| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[328] 8. ананусожияаж̇аад̇агаван̣н̣анаа
[328] 8. Ananusociyajātakavaṇṇanā
б̣ахуунам̣ виж̇ж̇ад̇ий бход̇ийд̇и ид̣̇ам̣ сад̇т̇аа ж̇зд̇аванз вихаранд̇о згам̣ мад̇абхарияам̣ гудумб̣игам̣ аараб̣бха гат̇зси. со гира бхарияааяа мад̇ааяа на нхааяи на биви на лимби на бхун̃ж̇и, на гамманд̇з баяож̇зси, ан̃н̃ад̣̇ад̇т̇у согаабхибхууд̇о аал̣ааханам̣ г̇анд̇ваа барид̣̇звамаано вижари. аб̣бханд̇арз банасса гудз бад̣̇ийбо вияа сод̇аабад̇д̇имаг̇г̇асса убаниссаяо ж̇алад̇и. сад̇т̇аа бажжуусасамаяз логам̣ ологзнд̇о д̇ам̣ д̣̇исваа ‘‘имасса мам̣ табзд̇ваа ан̃н̃о гожи согам̣ нийхарид̇ваа сод̇аабад̇д̇имаг̇г̇асса д̣̇ааяаго над̇т̇и, бхависсаамисса авассаяо’’д̇и бажчаабхад̇д̇ам̣ бин̣д̣абаад̇абадигганд̇о бажчаасаман̣ам̣ аад̣̇ааяа д̇асса г̇зхад̣̇ваарам̣ г̇анд̇ваа гудумб̣игзна суд̇ааг̇амано гад̇абажжуг̇г̇аманаад̣̇исаггааро бан̃н̃ад̇д̇аасанз нисинно гудумб̣игам̣ ааг̇анд̇ваа ванд̣̇ид̇ваа згаманд̇ам̣ нисиннам̣ ‘‘гим̣, убаасага, жинд̇зсий’’д̇и бужчид̇ваа ‘‘аама, бханд̇з, бхарияаа мз гаалагад̇аа, д̇амахам̣ анусожанд̇о жинд̇змий’’д̇и вуд̇д̇з ‘‘убаасага, бхиж̇ж̇анад̇хаммам̣ наама бхиж̇ж̇ад̇и, д̇асмим̣ бхиннз на яуд̇д̇ам̣ жинд̇зд̇ум̣, бораан̣агабан̣д̣ид̇ааби бхарияааяа мад̇ааяа ‘бхиж̇ж̇анад̇хаммам̣ бхиж̇ж̇ад̇ий’д̇и на жинд̇аяим̣суу’’д̇и вад̇ваа д̇зна яаажид̇о ад̇ийд̇ам̣ аахари. ад̇ийд̇авад̇т̇у д̣̇асаганибаад̇з жуул̣аб̣од̇хиж̇аад̇агз (ж̇аа. 1.10.49 аад̣̇аяо) аави бхависсад̇и, аяам̣ банзд̇т̇а сан̇кзбо.
Bahūnaṃ vijjatī bhotīti idaṃ satthā jetavane viharanto ekaṃ matabhariyaṃ kuṭumbikaṃ ārabbha kathesi. So kira bhariyāya matāya na nhāyi na pivi na limpi na bhuñji, na kammante payojesi, aññadatthu sokābhibhūto āḷāhanaṃ gantvā paridevamāno vicari. Abbhantare panassa kuṭe padīpo viya sotāpattimaggassa upanissayo jalati. Satthā paccūsasamaye lokaṃ olokento taṃ disvā ‘‘imassa maṃ ṭhapetvā añño koci sokaṃ nīharitvā sotāpattimaggassa dāyako natthi, bhavissāmissa avassayo’’ti pacchābhattaṃ piṇḍapātapaṭikkanto pacchāsamaṇaṃ ādāya tassa gehadvāraṃ gantvā kuṭumbikena sutāgamano katapaccuggamanādisakkāro paññattāsane nisinno kuṭumbikaṃ āgantvā vanditvā ekamantaṃ nisinnaṃ ‘‘kiṃ, upāsaka, cintesī’’ti pucchitvā ‘‘āma, bhante, bhariyā me kālakatā, tamahaṃ anusocanto cintemī’’ti vutte ‘‘upāsaka, bhijjanadhammaṃ nāma bhijjati, tasmiṃ bhinne na yuttaṃ cintetuṃ, porāṇakapaṇḍitāpi bhariyāya matāya ‘bhijjanadhammaṃ bhijjatī’ti na cintayiṃsū’’ti vatvā tena yācito atītaṃ āhari. Atītavatthu dasakanipāte cūḷabodhijātake (jā. 1.10.49 ādayo) āvi bhavissati, ayaṃ panettha saṅkhepo.