| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
анаабад̇д̇ибхзд̣̇аван̣н̣анаа
Anāpattibhedavaṇṇanā
131. на жа г̇ахид̇з ад̇д̇амано ход̇и, д̇асса санд̇агам̣ виссаасаг̇аахзна г̇ахид̇амби буна д̣̇аад̇аб̣б̣анд̇и ид̣̇ам̣ ‘‘д̇зна ко бана самаязна д̣̇вз бхигкуу сахааяагаа хонд̇и. зго г̇аамам̣ бин̣д̣ааяа баависи…бз… анаабад̇д̇и, бхигку, виссаасаг̇г̇аахз’’д̇и (баараа. 146) иминаа асамзнд̇ам̣ вияа д̣̇иссад̇и. зд̇т̇а хи ‘‘со ж̇аанид̇ваа д̇ам̣ жод̣̇зси ассаман̣оси д̇ва’’нд̇и важанзна анад̇д̇аманад̇аа д̣̇ийбид̇аа. буна ‘‘анаабад̇д̇и, бхигку, виссаасаг̇г̇аахз’’д̇и важанзна ад̇д̇аманад̇ааяаби сад̇и виссаасаг̇г̇аахо рухад̇ийд̇и д̣̇ийбид̇анд̇и жз? д̇ам̣ на, ан̃н̃ат̇аа г̇ахзд̇аб̣б̣ад̇т̇ад̇о. аяан̃хзд̇т̇а ад̇т̇о – баарааж̇игаабад̇д̇ияаа анаабад̇д̇и виссаасасан̃н̃ааяа г̇аахз сад̇и, соби бхигку сахааяагад̇д̇аа на гуд̣̇д̇хо жод̣̇зси, бияо зва самаано ‘‘гажжи ассаман̣оси д̇вам̣, г̇ажча, винижчаяам̣ гад̇ваа суд̣̇д̇ханд̇з д̇идтаахий’’д̇и жод̣̇зси. сажзби со гуд̣̇д̇хо зва жод̣̇зяяа, ‘‘анаабад̇д̇ий’’д̇и ид̣̇ам̣ гзвалам̣ баарааж̇игаабхаавам̣ д̣̇ийбзд̇и, на виссаасаг̇г̇аахасид̣̇д̇хам̣. яо бана барисамаж̇жхз лаж̇ж̇ааяа ад̇хиваасзд̇и, на гин̃жи вад̣̇ад̇ийд̇и ад̇т̇о. ‘‘бунавад̇д̇угаамад̇аад̇хиббааяз бана соби бажжаахараабзд̇ум̣ лабхад̇ий’’д̇и вуд̇д̇ам̣. сажз жоро басаяха г̇ахзд̇угаамоби ‘‘ад̇хиваасзт̇а, бханд̇з, ид̇ха мз жийварааний’’д̇и вад̇ваа жийвараани т̇зрзна д̣̇иннаани, ад̣̇иннаани ваа саяам̣ г̇ахзд̇ваа г̇ажчад̇и, т̇зро буна багкам̣ лабхид̇ваа жод̣̇зд̇ум̣ лабхад̇и, буб̣б̣з ад̇хиваасанаа ад̇хиваасанасан̇кяам̣ на г̇ажчад̇и бхаязна д̇ун̣хийбхууд̇ад̇д̇аа, ‘‘яам̣ жийварам̣ ид̇ха саамиго бажжаахараабзд̇ум̣ лабхад̇ий’’д̇и вуд̇д̇ам̣. саамигасса баагад̇игам̣ гаад̇аб̣б̣ам̣, ‘‘ид̣̇ам̣ гира вад̇д̇а’’нд̇и вуд̇д̇ам̣. сажз сан̇гхасса санд̇агам̣ гзнажи бхигкунаа г̇ахид̇ам̣, д̇асса д̇зна сан̇гхасса ваа д̇хаммасса ваа убагаарид̇аа ад̇т̇и, г̇ахид̇аббамаан̣ам̣ абалогзд̇ваа д̣̇аад̇аб̣б̣ам̣. ‘‘со д̇зна яат̇ааг̇ахид̇ам̣ баагад̇игам̣ гад̇ваа анан̣о ход̇и, г̇илаанаад̣̇ийнамби зсзва наяо’’д̇и вуд̇д̇ам̣.
131.Naca gahite attamano hoti, tassa santakaṃ vissāsagāhena gahitampi puna dātabbanti idaṃ ‘‘tena kho pana samayena dve bhikkhū sahāyakā honti. Eko gāmaṃ piṇḍāya pāvisi…pe… anāpatti, bhikkhu, vissāsaggāhe’’ti (pārā. 146) iminā asamentaṃ viya dissati. Ettha hi ‘‘so jānitvā taṃ codesi assamaṇosi tva’’nti vacanena anattamanatā dīpitā. Puna ‘‘anāpatti, bhikkhu, vissāsaggāhe’’ti vacanena attamanatāyapi sati vissāsaggāho ruhatīti dīpitanti ce? Taṃ na, aññathā gahetabbatthato. Ayañhettha attho – pārājikāpattiyā anāpatti vissāsasaññāya gāhe sati, sopi bhikkhu sahāyakattā na kuddho codesi, piyo eva samāno ‘‘kacci assamaṇosi tvaṃ, gaccha, vinicchayaṃ katvā suddhante tiṭṭhāhī’’ti codesi. Sacepi so kuddho eva codeyya, ‘‘anāpattī’’ti idaṃ kevalaṃ pārājikābhāvaṃ dīpeti, na vissāsaggāhasiddhaṃ. Yo pana parisamajjhe lajjāya adhivāseti, na kiñci vadatīti attho. ‘‘Punavattukāmatādhippāye pana sopi paccāharāpetuṃ labhatī’’ti vuttaṃ. Sace coro pasayha gahetukāmopi ‘‘adhivāsetha, bhante, idha me cīvarānī’’ti vatvā cīvarāni therena dinnāni, adinnāni vā sayaṃ gahetvā gacchati, thero puna pakkhaṃ labhitvā codetuṃ labhati, pubbe adhivāsanā adhivāsanasaṅkhyaṃ na gacchati bhayena tuṇhībhūtattā, ‘‘yaṃ cīvaraṃ idha sāmiko paccāharāpetuṃ labhatī’’ti vuttaṃ. Sāmikassa pākatikaṃ kātabbaṃ, ‘‘idaṃ kira vatta’’nti vuttaṃ. Sace saṅghassa santakaṃ kenaci bhikkhunā gahitaṃ, tassa tena saṅghassa vā dhammassa vā upakāritā atthi, gahitappamāṇaṃ apaloketvā dātabbaṃ. ‘‘So tena yathāgahitaṃ pākatikaṃ katvā anaṇo hoti, gilānādīnampi eseva nayo’’ti vuttaṃ.
бад̣̇абхааж̇анийяаван̣н̣анаа нидтид̇аа.
Padabhājanīyavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / анаабад̇д̇ибхзд̣̇аван̣н̣анаа • Anāpattibhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анаабад̇д̇ибхзд̣̇аван̣н̣анаа • Anāpattibhedavaṇṇanā
