| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
2. බලවග්‌ගො
2. Balavaggo
1. අනනුස්‌සුතසුත්‌තවණ්‌ණනා
1. Ananussutasuttavaṇṇanā
11. දුතියස්‌ස පඨමෙ අභිජානිත්‌වාති අභිවිසිට්‌ඨෙන ඤාණෙන ජානිත්‌වා. අට්‌ඨහි කාරණෙහි තථාගතස්‌සාති ‘‘තථා ආගතොති තථාගතො. තථා ගතොති තථාගතො. තථලක්‌ඛණං ආගතොති තථාගතො. තථධම්‌මෙ යාථාවතො අභිසම්‌බුද්‌ධොති තථාගතො. තථදස්‌සිතාය තථාගතො. තථාවාදිතාය තථාගතො. තථාකාරිතාය තථාගතො. අභිභවනට්‌ඨෙන තථාගතො’’ති එවං වුත්‌තෙහි අට්‌ඨහි කාරණෙහි. උසභස්‌ස ඉදන්‌ති ආසභං, සෙට්‌ඨට්‌ඨානං. තෙනාහ ‘‘ආසභං ඨානන්‌ති සෙට්‌ඨට්‌ඨාන’’න්‌ති. පරතො දස්‌සිතබලයොගෙන ‘‘දසබලොහ’’න්‌ති අභීතනාදං නදති. බ්‍රහ්‌මචක්‌කන්‌ති එත්‌ථ සෙට්‌ඨපරියායො. බ්‍රහ්‌මසද්‌දොති ආහ ‘‘සෙට්‌ඨචක්‌ක’’න්‌ති. චක්‌කඤ්‌චෙතං ධම්‌මචක්‌කං අධිප්‌පෙතං.
11. Dutiyassa paṭhame abhijānitvāti abhivisiṭṭhena ñāṇena jānitvā. Aṭṭhahi kāraṇehi tathāgatassāti ‘‘tathā āgatoti tathāgato. Tathā gatoti tathāgato. Tathalakkhaṇaṃ āgatoti tathāgato. Tathadhamme yāthāvato abhisambuddhoti tathāgato. Tathadassitāya tathāgato. Tathāvāditāya tathāgato. Tathākāritāya tathāgato. Abhibhavanaṭṭhena tathāgato’’ti evaṃ vuttehi aṭṭhahi kāraṇehi. Usabhassa idanti āsabhaṃ, seṭṭhaṭṭhānaṃ. Tenāha ‘‘āsabhaṃ ṭhānanti seṭṭhaṭṭhāna’’nti. Parato dassitabalayogena ‘‘dasabaloha’’nti abhītanādaṃ nadati. Brahmacakkanti ettha seṭṭhapariyāyo. Brahmasaddoti āha ‘‘seṭṭhacakka’’nti. Cakkañcetaṃ dhammacakkaṃ adhippetaṃ.
අනනුස්‌සුතසුත්‌තවණ්‌ණනා නිට්‌ඨිතා.
Ananussutasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. අනනුස්‌සුතසුත්‌තං • 1. Ananussutasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. අනනුස්‌සුතසුත්‌තවණ්‌ණනා • 1. Ananussutasuttavaṇṇanā
