̇аа д̇асса д̇асса гилзсасса вибагкабхууд̇аа сад̇д̇а д̇хаммаа згажид̇д̇асамбаяуд̇д̇аа зва. жид̇д̇асса згаг̇г̇ад̇аа авигкзбод̇и згаг̇г̇асса бхааво згаг̇г̇ад̇аа, наанаарамман̣з на вигкибад̇и д̇зна жид̇д̇анд̇и авигкзбо, жид̇д̇асса згаг̇г̇ад̇аасан̇каад̇о авигкзбод̇и ад̇т̇о. самаад̇хийд̇и згаарамман̣з самам̣ аад̇хийяад̇и д̇зна жид̇д̇анд̇и самаад̇хи наамаад̇и ад̇т̇о. д̇асса самаад̇хисса васзнаад̇и убажаарасамаад̇хинааби самаахид̇ажид̇д̇асса яат̇аабхууд̇ааваб̣од̇хад̇о вуд̇д̇аббагаарасса самаад̇хисса васзна. уббаж̇ж̇ад̇и н̃аан̣анд̇и маг̇г̇ан̃аан̣ам̣ яат̇ааггамзна уббаж̇ж̇ад̇и. кийяанд̇ийд̇и самужчзд̣̇авасзна кийяанд̇и. ид̇ийд̇и вуд̇д̇аббагаарасса ад̇т̇асса ниг̇аманам̣. батамам̣ самат̇од̇и буб̣б̣абхааг̇з самаад̇хи ход̇и. бажчаа н̃аан̣анд̇и абарабхааг̇з маг̇г̇агкан̣з н̃аан̣ам̣ ход̇и.
80. Ānantarikasamādhiñāṇaniddese nekkhammavasenātiādīsu nekkhammaabyāpādaālokasaññāavikkhepadhammavavatthānañāṇapāmojjāni sukkhavipassakassa upacārajjhānasampayuttā tassa tassa kilesassa vipakkhabhūtā satta dhammā ekacittasampayuttā eva. Cittassa ekaggatā avikkhepoti ekaggassa bhāvo ekaggatā, nānārammaṇe na vikkhipati tena cittanti avikkhepo, cittassa ekaggatāsaṅkhāto avikkhepoti attho. Samādhīti ekārammaṇe samaṃ ādhīyati tena cittanti samādhi nāmāti attho. Tassa samādhissa vasenāti upacārasamādhināpi samāhitacittassa yathābhūtāvabodhato vuttappakārassa samādhissa vasena. Uppajjati ñāṇanti maggañāṇaṃ yathākkamena uppajjati. Khīyantīti samucchedavasena khīyanti. Itīti vuttappakārassa atthassa nigamanaṃ. Paṭhamaṃ samathoti pubbabhāge samādhi hoti. Pacchā ñāṇanti aparabhāge maggakkhaṇe ñāṇaṃ hoti.
гаамаасавод̇и бан̃жагаамаг̇ун̣игарааг̇о. бхаваасавод̇и руубааруубабхавзсу чанд̣̇арааг̇о жхаананиганд̇и сассад̇ад̣̇идтисахаж̇аад̇о рааг̇о бхававасзна бад̇т̇анаа. д̣̇идтаасавод̇и д̣̇ваасадти д̣̇идтияо. авиж̇ж̇аасавод̇и д̣̇угкаад̣̇ийсу адтасу таанзсу ан̃н̃аан̣ам̣. бхуммаважанзна огаасабужчам̣ гад̇ваа ‘‘сод̇аабад̇д̇имаг̇г̇знаа’’д̇иаад̣̇инаа аасавагкаяагарзна маг̇г̇зна аасавагкаяам̣ д̣̇ассзд̇ваа ‘‘зд̇т̇аа’’д̇и огаасависсаж̇ж̇анам̣ гад̇ам̣, маг̇г̇агкан̣зд̇и вуд̇д̇ам̣ ход̇и. анавасзсод̇и над̇т̇и зд̇асса авасзсод̇и анавасзсо. абааяаг̇аманийяод̇и нираяад̇иражчаанаяонибзд̇д̇ивисаяаасурагааяаа жад̇д̇ааро сукасан̇каад̇аа аяаа абзд̇ад̇д̇аа абааяаа, яасса сам̣виж̇ж̇ад̇и , д̇ам̣ буг̇г̇алам̣ абааяз г̇амзд̇ийд̇и абааяаг̇аманийяо. аасавагкаяагат̇аа д̣̇убхад̇овудтаанагат̇ааяам̣ вуд̇д̇аа.
