| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
2. ආනණ්‍යසුත්‌තවණ්‌ණනා
2. Ānaṇyasuttavaṇṇanā
62. දුතියෙ අධිගමනීයානීති පත්‌තබ්‌බානි. කාමභොගිනාති වත්‌ථුකාමෙ ච කිලෙසකාමෙ ච පරිභුඤ්‌ජන්‌තෙන. අත්‌ථිසුඛාදීසු අත්‌ථීති උප්‌පජ්‌ජනකසුඛං අත්‌ථිසුඛං නාම. භොගෙ පරිභුඤ්‌ජන්‌තස්‌ස උප්‌පජ්‌ජනකසුඛං භොගසුඛං නාම. අනණොස්‌මීති උප්‌පජ්‌ජනකසුඛං ආනණ්‍යසුඛං නාම. නිද්‌දොසො අනවජ්‌ජොස්‌මීති උප්‌පජ්‌ජනකසුඛං අනවජ්‌ජසුඛං නාම.
62. Dutiye adhigamanīyānīti pattabbāni. Kāmabhogināti vatthukāme ca kilesakāme ca paribhuñjantena. Atthisukhādīsu atthīti uppajjanakasukhaṃ atthisukhaṃ nāma. Bhoge paribhuñjantassa uppajjanakasukhaṃ bhogasukhaṃ nāma. Anaṇosmīti uppajjanakasukhaṃ ānaṇyasukhaṃ nāma. Niddoso anavajjosmīti uppajjanakasukhaṃ anavajjasukhaṃ nāma.
භුඤ්‌ජන්‌ති භුඤ්‌ජමානො. පඤ්‌ඤා විපස්‌සතීති පඤ්‌ඤාය විපස්‌සති. උභො භාගෙති ද්‌වෙ කොට්‌ඨාසෙ, හෙට්‌ඨිමානි තීණි එකං කොට්‌ඨාසං, අනවජ්‌ජසුඛං එකං කොට්‌ඨාසන්‌ති එවං පඤ්‌ඤාය පස්‌සමානො ද්‌වෙ කොට්‌ඨාසෙ ජානාතීති අත්‌ථො. අනවජ්‌ජසුඛස්‌සෙතන්‌ති එතං තිවිධම්‌පි සුඛං අනවජ්‌ජසුඛස්‌ස සොළසිං කලං නාග්‌ඝතීති.
Bhuñjanti bhuñjamāno. Paññā vipassatīti paññāya vipassati. Ubho bhāgeti dve koṭṭhāse, heṭṭhimāni tīṇi ekaṃ koṭṭhāsaṃ, anavajjasukhaṃ ekaṃ koṭṭhāsanti evaṃ paññāya passamāno dve koṭṭhāse jānātīti attho. Anavajjasukhassetanti etaṃ tividhampi sukhaṃ anavajjasukhassa soḷasiṃ kalaṃ nāgghatīti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 2. ආනණ්‍යසුත්‌තං • 2. Ānaṇyasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-4. පත්‌තකම්‌මසුත්‌තාදිවණ්‌ණනා • 1-4. Pattakammasuttādivaṇṇanā