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа маад̇аабид̇уунам̣ санд̇игам̣ аг̇амааси. имасмим̣ ж̇аад̇агз б̣од̇хисад̇д̇о гомаараб̣рахмажаарий ахоси. ат̇асса маад̇аабид̇аро ‘‘д̇ава д̣̇ааригабариязсанам̣ гаромаа’’д̇и аарожаяим̣су. б̣од̇хисад̇д̇о ‘‘на маяхам̣ гхарааваасзнад̇т̇о, ахам̣ д̇умхаагам̣ ажжаязна баб̣б̣аж̇иссаамий’’д̇и вад̇ваа д̇зхи бунаббунам̣ яаажид̇о згам̣ ган̃жанаруубагам̣ гаарзд̇ваа ‘‘зваруубам̣ гумааригам̣ лабхамаано г̇ан̣хиссаамий’’д̇и ааха. д̇асса маад̇аабид̇аро д̇ам̣ ган̃жанаруубагам̣ бадижчаннаяаанз ааробзд̇ваа ‘‘г̇ажчат̇а ж̇амб̣уд̣̇ийбад̇алам̣ вижаранд̇аа яад̇т̇а зваруубам̣ б̣раахман̣агумааригам̣ бассат̇а, д̇ад̇т̇а имам̣ ган̃жанаруубагам̣ д̣̇ад̇ваа д̇ам̣ аанзт̇аа’’д̇и маханд̇зна бариваарзна мануссз бзсзсум̣.
Atīte bārāṇasiyaṃ brahmadatte rajjaṃ kārente bodhisatto brāhmaṇakule nibbattitvā vayappatto takkasilāyaṃ sabbasippāni uggaṇhitvā mātāpitūnaṃ santikaṃ agamāsi. Imasmiṃ jātake bodhisatto komārabrahmacārī ahosi. Athassa mātāpitaro ‘‘tava dārikapariyesanaṃ karomā’’ti ārocayiṃsu. Bodhisatto ‘‘na mayhaṃ gharāvāsenattho, ahaṃ tumhākaṃ accayena pabbajissāmī’’ti vatvā tehi punappunaṃ yācito ekaṃ kañcanarūpakaṃ kāretvā ‘‘evarūpaṃ kumārikaṃ labhamāno gaṇhissāmī’’ti āha. Tassa mātāpitaro taṃ kañcanarūpakaṃ paṭicchannayāne āropetvā ‘‘gacchatha jambudīpatalaṃ vicarantā yattha evarūpaṃ brāhmaṇakumārikaṃ passatha, tattha imaṃ kañcanarūpakaṃ datvā taṃ ānethā’’ti mahantena parivārena manusse pesesuṃ.
д̇асмим̣ бана гаалз зго бун̃н̃аваа сад̇д̇о б̣рахмалогад̇о жавид̇ваа гаасирадтзязва ниг̇амаг̇аамз асийд̇игодивибхавасса б̣раахман̣асса г̇зхз гумааригаа худ̇ваа ниб̣б̣ад̇д̇и, ‘‘саммиллахаасиний’’д̇иссаа наамам̣ агам̣су. саа сол̣асавассагаалз абхируубаа ахоси баасаад̣̇игаа д̣̇зважчараббадибхааг̇аа саб̣б̣ан̇г̇асамбаннаа. д̇ассааби гилзсавасзна жид̇д̇ам̣ наама на уббаннабуб̣б̣ам̣, ажжанд̇аб̣рахмажаариний ахоси. ган̃жанаруубагам̣ аад̣̇ааяа вижаранд̇аа мануссаа д̇ам̣ г̇аамам̣ баабун̣им̣су. д̇ад̇т̇а мануссаа д̇ам̣ д̣̇исваа ‘‘асугаб̣раахман̣асса д̇хийд̇аа саммиллахаасиний гим̣гааран̣аа ид̇ха тид̇аа’’д̇и аахам̣су. мануссаа д̇ам̣ суд̇ваа б̣раахман̣агулам̣ г̇анд̇ваа саммиллахаасиним̣ ваарзсум̣. саа ‘‘ахам̣ д̇умхаагам̣ ажжаязна баб̣б̣аж̇иссаами, на мз гхарааваасзнад̇т̇о’’д̇и маад̇аабид̇уунам̣ саасанам̣ бзсзси. д̇з ‘‘гим̣ гароси гумааригз’’д̇и вад̇ваа ган̃жанаруубагам̣ г̇ахзд̇ваа д̇ам̣ маханд̇зна бариваарзна бзсаяим̣су. б̣од̇хисад̇д̇асса жа саммиллахаасинияаа жа убхиннамби анижчанд̇аанан̃н̃зва ман̇г̇алам̣ гарим̣су. д̇з згаг̇аб̣бхз васамаанаа згасмим̣ саяанз саяанд̇ааби на ан̃н̃аман̃н̃ам̣ гилзсавасзна ологаяим̣су, д̣̇вз бхигкуу д̣̇вз б̣раахмаано вияа жа згасмим̣ таанз васим̣су.
