| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
8. аанаабаанассад̇исуд̇д̇аван̣н̣анаа
8. Ānāpānassatisuttavaṇṇanā
144. буб̣б̣знаад̇и ниссаггз гаран̣аважанам̣. ‘‘абарам̣ висзса’’нд̇и вуд̇д̇ад̇д̇аа висзсависаяо жа буб̣б̣асад̣̇д̣̇од̇и ааха – ‘‘сийлабарибууран̣аад̣̇ид̇о буб̣б̣ависзсад̇о’’д̇и.
144.Pubbenāti nissakke karaṇavacanaṃ. ‘‘Aparaṃ visesa’’nti vuttattā visesavisayo ca pubbasaddoti āha – ‘‘sīlaparipūraṇādito pubbavisesato’’ti.
145. аарад̣̇д̇хо яат̇аанусидтам̣ бадибад̇д̇ияаа аараад̇хид̇о. яад̣̇ад̇т̇ааяа саасанз баб̣б̣аж̇ж̇аа, висзсаабад̇д̇и жа, д̇ад̣̇звзд̇т̇а аббад̇д̇анд̇и ад̇хиббзд̇ам̣, д̇ам̣ жхаанавибассанаанимид̇д̇анд̇и ааха – ‘‘аббад̇д̇асса арахад̇д̇ассаа’’д̇и. гомуд̣̇ийд̇и гумуд̣̇авад̇ий. д̇ад̣̇аа гира гумуд̣̇аани субубпид̇аани хонд̇и. д̇знааха – ‘‘гумуд̣̇аанам̣ ад̇т̇ид̇ааяа гомуд̣̇ий’’д̇и. гумуд̣̇аанам̣ самуухо, гумуд̣̇аани зва ваа гомуд̣̇аа, д̇з зд̇т̇а ад̇т̇ийд̇и гомуд̣̇ийд̇и. бавааран̣асан̇г̇аханд̇и махаабавааран̣ам̣ агад̇ваа ааг̇аманийяасан̇г̇ахан̣ам̣.
145.Āraddho yathānusiṭṭhaṃ paṭipattiyā ārādhito. Yadatthāya sāsane pabbajjā, visesāpatti ca, tadevettha appattanti adhippetaṃ, taṃ jhānavipassanānimittanti āha – ‘‘appattassa arahattassā’’ti. Komudīti kumudavatī. Tadā kira kumudāni supupphitāni honti. Tenāha – ‘‘kumudānaṃ atthitāya komudī’’ti. Kumudānaṃ samūho, kumudāni eva vā komudā, te ettha atthīti komudīti. Pavāraṇasaṅgahanti mahāpavāraṇaṃ akatvā āgamanīyasaṅgahaṇaṃ.
аарад̣̇д̇хавибассагассаад̇и аарабхид̇авибассанасса, вибассанам̣ вад̣дхзд̇ваа уссуггаабзд̇ваа вибассисса. бхигкуу ид̇ха осариссанд̇и вуд̇т̇авассаа баваарид̇абавааран̣аа ‘‘бхаг̇аванд̇ам̣ ванд̣̇иссаама, гаммадтаанам̣ сод̇хзссаама, яат̇аалад̣̇д̇хам̣ висзсан̃жа бавзд̣̇иссаамаа’’д̇и аж̇жхаасаязна. имз бхигкууд̇и имз д̇арун̣асамат̇авибассанаа бхигкуу. висзсам̣ ниб̣б̣ад̇д̇зд̇ум̣ на сагкиссанд̇и сзнаасанасаббааяаад̣̇иалаабхзна. абалиб̣уд̣̇д̇ханд̇и ан̃н̃зхи анубад̣̇д̣̇уд̇ам̣. сзнаасанам̣ г̇ахзд̇ум̣ на лабханд̇и анд̇овассабхаавад̇о. згасса д̣̇инноби саб̣б̣зсам̣ д̣̇инноязва ход̇и, д̇асмаа суд̇асуд̇адтаанзязва згамаасам̣ васид̇ваа осарим̣су.
