| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൨. ആനണ്യസുത്തവണ്ണനാ
2. Ānaṇyasuttavaṇṇanā
൬൨. ദുതിയേ അധിഗമനീയാനീതി പത്തബ്ബാനി. കാമഭോഗിനാതി വത്ഥുകാമേ ച കിലേസകാമേ ച പരിഭുഞ്ജന്തേന. അത്ഥിസുഖാദീസു അത്ഥീതി ഉപ്പജ്ജനകസുഖം അത്ഥിസുഖം നാമ. ഭോഗേ പരിഭുഞ്ജന്തസ്സ ഉപ്പജ്ജനകസുഖം ഭോഗസുഖം നാമ. അനണോസ്മീതി ഉപ്പജ്ജനകസുഖം ആനണ്യസുഖം നാമ. നിദ്ദോസോ അനവജ്ജോസ്മീതി ഉപ്പജ്ജനകസുഖം അനവജ്ജസുഖം നാമ.
62. Dutiye adhigamanīyānīti pattabbāni. Kāmabhogināti vatthukāme ca kilesakāme ca paribhuñjantena. Atthisukhādīsu atthīti uppajjanakasukhaṃ atthisukhaṃ nāma. Bhoge paribhuñjantassa uppajjanakasukhaṃ bhogasukhaṃ nāma. Anaṇosmīti uppajjanakasukhaṃ ānaṇyasukhaṃ nāma. Niddoso anavajjosmīti uppajjanakasukhaṃ anavajjasukhaṃ nāma.
ഭുഞ്ജന്തി ഭുഞ്ജമാനോ. പഞ്ഞാ വിപസ്സതീതി പഞ്ഞായ വിപസ്സതി. ഉഭോ ഭാഗേതി ദ്വേ കോട്ഠാസേ, ഹേട്ഠിമാനി തീണി ഏകം കോട്ഠാസം, അനവജ്ജസുഖം ഏകം കോട്ഠാസന്തി ഏവം പഞ്ഞായ പസ്സമാനോ ദ്വേ കോട്ഠാസേ ജാനാതീതി അത്ഥോ. അനവജ്ജസുഖസ്സേതന്തി ഏതം തിവിധമ്പി സുഖം അനവജ്ജസുഖസ്സ സോളസിം കലം നാഗ്ഘതീതി.
Bhuñjanti bhuñjamāno. Paññā vipassatīti paññāya vipassati. Ubho bhāgeti dve koṭṭhāse, heṭṭhimāni tīṇi ekaṃ koṭṭhāsaṃ, anavajjasukhaṃ ekaṃ koṭṭhāsanti evaṃ paññāya passamāno dve koṭṭhāse jānātīti attho. Anavajjasukhassetanti etaṃ tividhampi sukhaṃ anavajjasukhassa soḷasiṃ kalaṃ nāgghatīti.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൨. ആനണ്യസുത്തം • 2. Ānaṇyasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൪. പത്തകമ്മസുത്താദിവണ്ണനാ • 1-4. Pattakammasuttādivaṇṇanā