Tasmiṃ pana kāle eko puññavā satto brahmalokato cavitvā kāsiraṭṭheyeva nigamagāme asītikoṭivibhavassa brāhmaṇassa gehe kumārikā hutvā nibbatti, ‘‘sammillahāsinī’’tissā nāmaṃ akaṃsu. Sā soḷasavassakāle abhirūpā ahosi pāsādikā devaccharappaṭibhāgā sabbaṅgasampannā. Tassāpi kilesavasena cittaṃ nāma na uppannapubbaṃ, accantabrahmacārinī ahosi. Kañcanarūpakaṃ ādāya vicarantā manussā taṃ gāmaṃ pāpuṇiṃsu. Tattha manussā taṃ disvā ‘‘asukabrāhmaṇassa dhītā sammillahāsinī kiṃkāraṇā idha ṭhitā’’ti āhaṃsu. Manussā taṃ sutvā brāhmaṇakulaṃ gantvā sammillahāsiniṃ vāresuṃ. Sā ‘‘ahaṃ tumhākaṃ accayena pabbajissāmi, na me gharāvāsenattho’’ti mātāpitūnaṃ sāsanaṃ pesesi. Te ‘‘kiṃ karosi kumārike’’ti vatvā kañcanarūpakaṃ gahetvā taṃ mahantena parivārena pesayiṃsu. Bodhisattassa ca sammillahāsiniyā ca ubhinnampi anicchantānaññeva maṅgalaṃ kariṃsu. Te ekagabbhe vasamānā ekasmiṃ sayane sayantāpi na aññamaññaṃ kilesavasena olokayiṃsu, dve bhikkhū dve brāhmāno viya ca ekasmiṃ ṭhāne vasiṃsu.
абарабхааг̇з б̣од̇хисад̇д̇асса маад̇аабид̇аро гааламагам̣су. со д̇зсам̣ сарийрагижжам̣ гад̇ваа саммиллахаасиним̣ баггосаабзд̇ваа ‘‘бхад̣̇д̣̇з, мама гуласанд̇агаа асийд̇игодияо, д̇ава гуласанд̇агаа асийд̇игодияод̇и имам̣ зд̇д̇агам̣ д̇ханам̣ г̇ахзд̇ваа имам̣ гудумб̣ам̣ бадибаж̇ж̇аахи, ахам̣ баб̣б̣аж̇иссаамий’’д̇и ааха. ‘‘аяяабуд̇д̇а, д̇аяи баб̣б̣аж̇анд̇з ахамби баб̣б̣аж̇иссаами, на саггоми д̇ам̣ ж̇ахид̇у’’нд̇и . ‘‘д̇зна хи зхий’’д̇и саб̣б̣ам̣ д̇ханам̣ д̣̇аанамукз виссаж̇ж̇зд̇ваа кзл̣абин̣д̣ам̣ вияа самбад̇д̇им̣ бахааяа химаванд̇ам̣ бависид̇ваа убхоби д̇аабасабаб̣б̣аж̇ж̇ам̣ баб̣б̣аж̇ид̇ваа ванамуулапалаахаараа д̇ад̇т̇а жирам̣ васид̇ваа лон̣амб̣иласзванад̇т̇ааяа химаванд̇аа од̇арид̇ваа анубуб̣б̣зна б̣аараан̣асим̣ бад̇ваа рааж̇уяяаанз васим̣су.
