| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๒. พลวโคฺค
2. Balavaggo
๑. อนนุสฺสุตสุตฺตวณฺณนา
1. Ananussutasuttavaṇṇanā
๑๑. ทุติยสฺส ปฐเม ปุพฺพาหํ, ภิกฺขเว, อนนุสฺสุเตสุ ธเมฺมสูติ อหํ, ภิกฺขเว, ปุเพฺพ อนนุสฺสุเตสุ จตูสุ สจฺจธเมฺมสุฯ อภิญฺญาโวสานปารมิปฺปโตฺต ปฎิชานามีติ จตูสุ สเจฺจสุ จตูหิ มเคฺคหิ โสฬสวิธสฺส กิจฺจสฺส กรเณน อภิชานิตฺวา โวสานปารมิํ สเพฺพสํ กิจฺจานํ นิฎฺฐิตตฺตา กตกิจฺจภาวํ ปารํ ปโตฺต ปฎิชานามีติ มหาโพธิปลฺลเงฺก อตฺตโน อาคมนียคุณํ ทเสฺสติฯ ตถาคตสฺสาติ อฎฺฐหิ การเณหิ ตถาคตสฺสฯ ตถาคตพลานีติ ยถา เตหิ คนฺตพฺพํ, ตเถว คตานิ ปวตฺตานิ ญาณพลานิฯ อาสภํ ฐานนฺติ เสฎฺฐฎฺฐานํฯ สีหนาทนฺติ อภีตนาทํฯ พฺรหฺมจกฺกนฺติ เสฎฺฐจกฺกํฯ ปวเตฺตตีติ กเถติฯ
11. Dutiyassa paṭhame pubbāhaṃ, bhikkhave, ananussutesu dhammesūti ahaṃ, bhikkhave, pubbe ananussutesu catūsu saccadhammesu. Abhiññāvosānapāramippatto paṭijānāmīti catūsu saccesu catūhi maggehi soḷasavidhassa kiccassa karaṇena abhijānitvā vosānapāramiṃ sabbesaṃ kiccānaṃ niṭṭhitattā katakiccabhāvaṃ pāraṃ patto paṭijānāmīti mahābodhipallaṅke attano āgamanīyaguṇaṃ dasseti. Tathāgatassāti aṭṭhahi kāraṇehi tathāgatassa. Tathāgatabalānīti yathā tehi gantabbaṃ, tatheva gatāni pavattāni ñāṇabalāni. Āsabhaṃ ṭhānanti seṭṭhaṭṭhānaṃ. Sīhanādanti abhītanādaṃ. Brahmacakkanti seṭṭhacakkaṃ. Pavattetīti katheti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. อนนุสฺสุตสุตฺตํ • 1. Ananussutasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖. มหาสุปินสุตฺตวณฺณนา • 6. Mahāsupinasuttavaṇṇanā
