| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
8. аанаабаанассад̇исуд̇д̇ам̣
8. Ānāpānassatisuttaṃ
144. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з самб̣ахулзхи абхин̃н̃аад̇зхи абхин̃н̃аад̇зхи т̇зрзхи саавагзхи сад̣̇д̇хим̣ – ааяасмад̇аа жа саарибуд̇д̇зна ааяасмад̇аа жа махаамог̇г̇аллаанзна 1 ааяасмад̇аа жа махаагассабзна ааяасмад̇аа жа махаагажжааяанзна ааяасмад̇аа жа махаагодтигзна ааяасмад̇аа жа махаагаббинзна ааяасмад̇аа жа махаажунд̣̇зна ааяасмад̇аа жа ануруд̣̇д̇хзна ааяасмад̇аа жа рзвад̇зна ааяасмад̇аа жа аананд̣̇зна, ан̃н̃зхи жа абхин̃н̃аад̇зхи абхин̃н̃аад̇зхи т̇зрзхи саавагзхи сад̣̇д̇хим̣.
144. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde sambahulehi abhiññātehi abhiññātehi therehi sāvakehi saddhiṃ – āyasmatā ca sāriputtena āyasmatā ca mahāmoggallānena 2 āyasmatā ca mahākassapena āyasmatā ca mahākaccāyanena āyasmatā ca mahākoṭṭhikena āyasmatā ca mahākappinena āyasmatā ca mahācundena āyasmatā ca anuruddhena āyasmatā ca revatena āyasmatā ca ānandena, aññehi ca abhiññātehi abhiññātehi therehi sāvakehi saddhiṃ.
д̇зна ко бана самаязна т̇зраа бхигкуу навз бхигкуу овад̣̇анд̇и анусаасанд̇и. аббзгажжз т̇зраа бхигкуу д̣̇асаби бхигкуу овад̣̇анд̇и анусаасанд̇и, аббзгажжз т̇зраа бхигкуу вийсамби бхигкуу овад̣̇анд̇и анусаасанд̇и, аббзгажжз т̇зраа бхигкуу д̇им̣самби бхигкуу овад̣̇анд̇и анусаасанд̇и, аббзгажжз т̇зраа бхигкуу жад̇д̇аарийсамби бхигкуу овад̣̇анд̇и анусаасанд̇и. д̇з жа наваа бхигкуу т̇зрзхи бхигкуухи овад̣̇ияамаанаа анусаасияамаанаа ул̣аарам̣ буб̣б̣знаабарам̣ висзсам̣ ж̇аананд̇и 3.
Tena kho pana samayena therā bhikkhū nave bhikkhū ovadanti anusāsanti. Appekacce therā bhikkhū dasapi bhikkhū ovadanti anusāsanti, appekacce therā bhikkhū vīsampi bhikkhū ovadanti anusāsanti, appekacce therā bhikkhū tiṃsampi bhikkhū ovadanti anusāsanti, appekacce therā bhikkhū cattārīsampi bhikkhū ovadanti anusāsanti. Te ca navā bhikkhū therehi bhikkhūhi ovadiyamānā anusāsiyamānā uḷāraṃ pubbenāparaṃ visesaṃ jānanti 4.
145. д̇зна ко бана самаязна бхаг̇аваа д̇ад̣̇ахубосат̇з баннарасз бавааран̣ааяа бун̣н̣ааяа бун̣н̣амааяа рад̇д̇ияаа бхигкусан̇гхабаривуд̇о аб̣бхогаасз нисинно ход̇и. ат̇а ко бхаг̇аваа д̇ун̣хийбхууд̇ам̣ д̇ун̣хийбхууд̇ам̣ бхигкусан̇гхам̣ анувилогзд̇ваа бхигкуу ааманд̇зси – ‘‘аарад̣̇д̇хосми, бхигкавз, имааяа бадибад̣̇ааяа; аарад̣̇д̇хажид̇д̇осми, бхигкавз, имааяа бадибад̣̇ааяа. д̇асмаад̇иха, бхигкавз, бхияяосомад̇д̇ааяа вийрияам̣ аарабхат̇а аббад̇д̇асса бад̇д̇ияаа, анад̇хиг̇ад̇асса ад̇хиг̇амааяа , асажчигад̇асса сажчигирияааяа. ид̇хзваахам̣ саавад̇т̇ияам̣ гомуд̣̇им̣ жаад̇умаасиним̣ ааг̇амзссаамий’’д̇и. ассосум̣ ко ж̇аанабад̣̇аа бхигкуу – ‘‘бхаг̇аваа гира д̇ад̇т̇зва саавад̇т̇ияам̣ гомуд̣̇им̣ жаад̇умаасиним̣ ааг̇амзссад̇ий’’д̇и. д̇з ж̇аанабад̣̇аа бхигкуу саавад̇т̇им̣ 5 осаранд̇и бхаг̇аванд̇ам̣ д̣̇ассанааяа. д̇з жа ко т̇зраа бхигкуу бхияяосомад̇д̇ааяа навз бхигкуу овад̣̇анд̇и анусаасанд̇и. аббзгажжз т̇зраа бхигкуу д̣̇асаби бхигкуу овад̣̇анд̇и анусаасанд̇и, аббзгажжз т̇зраа бхигкуу вийсамби бхигкуу овад̣̇анд̇и анусаасанд̇и , аббзгажжз т̇зраа бхигкуу д̇им̣самби бхигкуу овад̣̇анд̇и анусаасанд̇и, аббзгажжз т̇зраа бхигкуу жад̇д̇аарийсамби бхигкуу овад̣̇анд̇и анусаасанд̇и. д̇з жа наваа бхигкуу т̇зрзхи бхигкуухи овад̣̇ияамаанаа анусаасияамаанаа ул̣аарам̣ буб̣б̣знаабарам̣ висзсам̣ ж̇аананд̇и.
145. Tena kho pana samayena bhagavā tadahuposathe pannarase pavāraṇāya puṇṇāya puṇṇamāya rattiyā bhikkhusaṅghaparivuto abbhokāse nisinno hoti. Atha kho bhagavā tuṇhībhūtaṃ tuṇhībhūtaṃ bhikkhusaṅghaṃ anuviloketvā bhikkhū āmantesi – ‘‘āraddhosmi, bhikkhave, imāya paṭipadāya; āraddhacittosmi, bhikkhave, imāya paṭipadāya. Tasmātiha, bhikkhave, bhiyyosomattāya vīriyaṃ ārabhatha appattassa pattiyā, anadhigatassa adhigamāya , asacchikatassa sacchikiriyāya. Idhevāhaṃ sāvatthiyaṃ komudiṃ cātumāsiniṃ āgamessāmī’’ti. Assosuṃ kho jānapadā bhikkhū – ‘‘bhagavā kira tattheva sāvatthiyaṃ komudiṃ cātumāsiniṃ āgamessatī’’ti. Te jānapadā bhikkhū sāvatthiṃ 6 osaranti bhagavantaṃ dassanāya. Te ca kho therā bhikkhū bhiyyosomattāya nave bhikkhū ovadanti anusāsanti. Appekacce therā bhikkhū dasapi bhikkhū ovadanti anusāsanti, appekacce therā bhikkhū vīsampi bhikkhū ovadanti anusāsanti , appekacce therā bhikkhū tiṃsampi bhikkhū ovadanti anusāsanti, appekacce therā bhikkhū cattārīsampi bhikkhū ovadanti anusāsanti. Te ca navā bhikkhū therehi bhikkhūhi ovadiyamānā anusāsiyamānā uḷāraṃ pubbenāparaṃ visesaṃ jānanti.