Aparabhāge bodhisattassa mātāpitaro kālamakaṃsu. So tesaṃ sarīrakiccaṃ katvā sammillahāsiniṃ pakkosāpetvā ‘‘bhadde, mama kulasantakā asītikoṭiyo, tava kulasantakā asītikoṭiyoti imaṃ ettakaṃ dhanaṃ gahetvā imaṃ kuṭumbaṃ paṭipajjāhi, ahaṃ pabbajissāmī’’ti āha. ‘‘Ayyaputta, tayi pabbajante ahampi pabbajissāmi, na sakkomi taṃ jahitu’’nti . ‘‘Tena hi ehī’’ti sabbaṃ dhanaṃ dānamukhe vissajjetvā kheḷapiṇḍaṃ viya sampattiṃ pahāya himavantaṃ pavisitvā ubhopi tāpasapabbajjaṃ pabbajitvā vanamūlaphalāhārā tattha ciraṃ vasitvā loṇambilasevanatthāya himavantā otaritvā anupubbena bārāṇasiṃ patvā rājuyyāne vasiṃsu.
д̇зсам̣ д̇ад̇т̇а васанд̇аанам̣ сукумаалааяа бариб̣б̣ааж̇игааяа нирож̇ам̣ миссагабхад̇д̇ам̣ барибхун̃ж̇анд̇ияаа лохид̇абагканд̣̇игааб̣аад̇хо уббаж̇ж̇и. саа саббааяабхзсаж̇ж̇ам̣ алабхамаанаа д̣̇уб̣б̣алаа ахоси. б̣од̇хисад̇д̇о бхигкаажааравзлааяа д̇ам̣ бариг̇г̇ахзд̇ваа наг̇арад̣̇ваарам̣ нзд̇ваа згиссаа саалааяа палагз нибаж̇ж̇аабзд̇ваа саяам̣ бхигкааяа баависи. саа д̇асмим̣ анигканд̇зязва гааламагааси. махааж̇ано бариб̣б̣ааж̇игааяа руубасамбад̇д̇им̣ д̣̇исваа бариваарзд̇ваа род̣̇ад̇и барид̣̇звад̇и. б̣од̇хисад̇д̇о бхигкам̣ жарид̇ваа ааг̇ад̇о д̇ассаа мад̇абхаавам̣ н̃ад̇ваа ‘‘бхиж̇ж̇анад̇хаммам̣ бхиж̇ж̇ад̇и, саб̣б̣з сан̇каараа анижжаа звам̣г̇ад̇игааязваа’’д̇и вад̇ваа д̇ааяа нибаннапалагзязва нисийд̣̇ид̇ваа миссагабхож̇анам̣ бхун̃ж̇ид̇ваа мукам̣ вигкаалзси. бариваарзд̇ваа тид̇амахааж̇ано ‘‘аяам̣ д̇з, бханд̇з, бариб̣б̣ааж̇игаа гим̣ ход̇ий’’д̇и бужчи. ‘‘г̇ихигаалз мз баад̣̇абарижааригаа ахосий’’д̇и. ‘‘бханд̇з, маяам̣ д̇аава на сан̣таама род̣̇аама барид̣̇зваама, д̇умхз гасмаа на род̣̇ат̇аа’’д̇и? б̣од̇хисад̇д̇о ‘‘ж̇ийвамаанаа д̇аава зсаа мама гин̃жи ход̇и, ид̣̇аани баралогасаман̇г̇ид̇ааяа на гин̃жи ход̇и, маран̣авасам̣ г̇ад̇аа, ахам̣ гисса род̣̇аамий’’д̇и махааж̇анасса д̇хаммам̣ д̣̇зсзнд̇о имаа г̇аат̇аа абхааси –
Tesaṃ tattha vasantānaṃ sukhumālāya paribbājikāya nirojaṃ missakabhattaṃ paribhuñjantiyā lohitapakkhandikābādho uppajji. Sā sappāyabhesajjaṃ alabhamānā dubbalā ahosi. Bodhisatto bhikkhācāravelāya taṃ pariggahetvā nagaradvāraṃ netvā ekissā sālāya phalake nipajjāpetvā sayaṃ bhikkhāya pāvisi. Sā tasmiṃ anikkhanteyeva kālamakāsi. Mahājano paribbājikāya rūpasampattiṃ disvā parivāretvā rodati paridevati. Bodhisatto bhikkhaṃ caritvā āgato tassā matabhāvaṃ ñatvā ‘‘bhijjanadhammaṃ bhijjati, sabbe saṅkhārā aniccā evaṃgatikāyevā’’ti vatvā tāya nipannaphalakeyeva nisīditvā missakabhojanaṃ bhuñjitvā mukhaṃ vikkhālesi. Parivāretvā ṭhitamahājano ‘‘ayaṃ te, bhante, paribbājikā kiṃ hotī’’ti pucchi. ‘‘Gihikāle me pādaparicārikā ahosī’’ti. ‘‘Bhante, mayaṃ tāva na saṇṭhāma rodāma paridevāma, tumhe kasmā na rodathā’’ti? Bodhisatto ‘‘jīvamānā tāva esā mama kiñci hoti, idāni paralokasamaṅgitāya na kiñci hoti, maraṇavasaṃ gatā, ahaṃ kissa rodāmī’’ti mahājanassa dhammaṃ desento imā gāthā abhāsi –
109.