Āraddhavipassakassāti ārabhitavipassanassa, vipassanaṃ vaḍḍhetvā ussukkāpetvā vipassissa. Bhikkhū idha osarissanti vutthavassā pavāritapavāraṇā ‘‘bhagavantaṃ vandissāma, kammaṭṭhānaṃ sodhessāma, yathāladdhaṃ visesañca pavedissāmā’’ti ajjhāsayena. Ime bhikkhūti ime taruṇasamathavipassanā bhikkhū. Visesaṃ nibbattetuṃ na sakkhissanti senāsanasappāyādialābhena. Apalibuddhanti aññehi anupaddutaṃ. Senāsanaṃ gahetuṃ na labhanti antovassabhāvato. Ekassa dinnopi sabbesaṃ dinnoyeva hoti, tasmā sutasutaṭṭhāneyeva ekamāsaṃ vasitvā osariṃsu.
146. аланд̇и яуд̇д̇ам̣, обааяиганд̇и ад̇т̇о, ‘‘аламзва ниб̣б̣инд̣̇ид̇у’’нд̇иаад̣̇ийсу (д̣̇ий. ни. 2.272; сам̣. ни. 2.124, 128, 134, 143) вияа. будаб̣ад̣̇д̇хам̣ барихарид̇ваа асид̇ам̣ будосам̣ а-гаарасса о-гаарам̣ гад̇ваа. д̇знааха ‘‘баат̇зяяа’’нд̇и.
146.Alanti yuttaṃ, opāyikanti attho, ‘‘alameva nibbinditu’’ntiādīsu (dī. ni. 2.272; saṃ. ni. 2.124, 128, 134, 143) viya. Puṭabaddhaṃ pariharitvā asitaṃ puṭosaṃ a-kārassa o-kāraṃ katvā. Tenāha ‘‘pātheyya’’nti.
147. вибассанаа гат̇ид̇аад̇и анижжасан̃н̃аамукзнзва вибассанаабхааванаа гат̇ид̇аа. на хи гзвалааяа анижжаанубассанааяа вибассанаагижжам̣ самиж̇жхад̇и. б̣ахуу бхигкуу д̇з жа вид̇т̇аараружигаад̇и ад̇хиббааяо. д̇знааха ‘‘д̇асмаа’’д̇иаад̣̇и.
147.Vipassanā kathitāti aniccasaññāmukheneva vipassanābhāvanā kathitā. Na hi kevalāya aniccānupassanāya vipassanākiccaṃ samijjhati. Bahū bhikkhū te ca vitthārarucikāti adhippāyo. Tenāha ‘‘tasmā’’tiādi.
149. саб̣б̣ад̇т̇аад̇и саб̣б̣аваарзсу. ‘‘д̇асмаа д̇иха, бхигкавз, взд̣̇анаанубассий’’д̇иаад̣̇ийсуби бийд̇ибадисам̣взд̣̇ид̇аад̣̇ивасзнзва взд̣̇анаанубассанааяа вуд̇д̇ад̇д̇аа, ‘‘сукавзд̣̇анам̣ санд̇хааязд̇ам̣ вуд̇д̇а’’нд̇и ааха. сад̇ибадтаанабхааванааманасигаарад̇ааяа вуд̇д̇ам̣ – ‘‘саад̇хугам̣ манасигаара’’нд̇и. сан̃н̃аанаамзна бан̃н̃аа вуд̇д̇аа д̇зсам̣ баяог̇ад̇д̇аа. манасигааранаамзна взд̣̇анаа вуд̇д̇аа, бхааванааяа барижид̇ад̇д̇аа аарамман̣асса манасигааранд̇и гад̇ваа. вид̇аггавижаарз табзд̇ваад̇и вуд̇д̇ам̣ важийсан̇каарад̇д̇аа д̇зсам̣.