146. д̇зна ко бана самаязна бхаг̇аваа д̇ад̣̇ахубосат̇з баннарасз гомуд̣̇ияаа жаад̇умаасинияаа бун̣н̣ааяа бун̣н̣амааяа рад̇д̇ияаа бхигкусан̇гхабаривуд̇о аб̣бхогаасз нисинно ход̇и. ат̇а ко бхаг̇аваа д̇ун̣хийбхууд̇ам̣ д̇ун̣хийбхууд̇ам̣ бхигкусан̇гхам̣ анувилогзд̇ваа бхигкуу ааманд̇зси – ‘‘абалаабааяам̣, бхигкавз, барисаа; ниббалаабааяам̣, бхигкавз, барисаа; суд̣̇д̇хаа саарз 7 бад̇идтид̇аа. д̇ат̇ааруубо аяам̣, бхигкавз, бхигкусан̇гхо; д̇ат̇ааруубаа аяам̣, бхигкавз, барисаа яат̇ааруубаа барисаа аахунзяяаа баахунзяяаа д̣̇агкин̣зяяаа ан̃ж̇алигаран̣ийяаа ануд̇д̇арам̣ бун̃н̃агкзд̇д̇ам̣ логасса. д̇ат̇ааруубо аяам̣, бхигкавз, бхигкусан̇гхо; д̇ат̇ааруубаа аяам̣, бхигкавз, барисаа яат̇ааруубааяа барисааяа аббам̣ д̣̇иннам̣ б̣аху ход̇и, б̣аху д̣̇иннам̣ б̣ахуд̇арам̣. д̇ат̇ааруубо аяам̣, бхигкавз, бхигкусан̇гхо; д̇ат̇ааруубаа аяам̣, бхигкавз, барисаа яат̇ааруубаа барисаа д̣̇уллабхаа д̣̇ассанааяа логасса. д̇ат̇ааруубо аяам̣, бхигкавз, бхигкусан̇гхо; д̇ат̇ааруубаа аяам̣, бхигкавз, барисаа яат̇ааруубам̣ барисам̣ алам̣ яож̇анаг̇ан̣анаани д̣̇ассанааяа г̇анд̇ум̣ будосзнааби’’ 8.
146. Tena kho pana samayena bhagavā tadahuposathe pannarase komudiyā cātumāsiniyā puṇṇāya puṇṇamāya rattiyā bhikkhusaṅghaparivuto abbhokāse nisinno hoti. Atha kho bhagavā tuṇhībhūtaṃ tuṇhībhūtaṃ bhikkhusaṅghaṃ anuviloketvā bhikkhū āmantesi – ‘‘apalāpāyaṃ, bhikkhave, parisā; nippalāpāyaṃ, bhikkhave, parisā; suddhā sāre 9 patiṭṭhitā. Tathārūpo ayaṃ, bhikkhave, bhikkhusaṅgho; tathārūpā ayaṃ, bhikkhave, parisā yathārūpā parisā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassa. Tathārūpo ayaṃ, bhikkhave, bhikkhusaṅgho; tathārūpā ayaṃ, bhikkhave, parisā yathārūpāya parisāya appaṃ dinnaṃ bahu hoti, bahu dinnaṃ bahutaraṃ. Tathārūpo ayaṃ, bhikkhave, bhikkhusaṅgho; tathārūpā ayaṃ, bhikkhave, parisā yathārūpā parisā dullabhā dassanāya lokassa. Tathārūpo ayaṃ, bhikkhave, bhikkhusaṅgho; tathārūpā ayaṃ, bhikkhave, parisā yathārūpaṃ parisaṃ alaṃ yojanagaṇanāni dassanāya gantuṃ puṭosenāpi’’ 10.
147. ‘‘санд̇и, бхигкавз, бхигкуу имасмим̣ бхигкусан̇гхз араханд̇о кийн̣аасаваа вусид̇аванд̇о гад̇агаран̣ийяаа охид̇абхаараа ануббад̇д̇асад̣̇ад̇т̇аа баригкийн̣абхавасам̣яож̇анаа саммад̣̇ан̃н̃аавимуд̇д̇аа – зваруубааби, бхигкавз, санд̇и бхигкуу имасмим̣ бхигкусан̇гхз . санд̇и, бхигкавз, бхигкуу имасмим̣ бхигкусан̇гхз бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇игаа д̇ад̇т̇а бариниб̣б̣ааяино анаавад̇д̇ид̇хаммаа д̇асмаа логаа – зваруубааби, бхигкавз, санд̇и бхигкуу имасмим̣ бхигкусан̇гхз. санд̇и, бхигкавз, бхигкуу имасмим̣ бхигкусан̇гхз д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамино сагид̣̇зва 11 имам̣ логам̣ ааг̇анд̇ваа д̣̇угкассанд̇ам̣ гариссанд̇и – зваруубааби, бхигкавз, санд̇и бхигкуу имасмим̣ бхигкусан̇гхз . санд̇и, бхигкавз, бхигкуу имасмим̣ бхигкусан̇гхз д̇ин̣н̣ам̣ сам̣яож̇анаанам̣ баригкаяаа сод̇аабаннаа авинибаад̇ад̇хаммаа нияад̇аа самб̣од̇хибарааяанаа – зваруубааби, бхигкавз, санд̇и бхигкуу имасмим̣ бхигкусан̇гхз.
147. ‘‘Santi, bhikkhave, bhikkhū imasmiṃ bhikkhusaṅghe arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññāvimuttā – evarūpāpi, bhikkhave, santi bhikkhū imasmiṃ bhikkhusaṅghe . Santi, bhikkhave, bhikkhū imasmiṃ bhikkhusaṅghe pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyino anāvattidhammā tasmā lokā – evarūpāpi, bhikkhave, santi bhikkhū imasmiṃ bhikkhusaṅghe. Santi, bhikkhave, bhikkhū imasmiṃ bhikkhusaṅghe tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmino sakideva 12 imaṃ lokaṃ āgantvā dukkhassantaṃ karissanti – evarūpāpi, bhikkhave, santi bhikkhū imasmiṃ bhikkhusaṅghe . Santi, bhikkhave, bhikkhū imasmiṃ bhikkhusaṅghe tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyanā – evarūpāpi, bhikkhave, santi bhikkhū imasmiṃ bhikkhusaṅghe.
