| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
အနာပတ္တိဘေဒဝဏ္ဏနာ
Anāpattibhedavaṇṇanā
၁၃၁. ယာယ သေယ္ယာယ သယိတော ကာလံ ကရောတိ, သာ အနုဋ္ဌာနသေယ္ယာ နာမ။ ‘‘စိတ္တေန ပန အဓိဝာသေတီ’’တိ ဝုတ္တမတ္ထံ ဝိဘာဝေတုံ ‘‘န ကိဉ္စိ ဝဒတီ’’တိ ဝုတ္တံ။ ပာကတိကံ ကာတုန္တိ ယတ္တကံ ဂဟိတံ ပရိဘုတ္တံ ဝာ, တတ္တကံ ဒာတဗ္ဗန္တိ ဝုတ္တံ ဟောတိ။
131. Yāya seyyāya sayito kālaṃ karoti, sā anuṭṭhānaseyyā nāma. ‘‘Cittena pana adhivāsetī’’ti vuttamatthaṃ vibhāvetuṃ ‘‘na kiñci vadatī’’ti vuttaṃ. Pākatikaṃ kātunti yattakaṃ gahitaṃ paribhuttaṃ vā, tattakaṃ dātabbanti vuttaṃ hoti.
ပဋိဒသ္သာမီတိ ယံ ဂဟိတံ, တဒေဝ ဝာ အညံ ဝာ တာဒိသံ ပုန ဒသ္သာမီတိ အတ္ထော။ သင္ဃသန္တကေ သင္ဃံ အနုဇာနာပေတုမသက္ကုဏေယ္ယတ္တာ ကသ္သစိ ဝတ္ထုနော အနနုဇာနိတဗ္ဗတော စ ‘‘သင္ဃသန္တကံ ပန ပဋိဒာတုမေဝ ဝဋ္ဋတီ’’တိ ဝုတ္တံ။
Paṭidassāmīti yaṃ gahitaṃ, tadeva vā aññaṃ vā tādisaṃ puna dassāmīti attho. Saṅghasantake saṅghaṃ anujānāpetumasakkuṇeyyattā kassaci vatthuno ananujānitabbato ca ‘‘saṅghasantakaṃ pana paṭidātumeva vaṭṭatī’’ti vuttaṃ.
တသ္မိံယေဝ အတ္တဘာဝေ နိဗ္ဗတ္တာပီတိ တသ္မိံယေဝ မတသရီရေ ဥပ္ပန္နာပိ။ ဝိနီတဝတ္ထူသု သာဋကတဏ္ဟာယ တသ္မိံယေဝ မတသရီရေ နိဗ္ဗတ္တပေတော ဝိယာတိ ဒဋ္ဌဗ္ဗံ။ ရုက္ခာဒီသု လဂ္ဂိတသာဋကေ ဝတ္တဗ္ဗမေဝ နတ္ထီတိ မနုသ္သေဟိ အပရိဂ္ဂဟိတံ သန္ဓာယ ဝုတ္တံ။ သစေ ပန တံ အာရက္ခကေဟိ ပရိဂ္ဂဟိတံ ဟောတိ, ဂဟေတုံ န ဝဋ္ဋတီတိ။
Tasmiṃyeva attabhāve nibbattāpīti tasmiṃyeva matasarīre uppannāpi. Vinītavatthūsu sāṭakataṇhāya tasmiṃyeva matasarīre nibbattapeto viyāti daṭṭhabbaṃ. Rukkhādīsu laggitasāṭake vattabbameva natthīti manussehi apariggahitaṃ sandhāya vuttaṃ. Sace pana taṃ ārakkhakehi pariggahitaṃ hoti, gahetuṃ na vaṭṭatīti.
အနာပတ္တိဘေဒဝဏ္ဏနာ နိဋ္ဌိတာ။
Anāpattibhedavaṇṇanā niṭṭhitā.
ပဒဘာဇနီယဝဏ္ဏနာ နိဋ္ဌိတာ။
Padabhājanīyavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဒုတိယပာရာဇိကံ • 2. Dutiyapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၂. ဒုတိယပာရာဇိကံ • 2. Dutiyapārājikaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အနာပတ္တိဘေဒဝဏ္ဏနာ • Anāpattibhedavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အနာပတ္တိဘေဒဝဏ္ဏနာ • Anāpattibhedavaṇṇanā