149.Sabbatthāti sabbavāresu. ‘‘Tasmā tiha, bhikkhave, vedanānupassī’’tiādīsupi pītipaṭisaṃveditādivaseneva vedanānupassanāya vuttattā, ‘‘sukhavedanaṃ sandhāyetaṃ vutta’’nti āha. Satipaṭṭhānabhāvanāmanasikāratāya vuttaṃ – ‘‘sādhukaṃ manasikāra’’nti. Saññānāmena paññā vuttā tesaṃ payogattā. Manasikāranāmena vedanā vuttā, bhāvanāya paricitattā ārammaṇassa manasikāranti katvā. Vitakkavicāre ṭhapetvāti vuttaṃ vacīsaṅkhārattā tesaṃ.
звам̣ санд̇збийд̇и яад̣̇иби манасигаарабарияаабаннад̇ааяа ‘‘манасигааро’’д̇и вуд̇д̇ам̣, звам̣ санд̇з взд̣̇анаанубассанаабхааво на яуж̇ж̇ад̇и, ассаасабассаасаа хисса аарамман̣ам̣. вад̇т̇унд̇и сукаад̣̇ийнам̣ взд̣̇анаанам̣ бавад̇д̇идтаанабхууд̇ам̣ вад̇т̇ум̣ аарамман̣ам̣ гад̇ваа взд̣̇анаава взд̣̇ияад̇и, взд̣̇анааяа зганд̇абхаавад̣̇ассанзна д̇асса взд̣̇анаанубассанаабхааво яуж̇ж̇ад̇и зваад̇и имамад̇т̇ам̣ д̣̇ассзд̇и. зд̇асса ануяог̇асса.
Evaṃ santepīti yadipi manasikārapariyāpannatāya ‘‘manasikāro’’ti vuttaṃ, evaṃ sante vedanānupassanābhāvo na yujjati, assāsapassāsā hissa ārammaṇaṃ. Vatthunti sukhādīnaṃ vedanānaṃ pavattiṭṭhānabhūtaṃ vatthuṃ ārammaṇaṃ katvā vedanāva vediyati, vedanāya ekantabhāvadassanena tassa vedanānupassanābhāvo yujjati evāti imamatthaṃ dasseti. Etassa anuyogassa.
д̣̇вийхаагаарзхийд̇и яз санд̇хааяа вуд̇д̇ам̣, д̇з д̣̇ассзнд̇о ‘‘аарамман̣ад̇о асаммохад̇о жаа’’д̇и ааха. саббийд̇игз д̣̇вз жхаанзд̇и бийд̇исахаг̇ад̇аани батамад̣̇уд̇ияаж̇жхаанаани бадибаадияаа самаабаж̇ж̇ад̇и. самаабад̇д̇игкан̣зд̇и самаабаж̇ж̇анагкан̣з. жхаанабадилаабхзнаад̇и жхаанзна саман̇г̇ийбхаавзна. аарамман̣ад̇о аарамман̣амукзна д̇ад̣̇аарамман̣ажхаанабарияаабаннаа бийд̇и бадисам̣вид̣̇ид̇аа ход̇и аарамман̣асса бадисам̣вид̣̇ид̇ад̇д̇аа. яат̇аа наама саббабариязсанам̣ жаранд̇зна д̇асса аасаяз бадисам̣вид̣̇ид̇з соби бадисам̣вид̣̇ид̇ова ход̇и манд̇ааг̇ад̣̇аб̣алзна д̇асса г̇ахан̣асса сугарад̇д̇аа; звам̣ бийд̇ияаа аасаяабхууд̇з аарамман̣з бадисам̣вид̣̇ид̇з саа бийд̇и бадисам̣вид̣̇ид̇аа зва ход̇и салагкан̣ад̇о сааман̃н̃алагкан̣ад̇о жа д̇ассаа г̇ахан̣асса сугарад̇д̇аа. вибассанаагкан̣зд̇и вибассанаабан̃н̃аабуб̣б̣ан̇г̇амааяа маг̇г̇абан̃н̃ааяа висзсад̇о д̣̇ассанагкан̣з. лагкан̣абадивзд̇хаад̇и бийд̇ияаа салагкан̣асса сааман̃н̃алагкан̣асса жа бадивиж̇жханзна. яан̃хи бийд̇ияаа висзсад̇о сааман̃н̃ад̇о жа лагкан̣ам̣, д̇асмим̣ вид̣̇ид̇з саа яаат̇аавад̇о вид̣̇ид̇аа ход̇и. д̇знааха – ‘‘асаммохад̇о бийд̇и бадисам̣вид̣̇ид̇аа ход̇ий’’д̇и.
