| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
2. ப³லவக்³கோ³
2. Balavaggo
1. அனநுஸ்ஸுதஸுத்தவண்ணனா
1. Ananussutasuttavaṇṇanā
11. து³தியஸ்ஸ பட²மே புப்³பா³ஹங், பி⁴க்க²வே, அனநுஸ்ஸுதேஸு த⁴ம்மேஸூதி அஹங், பி⁴க்க²வே, புப்³பே³ அனநுஸ்ஸுதேஸு சதூஸு ஸச்சத⁴ம்மேஸு. அபி⁴ஞ்ஞாவோஸானபாரமிப்பத்தோ படிஜானாமீதி சதூஸு ஸச்சேஸு சதூஹி மக்³கே³ஹி ஸோளஸவித⁴ஸ்ஸ கிச்சஸ்ஸ கரணேன அபி⁴ஜானித்வா வோஸானபாரமிங் ஸப்³பே³ஸங் கிச்சானங் நிட்டி²தத்தா கதகிச்சபா⁴வங் பாரங் பத்தோ படிஜானாமீதி மஹாபோ³தி⁴பல்லங்கே அத்தனோ ஆக³மனீயகு³ணங் த³ஸ்ஸேதி. ததா²க³தஸ்ஸாதி அட்ட²ஹி காரணேஹி ததா²க³தஸ்ஸ. ததா²க³தப³லானீதி யதா² தேஹி க³ந்தப்³ப³ங், ததே²வ க³தானி பவத்தானி ஞாணப³லானி. ஆஸப⁴ங் டா²னந்தி ஸெட்ட²ட்டா²னங். ஸீஹனாத³ந்தி அபீ⁴தனாத³ங். ப்³ரஹ்மசக்கந்தி ஸெட்ட²சக்கங். பவத்தேதீதி கதே²தி.
11. Dutiyassa paṭhame pubbāhaṃ, bhikkhave, ananussutesu dhammesūti ahaṃ, bhikkhave, pubbe ananussutesu catūsu saccadhammesu. Abhiññāvosānapāramippatto paṭijānāmīti catūsu saccesu catūhi maggehi soḷasavidhassa kiccassa karaṇena abhijānitvā vosānapāramiṃ sabbesaṃ kiccānaṃ niṭṭhitattā katakiccabhāvaṃ pāraṃ patto paṭijānāmīti mahābodhipallaṅke attano āgamanīyaguṇaṃ dasseti. Tathāgatassāti aṭṭhahi kāraṇehi tathāgatassa. Tathāgatabalānīti yathā tehi gantabbaṃ, tatheva gatāni pavattāni ñāṇabalāni. Āsabhaṃ ṭhānanti seṭṭhaṭṭhānaṃ. Sīhanādanti abhītanādaṃ. Brahmacakkanti seṭṭhacakkaṃ. Pavattetīti katheti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. அனநுஸ்ஸுதஸுத்தங் • 1. Ananussutasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6. மஹாஸுபினஸுத்தவண்ணனா • 6. Mahāsupinasuttavaṇṇanā