‘‘санд̇и, бхигкавз, бхигкуу имасмим̣ бхигкусан̇гхз жад̇уннам̣ сад̇ибадтаанаанам̣ бхааванаануяог̇амануяуд̇д̇аа вихаранд̇и – зваруубааби, бхигкавз, санд̇и бхигкуу имасмим̣ бхигкусан̇гхз. санд̇и, бхигкавз, бхигкуу имасмим̣ бхигкусан̇гхз жад̇уннам̣ саммаббад̇хаанаанам̣ бхааванаануяог̇амануяуд̇д̇аа вихаранд̇и…бз… жад̇уннам̣ ид̣̇д̇хибаад̣̇аанам̣… бан̃жаннам̣ инд̣̇рияаанам̣… бан̃жаннам̣ б̣алаанам̣… сад̇д̇аннам̣ б̣ож̇жхан̇г̇аанам̣… арияасса адтан̇г̇игасса маг̇г̇асса бхааванаануяог̇амануяуд̇д̇аа вихаранд̇и – зваруубааби, бхигкавз, санд̇и бхигкуу имасмим̣ бхигкусан̇гхз. санд̇и, бхигкавз, бхигкуу имасмим̣ бхигкусан̇гхз мзд̇д̇аабхааванаануяог̇амануяуд̇д̇аа вихаранд̇и… гарун̣аабхааванаануяог̇амануяуд̇д̇аа вихаранд̇и… муд̣̇ид̇аабхааванаануяог̇амануяуд̇д̇аа вихаранд̇и… убзгкаабхааванаануяог̇амануяуд̇д̇аа вихаранд̇и… асубхабхааванаануяог̇амануяуд̇д̇аа вихаранд̇и… анижжасан̃н̃аабхааванаануяог̇амануяуд̇д̇аа вихаранд̇и – зваруубааби, бхигкавз, санд̇и бхигкуу имасмим̣ бхигкусан̇гхз. санд̇и, бхигкавз, бхигкуу имасмим̣ бхигкусан̇гхз аанаабаанассад̇ибхааванаануяог̇амануяуд̇д̇аа вихаранд̇и. аанаабаанассад̇и, бхигкавз, бхаавид̇аа б̣ахулийгад̇аа махабпалаа ход̇и махаанисам̣саа. аанаабаанассад̇и, бхигкавз, бхаавид̇аа б̣ахулийгад̇аа жад̇д̇ааро сад̇ибадтаанз барибуурзд̇и. жад̇д̇ааро сад̇ибадтаанаа бхаавид̇аа б̣ахулийгад̇аа сад̇д̇а б̣ож̇жхан̇г̇з барибуурзнд̇и. сад̇д̇а б̣ож̇жхан̇г̇аа бхаавид̇аа б̣ахулийгад̇аа виж̇ж̇аавимуд̇д̇им̣ барибуурзнд̇и.
‘‘Santi, bhikkhave, bhikkhū imasmiṃ bhikkhusaṅghe catunnaṃ satipaṭṭhānānaṃ bhāvanānuyogamanuyuttā viharanti – evarūpāpi, bhikkhave, santi bhikkhū imasmiṃ bhikkhusaṅghe. Santi, bhikkhave, bhikkhū imasmiṃ bhikkhusaṅghe catunnaṃ sammappadhānānaṃ bhāvanānuyogamanuyuttā viharanti…pe… catunnaṃ iddhipādānaṃ… pañcannaṃ indriyānaṃ… pañcannaṃ balānaṃ… sattannaṃ bojjhaṅgānaṃ… ariyassa aṭṭhaṅgikassa maggassa bhāvanānuyogamanuyuttā viharanti – evarūpāpi, bhikkhave, santi bhikkhū imasmiṃ bhikkhusaṅghe. Santi, bhikkhave, bhikkhū imasmiṃ bhikkhusaṅghe mettābhāvanānuyogamanuyuttā viharanti… karuṇābhāvanānuyogamanuyuttā viharanti… muditābhāvanānuyogamanuyuttā viharanti… upekkhābhāvanānuyogamanuyuttā viharanti… asubhabhāvanānuyogamanuyuttā viharanti… aniccasaññābhāvanānuyogamanuyuttā viharanti – evarūpāpi, bhikkhave, santi bhikkhū imasmiṃ bhikkhusaṅghe. Santi, bhikkhave, bhikkhū imasmiṃ bhikkhusaṅghe ānāpānassatibhāvanānuyogamanuyuttā viharanti. Ānāpānassati, bhikkhave, bhāvitā bahulīkatā mahapphalā hoti mahānisaṃsā. Ānāpānassati, bhikkhave, bhāvitā bahulīkatā cattāro satipaṭṭhāne paripūreti. Cattāro satipaṭṭhānā bhāvitā bahulīkatā satta bojjhaṅge paripūrenti. Satta bojjhaṅgā bhāvitā bahulīkatā vijjāvimuttiṃ paripūrenti.
148. ‘‘гат̇ам̣ бхаавид̇аа жа, бхигкавз, аанаабаанассад̇и гат̇ам̣ б̣ахулийгад̇аа махабпалаа ход̇и махаанисам̣саа? ид̇ха, бхигкавз, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. со сад̇ова ассасад̇и сад̇ова 13 бассасад̇и.
148. ‘‘Kathaṃ bhāvitā ca, bhikkhave, ānāpānassati kathaṃ bahulīkatā mahapphalā hoti mahānisaṃsā? Idha, bhikkhave, bhikkhu araññagato vā rukkhamūlagato vā suññāgāragato vā nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. So satova assasati satova 14 passasati.
‘‘д̣̇ийгхам̣ ваа ассасанд̇о ‘д̣̇ийгхам̣ ассасаамий’д̇и баж̇аанаад̇и, д̣̇ийгхам̣ ваа бассасанд̇о ‘д̣̇ийгхам̣ бассасаамий’д̇и баж̇аанаад̇и; рассам̣ ваа ассасанд̇о ‘рассам̣ ассасаамий’д̇и баж̇аанаад̇и, рассам̣ ваа бассасанд̇о ‘рассам̣ бассасаамий’д̇и баж̇аанаад̇и; ‘саб̣б̣агааяабадисам̣взд̣̇ий ассасиссаамий’д̇и сигкад̇и, ‘саб̣б̣агааяабадисам̣взд̣̇ий бассасиссаамий’д̇и сигкад̇и; ‘бассамбхаяам̣ гааяасан̇каарам̣ ассасиссаамий’д̇и сигкад̇и, ‘бассамбхаяам̣ гааяасан̇каарам̣ бассасиссаамий’д̇и сигкад̇и.
‘‘Dīghaṃ vā assasanto ‘dīghaṃ assasāmī’ti pajānāti, dīghaṃ vā passasanto ‘dīghaṃ passasāmī’ti pajānāti; rassaṃ vā assasanto ‘rassaṃ assasāmī’ti pajānāti, rassaṃ vā passasanto ‘rassaṃ passasāmī’ti pajānāti; ‘sabbakāyapaṭisaṃvedī assasissāmī’ti sikkhati, ‘sabbakāyapaṭisaṃvedī passasissāmī’ti sikkhati; ‘passambhayaṃ kāyasaṅkhāraṃ assasissāmī’ti sikkhati, ‘passambhayaṃ kāyasaṅkhāraṃ passasissāmī’ti sikkhati.
