| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
២. ពលវគ្គោ
2. Balavaggo
១. អននុស្សុតសុត្តវណ្ណនា
1. Ananussutasuttavaṇṇanā
១១. ទុតិយស្ស បឋមេ បុព្ពាហំ, ភិក្ខវេ, អននុស្សុតេសុ ធម្មេសូតិ អហំ, ភិក្ខវេ, បុព្ពេ អននុស្សុតេសុ ចតូសុ សច្ចធម្មេសុ។ អភិញ្ញាវោសានបារមិប្បត្តោ បដិជានាមីតិ ចតូសុ សច្ចេសុ ចតូហិ មគ្គេហិ សោឡសវិធស្ស កិច្ចស្ស ករណេន អភិជានិត្វា វោសានបារមិំ សព្ពេសំ កិច្ចានំ និដ្ឋិតត្តា កតកិច្ចភាវំ បារំ បត្តោ បដិជានាមីតិ មហាពោធិបល្លង្កេ អត្តនោ អាគមនីយគុណំ ទស្សេតិ។ តថាគតស្សាតិ អដ្ឋហិ ការណេហិ តថាគតស្ស។ តថាគតពលានីតិ យថា តេហិ គន្តព្ពំ, តថេវ គតានិ បវត្តានិ ញាណពលានិ។ អាសភំ ឋានន្តិ សេដ្ឋដ្ឋានំ។ សីហនាទន្តិ អភីតនាទំ។ ព្រហ្មចក្កន្តិ សេដ្ឋចក្កំ។ បវត្តេតីតិ កថេតិ។
11. Dutiyassa paṭhame pubbāhaṃ, bhikkhave, ananussutesu dhammesūti ahaṃ, bhikkhave, pubbe ananussutesu catūsu saccadhammesu. Abhiññāvosānapāramippatto paṭijānāmīti catūsu saccesu catūhi maggehi soḷasavidhassa kiccassa karaṇena abhijānitvā vosānapāramiṃ sabbesaṃ kiccānaṃ niṭṭhitattā katakiccabhāvaṃ pāraṃ patto paṭijānāmīti mahābodhipallaṅke attano āgamanīyaguṇaṃ dasseti. Tathāgatassāti aṭṭhahi kāraṇehi tathāgatassa. Tathāgatabalānīti yathā tehi gantabbaṃ, tatheva gatāni pavattāni ñāṇabalāni. Āsabhaṃ ṭhānanti seṭṭhaṭṭhānaṃ. Sīhanādanti abhītanādaṃ. Brahmacakkanti seṭṭhacakkaṃ. Pavattetīti katheti.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១. អននុស្សុតសុត្តំ • 1. Ananussutasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៦. មហាសុបិនសុត្តវណ្ណនា • 6. Mahāsupinasuttavaṇṇanā