Dvīhākārehīti ye sandhāya vuttaṃ, te dassento ‘‘ārammaṇato asammohato cā’’ti āha. Sappītike dve jhāneti pītisahagatāni paṭhamadutiyajjhānāni paṭipāṭiyā samāpajjati. Samāpattikkhaṇeti samāpajjanakkhaṇe. Jhānapaṭilābhenāti jhānena samaṅgībhāvena. Ārammaṇato ārammaṇamukhena tadārammaṇajhānapariyāpannā pīti paṭisaṃviditā hoti ārammaṇassa paṭisaṃviditattā. Yathā nāma sappapariyesanaṃ carantena tassa āsaye paṭisaṃvidite sopi paṭisaṃviditova hoti mantāgadabalena tassa gahaṇassa sukarattā; evaṃ pītiyā āsayabhūte ārammaṇe paṭisaṃvidite sā pīti paṭisaṃviditā eva hoti salakkhaṇato sāmaññalakkhaṇato ca tassā gahaṇassa sukarattā. Vipassanākkhaṇeti vipassanāpaññāpubbaṅgamāya maggapaññāya visesato dassanakkhaṇe. Lakkhaṇapaṭivedhāti pītiyā salakkhaṇassa sāmaññalakkhaṇassa ca paṭivijjhanena. Yañhi pītiyā visesato sāmaññato ca lakkhaṇaṃ, tasmiṃ vidite sā yāthāvato viditā hoti. Tenāha – ‘‘asammohato pīti paṭisaṃviditā hotī’’ti.
ид̣̇аани д̇амад̇т̇ам̣ баал̣ияаа вибхаавзд̇ум̣, ‘‘вуд̇д̇амби жзд̇а’’нд̇иаад̣̇и вуд̇д̇ам̣. д̇ад̇т̇а д̣̇ийгхам̣ ассаасавасзнаад̇и д̣̇ийгхасса ассаасасса аарамман̣абхууд̇асса васзна. жид̇д̇асса згаг̇г̇ад̇ам̣ авигкзбам̣ баж̇аанад̇од̇и жхаанабарияаабаннам̣ авигкзбод̇и лад̣̇д̇ханаамам̣ жид̇д̇ассзгаг̇г̇ад̇ам̣ д̇ам̣самбаяуд̇д̇ааяа бан̃н̃ааяа баж̇аанад̇о. яат̇зва хи аарамман̣амукзна бийд̇и бадисам̣вид̣̇ид̇аа ход̇и, звам̣ д̇ам̣самбаяуд̇д̇ад̇хаммааби аарамман̣амукзна бадисам̣вид̣̇ид̇аа зва хонд̇и. сад̇и убадтид̇аа ход̇ийд̇и д̣̇ийгхам̣ ассаасавасзна жхаанасамбаяуд̇д̇аа сад̇и д̇асмим̣ аарамман̣з убадтид̇з аарамман̣амукзна жхаанзби убадтид̇аа зва наама ход̇и. д̇ааяа сад̇ияаад̇и звам̣ убадтид̇ааяа д̇ааяа сад̇ияаа яат̇аавуд̇д̇зна д̇зна н̃аан̣зна суббадивид̣̇ид̇ад̇д̇аа аарамман̣асса д̇асса васзна д̇ад̣̇аарамман̣аа саа бийд̇и бадисам̣вид̣̇ид̇аа ход̇и. авасзсабад̣̇аанибийд̇и ‘‘д̣̇ийгхам̣ бассаасавасзнаа’’д̇иаад̣̇ибад̣̇ааниби.