‘‘‘бийд̇ибадисам̣взд̣̇ий ассасиссаамий’д̇и сигкад̇и, ‘бийд̇ибадисам̣взд̣̇ий бассасиссаамий’д̇и сигкад̇и; ‘сукабадисам̣взд̣̇ий ассасиссаамий’д̇и сигкад̇и, ‘сукабадисам̣взд̣̇ий бассасиссаамий’д̇и сигкад̇и; ‘жид̇д̇асан̇каарабадисам̣взд̣̇ий ассасиссаамий’д̇и сигкад̇и, ‘жид̇д̇асан̇каарабадисам̣взд̣̇ий бассасиссаамий’д̇и сигкад̇и; ‘бассамбхаяам̣ жид̇д̇асан̇каарам̣ ассасиссаамий’д̇и сигкад̇и, ‘бассамбхаяам̣ жид̇д̇асан̇каарам̣ бассасиссаамий’д̇и сигкад̇и.
‘‘‘Pītipaṭisaṃvedī assasissāmī’ti sikkhati, ‘pītipaṭisaṃvedī passasissāmī’ti sikkhati; ‘sukhapaṭisaṃvedī assasissāmī’ti sikkhati, ‘sukhapaṭisaṃvedī passasissāmī’ti sikkhati; ‘cittasaṅkhārapaṭisaṃvedī assasissāmī’ti sikkhati, ‘cittasaṅkhārapaṭisaṃvedī passasissāmī’ti sikkhati; ‘passambhayaṃ cittasaṅkhāraṃ assasissāmī’ti sikkhati, ‘passambhayaṃ cittasaṅkhāraṃ passasissāmī’ti sikkhati.
‘‘‘жид̇д̇абадисам̣взд̣̇ий ассасиссаамий’д̇и сигкад̇и, ‘жид̇д̇абадисам̣взд̣̇ий бассасиссаамий’д̇и сигкад̇и; ‘абхиббамод̣̇аяам̣ жид̇д̇ам̣ ассасиссаамий’д̇и сигкад̇и, ‘абхиббамод̣̇аяам̣ жид̇д̇ам̣ бассасиссаамий’д̇и сигкад̇и ; ‘самаад̣̇ахам̣ жид̇д̇ам̣ ассасиссаамий’д̇и сигкад̇и, ‘самаад̣̇ахам̣ жид̇д̇ам̣ бассасиссаамий’д̇и сигкад̇и; ‘виможаяам̣ жид̇д̇ам̣ ассасиссаамий’д̇и сигкад̇и, ‘виможаяам̣ жид̇д̇ам̣ бассасиссаамий’д̇и сигкад̇и.
‘‘‘Cittapaṭisaṃvedī assasissāmī’ti sikkhati, ‘cittapaṭisaṃvedī passasissāmī’ti sikkhati; ‘abhippamodayaṃ cittaṃ assasissāmī’ti sikkhati, ‘abhippamodayaṃ cittaṃ passasissāmī’ti sikkhati ; ‘samādahaṃ cittaṃ assasissāmī’ti sikkhati, ‘samādahaṃ cittaṃ passasissāmī’ti sikkhati; ‘vimocayaṃ cittaṃ assasissāmī’ti sikkhati, ‘vimocayaṃ cittaṃ passasissāmī’ti sikkhati.
‘‘‘анижжаанубассий ассасиссаамий’д̇и сигкад̇и, ‘анижжаанубассий бассасиссаамий’д̇и сигкад̇и; ‘вирааг̇аанубассий ассасиссаамий’д̇и сигкад̇и, ‘вирааг̇аанубассий бассасиссаамий’д̇и сигкад̇и; ‘нирод̇хаанубассий ассасиссаамий’д̇и сигкад̇и, ‘нирод̇хаанубассий бассасиссаамий’д̇и сигкад̇и; ‘бадиниссаг̇г̇аанубассий ассасиссаамий’д̇и сигкад̇и, ‘бадиниссаг̇г̇аанубассий бассасиссаамий’д̇и сигкад̇и. звам̣ бхаавид̇аа ко, бхигкавз, аанаабаанассад̇и звам̣ б̣ахулийгад̇аа махабпалаа ход̇и махаанисам̣саа.
‘‘‘Aniccānupassī assasissāmī’ti sikkhati, ‘aniccānupassī passasissāmī’ti sikkhati; ‘virāgānupassī assasissāmī’ti sikkhati, ‘virāgānupassī passasissāmī’ti sikkhati; ‘nirodhānupassī assasissāmī’ti sikkhati, ‘nirodhānupassī passasissāmī’ti sikkhati; ‘paṭinissaggānupassī assasissāmī’ti sikkhati, ‘paṭinissaggānupassī passasissāmī’ti sikkhati. Evaṃ bhāvitā kho, bhikkhave, ānāpānassati evaṃ bahulīkatā mahapphalā hoti mahānisaṃsā.
149. ‘‘гат̇ам̣ бхаавид̇аа жа, бхигкавз, аанаабаанассад̇и гат̇ам̣ б̣ахулийгад̇аа жад̇д̇ааро сад̇ибадтаанз барибуурзд̇и? яасмим̣ самаяз, бхигкавз, бхигку д̣̇ийгхам̣ ваа ассасанд̇о ‘д̣̇ийгхам̣ ассасаамий’д̇и баж̇аанаад̇и, д̣̇ийгхам̣ ваа бассасанд̇о ‘д̣̇ийгхам̣ бассасаамий’д̇и баж̇аанаад̇и; рассам̣ ваа ассасанд̇о ‘рассам̣ ассасаамий’д̇и баж̇аанаад̇и, рассам̣ ваа бассасанд̇о ‘рассам̣ бассасаамий’д̇и баж̇аанаад̇и; ‘саб̣б̣агааяабадисам̣взд̣̇ий ассасиссаамий’д̇и сигкад̇и, ‘саб̣б̣агааяабадисам̣взд̣̇ий бассасиссаамий’д̇и сигкад̇и; ‘бассамбхаяам̣ гааяасан̇каарам̣ ассасиссаамий’д̇и сигкад̇и, ‘бассамбхаяам̣ гааяасан̇каарам̣ бассасиссаамий’д̇и сигкад̇и; гааяз гааяаанубассий, бхигкавз, д̇асмим̣ самаяз бхигку вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. гааязсу гааяан̃н̃ад̇араахам̣, бхигкавз, звам̣ вад̣̇аами яад̣̇ид̣̇ам̣ – ассаасабассаасаа. д̇асмаад̇иха, бхигкавз, гааяз гааяаанубассий д̇асмим̣ самаяз бхигку вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣.
149. ‘‘Kathaṃ bhāvitā ca, bhikkhave, ānāpānassati kathaṃ bahulīkatā cattāro satipaṭṭhāne paripūreti? Yasmiṃ samaye, bhikkhave, bhikkhu dīghaṃ vā assasanto ‘dīghaṃ assasāmī’ti pajānāti, dīghaṃ vā passasanto ‘dīghaṃ passasāmī’ti pajānāti; rassaṃ vā assasanto ‘rassaṃ assasāmī’ti pajānāti, rassaṃ vā passasanto ‘rassaṃ passasāmī’ti pajānāti; ‘sabbakāyapaṭisaṃvedī assasissāmī’ti sikkhati, ‘sabbakāyapaṭisaṃvedī passasissāmī’ti sikkhati; ‘passambhayaṃ kāyasaṅkhāraṃ assasissāmī’ti sikkhati, ‘passambhayaṃ kāyasaṅkhāraṃ passasissāmī’ti sikkhati; kāye kāyānupassī, bhikkhave, tasmiṃ samaye bhikkhu viharati ātāpī sampajāno satimā vineyya loke abhijjhādomanassaṃ. Kāyesu kāyaññatarāhaṃ, bhikkhave, evaṃ vadāmi yadidaṃ – assāsapassāsā. Tasmātiha, bhikkhave, kāye kāyānupassī tasmiṃ samaye bhikkhu viharati ātāpī sampajāno satimā vineyya loke abhijjhādomanassaṃ.
