| Library / Tipiṭaka / তিপিটক • Tipiṭaka / মহাৰগ্গ-অট্ঠকথা • Mahāvagga-aṭṭhakathā |
অনাপত্তিপন্নরসকাদিকথা
Anāpattipannarasakādikathā
১৭২. অনাপত্তিপন্নরসকে – তে ন জানিংসূতি সীমং ওক্কন্তাতি ৰা ওক্কমন্তীতি ৰাতি ন জানিংসু। অথঞ্ঞে আৰাসিকা ভিক্খূ আগচ্ছন্তীতি গামং ৰা অরঞ্ঞং ৰা কেনচি করণীযেন গন্ত্ৰা তেসং নিসিন্নট্ঠানং আগচ্ছন্তি। ৰগ্গা সমগ্গসঞ্ঞিনোতি তেসং সীমং ওক্কন্তত্তা ৰগ্গা; সীমং ওক্কন্তভাৰস্স অজাননতো সমগ্গসঞ্ঞিনো।
172. Anāpattipannarasake – te na jāniṃsūti sīmaṃ okkantāti vā okkamantīti vāti na jāniṃsu. Athaññe āvāsikā bhikkhū āgacchantīti gāmaṃ vā araññaṃ vā kenaci karaṇīyena gantvā tesaṃ nisinnaṭṭhānaṃ āgacchanti. Vaggā samaggasaññinoti tesaṃ sīmaṃ okkantattā vaggā; sīmaṃ okkantabhāvassa ajānanato samaggasaññino.
১৭৩. ৰগ্গাৰগ্গসঞ্ঞিপন্নরসকে – তে জানন্তীতি পব্বতে ৰা থলে ৰা ঠিতা সীমং ওক্কন্তে ৰা ওক্কমন্তে ৰা পস্সন্তি। ৰেমতিকপন্নরসকং উত্তানমেৰ।
173. Vaggāvaggasaññipannarasake – te jānantīti pabbate vā thale vā ṭhitā sīmaṃ okkante vā okkamante vā passanti. Vematikapannarasakaṃ uttānameva.
১৭৫. কুক্কুচ্চপকতপন্নরসকে – যথা ইচ্ছায অভিভূতো ‘‘ইচ্ছাপকতো’’তি ৰুচ্চতি, এৰং পুব্বভাগে সন্নিট্ঠানং কত্ৰাপি করণক্খণে অকপ্পিযে অকপ্পিযসঞ্ঞিতাসঙ্খাতেন কুক্কুচ্চেন অভিভূতা ‘‘কুক্কুচ্চপকতা’’তি ৰেদিতব্বা।
175. Kukkuccapakatapannarasake – yathā icchāya abhibhūto ‘‘icchāpakato’’ti vuccati, evaṃ pubbabhāge sanniṭṭhānaṃ katvāpi karaṇakkhaṇe akappiye akappiyasaññitāsaṅkhātena kukkuccena abhibhūtā ‘‘kukkuccapakatā’’ti veditabbā.
১৭৬. ভেদপুরেক্খারপন্নরসকে – অকুসলবলৰতায থুল্লচ্চযং ৰুত্তং।
176. Bhedapurekkhārapannarasake – akusalabalavatāya thullaccayaṃ vuttaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
৯৫. অনাপত্তিপন্নরসকং • 95. Anāpattipannarasakaṃ
৯৬. ৰগ্গাৰগ্গসঞ্ঞীপন্নরসকং • 96. Vaggāvaggasaññīpannarasakaṃ
৯৮. কুক্কুচ্চপকতপন্নরসকং • 98. Kukkuccapakatapannarasakaṃ
৯৯. ভেদপুরেক্খারপন্নরসকং • 99. Bhedapurekkhārapannarasakaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অনাপত্তিপন্নরসকাদিকথাৰণ্ণনা • Anāpattipannarasakādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অনাপত্তিপন্নরসকাদিকথাৰণ্ণনা • Anāpattipannarasakādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৯৫. অনাপত্তিপন্নরসকাদিকথা • 95. Anāpattipannarasakādikathā
