| Library / Tipiṭaka / တိပိဋက • Tipiṭaka / မဟာဝဂ္ဂ-အဋ္ဌကထာ • Mahāvagga-aṭṭhakathā |
အနာပတ္တိပန္နရသကာဒိကထာ
Anāpattipannarasakādikathā
၁၇၂. အနာပတ္တိပန္နရသကေ – တေ န ဇာနိံသူတိ သီမံ ဩက္ကန္တာတိ ဝာ ဩက္ကမန္တီတိ ဝာတိ န ဇာနိံသု။ အထညေ အာဝာသိကာ ဘိက္ခူ အာဂစ္ဆန္တီတိ ဂာမံ ဝာ အရညံ ဝာ ကေနစိ ကရဏီယေန ဂန္တ္ဝာ တေသံ နိသိန္နဋ္ဌာနံ အာဂစ္ဆန္တိ။ ဝဂ္ဂာ သမဂ္ဂသညိနောတိ တေသံ သီမံ ဩက္ကန္တတ္တာ ဝဂ္ဂာ; သီမံ ဩက္ကန္တဘာဝသ္သ အဇာနနတော သမဂ္ဂသညိနော။
172. Anāpattipannarasake – te na jāniṃsūti sīmaṃ okkantāti vā okkamantīti vāti na jāniṃsu. Athaññe āvāsikā bhikkhū āgacchantīti gāmaṃ vā araññaṃ vā kenaci karaṇīyena gantvā tesaṃ nisinnaṭṭhānaṃ āgacchanti. Vaggā samaggasaññinoti tesaṃ sīmaṃ okkantattā vaggā; sīmaṃ okkantabhāvassa ajānanato samaggasaññino.
၁၇၃. ဝဂ္ဂာဝဂ္ဂသညိပန္နရသကေ – တေ ဇာနန္တီတိ ပဗ္ဗတေ ဝာ ထလေ ဝာ ဌိတာ သီမံ ဩက္ကန္တေ ဝာ ဩက္ကမန္တေ ဝာ ပသ္သန္တိ။ ဝေမတိကပန္နရသကံ ဥတ္တာနမေဝ။
173. Vaggāvaggasaññipannarasake – te jānantīti pabbate vā thale vā ṭhitā sīmaṃ okkante vā okkamante vā passanti. Vematikapannarasakaṃ uttānameva.
၁၇၅. ကုက္ကုစ္စပကတပန္နရသကေ – ယထာ ဣစ္ဆာယ အဘိဘူတော ‘‘ဣစ္ဆာပကတော’’တိ ဝုစ္စတိ, ဧဝံ ပုဗ္ဗဘာဂေ သန္နိဋ္ဌာနံ ကတ္ဝာပိ ကရဏက္ခဏေ အကပ္ပိယေ အကပ္ပိယသညိတာသင္ခာတေန ကုက္ကုစ္စေန အဘိဘူတာ ‘‘ကုက္ကုစ္စပကတာ’’တိ ဝေဒိတဗ္ဗာ။
175. Kukkuccapakatapannarasake – yathā icchāya abhibhūto ‘‘icchāpakato’’ti vuccati, evaṃ pubbabhāge sanniṭṭhānaṃ katvāpi karaṇakkhaṇe akappiye akappiyasaññitāsaṅkhātena kukkuccena abhibhūtā ‘‘kukkuccapakatā’’ti veditabbā.
၁၇၆. ဘေဒပုရေက္ခာရပန္နရသကေ – အကုသလဗလဝတာယ ထုလ္လစ္စယံ ဝုတ္တံ။
176. Bhedapurekkhārapannarasake – akusalabalavatāya thullaccayaṃ vuttaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၉၅. အနာပတ္တိပန္နရသကံ • 95. Anāpattipannarasakaṃ
၉၆. ဝဂ္ဂာဝဂ္ဂသညီပန္နရသကံ • 96. Vaggāvaggasaññīpannarasakaṃ
၉၈. ကုက္ကုစ္စပကတပန္နရသကံ • 98. Kukkuccapakatapannarasakaṃ
၉၉. ဘေဒပုရေက္ခာရပန္နရသကံ • 99. Bhedapurekkhārapannarasakaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အနာပတ္တိပန္နရသကာဒိကထာဝဏ္ဏနာ • Anāpattipannarasakādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အနာပတ္တိပန္နရသကာဒိကထာဝဏ္ဏနာ • Anāpattipannarasakādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၉၅. အနာပတ္တိပန္နရသကာဒိကထာ • 95. Anāpattipannarasakādikathā
