| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
අනාපත්‌තිභෙදකථාවණ්‌ණනා
Anāpattibhedakathāvaṇṇanā
222. අනුල්‌ලපනාධිප්‌පායස්‌සාති අතික්‌කමිත්‌වා අවත්‌තුකාමස්‌ස, ‘‘උත්‌තරිමනුස්‌සධම්‌මො අය’’න්‌ති අසල්‌ලක්‌ඛෙන්‌තස්‌සාති අධිප්‌පායො. සරූපතො පන ‘‘අනාපත්‌ති භික්‌ඛු අනුල්‌ලපනාධිප්‌පායස්‌සා’’ති විනීතවත්‌ථූසු තත්‌ථ තත්‌ථ ආගතවත්‌ථුවසෙන වෙදිතබ්‌බො. ‘‘උත්‌තරිමනුස්‌සධම්‌මො අය’’න්‌ති අසල්‌ලක්‌ඛෙත්‌වා වදන්‌තොපි වොහාරතො අඤ්‌ඤං බ්‍යාකරොන්‌තො නාම හොතීති වුත්‌තං ‘‘අඤ්‌ඤං බ්‍යාකරොන්‌තස්‌සා’’ති.
222.Anullapanādhippāyassāti atikkamitvā avattukāmassa, ‘‘uttarimanussadhammo aya’’nti asallakkhentassāti adhippāyo. Sarūpato pana ‘‘anāpatti bhikkhu anullapanādhippāyassā’’ti vinītavatthūsu tattha tattha āgatavatthuvasena veditabbo. ‘‘Uttarimanussadhammo aya’’nti asallakkhetvā vadantopi vohārato aññaṃ byākaronto nāma hotīti vuttaṃ ‘‘aññaṃ byākarontassā’’ti.
පදභාජනීයවණ්‌ණනා නිට්‌ඨිතා.
Padabhājanīyavaṇṇanā niṭṭhitā.
භායන්‌තොපීති ‘‘ඉමස්‌ස මයි නත්‌ථිභාවං අඤ්‌ඤෙපි ජානන්‌තා අත්‌ථි නු ඛො’’ති භායන්‌තොපි.
Bhāyantopīti ‘‘imassa mayi natthibhāvaṃ aññepi jānantā atthi nu kho’’ti bhāyantopi.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 4. චතුත්‌ථපාරාජිකං • 4. Catutthapārājikaṃ
