| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༢. ཨཱནཎྱསུཏྟཝཎྞནཱ
2. Ānaṇyasuttavaṇṇanā
༦༢. དུཏིཡེ ཨདྷིགམནཱིཡཱནཱིཏི པཏྟབྦཱནི། ཀཱམབྷོགིནཱཏི ཝཏྠུཀཱམེ ཙ ཀིལེསཀཱམེ ཙ པརིབྷུཉྫནྟེན། ཨཏྠིསུཁཱདཱིསུ ཨཏྠཱིཏི ཨུཔྤཛྫནཀསུཁཾ ཨཏྠིསུཁཾ ནཱམ། བྷོགེ པརིབྷུཉྫནྟསྶ ཨུཔྤཛྫནཀསུཁཾ བྷོགསུཁཾ ནཱམ། ཨནཎོསྨཱིཏི ཨུཔྤཛྫནཀསུཁཾ ཨཱནཎྱསུཁཾ ནཱམ། ནིདྡོསོ ཨནཝཛྫོསྨཱིཏི ཨུཔྤཛྫནཀསུཁཾ ཨནཝཛྫསུཁཾ ནཱམ།
62. Dutiye adhigamanīyānīti pattabbāni. Kāmabhogināti vatthukāme ca kilesakāme ca paribhuñjantena. Atthisukhādīsu atthīti uppajjanakasukhaṃ atthisukhaṃ nāma. Bhoge paribhuñjantassa uppajjanakasukhaṃ bhogasukhaṃ nāma. Anaṇosmīti uppajjanakasukhaṃ ānaṇyasukhaṃ nāma. Niddoso anavajjosmīti uppajjanakasukhaṃ anavajjasukhaṃ nāma.
བྷུཉྫནྟི བྷུཉྫམཱནོ། པཉྙཱ ཝིཔསྶཏཱིཏི པཉྙཱཡ ཝིཔསྶཏི། ཨུབྷོ བྷཱགེཏི དྭེ ཀོཊྛཱསེ, ཧེཊྛིམཱནི ཏཱིཎི ཨེཀཾ ཀོཊྛཱསཾ, ཨནཝཛྫསུཁཾ ཨེཀཾ ཀོཊྛཱསནྟི ཨེཝཾ པཉྙཱཡ པསྶམཱནོ དྭེ ཀོཊྛཱསེ ཛཱནཱཏཱིཏི ཨཏྠོ། ཨནཝཛྫསུཁསྶེཏནྟི ཨེཏཾ ཏིཝིདྷམྤི སུཁཾ ཨནཝཛྫསུཁསྶ སོལ༹སིཾ ཀལཾ ནཱགྒྷཏཱིཏི།
Bhuñjanti bhuñjamāno. Paññā vipassatīti paññāya vipassati. Ubho bhāgeti dve koṭṭhāse, heṭṭhimāni tīṇi ekaṃ koṭṭhāsaṃ, anavajjasukhaṃ ekaṃ koṭṭhāsanti evaṃ paññāya passamāno dve koṭṭhāse jānātīti attho. Anavajjasukhassetanti etaṃ tividhampi sukhaṃ anavajjasukhassa soḷasiṃ kalaṃ nāgghatīti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༢. ཨཱནཎྱསུཏྟཾ • 2. Ānaṇyasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༤. པཏྟཀམྨསུཏྟཱདིཝཎྞནཱ • 1-4. Pattakammasuttādivaṇṇanā
