| Library / Tipiṭaka / तिपिटक • Tipiṭaka / सारत्थदीपनी-टीका • Sāratthadīpanī-ṭīkā |
अनापत्तिभेदकथावण्णना
Anāpattibhedakathāvaṇṇanā
२२२. अनुल्लपनाधिप्पायस्साति अतिक्कमित्वा अवत्तुकामस्स, ‘‘उत्तरिमनुस्सधम्मो अय’’न्ति असल्लक्खेन्तस्साति अधिप्पायो। सरूपतो पन ‘‘अनापत्ति भिक्खु अनुल्लपनाधिप्पायस्सा’’ति विनीतवत्थूसु तत्थ तत्थ आगतवत्थुवसेन वेदितब्बो। ‘‘उत्तरिमनुस्सधम्मो अय’’न्ति असल्लक्खेत्वा वदन्तोपि वोहारतो अञ्ञं ब्याकरोन्तो नाम होतीति वुत्तं ‘‘अञ्ञं ब्याकरोन्तस्सा’’ति।
222.Anullapanādhippāyassāti atikkamitvā avattukāmassa, ‘‘uttarimanussadhammo aya’’nti asallakkhentassāti adhippāyo. Sarūpato pana ‘‘anāpatti bhikkhu anullapanādhippāyassā’’ti vinītavatthūsu tattha tattha āgatavatthuvasena veditabbo. ‘‘Uttarimanussadhammo aya’’nti asallakkhetvā vadantopi vohārato aññaṃ byākaronto nāma hotīti vuttaṃ ‘‘aññaṃ byākarontassā’’ti.
पदभाजनीयवण्णना निट्ठिता।
Padabhājanīyavaṇṇanā niṭṭhitā.
भायन्तोपीति ‘‘इमस्स मयि नत्थिभावं अञ्ञेपि जानन्ता अत्थि नु खो’’ति भायन्तोपि।
Bhāyantopīti ‘‘imassa mayi natthibhāvaṃ aññepi jānantā atthi nu kho’’ti bhāyantopi.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ४. चतुत्थपाराजिकं • 4. Catutthapārājikaṃ