‘‘яасмим̣ самаяз, бхигкавз, бхигку ‘бийд̇ибадисам̣взд̣̇ий ассасиссаамий’д̇и сигкад̇и, ‘бийд̇ибадисам̣взд̣̇ий бассасиссаамий’д̇и сигкад̇и; ‘сукабадисам̣взд̣̇ий ассасиссаамий’д̇и сигкад̇и, ‘сукабадисам̣взд̣̇ий бассасиссаамий’д̇и сигкад̇и; ‘жид̇д̇асан̇каарабадисам̣взд̣̇ий ассасиссаамий’д̇и сигкад̇и, ‘жид̇д̇асан̇каарабадисам̣взд̣̇ий бассасиссаамий’д̇и сигкад̇и; ‘бассамбхаяам̣ жид̇д̇асан̇каарам̣ ассасиссаамий’д̇и сигкад̇и, ‘бассамбхаяам̣ жид̇д̇асан̇каарам̣ бассасиссаамий’д̇и сигкад̇и; взд̣̇анаасу взд̣̇анаанубассий, бхигкавз, д̇асмим̣ самаяз бхигку вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. взд̣̇анаасу взд̣̇анаан̃н̃ад̇араахам̣, бхигкавз, звам̣ вад̣̇аами яад̣̇ид̣̇ам̣ – ассаасабассаасаанам̣ саад̇хугам̣ манасигаарам̣. д̇асмаад̇иха, бхигкавз, взд̣̇анаасу взд̣̇анаанубассий д̇асмим̣ самаяз бхигку вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣.
‘‘Yasmiṃ samaye, bhikkhave, bhikkhu ‘pītipaṭisaṃvedī assasissāmī’ti sikkhati, ‘pītipaṭisaṃvedī passasissāmī’ti sikkhati; ‘sukhapaṭisaṃvedī assasissāmī’ti sikkhati, ‘sukhapaṭisaṃvedī passasissāmī’ti sikkhati; ‘cittasaṅkhārapaṭisaṃvedī assasissāmī’ti sikkhati, ‘cittasaṅkhārapaṭisaṃvedī passasissāmī’ti sikkhati; ‘passambhayaṃ cittasaṅkhāraṃ assasissāmī’ti sikkhati, ‘passambhayaṃ cittasaṅkhāraṃ passasissāmī’ti sikkhati; vedanāsu vedanānupassī, bhikkhave, tasmiṃ samaye bhikkhu viharati ātāpī sampajāno satimā vineyya loke abhijjhādomanassaṃ. Vedanāsu vedanāññatarāhaṃ, bhikkhave, evaṃ vadāmi yadidaṃ – assāsapassāsānaṃ sādhukaṃ manasikāraṃ. Tasmātiha, bhikkhave, vedanāsu vedanānupassī tasmiṃ samaye bhikkhu viharati ātāpī sampajāno satimā vineyya loke abhijjhādomanassaṃ.
‘‘яасмим̣ самаяз, бхигкавз, бхигку ‘жид̇д̇абадисам̣взд̣̇ий ассасиссаамий’д̇и сигкад̇и, ‘жид̇д̇абадисам̣взд̣̇ий бассасиссаамий’д̇и сигкад̇и; ‘абхиббамод̣̇аяам̣ жид̇д̇ам̣ ассасиссаамий’д̇и сигкад̇и, ‘абхиббамод̣̇аяам̣ жид̇д̇ам̣ бассасиссаамий’д̇и сигкад̇и; ‘самаад̣̇ахам̣ жид̇д̇ам̣ ассасиссаамий’д̇и сигкад̇и, ‘самаад̣̇ахам̣ жид̇д̇ам̣ бассасиссаамий’д̇и сигкад̇и; ‘виможаяам̣ жид̇д̇ам̣ ассасиссаамий’д̇и сигкад̇и, ‘виможаяам̣ жид̇д̇ам̣ бассасиссаамий’д̇и сигкад̇и; жид̇д̇з жид̇д̇аанубассий, бхигкавз, д̇асмим̣ самаяз бхигку вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. наахам̣, бхигкавз, мудтассад̇исса асамбаж̇аанасса аанаабаанассад̇им̣ вад̣̇аами. д̇асмаад̇иха, бхигкавз, жид̇д̇з жид̇д̇аанубассий д̇асмим̣ самаяз бхигку вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣.
‘‘Yasmiṃ samaye, bhikkhave, bhikkhu ‘cittapaṭisaṃvedī assasissāmī’ti sikkhati, ‘cittapaṭisaṃvedī passasissāmī’ti sikkhati; ‘abhippamodayaṃ cittaṃ assasissāmī’ti sikkhati, ‘abhippamodayaṃ cittaṃ passasissāmī’ti sikkhati; ‘samādahaṃ cittaṃ assasissāmī’ti sikkhati, ‘samādahaṃ cittaṃ passasissāmī’ti sikkhati; ‘vimocayaṃ cittaṃ assasissāmī’ti sikkhati, ‘vimocayaṃ cittaṃ passasissāmī’ti sikkhati; citte cittānupassī, bhikkhave, tasmiṃ samaye bhikkhu viharati ātāpī sampajāno satimā vineyya loke abhijjhādomanassaṃ. Nāhaṃ, bhikkhave, muṭṭhassatissa asampajānassa ānāpānassatiṃ vadāmi. Tasmātiha, bhikkhave, citte cittānupassī tasmiṃ samaye bhikkhu viharati ātāpī sampajāno satimā vineyya loke abhijjhādomanassaṃ.
‘‘яасмим̣ самаяз, бхигкавз, бхигку ‘анижжаанубассий ассасиссаамий’д̇и сигкад̇и, ‘анижжаанубассий бассасиссаамий’д̇и сигкад̇и; ‘вирааг̇аанубассий ассасиссаамий’д̇и сигкад̇и, ‘вирааг̇аанубассий бассасиссаамий’д̇и сигкад̇и; ‘нирод̇хаанубассий ассасиссаамий’д̇и сигкад̇и, ‘нирод̇хаанубассий бассасиссаамий’д̇и сигкад̇и; ‘бадиниссаг̇г̇аанубассий ассасиссаамий’д̇и сигкад̇и, ‘бадиниссаг̇г̇аанубассий бассасиссаамий’д̇и сигкад̇и; д̇хаммзсу д̇хаммаанубассий, бхигкавз, д̇асмим̣ самаяз бхигку вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. со яам̣ д̇ам̣ абхиж̇жхаад̣̇оманассаанам̣ бахаанам̣ д̇ам̣ бан̃н̃ааяа д̣̇исваа саад̇хугам̣ аж̇жхубзгкид̇аа ход̇и. д̇асмаад̇иха, бхигкавз, д̇хаммзсу д̇хаммаанубассий д̇асмим̣ самаяз бхигку вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣.
