| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๙๕. อนาปตฺติปนฺนรสกาทิกถา
95. Anāpattipannarasakādikathā
๑๗๒. เต น ชานิํสูติ เอตฺถ ชานนาการทสฺสนตฺถํ ‘‘สีมํ โอกฺกนฺตาติ วา โอกฺกมนฺตีติ วา’’ติ วุตฺตํฯ โอกฺกนฺตาติ วาติ ปวิสิตฺถ อิติ วาฯ เตสนฺติ จตุนฺนํ วา อติเรกานํ วา ภิกฺขูนํฯ วคฺคา สมคฺคสญฺญิโนติ เอตฺถ กสฺมา วคฺคา, กสฺมา สมคฺคสญฺญิโนติ อาห ‘‘เตส’’นฺติอาทิฯ ตตฺถ เตสนฺติ อเญฺญสํ ภิกฺขูนํฯ สีมํ โอกฺกนฺตตฺตาติ สีมํ ปวิสิตตฺตา, วคฺคา หุตฺวาติ สมฺพโนฺธฯ สมโคฺค อิติ สญฺญา สมคฺคสญฺญา, สา เอเตสมตฺถีติ สมคฺคสญฺญิโนฯ
172.Tena jāniṃsūti ettha jānanākāradassanatthaṃ ‘‘sīmaṃ okkantāti vā okkamantīti vā’’ti vuttaṃ. Okkantāti vāti pavisittha iti vā. Tesanti catunnaṃ vā atirekānaṃ vā bhikkhūnaṃ. Vaggā samaggasaññinoti ettha kasmā vaggā, kasmā samaggasaññinoti āha ‘‘tesa’’ntiādi. Tattha tesanti aññesaṃ bhikkhūnaṃ. Sīmaṃ okkantattāti sīmaṃ pavisitattā, vaggā hutvāti sambandho. Samaggo iti saññā samaggasaññā, sā etesamatthīti samaggasaññino.
๑๗๕. กุกฺกุจฺจปกตาติ ปทสฺส ‘‘อิจฺฉาปกโต’’ติ ปเทน สมานภาวํ ทเสฺสตุํ วุตฺตํ ‘‘ยถา’’ติอาทิฯ ปุพฺพภาเคติ อุโปสถกมฺมโต ปุพฺพภาเคฯ สนฺนิฎฺฐานํ กตฺวาปีติ กปฺปเตวาติ สนฺนิฎฺฐานํ กตฺวาปิฯ ‘‘อภิภูตา’’ติ อิมินา ปกตาติ เอตฺถ ปปุพฺพกรธาตุยา อุปสคฺควเสน อภิภวนตฺถํ ทเสฺสติฯ
175.Kukkuccapakatāti padassa ‘‘icchāpakato’’ti padena samānabhāvaṃ dassetuṃ vuttaṃ ‘‘yathā’’tiādi. Pubbabhāgeti uposathakammato pubbabhāge. Sanniṭṭhānaṃ katvāpīti kappatevāti sanniṭṭhānaṃ katvāpi. ‘‘Abhibhūtā’’ti iminā pakatāti ettha papubbakaradhātuyā upasaggavasena abhibhavanatthaṃ dasseti.
๑๗๖. ยถา เหฎฺฐา วคฺคาวคฺคสญฺญีปนฺนรสกาทีสุ ทุกฺกฎํ วุตฺตํ, เอวมกตฺวา กสฺมา ‘‘ถุลฺลจฺจย’’นฺติ อาห ‘‘อกุสลพลวตายา’’ติฯ
176. Yathā heṭṭhā vaggāvaggasaññīpannarasakādīsu dukkaṭaṃ vuttaṃ, evamakatvā kasmā ‘‘thullaccaya’’nti āha ‘‘akusalabalavatāyā’’ti.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๙๕. อนาปตฺติปนฺนรสกํ • 95. Anāpattipannarasakaṃ
๙๘. กุกฺกุจฺจปกตปนฺนรสกํ • 98. Kukkuccapakatapannarasakaṃ
๙๙. เภทปุเรกฺขารปนฺนรสกํ • 99. Bhedapurekkhārapannarasakaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / อนาปตฺติปนฺนรสกาทิกถา • Anāpattipannarasakādikathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / อนาปตฺติปนฺนรสกาทิกถาวณฺณนา • Anāpattipannarasakādikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / อนาปตฺติปนฺนรสกาทิกถาวณฺณนา • Anāpattipannarasakādikathāvaṇṇanā
