| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
२. आनण्यसुत्तवण्णना
2. Ānaṇyasuttavaṇṇanā
६२. दुतिये अधिगमनीयानीति पत्तब्बानि। कामभोगिनाति वत्थुकामे च किलेसकामे च परिभुञ्जन्तेन। अत्थिसुखादीसु अत्थीति उप्पज्जनकसुखं अत्थिसुखं नाम। भोगे परिभुञ्जन्तस्स उप्पज्जनकसुखं भोगसुखं नाम। अनणोस्मीति उप्पज्जनकसुखं आनण्यसुखं नाम। निद्दोसो अनवज्जोस्मीति उप्पज्जनकसुखं अनवज्जसुखं नाम।
62. Dutiye adhigamanīyānīti pattabbāni. Kāmabhogināti vatthukāme ca kilesakāme ca paribhuñjantena. Atthisukhādīsu atthīti uppajjanakasukhaṃ atthisukhaṃ nāma. Bhoge paribhuñjantassa uppajjanakasukhaṃ bhogasukhaṃ nāma. Anaṇosmīti uppajjanakasukhaṃ ānaṇyasukhaṃ nāma. Niddoso anavajjosmīti uppajjanakasukhaṃ anavajjasukhaṃ nāma.
भुञ्जन्ति भुञ्जमानो। पञ्ञा विपस्सतीति पञ्ञाय विपस्सति। उभो भागेति द्वे कोट्ठासे, हेट्ठिमानि तीणि एकं कोट्ठासं, अनवज्जसुखं एकं कोट्ठासन्ति एवं पञ्ञाय पस्समानो द्वे कोट्ठासे जानातीति अत्थो। अनवज्जसुखस्सेतन्ति एतं तिविधम्पि सुखं अनवज्जसुखस्स सोळसिं कलं नाग्घतीति।
Bhuñjanti bhuñjamāno. Paññā vipassatīti paññāya vipassati. Ubho bhāgeti dve koṭṭhāse, heṭṭhimāni tīṇi ekaṃ koṭṭhāsaṃ, anavajjasukhaṃ ekaṃ koṭṭhāsanti evaṃ paññāya passamāno dve koṭṭhāse jānātīti attho. Anavajjasukhassetanti etaṃ tividhampi sukhaṃ anavajjasukhassa soḷasiṃ kalaṃ nāgghatīti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / २. आनण्यसुत्तं • 2. Ānaṇyasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-४. पत्तकम्मसुत्तादिवण्णना • 1-4. Pattakammasuttādivaṇṇanā
