| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
९५. अनापत्तिपन्नरसकादिकथा
95. Anāpattipannarasakādikathā
१७२. ते न जानिंसूति एत्थ जाननाकारदस्सनत्थं ‘‘सीमं ओक्कन्ताति वा ओक्कमन्तीति वा’’ति वुत्तं। ओक्कन्ताति वाति पविसित्थ इति वा। तेसन्ति चतुन्नं वा अतिरेकानं वा भिक्खूनं। वग्गा समग्गसञ्ञिनोति एत्थ कस्मा वग्गा, कस्मा समग्गसञ्ञिनोति आह ‘‘तेस’’न्तिआदि। तत्थ तेसन्ति अञ्ञेसं भिक्खूनं। सीमं ओक्कन्तत्ताति सीमं पविसितत्ता, वग्गा हुत्वाति सम्बन्धो। समग्गो इति सञ्ञा समग्गसञ्ञा, सा एतेसमत्थीति समग्गसञ्ञिनो।
172.Tena jāniṃsūti ettha jānanākāradassanatthaṃ ‘‘sīmaṃ okkantāti vā okkamantīti vā’’ti vuttaṃ. Okkantāti vāti pavisittha iti vā. Tesanti catunnaṃ vā atirekānaṃ vā bhikkhūnaṃ. Vaggā samaggasaññinoti ettha kasmā vaggā, kasmā samaggasaññinoti āha ‘‘tesa’’ntiādi. Tattha tesanti aññesaṃ bhikkhūnaṃ. Sīmaṃ okkantattāti sīmaṃ pavisitattā, vaggā hutvāti sambandho. Samaggo iti saññā samaggasaññā, sā etesamatthīti samaggasaññino.
१७५. कुक्कुच्चपकताति पदस्स ‘‘इच्छापकतो’’ति पदेन समानभावं दस्सेतुं वुत्तं ‘‘यथा’’तिआदि। पुब्बभागेति उपोसथकम्मतो पुब्बभागे। सन्निट्ठानं कत्वापीति कप्पतेवाति सन्निट्ठानं कत्वापि। ‘‘अभिभूता’’ति इमिना पकताति एत्थ पपुब्बकरधातुया उपसग्गवसेन अभिभवनत्थं दस्सेति।
175.Kukkuccapakatāti padassa ‘‘icchāpakato’’ti padena samānabhāvaṃ dassetuṃ vuttaṃ ‘‘yathā’’tiādi. Pubbabhāgeti uposathakammato pubbabhāge. Sanniṭṭhānaṃ katvāpīti kappatevāti sanniṭṭhānaṃ katvāpi. ‘‘Abhibhūtā’’ti iminā pakatāti ettha papubbakaradhātuyā upasaggavasena abhibhavanatthaṃ dasseti.
१७६. यथा हेट्ठा वग्गावग्गसञ्ञीपन्नरसकादीसु दुक्कटं वुत्तं, एवमकत्वा कस्मा ‘‘थुल्लच्चय’’न्ति आह ‘‘अकुसलबलवताया’’ति।
176. Yathā heṭṭhā vaggāvaggasaññīpannarasakādīsu dukkaṭaṃ vuttaṃ, evamakatvā kasmā ‘‘thullaccaya’’nti āha ‘‘akusalabalavatāyā’’ti.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi
९५. अनापत्तिपन्नरसकं • 95. Anāpattipannarasakaṃ
९८. कुक्कुच्चपकतपन्नरसकं • 98. Kukkuccapakatapannarasakaṃ
९९. भेदपुरेक्खारपन्नरसकं • 99. Bhedapurekkhārapannarasakaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महावग्ग-अट्ठकथा • Mahāvagga-aṭṭhakathā / अनापत्तिपन्नरसकादिकथा • Anāpattipannarasakādikathā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / अनापत्तिपन्नरसकादिकथावण्णना • Anāpattipannarasakādikathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / अनापत्तिपन्नरसकादिकथावण्णना • Anāpattipannarasakādikathāvaṇṇanā
