| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
10. அனநுஞ்ஞாதஸிக்கா²பத³வண்ணனா
10. Ananuññātasikkhāpadavaṇṇanā
தேஸங் அத்தி²பா⁴வங் அஜானந்தியாதி (பாசி॰ அட்ட²॰ 1163) தேஸங் மாதாதீ³னங் அத்தி²பா⁴வங் அஜானந்தியா. அனநுஞ்ஞாதஸமுட்டா²னந்தி யங் வாசதோ, காயவாசதோ, வாசாசித்ததோ, காயவாசாசித்ததோ ச ஸமுட்டா²தி, தங் அனநுஞ்ஞாதஸமுட்டா²னங். கத²ங்? அப்³பா⁴னகம்மாதீ³ஸு கேனசிதே³வ கரணீயேன க²ண்ட³ஸீமாயங் நிஸின்னா ‘‘பக்கோஸத² ஸிக்க²மானங், இதே⁴வ நங் உபஸம்பாதெ³ஸ்ஸாமா’’தி உபஸம்பாதே³தி, ஏவங் வாசதோ ஸமுட்டா²தி. ‘‘உபஸ்ஸயதோ உட்டா²ய உபஸம்பாதெ³ஸ்ஸாமீ’’தி வத்வா க²ண்ட³ஸீமங் க³ச்ச²ந்தியா காயவாசதோ ஸமுட்டா²தி. த்³வீஸு டா²னேஸு பண்ணத்திங் ஜானித்வா வீதிக்கமங் கரொந்தியா வாசாசித்ததோ, காயவாசாசித்ததோ ச ஸமுட்டா²தி. அனநுஜானாபெத்வா உபஸம்பாத³னதோ கிரியாகிரியங்.
Tesaṃ atthibhāvaṃ ajānantiyāti (pāci. aṭṭha. 1163) tesaṃ mātādīnaṃ atthibhāvaṃ ajānantiyā. Ananuññātasamuṭṭhānanti yaṃ vācato, kāyavācato, vācācittato, kāyavācācittato ca samuṭṭhāti, taṃ ananuññātasamuṭṭhānaṃ. Kathaṃ? Abbhānakammādīsu kenacideva karaṇīyena khaṇḍasīmāyaṃ nisinnā ‘‘pakkosatha sikkhamānaṃ, idheva naṃ upasampādessāmā’’ti upasampādeti, evaṃ vācato samuṭṭhāti. ‘‘Upassayato uṭṭhāya upasampādessāmī’’ti vatvā khaṇḍasīmaṃ gacchantiyā kāyavācato samuṭṭhāti. Dvīsu ṭhānesu paṇṇattiṃ jānitvā vītikkamaṃ karontiyā vācācittato, kāyavācācittato ca samuṭṭhāti. Ananujānāpetvā upasampādanato kiriyākiriyaṃ.
அனநுஞ்ஞாதஸிக்கா²பத³வண்ணனா நிட்டி²தா.
Ananuññātasikkhāpadavaṇṇanā niṭṭhitā.
