| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
២. អានណ្យសុត្តវណ្ណនា
2. Ānaṇyasuttavaṇṇanā
៦២. ទុតិយេ អធិគមនីយានីតិ បត្តព្ពានិ។ កាមភោគិនាតិ វត្ថុកាមេ ច កិលេសកាមេ ច បរិភុញ្ជន្តេន។ អត្ថិសុខាទីសុ អត្ថីតិ ឧប្បជ្ជនកសុខំ អត្ថិសុខំ នាម។ ភោគេ បរិភុញ្ជន្តស្ស ឧប្បជ្ជនកសុខំ ភោគសុខំ នាម។ អនណោស្មីតិ ឧប្បជ្ជនកសុខំ អានណ្យសុខំ នាម។ និទ្ទោសោ អនវជ្ជោស្មីតិ ឧប្បជ្ជនកសុខំ អនវជ្ជសុខំ នាម។
62. Dutiye adhigamanīyānīti pattabbāni. Kāmabhogināti vatthukāme ca kilesakāme ca paribhuñjantena. Atthisukhādīsu atthīti uppajjanakasukhaṃ atthisukhaṃ nāma. Bhoge paribhuñjantassa uppajjanakasukhaṃ bhogasukhaṃ nāma. Anaṇosmīti uppajjanakasukhaṃ ānaṇyasukhaṃ nāma. Niddoso anavajjosmīti uppajjanakasukhaṃ anavajjasukhaṃ nāma.
ភុញ្ជន្តិ ភុញ្ជមានោ។ បញ្ញា វិបស្សតីតិ បញ្ញាយ វិបស្សតិ។ ឧភោ ភាគេតិ ទ្វេ កោដ្ឋាសេ, ហេដ្ឋិមានិ តីណិ ឯកំ កោដ្ឋាសំ, អនវជ្ជសុខំ ឯកំ កោដ្ឋាសន្តិ ឯវំ បញ្ញាយ បស្សមានោ ទ្វេ កោដ្ឋាសេ ជានាតីតិ អត្ថោ។ អនវជ្ជសុខស្សេតន្តិ ឯតំ តិវិធម្បិ សុខំ អនវជ្ជសុខស្ស សោឡសិំ កលំ នាគ្ឃតីតិ។
Bhuñjanti bhuñjamāno. Paññā vipassatīti paññāya vipassati. Ubho bhāgeti dve koṭṭhāse, heṭṭhimāni tīṇi ekaṃ koṭṭhāsaṃ, anavajjasukhaṃ ekaṃ koṭṭhāsanti evaṃ paññāya passamāno dve koṭṭhāse jānātīti attho. Anavajjasukhassetanti etaṃ tividhampi sukhaṃ anavajjasukhassa soḷasiṃ kalaṃ nāgghatīti.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ២. អានណ្យសុត្តំ • 2. Ānaṇyasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-៤. បត្តកម្មសុត្តាទិវណ្ណនា • 1-4. Pattakammasuttādivaṇṇanā