‘‘Yasmiṃ samaye, bhikkhave, bhikkhu ‘aniccānupassī assasissāmī’ti sikkhati, ‘aniccānupassī passasissāmī’ti sikkhati; ‘virāgānupassī assasissāmī’ti sikkhati, ‘virāgānupassī passasissāmī’ti sikkhati; ‘nirodhānupassī assasissāmī’ti sikkhati, ‘nirodhānupassī passasissāmī’ti sikkhati; ‘paṭinissaggānupassī assasissāmī’ti sikkhati, ‘paṭinissaggānupassī passasissāmī’ti sikkhati; dhammesu dhammānupassī, bhikkhave, tasmiṃ samaye bhikkhu viharati ātāpī sampajāno satimā vineyya loke abhijjhādomanassaṃ. So yaṃ taṃ abhijjhādomanassānaṃ pahānaṃ taṃ paññāya disvā sādhukaṃ ajjhupekkhitā hoti. Tasmātiha, bhikkhave, dhammesu dhammānupassī tasmiṃ samaye bhikkhu viharati ātāpī sampajāno satimā vineyya loke abhijjhādomanassaṃ.
‘‘звам̣ бхаавид̇аа ко, бхигкавз, аанаабаанассад̇и звам̣ б̣ахулийгад̇аа жад̇д̇ааро сад̇ибадтаанз барибуурзд̇и.
‘‘Evaṃ bhāvitā kho, bhikkhave, ānāpānassati evaṃ bahulīkatā cattāro satipaṭṭhāne paripūreti.
150. ‘‘гат̇ам̣ бхаавид̇аа жа, бхигкавз, жад̇д̇ааро сад̇ибадтаанаа гат̇ам̣ б̣ахулийгад̇аа сад̇д̇а б̣ож̇жхан̇г̇з барибуурзнд̇и? яасмим̣ самаяз, бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣, убадтид̇аасса д̇асмим̣ самаяз сад̇и ход̇и асаммудтаа 15. яасмим̣ самаяз, бхигкавз, бхигкуно убадтид̇аа сад̇и ход̇и асаммудтаа, сад̇исамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и. сад̇исамб̣ож̇жхан̇г̇ам̣ д̇асмим̣ самаяз бхигку бхаавзд̇и, сад̇исамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и.
150. ‘‘Kathaṃ bhāvitā ca, bhikkhave, cattāro satipaṭṭhānā kathaṃ bahulīkatā satta bojjhaṅge paripūrenti? Yasmiṃ samaye, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ, upaṭṭhitāssa tasmiṃ samaye sati hoti asammuṭṭhā 16. Yasmiṃ samaye, bhikkhave, bhikkhuno upaṭṭhitā sati hoti asammuṭṭhā, satisambojjhaṅgo tasmiṃ samaye bhikkhuno āraddho hoti. Satisambojjhaṅgaṃ tasmiṃ samaye bhikkhu bhāveti, satisambojjhaṅgo tasmiṃ samaye bhikkhuno bhāvanāpāripūriṃ gacchati.
‘‘со д̇ат̇аасад̇о вихаранд̇о д̇ам̣ д̇хаммам̣ бан̃н̃ааяа бавижинад̇и бавижаяад̇и 17 баривиймам̣сам̣ аабаж̇ж̇ад̇и. яасмим̣ самаяз, бхигкавз, бхигку д̇ат̇аасад̇о вихаранд̇о д̇ам̣ д̇хаммам̣ бан̃н̃ааяа бавижинад̇и бавижаяад̇и баривиймам̣сам̣ аабаж̇ж̇ад̇и, д̇хаммавижаяасамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и, д̇хаммавижаяасамб̣ож̇жхан̇г̇ам̣ д̇асмим̣ самаяз бхигку бхаавзд̇и, д̇хаммавижаяасамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и.
‘‘So tathāsato viharanto taṃ dhammaṃ paññāya pavicinati pavicayati 18 parivīmaṃsaṃ āpajjati. Yasmiṃ samaye, bhikkhave, bhikkhu tathāsato viharanto taṃ dhammaṃ paññāya pavicinati pavicayati parivīmaṃsaṃ āpajjati, dhammavicayasambojjhaṅgo tasmiṃ samaye bhikkhuno āraddho hoti, dhammavicayasambojjhaṅgaṃ tasmiṃ samaye bhikkhu bhāveti, dhammavicayasambojjhaṅgo tasmiṃ samaye bhikkhuno bhāvanāpāripūriṃ gacchati.
‘‘д̇асса д̇ам̣ д̇хаммам̣ бан̃н̃ааяа бавижинад̇о бавижаяад̇о баривиймам̣сам̣ аабаж̇ж̇ад̇о аарад̣̇д̇хам̣ ход̇и вийрияам̣ асаллийнам̣. яасмим̣ самаяз, бхигкавз, бхигкуно д̇ам̣ д̇хаммам̣ бан̃н̃ааяа бавижинад̇о бавижаяад̇о баривиймам̣сам̣ аабаж̇ж̇ад̇о аарад̣̇д̇хам̣ ход̇и вийрияам̣ асаллийнам̣, вийрияасамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и, вийрияасамб̣ож̇жхан̇г̇ам̣ д̇асмим̣ самаяз бхигку бхаавзд̇и, вийрияасамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и.
‘‘Tassa taṃ dhammaṃ paññāya pavicinato pavicayato parivīmaṃsaṃ āpajjato āraddhaṃ hoti vīriyaṃ asallīnaṃ. Yasmiṃ samaye, bhikkhave, bhikkhuno taṃ dhammaṃ paññāya pavicinato pavicayato parivīmaṃsaṃ āpajjato āraddhaṃ hoti vīriyaṃ asallīnaṃ, vīriyasambojjhaṅgo tasmiṃ samaye bhikkhuno āraddho hoti, vīriyasambojjhaṅgaṃ tasmiṃ samaye bhikkhu bhāveti, vīriyasambojjhaṅgo tasmiṃ samaye bhikkhuno bhāvanāpāripūriṃ gacchati.
‘‘аарад̣̇д̇хавийрияасса уббаж̇ж̇ад̇и бийд̇и нираамисаа. яасмим̣ самаяз, бхигкавз, бхигкуно аарад̣̇д̇хавийрияасса уббаж̇ж̇ад̇и бийд̇и нираамисаа, бийд̇исамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и, бийд̇исамб̣ож̇жхан̇г̇ам̣ д̇асмим̣ самаяз бхигку бхаавзд̇и, бийд̇исамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и.
‘‘Āraddhavīriyassa uppajjati pīti nirāmisā. Yasmiṃ samaye, bhikkhave, bhikkhuno āraddhavīriyassa uppajjati pīti nirāmisā, pītisambojjhaṅgo tasmiṃ samaye bhikkhuno āraddho hoti, pītisambojjhaṅgaṃ tasmiṃ samaye bhikkhu bhāveti, pītisambojjhaṅgo tasmiṃ samaye bhikkhuno bhāvanāpāripūriṃ gacchati.