Kāmāsavoti pañcakāmaguṇikarāgo. Bhavāsavoti rūpārūpabhavesu chandarāgo jhānanikanti sassatadiṭṭhisahajāto rāgo bhavavasena patthanā. Diṭṭhāsavoti dvāsaṭṭhi diṭṭhiyo. Avijjāsavoti dukkhādīsu aṭṭhasu ṭhānesu aññāṇaṃ. Bhummavacanena okāsapucchaṃ katvā ‘‘sotāpattimaggenā’’tiādinā āsavakkhayakarena maggena āsavakkhayaṃ dassetvā ‘‘etthā’’ti okāsavissajjanaṃ kataṃ, maggakkhaṇeti vuttaṃ hoti. Anavasesoti natthi etassa avasesoti anavaseso. Apāyagamanīyoti nirayatiracchānayonipettivisayāsurakāyā cattāro sukhasaṅkhātā ayā apetattā apāyā, yassa saṃvijjati , taṃ puggalaṃ apāye gametīti apāyagamanīyo. Āsavakkhayakathā dubhatovuṭṭhānakathāyaṃ vuttā.
авигкзбавасзнаад̇и бавад̇д̇амаанасса самаад̇хисса убаниссаяабхууд̇асамаад̇хивасзна. бат̇авийгасин̣авасзнаад̇иаад̣̇ийсу д̣̇аса гасин̣аани д̇ад̣̇аарамман̣игааббанаасамаад̇хивасзна вуд̇д̇аани, б̣уд̣̇д̇хаануссад̇иаад̣̇аяо маран̣ассад̇и убасамаануссад̇и жа убажаараж̇жхаанавасзна вуд̇д̇аа, аанаабаанассад̇и гааяаг̇ад̇аасад̇и жа аббанаасамаад̇хивасзна вуд̇д̇аа, д̣̇аса асубхаа батамаж̇жхаанавасзна вуд̇д̇аа.
Avikkhepavasenāti pavattamānassa samādhissa upanissayabhūtasamādhivasena. Pathavīkasiṇavasenātiādīsu dasa kasiṇāni tadārammaṇikaappanāsamādhivasena vuttāni, buddhānussatiādayo maraṇassati upasamānussati ca upacārajjhānavasena vuttā, ānāpānassati kāyagatāsati ca appanāsamādhivasena vuttā, dasa asubhā paṭhamajjhānavasena vuttā.
б̣уд̣̇д̇хам̣ аараб̣бха уббаннаа ануссад̇и б̣уд̣̇д̇хаануссад̇и. ‘‘ид̇иби со бхаг̇аваа араха’’нд̇иаад̣̇иб̣уд̣̇д̇хаг̇ун̣аарамман̣ааяа (ма. ни. 1.74; а. ни. 3.71; 9.27) сад̇ияаа зд̇ам̣ ад̇хиважанам̣, д̇ассаа б̣уд̣̇д̇хаануссад̇ияаа васзна. д̇ат̇аа д̇хаммам̣ аараб̣бха уббаннаа ануссад̇и д̇хаммаануссад̇и. ‘‘сваагкаад̇о бхаг̇авад̇аа д̇хаммо’’д̇иаад̣̇ид̇хаммаг̇ун̣аарамман̣ааяа сад̇ияаа зд̇ам̣ ад̇хиважанам̣. сан̇гхам̣ аараб̣бха уббаннаа ануссад̇и сан̇гхаануссад̇и. ‘‘суббадибанно бхаг̇авад̇о саавагасан̇гхо’’д̇иаад̣̇исан̇гхаг̇ун̣аарамман̣ааяа сад̇ияаа зд̇ам̣ ад̇хиважанам̣. сийлам̣ аараб̣бха уббаннаа ануссад̇и сийлаануссад̇и. ад̇д̇ано акан̣д̣ад̇аад̣̇исийлаг̇ун̣аарамман̣ааяа сад̇ияаа зд̇ам̣ ад̇хиважанам̣. жааг̇ам̣ аараб̣бха уббаннаа ануссад̇и жааг̇аануссад̇и. ад̇д̇ано муд̇д̇ажааг̇ад̇аад̣̇ижааг̇аг̇ун̣аарамман̣ааяа сад̇ияаа зд̇ам̣ ад̇хиважанам̣. д̣̇звад̇аа аараб̣бха уббаннаа ануссад̇и д̣̇звад̇аануссад̇и. д̣̇звад̇аа сагкидтаанз табзд̇ваа ад̇д̇ано сад̣̇д̇хаад̣̇иг̇ун̣аарамман̣ааяа