| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
ཨནཱཔཏྟིབྷེདཝཎྞནཱ
Anāpattibhedavaṇṇanā
༡༣༡. ཡཱཡ སེཡྻཱཡ སཡིཏོ ཀཱལཾ ཀརོཏི, སཱ ཨནུཊྛཱནསེཡྻཱ ནཱམ། ‘‘ཙིཏྟེན པན ཨདྷིཝཱསེཏཱི’’ཏི ཝུཏྟམཏྠཾ ཝིབྷཱཝེཏུཾ ‘‘ན ཀིཉྩི ཝདཏཱི’’ཏི ཝུཏྟཾ། པཱཀཏིཀཾ ཀཱཏུནྟི ཡཏྟཀཾ གཧིཏཾ པརིབྷུཏྟཾ ཝཱ, ཏཏྟཀཾ དཱཏབྦནྟི ཝུཏྟཾ ཧོཏི།
131. Yāya seyyāya sayito kālaṃ karoti, sā anuṭṭhānaseyyā nāma. ‘‘Cittena pana adhivāsetī’’ti vuttamatthaṃ vibhāvetuṃ ‘‘na kiñci vadatī’’ti vuttaṃ. Pākatikaṃ kātunti yattakaṃ gahitaṃ paribhuttaṃ vā, tattakaṃ dātabbanti vuttaṃ hoti.
པཊིདསྶཱམཱིཏི ཡཾ གཧིཏཾ, ཏདེཝ ཝཱ ཨཉྙཾ ཝཱ ཏཱདིསཾ པུན དསྶཱམཱིཏི ཨཏྠོ། སངྒྷསནྟཀེ སངྒྷཾ ཨནུཛཱནཱཔེཏུམསཀྐུཎེཡྻཏྟཱ ཀསྶཙི ཝཏྠུནོ ཨནནུཛཱནིཏབྦཏོ ཙ ‘‘སངྒྷསནྟཀཾ པན པཊིདཱཏུམེཝ ཝཊྚཏཱི’’ཏི ཝུཏྟཾ།
Paṭidassāmīti yaṃ gahitaṃ, tadeva vā aññaṃ vā tādisaṃ puna dassāmīti attho. Saṅghasantake saṅghaṃ anujānāpetumasakkuṇeyyattā kassaci vatthuno ananujānitabbato ca ‘‘saṅghasantakaṃ pana paṭidātumeva vaṭṭatī’’ti vuttaṃ.
ཏསྨིཾཡེཝ ཨཏྟབྷཱཝེ ནིབྦཏྟཱཔཱིཏི ཏསྨིཾཡེཝ མཏསརཱིརེ ཨུཔྤནྣཱཔི། ཝིནཱིཏཝཏྠཱུསུ སཱཊཀཏཎྷཱཡ ཏསྨིཾཡེཝ མཏསརཱིརེ ནིབྦཏྟཔེཏོ ཝིཡཱཏི དཊྛབྦཾ། རུཀྑཱདཱིསུ ལགྒིཏསཱཊཀེ ཝཏྟབྦམེཝ ནཏྠཱིཏི མནུསྶེཧི ཨཔརིགྒཧིཏཾ སནྡྷཱཡ ཝུཏྟཾ། སཙེ པན ཏཾ ཨཱརཀྑཀེཧི པརིགྒཧིཏཾ ཧོཏི, གཧེཏུཾ ན ཝཊྚཏཱིཏི།
Tasmiṃyeva attabhāve nibbattāpīti tasmiṃyeva matasarīre uppannāpi. Vinītavatthūsu sāṭakataṇhāya tasmiṃyeva matasarīre nibbattapeto viyāti daṭṭhabbaṃ. Rukkhādīsu laggitasāṭake vattabbameva natthīti manussehi apariggahitaṃ sandhāya vuttaṃ. Sace pana taṃ ārakkhakehi pariggahitaṃ hoti, gahetuṃ na vaṭṭatīti.
ཨནཱཔཏྟིབྷེདཝཎྞནཱ ནིཊྛིཏཱ།
Anāpattibhedavaṇṇanā niṭṭhitā.
པདབྷཱཛནཱིཡཝཎྞནཱ ནིཊྛིཏཱ།
Padabhājanīyavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༢. དུཏིཡཔཱརཱཛིཀཾ • 2. Dutiyapārājikaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༢. དུཏིཡཔཱརཱཛིཀཾ • 2. Dutiyapārājikaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨནཱཔཏྟིབྷེདཝཎྞནཱ • Anāpattibhedavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨནཱཔཏྟིབྷེདཝཎྞནཱ • Anāpattibhedavaṇṇanā