Idāni tamatthaṃ pāḷiyā vibhāvetuṃ, ‘‘vuttampi ceta’’ntiādi vuttaṃ. Tattha dīghaṃ assāsavasenāti dīghassa assāsassa ārammaṇabhūtassa vasena. Cittassa ekaggataṃ avikkhepaṃ pajānatoti jhānapariyāpannaṃ avikkhepoti laddhanāmaṃ cittassekaggataṃ taṃsampayuttāya paññāya pajānato. Yatheva hi ārammaṇamukhena pīti paṭisaṃviditā hoti, evaṃ taṃsampayuttadhammāpi ārammaṇamukhena paṭisaṃviditā eva honti. Sati upaṭṭhitā hotīti dīghaṃ assāsavasena jhānasampayuttā sati tasmiṃ ārammaṇe upaṭṭhite ārammaṇamukhena jhānepi upaṭṭhitā eva nāma hoti. Tāya satiyāti evaṃ upaṭṭhitāya tāya satiyā yathāvuttena tena ñāṇena suppaṭividitattā ārammaṇassa tassa vasena tadārammaṇā sā pīti paṭisaṃviditā hoti. Avasesapadānipīti ‘‘dīghaṃ passāsavasenā’’tiādipadānipi.
звам̣ бадисамбхид̣̇аамаг̇г̇з вуд̇д̇амад̇т̇ам̣ имасмим̣ суд̇д̇з яож̇зд̇ваа д̣̇ассзд̇ум̣, ‘‘ид̇ий’’д̇иаад̣̇и вуд̇д̇ам̣. иминааби яог̇инаа манасигаарзна бадилабхид̇аб̣б̣ад̇о бадилаабход̇и вуд̇д̇ам̣ – ‘‘жхаанасамбаяуд̇д̇з взд̣̇анаасан̇каад̇аманасигаарабадилаабхзнаа’’д̇и.
Evaṃ paṭisambhidāmagge vuttamatthaṃ imasmiṃ sutte yojetvā dassetuṃ, ‘‘itī’’tiādi vuttaṃ. Imināpi yoginā manasikārena paṭilabhitabbato paṭilābhoti vuttaṃ – ‘‘jhānasampayutte vedanāsaṅkhātamanasikārapaṭilābhenā’’ti.
ассаасабассаасанимид̇д̇анд̇и ассаасабассаасз ниссааяа бадилад̣̇д̇хабадибхааг̇анимид̇д̇ам̣ аарамман̣ам̣ гин̃жааби гарод̇и; сад̇ин̃жа самбаж̇ан̃н̃ан̃жа убадтабзд̇ваа бавад̇д̇анад̇о аарамман̣амукзна д̇ад̣̇аарамман̣асса бадисам̣вид̣̇ид̇ад̇д̇аа жид̇д̇з жид̇д̇аанубассийязва наамзса ход̇и. звам̣ жид̇д̇аанубассанааби сад̇исамбаж̇ан̃н̃аб̣алзнзва ход̇ийд̇и ааха ‘‘на хий’’д̇иаад̣̇и. баж̇ахад̇и зд̇зна, саяам̣ ваа баж̇ахад̇ийд̇и бахаанам̣, н̃аан̣ам̣. д̣̇оманассавасзна б̣яаабаад̣̇анийваран̣ам̣ д̣̇ассид̇ам̣ д̇ад̣̇згадтабхаавад̇о. д̇ассаад̇и нийваран̣абаб̣б̣асса. бахаанагаран̃аан̣анд̇и баж̇аханан̃аан̣ам̣. вибассанаабарамбаранд̇и бадибаадияаа вибассанамааха. самат̇абадибаннанд̇и маж̇жхимасамат̇анимид̇д̇ам̣ бадибаннажид̇д̇ам̣ аж̇жхубзгкад̇и. згад̇о убадтаананд̇и бадибагкавиг̇амзна згабхаавзна убадтаанам̣. сахаж̇аад̇аанам̣ аж̇жхубзгканаа ход̇ийд̇и баг̇г̇аханиг̇г̇ахасамбахам̣санзсу б̣яаабаарасса анаабаж̇ж̇ид̇ад̇д̇аа аарамман̣аанам̣ аж̇жхубзгканаа, ‘‘яад̣̇ад̇т̇и яам̣ бхууд̇ам̣ д̇ам̣ баж̇ахад̇и убзгкам̣ бадилабхад̇ий’’д̇и, звам̣ вуд̇д̇ааж̇жхубзгканаа бавад̇д̇аад̇и бадибаннаа. гзвалам̣ нийваран̣аад̣̇ид̇хаммзд̇и нийваран̣аад̣̇ид̇хаммз зва бахийнз д̣̇исваа, ат̇а ко д̇зсам̣ баж̇аханан̃аан̣амби яаат̇аавад̇о бан̃н̃ааяа д̣̇исваа аж̇жхубзгкид̇аа ход̇и. вуд̇д̇ан̃хзд̇ам̣ бхаг̇авад̇аа ‘‘д̇хаммааби ко, бхигкавз, бахаад̇аб̣б̣аа, баг̇зва ад̇хаммаа’’д̇и (ма. ни. 1.240).
