| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
২. বলৰগ্গো
2. Balavaggo
১. অননুস্সুতসুত্তৰণ্ণনা
1. Ananussutasuttavaṇṇanā
১১. দুতিযস্স পঠমে অভিজানিত্ৰাতি অভিৰিসিট্ঠেন ঞাণেন জানিত্ৰা। অট্ঠহি কারণেহি তথাগতস্সাতি ‘‘তথা আগতোতি তথাগতো। তথা গতোতি তথাগতো। তথলক্খণং আগতোতি তথাগতো। তথধম্মে যাথাৰতো অভিসম্বুদ্ধোতি তথাগতো। তথদস্সিতায তথাগতো। তথাৰাদিতায তথাগতো। তথাকারিতায তথাগতো। অভিভৰনট্ঠেন তথাগতো’’তি এৰং ৰুত্তেহি অট্ঠহি কারণেহি। উসভস্স ইদন্তি আসভং, সেট্ঠট্ঠানং। তেনাহ ‘‘আসভং ঠানন্তি সেট্ঠট্ঠান’’ন্তি। পরতো দস্সিতবলযোগেন ‘‘দসবলোহ’’ন্তি অভীতনাদং নদতি। ব্রহ্মচক্কন্তি এত্থ সেট্ঠপরিযাযো। ব্রহ্মসদ্দোতি আহ ‘‘সেট্ঠচক্ক’’ন্তি। চক্কঞ্চেতং ধম্মচক্কং অধিপ্পেতং।
11. Dutiyassa paṭhame abhijānitvāti abhivisiṭṭhena ñāṇena jānitvā. Aṭṭhahi kāraṇehi tathāgatassāti ‘‘tathā āgatoti tathāgato. Tathā gatoti tathāgato. Tathalakkhaṇaṃ āgatoti tathāgato. Tathadhamme yāthāvato abhisambuddhoti tathāgato. Tathadassitāya tathāgato. Tathāvāditāya tathāgato. Tathākāritāya tathāgato. Abhibhavanaṭṭhena tathāgato’’ti evaṃ vuttehi aṭṭhahi kāraṇehi. Usabhassa idanti āsabhaṃ, seṭṭhaṭṭhānaṃ. Tenāha ‘‘āsabhaṃ ṭhānanti seṭṭhaṭṭhāna’’nti. Parato dassitabalayogena ‘‘dasabaloha’’nti abhītanādaṃ nadati. Brahmacakkanti ettha seṭṭhapariyāyo. Brahmasaddoti āha ‘‘seṭṭhacakka’’nti. Cakkañcetaṃ dhammacakkaṃ adhippetaṃ.
অননুস্সুতসুত্তৰণ্ণনা নিট্ঠিতা।
Ananussutasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১. অননুস্সুতসুত্তং • 1. Ananussutasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. অননুস্সুতসুত্তৰণ্ণনা • 1. Ananussutasuttavaṇṇanā