‘‘бийд̇иманасса гааяоби бассамбхад̇и, жид̇д̇амби бассамбхад̇и. яасмим̣ самаяз, бхигкавз, бхигкуно бийд̇иманасса гааяоби бассамбхад̇и, жид̇д̇амби бассамбхад̇и, бассад̣̇д̇хисамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и, бассад̣̇д̇хисамб̣ож̇жхан̇г̇ам̣ д̇асмим̣ самаяз бхигку бхаавзд̇и, бассад̣̇д̇хисамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и.
‘‘Pītimanassa kāyopi passambhati, cittampi passambhati. Yasmiṃ samaye, bhikkhave, bhikkhuno pītimanassa kāyopi passambhati, cittampi passambhati, passaddhisambojjhaṅgo tasmiṃ samaye bhikkhuno āraddho hoti, passaddhisambojjhaṅgaṃ tasmiṃ samaye bhikkhu bhāveti, passaddhisambojjhaṅgo tasmiṃ samaye bhikkhuno bhāvanāpāripūriṃ gacchati.
‘‘бассад̣̇д̇хагааяасса сукино жид̇д̇ам̣ самаад̇хияад̇и. яасмим̣ самаяз, бхигкавз, бхигкуно бассад̣̇д̇хагааяасса сукино жид̇д̇ам̣ самаад̇хияад̇и, самаад̇хисамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и, самаад̇хисамб̣ож̇жхан̇г̇ам̣ д̇асмим̣ самаяз бхигку бхаавзд̇и, самаад̇хисамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и.
‘‘Passaddhakāyassa sukhino cittaṃ samādhiyati. Yasmiṃ samaye, bhikkhave, bhikkhuno passaddhakāyassa sukhino cittaṃ samādhiyati, samādhisambojjhaṅgo tasmiṃ samaye bhikkhuno āraddho hoti, samādhisambojjhaṅgaṃ tasmiṃ samaye bhikkhu bhāveti, samādhisambojjhaṅgo tasmiṃ samaye bhikkhuno bhāvanāpāripūriṃ gacchati.
‘‘со д̇ат̇аасамаахид̇ам̣ жид̇д̇ам̣ саад̇хугам̣ аж̇жхубзгкид̇аа ход̇и. яасмим̣ самаяз, бхигкавз, бхигку д̇ат̇аасамаахид̇ам̣ жид̇д̇ам̣ саад̇хугам̣ аж̇жхубзгкид̇аа ход̇и, убзгкаасамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и, убзгкаасамб̣ож̇жхан̇г̇ам̣ д̇асмим̣ самаяз бхигку бхаавзд̇и, убзгкаасамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и.
‘‘So tathāsamāhitaṃ cittaṃ sādhukaṃ ajjhupekkhitā hoti. Yasmiṃ samaye, bhikkhave, bhikkhu tathāsamāhitaṃ cittaṃ sādhukaṃ ajjhupekkhitā hoti, upekkhāsambojjhaṅgo tasmiṃ samaye bhikkhuno āraddho hoti, upekkhāsambojjhaṅgaṃ tasmiṃ samaye bhikkhu bhāveti, upekkhāsambojjhaṅgo tasmiṃ samaye bhikkhuno bhāvanāpāripūriṃ gacchati.
151. ‘‘яасмим̣ самаяз, бхигкавз, бхигку взд̣̇анаасу…бз… жид̇д̇з… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣, убадтид̇аасса д̇асмим̣ самаяз сад̇и ход̇и асаммудтаа. яасмим̣ самаяз, бхигкавз, бхигкуно убадтид̇аа сад̇и ход̇и асаммудтаа, сад̇исамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и, сад̇исамб̣ож̇жхан̇г̇ам̣ д̇асмим̣ самаяз бхигку бхаавзд̇и, сад̇исамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и.
151. ‘‘Yasmiṃ samaye, bhikkhave, bhikkhu vedanāsu…pe… citte… dhammesu dhammānupassī viharati ātāpī sampajāno satimā vineyya loke abhijjhādomanassaṃ, upaṭṭhitāssa tasmiṃ samaye sati hoti asammuṭṭhā. Yasmiṃ samaye, bhikkhave, bhikkhuno upaṭṭhitā sati hoti asammuṭṭhā, satisambojjhaṅgo tasmiṃ samaye bhikkhuno āraddho hoti, satisambojjhaṅgaṃ tasmiṃ samaye bhikkhu bhāveti, satisambojjhaṅgo tasmiṃ samaye bhikkhuno bhāvanāpāripūriṃ gacchati.
‘‘со д̇ат̇аасад̇о вихаранд̇о д̇ам̣ д̇хаммам̣ бан̃н̃ааяа бавижинад̇и бавижаяад̇и баривиймам̣сам̣ аабаж̇ж̇ад̇и. яасмим̣ самаяз, бхигкавз, бхигку д̇ат̇аасад̇о вихаранд̇о д̇ам̣ д̇хаммам̣ бан̃н̃ааяа бавижинад̇и бавижаяад̇и баривиймам̣сам̣ аабаж̇ж̇ад̇и, д̇хаммавижаяасамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и, д̇хаммавижаяасамб̣ож̇жхан̇г̇ам̣ д̇асмим̣ самаяз бхигку бхаавзд̇и, д̇хаммавижаяасамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и.
‘‘So tathāsato viharanto taṃ dhammaṃ paññāya pavicinati pavicayati parivīmaṃsaṃ āpajjati. Yasmiṃ samaye, bhikkhave, bhikkhu tathāsato viharanto taṃ dhammaṃ paññāya pavicinati pavicayati parivīmaṃsaṃ āpajjati, dhammavicayasambojjhaṅgo tasmiṃ samaye bhikkhuno āraddho hoti, dhammavicayasambojjhaṅgaṃ tasmiṃ samaye bhikkhu bhāveti, dhammavicayasambojjhaṅgo tasmiṃ samaye bhikkhuno bhāvanāpāripūriṃ gacchati.
‘‘д̇асса д̇ам̣ д̇хаммам̣ бан̃н̃ааяа бавижинад̇о бавижаяад̇о баривиймам̣сам̣ аабаж̇ж̇ад̇о аарад̣̇д̇хам̣ ход̇и вийрияам̣ асаллийнам̣. яасмим̣ самаяз, бхигкавз, бхигкуно д̇ам̣ д̇хаммам̣ бан̃н̃ааяа бавижинад̇о бавижаяад̇о баривиймам̣сам̣ аабаж̇ж̇ад̇о аарад̣̇д̇хам̣ ход̇и вийрияам̣ асаллийнам̣, вийрияасамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и, вийрияасамб̣ож̇жхан̇г̇ам̣ д̇асмим̣ самаяз бхигку бхаавзд̇и, вийрияасамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и.
‘‘Tassa taṃ dhammaṃ paññāya pavicinato pavicayato parivīmaṃsaṃ āpajjato āraddhaṃ hoti vīriyaṃ asallīnaṃ. Yasmiṃ samaye, bhikkhave, bhikkhuno taṃ dhammaṃ paññāya pavicinato pavicayato parivīmaṃsaṃ āpajjato āraddhaṃ hoti vīriyaṃ asallīnaṃ, vīriyasambojjhaṅgo tasmiṃ samaye bhikkhuno āraddho hoti, vīriyasambojjhaṅgaṃ tasmiṃ samaye bhikkhu bhāveti, vīriyasambojjhaṅgo tasmiṃ samaye bhikkhuno bhāvanāpāripūriṃ gacchati.