109.
‘‘б̣ахуунам̣ виж̇ж̇ад̇ий бход̇ий, д̇зхи мз гим̣ бхависсад̇и;
‘‘Bahūnaṃ vijjatī bhotī, tehi me kiṃ bhavissati;
д̇асмаа зд̇ам̣ на сожаами, бияам̣ саммиллахаасиним̣.
Tasmā etaṃ na socāmi, piyaṃ sammillahāsiniṃ.
110.
110.
‘‘д̇ам̣ д̇ам̣ жз анусожзяяа, яам̣ яам̣ д̇асса на виж̇ж̇ад̇и;
‘‘Taṃ taṃ ce anusoceyya, yaṃ yaṃ tassa na vijjati;
ад̇д̇аанаманусожзяяа, сад̣̇аа мажжувасам̣ бад̇ам̣.
Attānamanusoceyya, sadā maccuvasaṃ pataṃ.
111.
111.
‘‘на хзва тид̇ам̣ наасийнам̣, на саяаанам̣ на бад̣̇д̇хаг̇ум̣;
‘‘Na heva ṭhitaṃ nāsīnaṃ, na sayānaṃ na paddhaguṃ;
яаава б̣яаад̇и нимисад̇и, д̇ад̇рааби расад̇ий ваяо.
Yāva byāti nimisati, tatrāpi rasatī vayo.
112.
112.
‘‘д̇ад̇т̇ад̇д̇ани вад̇аббад̣̇д̇хз, винаабхаавз асам̣саяз;
‘‘Tatthattani vatappaddhe, vinābhāve asaṃsaye;
бхууд̇ам̣ сзсам̣ д̣̇аяид̇аб̣б̣ам̣, вийд̇ам̣ ананусожияа’’нд̇и.
Bhūtaṃ sesaṃ dayitabbaṃ, vītaṃ ananusociya’’nti.
д̇ад̇т̇а б̣ахуунам̣ виж̇ж̇ад̇ий бход̇ийд̇и аяам̣ бход̇ий амхз чад̣д̣зд̇ваа ид̣̇аани ан̃н̃зсам̣ б̣ахуунам̣ мад̇агасад̇д̇аанам̣ анд̇арз виж̇ж̇ад̇и ад̇т̇и убалаб̣бхад̇и. д̇зхи мз гим̣ бхависсад̇ийд̇и д̇зхи мад̇агасад̇д̇зхи сад̣̇д̇хим̣ вад̇д̇амаанаа ид̣̇аанзвзсаа маяхам̣ гим̣ бхависсад̇и , д̇зхи ваа мад̇агасад̇д̇зхи ад̇ирзгасамб̣анд̇хавасзнзсаа маяхам̣ гим̣ бхависсад̇и, гаа наама бхависсад̇и, гим̣ бхарияаа, уд̣̇ааху бхаг̇инийд̇и? ‘‘д̇зхи мзга’’нд̇иби баато, д̇зхи мад̇агзхи сад̣̇д̇хим̣ ид̣̇амби мз гал̣зварам̣ згам̣ бхависсад̇ийд̇и ад̇т̇о. д̇асмаад̇и яасмаа зсаа мад̇агзсу сан̇кам̣ г̇ад̇аа, маяхам̣ саа на гин̃жи ход̇и, д̇асмаа зд̇ам̣ на сожаами.