сад̇ияаа зд̇ам̣ ад̇хиважанам̣. аанаабаанз аараб̣бха уббаннаа сад̇и аанаабаанассад̇и. аанаабаананимид̇д̇аарамман̣ааяа сад̇ияаа зд̇ам̣ ад̇хиважанам̣. маран̣ам̣ аараб̣бха уббаннаа сад̇и маран̣ассад̇и. згабхавабарияаабаннаж̇ийвид̇инд̣̇рияубажчзд̣̇асан̇каад̇амаран̣аарамман̣ааяа сад̇ияаа зд̇ам̣ ад̇хиважанам̣. гужчид̇аанам̣ гзсаад̣̇ийнам̣ бадигуулаанам̣ ааяад̇д̇аа аагарад̇д̇аа гааяод̇исан̇каад̇з сарийрз г̇ад̇аа бавад̇д̇аа, д̇аад̣̇исам̣ ваа гааяам̣ г̇ад̇аа сад̇и гааяаг̇ад̇аасад̇и. ‘‘гааяаг̇ад̇асад̇ий’’д̇и вад̇д̇аб̣б̣з рассам̣ агад̇ваа ‘‘гааяаг̇ад̇аасад̇ий’’д̇и вуд̇д̇аа. д̇ат̇зва ид̇хааби гааяаг̇ад̇аасад̇ивасзнаад̇и вуд̇д̇ам̣. гзсаад̣̇игзсу гааяагодтаасзсу бадигууланимид̇д̇аарамман̣ааяа сад̇ияаа зд̇ам̣ ад̇хиважанам̣. убасамам̣ аараб̣бха уббаннаа ануссад̇и убасамаануссад̇и. саб̣б̣ад̣̇угкуубасамаарамман̣ааяа сад̇ияаа зд̇ам̣ ад̇хиважанам̣. д̣̇аса асубхаа хздтаа вуд̇д̇ад̇т̇аа.
Buddhaṃ ārabbha uppannā anussati buddhānussati. ‘‘Itipi so bhagavā araha’’ntiādibuddhaguṇārammaṇāya (ma. ni. 1.74; a. ni. 3.71; 9.27) satiyā etaṃ adhivacanaṃ, tassā buddhānussatiyā vasena. Tathā dhammaṃ ārabbha uppannā anussati dhammānussati. ‘‘Svākkhāto bhagavatā dhammo’’tiādidhammaguṇārammaṇāya satiyā etaṃ adhivacanaṃ. Saṅghaṃ ārabbha uppannā anussati saṅghānussati. ‘‘Suppaṭipanno bhagavato sāvakasaṅgho’’tiādisaṅghaguṇārammaṇāya satiyā etaṃ adhivacanaṃ. Sīlaṃ ārabbha uppannā anussati sīlānussati. Attano akhaṇḍatādisīlaguṇārammaṇāya satiyā etaṃ adhivacanaṃ. Cāgaṃ ārabbha uppannā anussati cāgānussati. Attano muttacāgatādicāgaguṇārammaṇāya satiyā etaṃ adhivacanaṃ. Devatā ārabbha uppannā anussati devatānussati. Devatā sakkhiṭṭhāne ṭhapetvā attano saddhādiguṇārammaṇāya satiyā etaṃ adhivacanaṃ. Ānāpāne ārabbha uppannā sati ānāpānassati. Ānāpānanimittārammaṇāya satiyā etaṃ adhivacanaṃ. Maraṇaṃ ārabbha uppannā sati maraṇassati. Ekabhavapariyāpannajīvitindriyupacchedasaṅkhātamaraṇārammaṇāya satiyā etaṃ adhivacanaṃ. Kucchitānaṃ kesādīnaṃ paṭikūlānaṃ āyattā ākarattā kāyotisaṅkhāte sarīre gatā pavattā, tādisaṃ vā kāyaṃ gatā sati kāyagatāsati. ‘‘Kāyagatasatī’’ti vattabbe rassaṃ akatvā ‘‘kāyagatāsatī’’ti vuttā. Tatheva idhāpi kāyagatāsativasenāti vuttaṃ. Kesādikesu kāyakoṭṭhāsesu paṭikūlanimittārammaṇāya satiyā etaṃ adhivacanaṃ. Upasamaṃ ārabbha uppannā anussati upasamānussati. Sabbadukkhūpasamārammaṇāya satiyā etaṃ adhivacanaṃ. Dasa asubhā heṭṭhā vuttatthā.