Assāsapassāsanimittanti assāsapassāse nissāya paṭiladdhapaṭibhāganimittaṃ ārammaṇaṃ kiñcāpi karoti; satiñca sampajaññañca upaṭṭhapetvā pavattanato ārammaṇamukhena tadārammaṇassa paṭisaṃviditattā citte cittānupassīyeva nāmesa hoti. Evaṃ cittānupassanāpi satisampajaññabaleneva hotīti āha ‘‘na hī’’tiādi. Pajahati etena, sayaṃ vā pajahatīti pahānaṃ, ñāṇaṃ. Domanassavasena byāpādanīvaraṇaṃ dassitaṃ tadekaṭṭhabhāvato. Tassāti nīvaraṇapabbassa. Pahānakarañāṇanti pajahanañāṇaṃ. Vipassanāparamparanti paṭipāṭiyā vipassanamāha. Samathapaṭipannanti majjhimasamathanimittaṃ paṭipannacittaṃ ajjhupekkhati. Ekato upaṭṭhānanti paṭipakkhavigamena ekabhāvena upaṭṭhānaṃ. Sahajātānaṃ ajjhupekkhanā hotīti paggahaniggahasampahaṃsanesu byāpārassa anāpajjitattā ārammaṇānaṃ ajjhupekkhanā, ‘‘yadatthi yaṃ bhūtaṃ taṃ pajahati upekkhaṃ paṭilabhatī’’ti, evaṃ vuttaajjhupekkhanā pavattāti paṭipannā. Kevalaṃ nīvaraṇādidhammeti nīvaraṇādidhamme eva pahīne disvā, atha kho tesaṃ pajahanañāṇampi yāthāvato paññāya disvā ajjhupekkhitā hoti. Vuttañhetaṃ bhagavatā ‘‘dhammāpi kho, bhikkhave, pahātabbā, pageva adhammā’’ti (ma. ni. 1.240).
150. анижжаад̣̇ивасзна бавижинад̇ийд̇и анижжаад̣̇иббагаарзхи вижинад̇и бассад̇и. нираамисаад̇и гилзсаамисарахид̇аа. гааяигажзд̇асигад̣̇арат̇абадиббассад̣̇д̇хияаад̇и гааяажид̇д̇аанам̣ саад̇хубхаавуубаг̇аманзна вигкамбхид̇ад̇д̇аа. сахаж̇аад̇ад̇хаммаанам̣ згасабхаавзна бавад̇д̇ияаа сахаж̇аад̇ааж̇жхубзгканааяа аж̇жхубзгкид̇аа ход̇и.
150.Aniccādivasenapavicinatīti aniccādippakārehi vicinati passati. Nirāmisāti kilesāmisarahitā. Kāyikacetasikadarathapaṭippassaddhiyāti kāyacittānaṃ sādhubhāvūpagamanena vikkhambhitattā. Sahajātadhammānaṃ ekasabhāvena pavattiyā sahajātaajjhupekkhanāya ajjhupekkhitā hoti.