Tattha bahūnaṃ vijjatī bhotīti ayaṃ bhotī amhe chaḍḍetvā idāni aññesaṃ bahūnaṃ matakasattānaṃ antare vijjati atthi upalabbhati. Tehi me kiṃ bhavissatīti tehi matakasattehi saddhiṃ vattamānā idānevesā mayhaṃ kiṃ bhavissati , tehi vā matakasattehi atirekasambandhavasenesā mayhaṃ kiṃ bhavissati, kā nāma bhavissati, kiṃ bhariyā, udāhu bhaginīti? ‘‘Tehi meka’’ntipi pāṭho, tehi matakehi saddhiṃ idampi me kaḷevaraṃ ekaṃ bhavissatīti attho. Tasmāti yasmā esā matakesu saṅkhaṃ gatā, mayhaṃ sā na kiñci hoti, tasmā etaṃ na socāmi.
яам̣ яам̣ д̇ассаад̇и яам̣ яам̣ д̇асса анусожанагасса сад̇д̇асса на виж̇ж̇ад̇и над̇т̇и, мад̇ам̣ нируд̣̇д̇хам̣, д̇ам̣ д̇ам̣ сажз анусожзяяаад̇и ад̇т̇о. ‘‘яассаа’’д̇иби баато, яам̣ яам̣ яасса на виж̇ж̇ад̇и, д̇ам̣ д̇ам̣ со анусожзяяаад̇и ад̇т̇о. мажжувасам̣ бад̇анд̇и звам̣ санд̇з нижжам̣ мажжувасам̣ бад̇анд̇ам̣ г̇ажчанд̇ам̣ ад̇д̇аанамзва анусожзяяа, д̇знасса асожанагаалоязва на бхавзяяаад̇и ад̇т̇о.
Yaṃ yaṃ tassāti yaṃ yaṃ tassa anusocanakassa sattassa na vijjati natthi, mataṃ niruddhaṃ, taṃ taṃ sace anusoceyyāti attho. ‘‘Yassā’’tipi pāṭho, yaṃ yaṃ yassa na vijjati, taṃ taṃ so anusoceyyāti attho. Maccuvasaṃ patanti evaṃ sante niccaṃ maccuvasaṃ patantaṃ gacchantaṃ attānameva anusoceyya, tenassa asocanakāloyeva na bhaveyyāti attho.
д̇ад̇ияаг̇аат̇ааяа на хзва тид̇ам̣ наасийнам̣, на саяаанам̣ на бад̣̇д̇хаг̇унд̇и ган̃жи сад̇д̇ам̣ ааяусан̇кааро ануг̇ажчад̇ийд̇и баатасзсо. д̇ад̇т̇а бад̣̇д̇хаг̇унд̇и баривад̇д̇зд̇ваа жарамаанам̣. ид̣̇ам̣ вуд̇д̇ам̣ ход̇и – имз сад̇д̇аа жад̇уусуби ирияаабат̇зсу бамад̇д̇аа вихаранд̇и, ааяусан̇каараа бана рад̇д̇ин̃жа д̣̇иваа жа саб̣б̣ирияаабат̇зсу аббамад̇д̇аа ад̇д̇ано каяаг̇аманагаммамзва гаронд̇ийд̇и. яаава б̣яаад̇ийд̇и яаава уммисад̇и. аяан̃хи д̇асмим̣ гаалз вохааро. ид̣̇ам̣ вуд̇д̇ам̣ ход̇и – яаава уммисад̇и жа нимисад̇и жа, д̇ад̇рааби звам̣ аббамад̇д̇агз гаалз имзсам̣ сад̇д̇аанам̣ расад̇ий ваяо, д̇ийсу ваязсу со со ваяо хааяад̇зва на вад̣дхад̇ийд̇и.
Tatiyagāthāya na heva ṭhitaṃ nāsīnaṃ, na sayānaṃ na paddhagunti kañci sattaṃ āyusaṅkhāro anugacchatīti pāṭhaseso. Tattha paddhagunti parivattetvā caramānaṃ. Idaṃ vuttaṃ hoti – ime sattā catūsupi iriyāpathesu pamattā viharanti, āyusaṅkhārā pana rattiñca divā ca sabbiriyāpathesu appamattā attano khayagamanakammameva karontīti. Yāva byātīti yāva ummisati. Ayañhi tasmiṃ kāle vohāro. Idaṃ vuttaṃ hoti – yāva ummisati ca nimisati ca, tatrāpi evaṃ appamattake kāle imesaṃ sattānaṃ rasatī vayo, tīsu vayesu so so vayo hāyateva na vaḍḍhatīti.