81. д̣̇ийгхам̣ ассаасавасзнаад̇иаад̣̇ийни аббануубажаарасамаад̇хибхзд̣̇ам̣язва д̣̇ассзд̇ум̣ вуд̇д̇аани. д̣̇ийгхам̣ ассаасавасзнаад̇и д̣̇ийгханд̇и вуд̇д̇аассаасавасзна. ‘‘д̣̇ийгхам̣ ваа ассасанд̇о д̣̇ийгхам̣ ассасаамийд̇и баж̇аанаад̇ий’’д̇и (д̣̇ий. ни. 2.374; ма. ни. 1.107; 3.148) хи вуд̇д̇ам̣. зса наяо сзсзсуби. саб̣б̣агааяабадисам̣взд̣̇ийд̇и саб̣б̣асса ассаасабассаасагааяасса бадисам̣взд̣̇ий. бассамбхаяам̣ гааяасан̇кааранд̇и ол̣ааригам̣ ассаасабассаасан̇каад̇ам̣ гааяасан̇каарам̣ бассамбхзнд̇о вуубасамзнд̇о. ‘‘д̣̇ийгхам̣ рассам̣ саб̣б̣агааяабадисам̣взд̣̇ий бассамбхаяам̣ гааяасан̇каара’’нд̇и иминаава жад̇уггзна аббанаасамаад̇хи вуд̇д̇о. бийд̇ибадисам̣взд̣̇ийд̇и бийд̇им̣ баагадам̣ гаронд̇о. жид̇д̇асан̇каарабадисам̣взд̣̇ийд̇и сан̃н̃аавзд̣̇анаасан̇каад̇ам̣ жид̇д̇асан̇каарам̣ баагадам̣ гаронд̇о. абхиббамод̣̇аяам̣ жид̇д̇анд̇и жид̇д̇ам̣ мод̣̇знд̇о. самаад̣̇ахам̣ жид̇д̇анд̇и аарамман̣з жид̇д̇ам̣ самам̣ табзнд̇о. виможаяам̣ жид̇д̇анд̇и жид̇д̇ам̣ нийваран̣аад̣̇ийхи виможзнд̇о. бийд̇ибадисам̣взд̣̇ий сукабадисам̣взд̣̇ий жид̇д̇асан̇каарабадисам̣взд̣̇ий бассамбхаяам̣ жид̇д̇асан̇кааранд̇и жад̇угган̃жа жид̇д̇абадисам̣взд̣̇ий абхиббамод̣̇аяам̣ жид̇д̇ам̣ самаад̣̇ахам̣ жид̇д̇ам̣ виможаяам̣ жид̇д̇анд̇и жад̇угган̃жа аббанаасамаад̇хивасзна вибассанаасамбаяуд̇д̇асамаад̇хивасзна жа вуд̇д̇аани. анижжаанубассийд̇и анижжаанубассанаавасзна. вирааг̇аанубассийд̇и ниб̣б̣ид̣̇аанубасанаавасзна. нирод̇хаанубассийд̇и бхан̇г̇аанубассанаавасзна. бадиниссаг̇г̇аанубассийд̇и вудтаанаг̇ааминийвибассанаавасзна. саа хи д̇ад̣̇ан̇г̇авасзна сад̣̇д̇хим̣ канд̇хаабхисан̇каарзхи гилзсз барижжаж̇ад̇и. сан̇кад̇ад̣̇осад̣̇ассанзна жа д̇аб̣б̣ибарийд̇з ниб̣б̣аанз д̇анниннад̇ааяа багканд̣̇ад̇и. ид̣̇ам̣ жад̇уггам̣ вибассанаасамбаяуд̇д̇асамаад̇хивасзнзва вуд̇д̇ам̣. ассаасавасзна бассаасавасзнаад̇и жзд̇т̇а ассаасабассаасабавад̇д̇имад̇д̇ам̣ г̇ахзд̇ваа вуд̇д̇ам̣, на д̇ад̣̇аарамман̣агаран̣авасзна. вид̇т̇ааро банзд̇т̇а аанаабаанагат̇ааяам̣ аавибхависсад̇и.
