| Library / Tipiṭaka / තිපිටක • Tipiṭaka / මහාවග්‌ග-අට්‌ඨකථා • Mahāvagga-aṭṭhakathā |
අනාපත්‌තිපන්‌නරසකාදිකථා
Anāpattipannarasakādikathā
172. අනාපත්‌තිපන්‌නරසකෙ – තෙ න ජානිංසූති සීමං ඔක්‌කන්‌තාති වා ඔක්‌කමන්‌තීති වාති න ජානිංසු. අථඤ්‌ඤෙ ආවාසිකා භික්‌ඛූ ආගච්‌ඡන්‌තීති ගාමං වා අරඤ්‌ඤං වා කෙනචි කරණීයෙන ගන්‌ත්‌වා තෙසං නිසින්‌නට්‌ඨානං ආගච්‌ඡන්‌ති. වග්‌ගා සමග්‌ගසඤ්‌ඤිනොති තෙසං සීමං ඔක්‌කන්‌තත්‌තා වග්‌ගා; සීමං ඔක්‌කන්‌තභාවස්‌ස අජානනතො සමග්‌ගසඤ්‌ඤිනො.
172. Anāpattipannarasake – te na jāniṃsūti sīmaṃ okkantāti vā okkamantīti vāti na jāniṃsu. Athaññe āvāsikā bhikkhū āgacchantīti gāmaṃ vā araññaṃ vā kenaci karaṇīyena gantvā tesaṃ nisinnaṭṭhānaṃ āgacchanti. Vaggā samaggasaññinoti tesaṃ sīmaṃ okkantattā vaggā; sīmaṃ okkantabhāvassa ajānanato samaggasaññino.
173. වග්‌ගාවග්‌ගසඤ්‌ඤිපන්‌නරසකෙ – තෙ ජානන්‌තීති පබ්‌බතෙ වා ථලෙ වා ඨිතා සීමං ඔක්‌කන්‌තෙ වා ඔක්‌කමන්‌තෙ වා පස්‌සන්‌ති. වෙමතිකපන්‌නරසකං උත්‌තානමෙව.
173. Vaggāvaggasaññipannarasake – te jānantīti pabbate vā thale vā ṭhitā sīmaṃ okkante vā okkamante vā passanti. Vematikapannarasakaṃ uttānameva.
175. කුක්‌කුච්‌චපකතපන්‌නරසකෙ – යථා ඉච්‌ඡාය අභිභූතො ‘‘ඉච්‌ඡාපකතො’’ති වුච්‌චති, එවං පුබ්‌බභාගෙ සන්‌නිට්‌ඨානං කත්‌වාපි කරණක්‌ඛණෙ අකප්‌පියෙ අකප්‌පියසඤ්‌ඤිතාසඞ්‌ඛාතෙන කුක්‌කුච්‌චෙන අභිභූතා ‘‘කුක්‌කුච්‌චපකතා’’ති වෙදිතබ්‌බා.
175. Kukkuccapakatapannarasake – yathā icchāya abhibhūto ‘‘icchāpakato’’ti vuccati, evaṃ pubbabhāge sanniṭṭhānaṃ katvāpi karaṇakkhaṇe akappiye akappiyasaññitāsaṅkhātena kukkuccena abhibhūtā ‘‘kukkuccapakatā’’ti veditabbā.
176. භෙදපුරෙක්‌ඛාරපන්‌නරසකෙ – අකුසලබලවතාය ථුල්‌ලච්‌චයං වුත්‌තං.
176. Bhedapurekkhārapannarasake – akusalabalavatāya thullaccayaṃ vuttaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
95. අනාපත්‌තිපන්‌නරසකං • 95. Anāpattipannarasakaṃ
96. වග්‌ගාවග්‌ගසඤ්‌ඤීපන්‌නරසකං • 96. Vaggāvaggasaññīpannarasakaṃ
98. කුක්‌කුච්‌චපකතපන්‌නරසකං • 98. Kukkuccapakatapannarasakaṃ
99. භෙදපුරෙක්‌ඛාරපන්‌නරසකං • 99. Bhedapurekkhārapannarasakaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අනාපත්‌තිපන්‌නරසකාදිකථාවණ්‌ණනා • Anāpattipannarasakādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අනාපත්‌තිපන්‌නරසකාදිකථාවණ්‌ණනා • Anāpattipannarasakādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 95. අනාපත්‌තිපන්‌නරසකාදිකථා • 95. Anāpattipannarasakādikathā
