| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༡༠. ཨནནུཉྙཱཏསིཀྑཱཔདཝཎྞནཱ
10. Ananuññātasikkhāpadavaṇṇanā
ཏེསཾ ཨཏྠིབྷཱཝཾ ཨཛཱནནྟིཡཱཏི (པཱཙི॰ ཨཊྛ॰ ༡༡༦༣) ཏེསཾ མཱཏཱདཱིནཾ ཨཏྠིབྷཱཝཾ ཨཛཱནནྟིཡཱ། ཨནནུཉྙཱཏསམུཊྛཱནནྟི ཡཾ ཝཱཙཏོ, ཀཱཡཝཱཙཏོ, ཝཱཙཱཙིཏྟཏོ, ཀཱཡཝཱཙཱཙིཏྟཏོ ཙ སམུཊྛཱཏི, ཏཾ ཨནནུཉྙཱཏསམུཊྛཱནཾ། ཀཐཾ? ཨབྦྷཱནཀམྨཱདཱིསུ ཀེནཙིདེཝ ཀརཎཱིཡེན ཁཎྜསཱིམཱཡཾ ནིསིནྣཱ ‘‘པཀྐོསཐ སིཀྑམཱནཾ, ཨིདྷེཝ ནཾ ཨུཔསམྤཱདེསྶཱམཱ’’ཏི ཨུཔསམྤཱདེཏི, ཨེཝཾ ཝཱཙཏོ སམུཊྛཱཏི། ‘‘ཨུཔསྶཡཏོ ཨུཊྛཱཡ ཨུཔསམྤཱདེསྶཱམཱི’’ཏི ཝཏྭཱ ཁཎྜསཱིམཾ གཙྪནྟིཡཱ ཀཱཡཝཱཙཏོ སམུཊྛཱཏི། དྭཱིསུ ཋཱནེསུ པཎྞཏྟིཾ ཛཱནིཏྭཱ ཝཱིཏིཀྐམཾ ཀརོནྟིཡཱ ཝཱཙཱཙིཏྟཏོ, ཀཱཡཝཱཙཱཙིཏྟཏོ ཙ སམུཊྛཱཏི། ཨནནུཛཱནཱཔེཏྭཱ ཨུཔསམྤཱདནཏོ ཀིརིཡཱཀིརིཡཾ།
Tesaṃ atthibhāvaṃ ajānantiyāti (pāci. aṭṭha. 1163) tesaṃ mātādīnaṃ atthibhāvaṃ ajānantiyā. Ananuññātasamuṭṭhānanti yaṃ vācato, kāyavācato, vācācittato, kāyavācācittato ca samuṭṭhāti, taṃ ananuññātasamuṭṭhānaṃ. Kathaṃ? Abbhānakammādīsu kenacideva karaṇīyena khaṇḍasīmāyaṃ nisinnā ‘‘pakkosatha sikkhamānaṃ, idheva naṃ upasampādessāmā’’ti upasampādeti, evaṃ vācato samuṭṭhāti. ‘‘Upassayato uṭṭhāya upasampādessāmī’’ti vatvā khaṇḍasīmaṃ gacchantiyā kāyavācato samuṭṭhāti. Dvīsu ṭhānesu paṇṇattiṃ jānitvā vītikkamaṃ karontiyā vācācittato, kāyavācācittato ca samuṭṭhāti. Ananujānāpetvā upasampādanato kiriyākiriyaṃ.
ཨནནུཉྙཱཏསིཀྑཱཔདཝཎྞནཱ ནིཊྛིཏཱ།
Ananuññātasikkhāpadavaṇṇanā niṭṭhitā.
