| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
95. அனாபத்திபன்னரஸகாதி³கதா²
95. Anāpattipannarasakādikathā
172. தே ந ஜானிங்ஸூதி எத்த² ஜானநாகாரத³ஸ்ஸனத்த²ங் ‘‘ஸீமங் ஓக்கந்தாதி வா ஓக்கமந்தீதி வா’’தி வுத்தங். ஓக்கந்தாதி வாதி பவிஸித்த² இதி வா. தேஸந்தி சதுன்னங் வா அதிரேகானங் வா பி⁴க்கூ²னங். வக்³கா³ ஸமக்³க³ஸஞ்ஞினோதி எத்த² கஸ்மா வக்³கா³, கஸ்மா ஸமக்³க³ஸஞ்ஞினோதி ஆஹ ‘‘தேஸ’’ந்திஆதி³. தத்த² தேஸந்தி அஞ்ஞேஸங் பி⁴க்கூ²னங். ஸீமங் ஓக்கந்தத்தாதி ஸீமங் பவிஸிதத்தா, வக்³கா³ ஹுத்வாதி ஸம்ப³ந்தோ⁴. ஸமக்³கோ³ இதி ஸஞ்ஞா ஸமக்³க³ஸஞ்ஞா, ஸா ஏதேஸமத்தீ²தி ஸமக்³க³ஸஞ்ஞினோ.
172.Tena jāniṃsūti ettha jānanākāradassanatthaṃ ‘‘sīmaṃ okkantāti vā okkamantīti vā’’ti vuttaṃ. Okkantāti vāti pavisittha iti vā. Tesanti catunnaṃ vā atirekānaṃ vā bhikkhūnaṃ. Vaggā samaggasaññinoti ettha kasmā vaggā, kasmā samaggasaññinoti āha ‘‘tesa’’ntiādi. Tattha tesanti aññesaṃ bhikkhūnaṃ. Sīmaṃ okkantattāti sīmaṃ pavisitattā, vaggā hutvāti sambandho. Samaggo iti saññā samaggasaññā, sā etesamatthīti samaggasaññino.
175. குக்குச்சபகதாதி பத³ஸ்ஸ ‘‘இச்சா²பகதோ’’தி பதே³ன ஸமானபா⁴வங் த³ஸ்ஸேதுங் வுத்தங் ‘‘யதா²’’திஆதி³. புப்³ப³பா⁴கே³தி உபோஸத²கம்மதோ புப்³ப³பா⁴கே³. ஸன்னிட்டா²னங் கத்வாபீதி கப்பதேவாதி ஸன்னிட்டா²னங் கத்வாபி. ‘‘அபி⁴பூ⁴தா’’தி இமினா பகதாதி எத்த² பபுப்³ப³கரதா⁴துயா உபஸக்³க³வஸேன அபி⁴ப⁴வனத்த²ங் த³ஸ்ஸேதி.
175.Kukkuccapakatāti padassa ‘‘icchāpakato’’ti padena samānabhāvaṃ dassetuṃ vuttaṃ ‘‘yathā’’tiādi. Pubbabhāgeti uposathakammato pubbabhāge. Sanniṭṭhānaṃ katvāpīti kappatevāti sanniṭṭhānaṃ katvāpi. ‘‘Abhibhūtā’’ti iminā pakatāti ettha papubbakaradhātuyā upasaggavasena abhibhavanatthaṃ dasseti.
176. யதா² ஹெட்டா² வக்³கா³வக்³க³ஸஞ்ஞீபன்னரஸகாதீ³ஸு து³க்கடங் வுத்தங், ஏவமகத்வா கஸ்மா ‘‘து²ல்லச்சய’’ந்தி ஆஹ ‘‘அகுஸலப³லவதாயா’’தி.
176. Yathā heṭṭhā vaggāvaggasaññīpannarasakādīsu dukkaṭaṃ vuttaṃ, evamakatvā kasmā ‘‘thullaccaya’’nti āha ‘‘akusalabalavatāyā’’ti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
95. அனாபத்திபன்னரஸகங் • 95. Anāpattipannarasakaṃ
98. குக்குச்சபகதபன்னரஸகங் • 98. Kukkuccapakatapannarasakaṃ
99. பே⁴த³புரெக்கா²ரபன்னரஸகங் • 99. Bhedapurekkhārapannarasakaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / அனாபத்திபன்னரஸகாதி³கதா² • Anāpattipannarasakādikathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அனாபத்திபன்னரஸகாதி³கதா²வண்ணனா • Anāpattipannarasakādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அனாபத்திபன்னரஸகாதி³கதா²வண்ணனா • Anāpattipannarasakādikathāvaṇṇanā