д̇асмим̣ гааяз бавад̇д̇аа гааяаарамман̣аа сад̇и, буб̣б̣абхааг̇ияо сад̇исамб̣ож̇жхан̇г̇о. зса наяо сзсзсуби. соманассасахаг̇ад̇ажид̇д̇уббаад̣̇авасзна жзд̇ам̣ оггаманам̣ олияанам̣ госаж̇ж̇ам̣, д̇ад̇о ад̇ивад̇д̇анам̣ ад̇ид̇хааванам̣ уд̣̇д̇хажжам̣, д̇ад̣̇убхаяавид̇хураа б̣ож̇жхан̇г̇убзгкаабхууд̇аа аносагганаанад̇ивад̇д̇анасан̇каад̇аа маж̇жхад̇д̇аагаарад̇аа. ид̣̇аани яат̇зва хийд̇иаад̣̇инаа д̇амзва маж̇жхад̇д̇аагаарам̣ убамааяа вибхаавзд̇и. д̇уд̣̇анам̣ ваа бад̇од̣̇зна. аагад̣дханам̣ ваа расминаа. над̇т̇и на гаад̇аб̣б̣ам̣ ад̇т̇и. згажид̇д̇агкан̣игаад̇и згзгасмим̣ жид̇д̇з вибассанаавасзна саха уббаж̇ж̇анагаа. наанаарасалагкан̣аад̇и наанаагижжаа жзва наанаасабхааваа жа.
Tasmiṃ kāye pavattā kāyārammaṇā sati, pubbabhāgiyo satisambojjhaṅgo. Esa nayo sesesupi. Somanassasahagatacittuppādavasena cetaṃ okkamanaṃ oliyanaṃ kosajjaṃ, tato ativattanaṃ atidhāvanaṃ uddhaccaṃ, tadubhayavidhurā bojjhaṅgupekkhābhūtā anosakkanaanativattanasaṅkhātā majjhattākāratā. Idāni yatheva hītiādinā tameva majjhattākāraṃ upamāya vibhāveti. Tudanaṃ vā patodena. Ākaḍḍhanaṃ vā rasminā. Natthi na kātabbaṃ atthi. Ekacittakkhaṇikāti ekekasmiṃ citte vipassanāvasena saha uppajjanakā. Nānārasalakkhaṇāti nānākiccā ceva nānāsabhāvā ca.
152. вуд̇д̇ад̇т̇аанзва саб̣б̣аасавасуд̇д̇аван̣н̣анааяам̣ (ма. ни. адта. 27) аанаабаанаарамман̣аа абараабарам̣ бавад̇д̇асад̇ияо аарамман̣асийсзна д̇ад̣̇аарамман̣аа д̇хаммаа г̇ахид̇аа, д̇аа банзгасанд̇аанз логияажид̇д̇асамбаяуд̇д̇аад̇и логияаа, д̇аа вад̣дхамаанаа логияам̣ жад̇уб̣б̣ид̇хамби сад̇ибадтаанам̣ барибуурзнд̇и. виж̇ж̇аавимуд̇д̇ипаланиб̣б̣аананд̇и вимуд̇д̇ийнам̣ палабхууд̇ам̣ д̇зхиязва взд̣̇ид̇аб̣б̣ам̣ гилзсаниб̣б̣аанам̣, амад̇амахааниб̣б̣аанамзва виж̇ж̇аавимуд̇д̇ийнам̣ ад̇хиг̇амзна ад̇хиг̇анд̇аб̣б̣ад̇ааяа д̇ат̇аа вуд̇д̇ам̣. барибууран̣ан̃жасса аарамман̣ам̣ гад̇ваа амад̇ассаанубхаванамзва. ид̇ха суд̇д̇з логияааби б̣ож̇жхан̇г̇аа гат̇ид̇аа логуд̇д̇араабийд̇и зд̇д̇агам̣ г̇ахзд̇ваа, ‘‘ид̇и логияасса ааг̇ад̇адтаанз логияам̣ гат̇ид̇а’’нд̇и жа ад̇т̇аван̣н̣анаавасзна адтагат̇ааяам̣ гат̇ид̇ам̣. т̇зрод̇и