81.Dīghaṃassāsavasenātiādīni appanūpacārasamādhibhedaṃyeva dassetuṃ vuttāni. Dīghaṃ assāsavasenāti dīghanti vuttaassāsavasena. ‘‘Dīghaṃ vā assasanto dīghaṃ assasāmīti pajānātī’’ti (dī. ni. 2.374; ma. ni. 1.107; 3.148) hi vuttaṃ. Esa nayo sesesupi. Sabbakāyapaṭisaṃvedīti sabbassa assāsapassāsakāyassa paṭisaṃvedī. Passambhayaṃ kāyasaṅkhāranti oḷārikaṃ assāsapassāsaṅkhātaṃ kāyasaṅkhāraṃ passambhento vūpasamento. ‘‘Dīghaṃ rassaṃ sabbakāyapaṭisaṃvedī passambhayaṃ kāyasaṅkhāra’’nti imināva catukkena appanāsamādhi vutto. Pītipaṭisaṃvedīti pītiṃ pākaṭaṃ karonto. Cittasaṅkhārapaṭisaṃvedīti saññāvedanāsaṅkhātaṃ cittasaṅkhāraṃ pākaṭaṃ karonto. Abhippamodayaṃ cittanti cittaṃ modento. Samādahaṃ cittanti ārammaṇe cittaṃ samaṃ ṭhapento. Vimocayaṃ cittanti cittaṃ nīvaraṇādīhi vimocento. Pītipaṭisaṃvedī sukhapaṭisaṃvedī cittasaṅkhārapaṭisaṃvedī passambhayaṃ cittasaṅkhāranti catukkañca cittapaṭisaṃvedī abhippamodayaṃ cittaṃ samādahaṃ cittaṃ vimocayaṃ cittanti catukkañca appanāsamādhivasena vipassanāsampayuttasamādhivasena ca vuttāni. Aniccānupassīti aniccānupassanāvasena. Virāgānupassīti nibbidānupasanāvasena. Nirodhānupassīti bhaṅgānupassanāvasena. Paṭinissaggānupassīti vuṭṭhānagāminīvipassanāvasena. Sā hi tadaṅgavasena saddhiṃ khandhābhisaṅkhārehi kilese pariccajati. Saṅkhatadosadassanena ca tabbiparīte nibbāne tanninnatāya pakkhandati. Idaṃ catukkaṃ vipassanāsampayuttasamādhivaseneva vuttaṃ. Assāsavasena passāsavasenāti cettha assāsapassāsapavattimattaṃ gahetvā vuttaṃ, na tadārammaṇakaraṇavasena. Vitthāro panettha ānāpānakathāyaṃ āvibhavissati.
аананд̇аригасамаад̇хин̃аан̣анид̣̇д̣̇зсаван̣н̣анаа нидтид̇аа.
Ānantarikasamādhiñāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 32. аананд̇аригасамаад̇хин̃аан̣анид̣̇д̣̇зсо • 32. Ānantarikasamādhiñāṇaniddeso
