| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
அனாபத்திபே⁴த³வண்ணனா
Anāpattibhedavaṇṇanā
131. யாய ஸெய்யாய ஸயிதோ காலங் கரோதி, ஸா அனுட்டா²னஸெய்யா நாம. ‘‘சித்தேன பன அதி⁴வாஸேதீ’’தி வுத்தமத்த²ங் விபா⁴வேதுங் ‘‘ந கிஞ்சி வத³தீ’’தி வுத்தங். பாகதிகங் காதுந்தி யத்தகங் க³ஹிதங் பரிபு⁴த்தங் வா, தத்தகங் தா³தப்³ப³ந்தி வுத்தங் ஹோதி.
131. Yāya seyyāya sayito kālaṃ karoti, sā anuṭṭhānaseyyā nāma. ‘‘Cittena pana adhivāsetī’’ti vuttamatthaṃ vibhāvetuṃ ‘‘na kiñci vadatī’’ti vuttaṃ. Pākatikaṃ kātunti yattakaṃ gahitaṃ paribhuttaṃ vā, tattakaṃ dātabbanti vuttaṃ hoti.
படித³ஸ்ஸாமீதி யங் க³ஹிதங், ததே³வ வா அஞ்ஞங் வா தாதி³ஸங் புன த³ஸ்ஸாமீதி அத்தோ². ஸங்க⁴ஸந்தகே ஸங்க⁴ங் அனுஜானாபேதுமஸக்குணெய்யத்தா கஸ்ஸசி வத்து²னோ அனநுஜானிதப்³ப³தோ ச ‘‘ஸங்க⁴ஸந்தகங் பன படிதா³துமேவ வட்டதீ’’தி வுத்தங்.
Paṭidassāmīti yaṃ gahitaṃ, tadeva vā aññaṃ vā tādisaṃ puna dassāmīti attho. Saṅghasantake saṅghaṃ anujānāpetumasakkuṇeyyattā kassaci vatthuno ananujānitabbato ca ‘‘saṅghasantakaṃ pana paṭidātumeva vaṭṭatī’’ti vuttaṃ.
தஸ்மிங்யேவ அத்தபா⁴வே நிப்³ப³த்தாபீதி தஸ்மிங்யேவ மதஸரீரே உப்பன்னாபி. வினீதவத்தூ²ஸு ஸாடகதண்ஹாய தஸ்மிங்யேவ மதஸரீரே நிப்³ப³த்தபேதோ வியாதி த³ட்ட²ப்³ப³ங். ருக்கா²தீ³ஸு லக்³கி³தஸாடகே வத்தப்³ப³மேவ நத்தீ²தி மனுஸ்ஸேஹி அபரிக்³க³ஹிதங் ஸந்தா⁴ய வுத்தங். ஸசே பன தங் ஆரக்க²கேஹி பரிக்³க³ஹிதங் ஹோதி, க³ஹேதுங் ந வட்டதீதி.
Tasmiṃyeva attabhāve nibbattāpīti tasmiṃyeva matasarīre uppannāpi. Vinītavatthūsu sāṭakataṇhāya tasmiṃyeva matasarīre nibbattapeto viyāti daṭṭhabbaṃ. Rukkhādīsu laggitasāṭake vattabbameva natthīti manussehi apariggahitaṃ sandhāya vuttaṃ. Sace pana taṃ ārakkhakehi pariggahitaṃ hoti, gahetuṃ na vaṭṭatīti.
அனாபத்திபே⁴த³வண்ணனா நிட்டி²தா.
Anāpattibhedavaṇṇanā niṭṭhitā.
பத³பா⁴ஜனீயவண்ணனா நிட்டி²தா.
Padabhājanīyavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. து³தியபாராஜிகங் • 2. Dutiyapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 2. து³தியபாராஜிகங் • 2. Dutiyapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அனாபத்திபே⁴த³வண்ணனா • Anāpattibhedavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அனாபத்திபே⁴த³வண்ணனா • Anāpattibhedavaṇṇanā