‘‘аарад̣̇д̇хавийрияасса уббаж̇ж̇ад̇и бийд̇и нираамисаа. яасмим̣ самаяз, бхигкавз, бхигкуно аарад̣̇д̇хавийрияасса уббаж̇ж̇ад̇и бийд̇и нираамисаа, бийд̇исамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и, бийд̇исамб̣ож̇жхан̇г̇ам̣ д̇асмим̣ самаяз бхигку бхаавзд̇и, бийд̇исамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и.
‘‘Āraddhavīriyassa uppajjati pīti nirāmisā. Yasmiṃ samaye, bhikkhave, bhikkhuno āraddhavīriyassa uppajjati pīti nirāmisā, pītisambojjhaṅgo tasmiṃ samaye bhikkhuno āraddho hoti, pītisambojjhaṅgaṃ tasmiṃ samaye bhikkhu bhāveti, pītisambojjhaṅgo tasmiṃ samaye bhikkhuno bhāvanāpāripūriṃ gacchati.
‘‘бийд̇иманасса гааяоби бассамбхад̇и, жид̇д̇амби бассамбхад̇и. яасмим̣ самаяз, бхигкавз, бхигкуно бийд̇иманасса гааяоби бассамбхад̇и, жид̇д̇амби бассамбхад̇и, бассад̣̇д̇хисамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и, бассад̣̇д̇хисамб̣ож̇жхан̇г̇ам̣ д̇асмим̣ самаяз бхигку бхаавзд̇и, бассад̣̇д̇хисамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и.
‘‘Pītimanassa kāyopi passambhati, cittampi passambhati. Yasmiṃ samaye, bhikkhave, bhikkhuno pītimanassa kāyopi passambhati, cittampi passambhati, passaddhisambojjhaṅgo tasmiṃ samaye bhikkhuno āraddho hoti, passaddhisambojjhaṅgaṃ tasmiṃ samaye bhikkhu bhāveti, passaddhisambojjhaṅgo tasmiṃ samaye bhikkhuno bhāvanāpāripūriṃ gacchati.
‘‘бассад̣̇д̇хагааяасса сукино жид̇д̇ам̣ самаад̇хияад̇и. яасмим̣ самаяз, бхигкавз, бхигкуно бассад̣̇д̇хагааяасса сукино жид̇д̇ам̣ самаад̇хияад̇и, самаад̇хисамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и, самаад̇хисамб̣ож̇жхан̇г̇ам̣ д̇асмим̣ самаяз бхигку бхаавзд̇и, самаад̇хисамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и.
‘‘Passaddhakāyassa sukhino cittaṃ samādhiyati. Yasmiṃ samaye, bhikkhave, bhikkhuno passaddhakāyassa sukhino cittaṃ samādhiyati, samādhisambojjhaṅgo tasmiṃ samaye bhikkhuno āraddho hoti, samādhisambojjhaṅgaṃ tasmiṃ samaye bhikkhu bhāveti, samādhisambojjhaṅgo tasmiṃ samaye bhikkhuno bhāvanāpāripūriṃ gacchati.
‘‘со д̇ат̇аасамаахид̇ам̣ жид̇д̇ам̣ саад̇хугам̣ аж̇жхубзгкид̇аа ход̇и. яасмим̣ самаяз, бхигкавз, бхигку д̇ат̇аасамаахид̇ам̣ жид̇д̇ам̣ саад̇хугам̣ аж̇жхубзгкид̇аа ход̇и, убзгкаасамб̣ож̇жхан̇г̇о д̇асмим̣ самаяз бхигкуно аарад̣̇д̇хо ход̇и, убзгкаасамб̣ож̇жхан̇г̇ам̣ д̇асмим̣ самаяз бхигку бхаавзд̇и, убзгкаасамб̣ож̇жхан̇г̇о д̇асмим̣ самаяз бхигкуно бхааванаабаарибуурим̣ г̇ажчад̇и. звам̣ бхаавид̇аа ко, бхигкавз, жад̇д̇ааро сад̇ибадтаанаа звам̣ б̣ахулийгад̇аа сад̇д̇а самб̣ож̇жхан̇г̇з барибуурзнд̇и.
‘‘So tathāsamāhitaṃ cittaṃ sādhukaṃ ajjhupekkhitā hoti. Yasmiṃ samaye, bhikkhave, bhikkhu tathāsamāhitaṃ cittaṃ sādhukaṃ ajjhupekkhitā hoti, upekkhāsambojjhaṅgo tasmiṃ samaye bhikkhuno āraddho hoti, upekkhāsambojjhaṅgaṃ tasmiṃ samaye bhikkhu bhāveti, upekkhāsambojjhaṅgo tasmiṃ samaye bhikkhuno bhāvanāpāripūriṃ gacchati. Evaṃ bhāvitā kho, bhikkhave, cattāro satipaṭṭhānā evaṃ bahulīkatā satta sambojjhaṅge paripūrenti.
152. ‘‘гат̇ам̣ бхаавид̇аа жа, бхигкавз, сад̇д̇а б̣ож̇жхан̇г̇аа гат̇ам̣ б̣ахулийгад̇аа виж̇ж̇аавимуд̇д̇им̣ барибуурзнд̇и ? ид̇ха, бхигкавз, бхигку сад̇исамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. д̇хаммавижаяасамб̣ож̇жхан̇г̇ам̣ бхаавзд̇и…бз… вийрияасамб̣ож̇жхан̇г̇ам̣ бхаавзд̇и… бийд̇исамб̣ож̇жхан̇г̇ам̣ бхаавзд̇и… бассад̣̇д̇хисамб̣ож̇жхан̇г̇ам̣ бхаавзд̇и… самаад̇хисамб̣ож̇жхан̇г̇ам̣ бхаавзд̇и… убзгкаасамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. звам̣ бхаавид̇аа ко, бхигкавз, сад̇д̇а б̣ож̇жхан̇г̇аа звам̣ б̣ахулийгад̇аа виж̇ж̇аавимуд̇д̇им̣ барибуурзнд̇ий’’д̇и.
152. ‘‘Kathaṃ bhāvitā ca, bhikkhave, satta bojjhaṅgā kathaṃ bahulīkatā vijjāvimuttiṃ paripūrenti ? Idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Dhammavicayasambojjhaṅgaṃ bhāveti…pe… vīriyasambojjhaṅgaṃ bhāveti… pītisambojjhaṅgaṃ bhāveti… passaddhisambojjhaṅgaṃ bhāveti… samādhisambojjhaṅgaṃ bhāveti… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ bhāvitā kho, bhikkhave, satta bojjhaṅgā evaṃ bahulīkatā vijjāvimuttiṃ paripūrentī’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
аанаабаанассад̇исуд̇д̇ам̣ нидтид̇ам̣ адтамам̣.
Ānāpānassatisuttaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. аанаабаанассад̇исуд̇д̇аван̣н̣анаа • 8. Ānāpānassatisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. аанаабаанассад̇исуд̇д̇аван̣н̣анаа • 8. Ānāpānassatisuttavaṇṇanā