махаад̇хаммарагкид̇ад̇т̇зро. ан̃н̃ад̇т̇а звам̣ ход̇ийд̇и ан̃н̃асмим̣ логияалогуд̇д̇арад̇хаммаанам̣ д̇ад̇т̇а д̇ад̇т̇а вомиссаганаязна ааг̇ад̇асуд̇д̇з звам̣ логияам̣ ааг̇ад̇ам̣, ид̇ха логуд̇д̇арам̣ ааг̇ад̇анд̇и гат̇зд̇аб̣б̣ам̣ ход̇и. логуд̇д̇арам̣ убари ааг̇ад̇анд̇и виж̇ж̇аавимуд̇д̇им̣ барибуурзнд̇ийд̇и звам̣ логуд̇д̇арам̣ убари д̣̇зсанааяам̣ ааг̇ад̇ам̣; д̇асмаа логияаа зва б̣ож̇жхан̇г̇аа виж̇ж̇аавимуд̇д̇и барибууригаа гат̇зд̇аб̣б̣аа логуд̇д̇араанам̣ б̣ож̇жхан̇г̇аанам̣ виж̇ж̇ааг̇ахан̣зна г̇ахид̇ад̇д̇аа, д̇асмаа т̇зрзна вуд̇д̇оязвзд̇т̇а ад̇т̇о г̇ахзд̇аб̣б̣о. сзсам̣ вуд̇д̇анаяад̇д̇аа сувин̃н̃зяяамзва.
152.Vuttatthāneva sabbāsavasuttavaṇṇanāyaṃ (ma. ni. aṭṭha. 27) ānāpānārammaṇā aparāparaṃ pavattasatiyo ārammaṇasīsena tadārammaṇā dhammā gahitā, tā panekasantāne lokiyacittasampayuttāti lokiyā, tā vaḍḍhamānā lokiyaṃ catubbidhampi satipaṭṭhānaṃ paripūrenti. Vijjāvimuttiphalanibbānanti vimuttīnaṃ phalabhūtaṃ tehiyeva veditabbaṃ kilesanibbānaṃ, amatamahānibbānameva vijjāvimuttīnaṃ adhigamena adhigantabbatāya tathā vuttaṃ. Paripūraṇañcassa ārammaṇaṃ katvā amatassānubhavanameva. Idha sutte lokiyāpi bojjhaṅgā kathitā lokuttarāpīti ettakaṃ gahetvā, ‘‘iti lokiyassa āgataṭṭhāne lokiyaṃ kathita’’nti ca atthavaṇṇanāvasena aṭṭhakathāyaṃ kathitaṃ. Theroti mahādhammarakkhitatthero. Aññattha evaṃ hotīti aññasmiṃ lokiyalokuttaradhammānaṃ tattha tattha vomissakanayena āgatasutte evaṃ lokiyaṃ āgataṃ, idha lokuttaraṃ āgatanti kathetabbaṃ hoti. Lokuttaraṃ upari āgatanti vijjāvimuttiṃ paripūrentīti evaṃ lokuttaraṃ upari desanāyaṃ āgataṃ; tasmā lokiyā eva bojjhaṅgā vijjāvimutti paripūrikā kathetabbā lokuttarānaṃ bojjhaṅgānaṃ vijjāgahaṇena gahitattā, tasmā therena vuttoyevettha attho gahetabbo. Sesaṃ vuttanayattā suviññeyyameva.
аанаабаанассад̇исуд̇д̇аван̣н̣анааяа лийнад̇т̇аббагаасанаа самад̇д̇аа.
Ānāpānassatisuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. аанаабаанассад̇исуд̇д̇ам̣ • 8. Ānāpānassatisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. аанаабаанассад̇исуд̇д̇аван̣н̣анаа • 8. Ānāpānassatisuttavaṇṇanā