д̇ад̇т̇ад̇д̇ани вад̇аббад̣̇д̇хзд̇и д̇ад̇т̇а вад̇а ад̇д̇ани бад̣̇д̇хз. ид̣̇ам̣ вуд̇д̇ам̣ ход̇и д̇асмим̣ вад̇а звам̣ расамаанз ваяз аяам̣ ‘‘ад̇д̇аа’’д̇и сан̇кяам̣ г̇ад̇о ад̇д̇абхааво бад̣̇д̇хо ход̇и, ваязна ад̣дхо убад̣дхо абарибун̣н̣ова ход̇и . звам̣ д̇ад̇т̇а имасмим̣ ад̇д̇ани бад̣̇д̇хз яо жзса д̇ад̇т̇а д̇ад̇т̇а ниб̣б̣ад̇д̇аанам̣ сад̇д̇аанам̣ винаабхааво асам̣саяо, д̇асмим̣ винаабхаавзби асам̣саяз ниссам̣саяз яам̣ бхууд̇ам̣ сзсам̣ амад̇ам̣ ж̇ийвамаанам̣, д̇ам̣ ж̇ийвамаанамзва д̣̇аяид̇аб̣б̣ам̣ бияааяид̇аб̣б̣ам̣ мзд̇д̇ааяид̇аб̣б̣ам̣, ‘‘аяам̣ сад̇д̇о арог̇о ход̇у аб̣яаабаж̇ж̇о’’д̇и звам̣ д̇асмим̣ мзд̇д̇аабхааванаа гаад̇аб̣б̣аа. яам̣ банзд̇ам̣ вийд̇ам̣ виг̇ад̇ам̣ мад̇ам̣, д̇ам̣ ананусожияам̣ на анусожид̇аб̣б̣анд̇и.
Tatthattani vatappaddheti tattha vata attani paddhe. Idaṃ vuttaṃ hoti tasmiṃ vata evaṃ rasamāne vaye ayaṃ ‘‘attā’’ti saṅkhyaṃ gato attabhāvo paddho hoti, vayena aḍḍho upaḍḍho aparipuṇṇova hoti . Evaṃ tattha imasmiṃ attani paddhe yo cesa tattha tattha nibbattānaṃ sattānaṃ vinābhāvo asaṃsayo, tasmiṃ vinābhāvepi asaṃsaye nissaṃsaye yaṃ bhūtaṃ sesaṃ amataṃ jīvamānaṃ, taṃ jīvamānameva dayitabbaṃ piyāyitabbaṃ mettāyitabbaṃ, ‘‘ayaṃ satto arogo hotu abyāpajjo’’ti evaṃ tasmiṃ mettābhāvanā kātabbā. Yaṃ panetaṃ vītaṃ vigataṃ mataṃ, taṃ ananusociyaṃ na anusocitabbanti.
звам̣ махаасад̇д̇о жад̇уухи г̇аат̇аахи анижжаагаарам̣ д̣̇ийбзнд̇о д̇хаммам̣ д̣̇зсзси. махааж̇ано бариб̣б̣ааж̇игааяа сарийрагижжам̣ агааси. б̣од̇хисад̇д̇о химаванд̇амзва бависид̇ваа жхаанаабхин̃н̃аасамаабад̇д̇ияо ниб̣б̣ад̇д̇зд̇ваа б̣рахмалогабарааяан̣о ахоси.
Evaṃ mahāsatto catūhi gāthāhi aniccākāraṃ dīpento dhammaṃ desesi. Mahājano paribbājikāya sarīrakiccaṃ akāsi. Bodhisatto himavantameva pavisitvā jhānābhiññāsamāpattiyo nibbattetvā brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз гудумб̣иго сод̇аабад̇д̇ипалз бад̇идтахи. д̇ад̣̇аа саммиллахаасиний раахуламаад̇аа ахоси, д̇аабасо бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne kuṭumbiko sotāpattiphale patiṭṭhahi. Tadā sammillahāsinī rāhulamātā ahosi, tāpaso pana ahameva ahosinti.
ананусожияаж̇аад̇агаван̣н̣анаа адтамаа.
Ananusociyajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 328. ананусожияаж̇аад̇агам̣ • 328. Ananusociyajātakaṃ
