| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
အနာပတ္တိဘေဒဝဏ္ဏနာ
Anāpattibhedavaṇṇanā
၁၃၁. တသ္မိံယေဝ အတ္တဘာဝေ နိဗ္ဗတ္တာတိ တသ္မိံယေဝ မတသရီရေ ပေတတ္တဘာဝေန နိဗ္ဗတ္တာ။ ရုက္ခာဒီသု လဂ္ဂိတသာဋကေ ဝတ္တဗ္ဗမေဝ နတ္ထီတိ မနုသ္သေဟိ အဂောပိတံ သန္ဓာယ ဝုတ္တံ, သစေ ပနေတံ ဒေဝာလယစေတိယရုက္ခာဒီသု နိယုတ္တေဟိ ပုရိသေဟိ ရက္ခိတဂောပိတံ ဟောတိ, ဂဟေတုံ န ဝဋ္ဋတိ။ ထောကေ ခာယိတေ။ပေ.။ ဂဟေတုံ ဝဋ္ဋတီတိ ဣဒံ အဒိန္နာဒာနာဘာဝံ သန္ဓာယ ဝုတ္တံ။ ဇိဃစ္ဆိတပာဏိနာ ခာဒိယမာနမံသသ္သ အစ္ဆိန္ဒိတ္ဝာ ခာဒနံ နာမ ကာရုညဟာနိတော လောလဘာဝတော စ အသာရုပ္ပမေဝ။ တေနေဝ ဟိ အရိယဝံသိကာ အတ္တနော ပတ္တေ ဘတ္တံ ခာဒန္တမ္ပိ သုနခာဒိံ တဇ္ဇေတ္ဝာ န ဝာရေန္တိ, တိရစ္ဆာနာနံ အာမိသဒာနေ ကုသလံ ဝိယ တေသံ အာမိသသ္သ အစ္ဆိန္ဒနေပိ အကုသလမေဝာတိ ဂဟေတဗ္ဗံ, တေနေဝ ဝက္ခတိ ‘‘ပရာနုဒ္ဒယတာယ စ န ဂဟေတဗ္ဗ’’န္တိ (ပာရာ. အဋ္ဌ. ၁.၁၄၀)။
131.Tasmiṃyevaattabhāve nibbattāti tasmiṃyeva matasarīre petattabhāvena nibbattā. Rukkhādīsu laggitasāṭake vattabbameva natthīti manussehi agopitaṃ sandhāya vuttaṃ, sace panetaṃ devālayacetiyarukkhādīsu niyuttehi purisehi rakkhitagopitaṃ hoti, gahetuṃ na vaṭṭati. Thoke khāyite…pe… gahetuṃ vaṭṭatīti idaṃ adinnādānābhāvaṃ sandhāya vuttaṃ. Jighacchitapāṇinā khādiyamānamaṃsassa acchinditvā khādanaṃ nāma kāruññahānito lolabhāvato ca asāruppameva. Teneva hi ariyavaṃsikā attano patte bhattaṃ khādantampi sunakhādiṃ tajjetvā na vārenti, tiracchānānaṃ āmisadāne kusalaṃ viya tesaṃ āmisassa acchindanepi akusalamevāti gahetabbaṃ, teneva vakkhati ‘‘parānuddayatāya ca na gahetabba’’nti (pārā. aṭṭha. 1.140).
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဒုတိယပာရာဇိကံ • 2. Dutiyapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၂. ဒုတိယပာရာဇိကံ • 2. Dutiyapārājikaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အနာပတ္တိဘေဒဝဏ္ဏနာ • Anāpattibhedavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အနာပတ္တိဘေဒဝဏ္ဏနာ • Anāpattibhedavaṇṇanā
